تحذير هام

[عصام أبوالفتح]

السلام عليكم اخوانى واخواتى

اود ان احذر بشدة من تراكم رموز الفساد فى سجن طره و مطلوب تأمين السجن بقوات من اسلحة مختلفة للجيش اضافة الى الصاعقة الموجودة ..

كنت اتمنى تفريقهم بين سجون مصر حتى لا يشكل تجمعهم اى خطر محتمل ..

والان بعد ان تجمعوا بالفعل فى مكان واحد .. لابد من وضع قوات هائلة لتأمين السجن من اى محاولة داخلية او خارجية لتهريبهم ..

كذلك لابد من نقل السجناء العاديين الى سجون اخرى لتقليل مخاطر التامر الداخلى للهرب.

ارجو منكم نشر التحذير وتوجيهه للقنوات الاعلامية الرسمية

تحياتى

[aimen]

http://www.youtube.com/watch?v=w0Xa8AS56oE

[التونسى]

أو تحدث ((مذبحة قلعة )) أخرى .. ويطلق عليها ((مذبحة طره)) :closedeyes:

يعنى ....الاجواء الغير طبيعيه دى ..بتفرز فى عقل الواحد خيالات ..و شطحات غريبه.. لكن كل شئ جايز .. رغم اننى أثق فى تأمين هذا السجن

[م تيمور المراغي]

http://www.youtube.com/watch?v=w0Xa8AS56oE

ايه المسجون الفيلسوف ده !

ده بيتكلم احسن مني ومنك ههههههههه

تسلم يا ايمن رصيدي من النقط خلص للاسف :happy:

[عصام أبوالفتح]

100 ج فى اليوم خدمة لعلية القوم فى السجن .. ياترى هايدفعوا كام مقابل احداث شغب

وارد جدا يوم 25 ابريل يحصل حاجة من جوه السجن او من خارجه ... الناس دى ليس لديها ما تخسره

[عبير يونس]

السلام عليكم اخوانى واخواتى

اود ان احذر بشدة من تراكم رموز الفساد فى سجن طره و مطلوب تأمين السجن بقوات من اسلحة مختلفة للجيش اضافة الى الصاعقة الموجودة ..

كنت اتمنى تفريقهم بين سجون مصر حتى لا يشكل تجمعهم اى خطر محتمل ..

والان بعد ان تجمعوا بالفعل فى مكان واحد .. لابد من وضع قوات هائلة لتأمين السجن من اى محاولة داخلية او خارجية لتهريبهم ..

كذلك لابد من نقل السجناء العاديين الى سجون اخرى لتقليل مخاطر التامر الداخلى للهرب.

ارجو منكم نشر التحذير وتوجيهه للقنوات الاعلامية الرسمية

تحياتى

و الله يا فندم الخوف ده بأقاومه من أول دفعة دخلت هناك

و كل ما دفعة بتنضم ليهم بيزيد الخوف

و فعلا لازم يتم تفريقهم و سحب وسائل الاتصالات منهم

ليه ما نكتبش ده على الصفحة الرسمية لرئيس الوزراء و المجلس العسكري

ممكن حد يضع روابط الصفحات الرسمية اذا سمحتوا

[عصام أبوالفتح]

انا بدأت نشر التحذير على كل الصفحات دى وغيرها

[الباشمهندس ياسر]

من زاوية تانية يا هندسة

وضعهم كلهم ف مكان واحد و تأمينة بصورة محكمة هيكون اسهل من تفريقهم و اوفر في التكاليف

و اقل في نسبة نجاح اي محاولة لتهريبهم

[masrymasry]

الكلام دا لسه قايله أول إمبارح

لأن تجمعهم دا خطر جدا جدا

لأنهم ممكن يديروا معارك كبيره وهم في السجن وجميع سبل الإتصالات معاهم زي الموبايلات والإنترنت

لازم يتم قطع سبل الإتصال بينهم وبين الخارج تماما

سوف أنشر الموضوع في جميع الصفحات

وربنا يستر

[عصام أبوالفتح]

من زاوية تانية يا هندسة

وضعهم كلهم ف مكان واحد و تأمينة بصورة محكمة هيكون اسهل من تفريقهم و اوفر في التكاليف

و اقل في نسبة نجاح اي محاولة لتهريبهم

وارن بافيت انجح مستثمر فى التاريخ بيقولك ضع البيض كله فى سلة واحدة .. ولكن راقبها جيدا

انا مع المبدأ .. لكن فى 198 واحد تحفظوا على اموالهم .. وكلهم ليس لديهم ما يخسرونه ويمكنهم تنظيم مظاهرة كبرى لتحرير السجناء وشوف النكته انها تيجى فى عيد تحرير سيناء .. خد بالك بس من الاخبار القادمة

الافضل انهم يتوزعوا ومخاطره اقل

[spain]

طب ماهما كانوا من يوم 25 يناير بره السجن

ومع بعض

قدروا يعملوا حاجة لنفسهم؟

حد يوضحلنا اكتر ممكن يعملوا ايه

[masraweya]

ذو صلة

شئ في صدري - سؤال برئ - ليه كل الحراميه الكبار في سجن واحد؟ ليه كل الحراميه الكبار في سجن واحد؟

من حقنا نقلق و نطرح مخاوفنا على المسئولين

-مهم يعرفوا اننا مصحصحين و متابعين-

بس مع الاخذ في الاعتبار ان الصورة ليست كاملة أمامنا

و ما نراه أفضل قد لا يكون كذلك

الصفحة الرسمية للمجلس الأعلى للقوات المسلحة

الصفحة الرسمية لرئاسة مجلس الوزراء المصرى

[جسار]

معروف جدا ان السجون المصرية ، بل وكل سجون العالم ، توجد ظاهرة أباطرة أو ملوك أو معلمين السجن

وغالبا يكونوا من تجار المخدرات والسلاح الاغنياء أو ممن سرقوا أموال البنوك ، وهؤلاء يحصلون على

أمتيازاتهم برشوة الضباط والصولات والجنود وحتى كبار المجرمون الخطيرون ، ومن المعلوم أيضا ان هناك

بضعة الاف من فقراء المساجين اللذين لايرسل لهم احدا من اقربائهم أموالا توضع فى امانات السجن لينفق منها

على نفسه بالداخل لانه ليس من المنطق ان يستمر فى تناول اليمك والفول المسوس والخبز المعطن طوال فترة سجنه

لذا سنجد ان حول كل شخص يمتلك مالا فى السجن يوجد شخصان او اكثر يقومون على خدمته ولن اطيل فى معناها

وأعتقد اننا شاهدنا فيلم الافوكاتو جميعا ...

أما عن أصحابنا الحلوين اللى مشرفين ومنورين سجن مزرعة ليمان طرة وهو أنضف سجون مصر حاليا ، فمن الطبيعى

أن يلقوا نفس معاملة اغنياء السجن ومش محتاجة حتى اوامر من المأمور ....ولكن

السجن هو سجن ... هو انتم فاكرين العالم دى زينا

يعنى الواحد فيهم بدل ما يصحى الصبح على صوت البلابل والكناريا فى حديقة القصر بتاعه ويشم روائح الورود

والزهور اللى زرعها عم عبد الواحد الجناينى فى حديقه السرايه .... يقوم يصحى على جعير المساجين وصوت

الشاويشية الجميل والسباب والخناقات والضرب وتعليق الفلكة للمطلوب تاديبهم .... ويشموا ريحة السجن

اللى حوائطه معطنة والا ريحة دورات المياه العطرة بتاعة المساجين ....

طيب مافيش مساج ... ولا جاكوزى .... ولاعم عثمان يجيب الأيرليش كافى فى البرجولا

وحيعملوا ايه فى الصيف لما يهل ... المراوح مش حتنفع ومفيش تكييف الا فى غرفة المأمور

جلدهم الرقيق حيشقق .. وأحتمال تيجى لهم خنقة وضيق تنفس وأزمات قلبية وغيره ... قولوا آمين يارب

خلاصته مهما وصلوا لامتيازات داخل السجن .. فبعد فترة قصيرة لن يتحملوا .... دى ناس أخدت على

الفخفخة والمتعه والرفاهية اللى بجد مش بتاعتنا لمانروح لنا يومين فى أسكندرية كلهم خناقات

ونرجع نفشر ونقول ياسلام على المتعة ..... فرجه قريب كلها شهر واحد وحتلاقيهم كلهم واقفين فى

الطابور وكل واحد بيطعن زميله فى ظهره ويبلغ النيابة بكل حاجة عن الآخرين ىملا فى النجاة برقبته....

[fatfouta]

المحامين تتقدم بلاغ للنائب العام لفصل مسجوني النظام السابق عن بعضهم بطره

تقدمت لجنة الحريات بنقابة المحامين صباح اليوم ببلاغ يحمل رقم "6449"لسنة 2011 إلى المستشار "عبد المجيد محمود" – النائب العام – طالبت فيه بفصل رموز النظام السابق المحبوسين بسجن طرة الشهيرعن بعضهم البعض وذلك خشية تمكنهم من الإجتماع والتخطيط لحركة مضادة لثورة 25 يناير.

جريدة الدستور

[مسافر]

مجموعة سجن طرة هي الصف الاول

وخلاص راحت عليهم

مع احتمال ان منهم من ياخد براءة

لكن صعب عودتهم للحياة السياسية لان ده معناه حرب اهلية

الان المناصب بتتوزع على الصف الثاني والثالث

عن طريق المعلم يحي الجمل

ودول مش حيتنازلوا عن اماكنهم للصف الاول بعد تجربة الحكم

المهم توعية الشعب والعمل ان تكون مصر دولة يحكمها القانون

ومؤسسات مدنية قوية

الاهم ان تعتصم بحول الله وقوته ونبرأ من حولنا وقوتنا

فأخر ورقة اتحرقت طلعت السادات

لكن الصف الثاني والثالث بقوته