وعندك قضية سُقع تاني : التحقيق مع أسرة كمال الشاذلي أمام جهاز الكسب غير المشروع

[se_ Elsyed]

خافوا مني بعد كده ..

لسه أول امبارح بأتكلم مع واحد صاحبي في الموضوع ده وبأقول : كمال الشاذلي يحمد ربنا إنه مات ... لكن البركة في الحوت الكبير اللي كان دراعة اليمين وهو إبنه " معتز الشاذلي "

عارفه من زممممممممممممممممممان وكان بيهلب مع أبوه على كبير في جمهورية الباجور المتحدة للفساد

قرر المستشار عاصم الجوهري مساعد وزير العدل لشئون جهاز الكسب غير المشروع تشكيل لجنة من خبراء وزارة العدل لفحص كافة الأوراق والمستندات المتعلقة بثروة الراحل كمال الشاذلي وزير شئون مجلس الشعب السابق، والتي آلت إلى ملكية أفراد أسرته بعد وفاته.

جاء ذلك القرار في ختام استماع جهاز الكسب غير المشروع إلى أقوال معتز الشاذلي نجل كمال الشاذلي، وأرملة الوزير السابق، بشأن تحديد حجم ثروة كل من أفراد الأسرة، وبيان ما إذا كانت تتناسب مع دخل كل منهم الشرعي أم انها نقلا عن مورثهم كمال الشاذلي.

وقال المستشار الجوهري انه سوف يستمع يوم الأحد القادم إلى أقوال منى ومحمد كمال الشاذلي في ذات الإطار.

وأوضح أنه في حال ثبوت تحقيق أي من ورثة الشاذلي لكسب غير مشروع لا يتناسب مع دخلهم الشرعي أو دخل مورثهم الشرعي، فسوف يتم إحالته للمحاكمة لمطالبته برد ما حصل عليه من كسب غير مشروع، بينما ستسقط عنهم في هذه الحالة العقوبة الجنائية لأنها مسئولية شخصية تقع على عاتق مرتكبها وليس ورثته.

[arkan]

الخبر ده النهارده خلاني أقف قدامه كتير

ممكن نورث فلوس وممكن نورث سمعة طيبة تخلينا نزهو بها طول العمر

[التونسى]

الخبر ده النهارده خلاني أقف قدامه كتير

ممكن نورث فلوس وممكن نورث سمعة طيبة تخلينا نزهو بها طول العمر

شكلها كده بعد حبس الكبير وأولاده وأعوانه .. بدأت العصابه نفسها تعترف على الناس اللى بره ((الحراميه الصغار)) .. دا غير اللى حيبيع اخرين عشان يكون شاهد ملك وينفد بجلده..ربنا استجاب لهذا الدعاء ((اللهم اضرب الظالمين بالظالمين .. واخرجنا من بينهم سالمين )) وغانمين كمان ان شاء الله

[engmido]

و لسه ياما هنشوف

[أهااات روح]

اللهم لك الحمد يارب العالمين

ايوة كده... طلعو الجرذان المستخبية فى جحورها

[se_ Elsyed]

على فكره

الرؤوس الكبيرة وقعت ..

الايام الجاية كلها ستكون لسقوط للصف الثاني والثالث من منظومة الفساد

[engmido]

على فكره

الرؤوس الكبيرة وقعت ..

الايام الجاية كلها ستكون لسقوط للصف الثاني والثالث من منظومة الفساد

ايووووووووة يافندم منتظرين

[جسار]

فى أواخر سنوات السلطة وصل الامر بكمال الشاذلى أنه أنشأ ديوان من الموظفين فى الباجور

وكانت مهتهم هى أستقبال الشباب الراغب فى العمل باحدى وظائف الدولة المميزة كقطاع البترول

وشركات الكهرباء والاتصالات والضرائب والتامينات والنيابة وكليات الشرطة والجيش وكل ماهو موجود

على أرض المحروسة من أرزاق ، وكان هؤلاء الموظفون يتسلمون أوراق ومسوغات التعيين لهؤلاء الشباب

ويقومون بفحصها ومراجعتها ، ثم يدفع المتقدم للوظيفة مبلغا من المال معلوما مسبقا حسب نوع الوظيفة

فمثلا : محاسب فى البترول : 80 ألف .... الكهرباء : 40 ألف

والنكته المضحكة بالفعل هى أنه يتم كتابة قيمة المبلغ بأيصال مختوم بختم النسر يتسلمه طالب الوظيفة

تحت بند تبرع للحزب الوطنى !!!

أما عن قصره فى الباجور فيقولون أنه محاط بالاسوار العالية ومركب عليها كاميرات مراقبة تليفزيونية!!!!

وعن البوابات الحديدية العملاقة والتى اسهب فى وصفها لى أحد الصنايعية اللذين قاموا بتركيبها

يعنى حاجة خرافية وعصرية جدا فى وسط حقول الفلاحين ...

[engmido]

على يدددددددددى

[الغريب]

على فكره

الرؤوس الكبيرة وقعت ..

الايام الجاية كلها ستكون لسقوط للصف الثاني والثالث من منظومة الفساد

الكلام ده قاله بالنص عمرو أديب في تعليقه على خبر حبس مبارك وأولاده

فعلا اليوميين الجايين شكلهم هيبدأوا الشغل على الحيتان الصغيرة بعد قطع الرؤوس

أقدر أقول النائب العام على الطريق الصحيح ، والثورة المضادة تلتقط أنفاسها الأخيرة

وشكل البلد هترجعلنا بحق يا ولاد

هدم الفساد ماشي على الطريق الصحيح ، وبناء الإصلاح لازم يكون بنفس الطريق

والله المستعان

[se_ Elsyed]

فى أواخر سنوات السلطة وصل الامر بكمال الشاذلى أنه أنشأ ديوان من الموظفين فى الباجور

وكانت مهتهم هى أستقبال الشباب الراغب فى العمل باحدى وظائف الدولة المميزة

ما هو ميعتز إبنه هو اللي كان بيشغل الديوان ده

..

وخلي بالك يا جسار .. غحنا برضوا مشاركين في الفساد والناس كانت فرحانة بكده وبقتول لك أهم حاجه إنه بيخدم الناس .. وكانوا بينتخبوه بضمير يعني

الكلام ده قاله بالنص عمرو أديب في تعليقه على خبر حبس مبارك وأولاده

ما سمعتوش بصراحة .. لكن ده شيء بديهي ... وبإذن الله لن يكون هناك ثورة مضادة لإن الأبراج سقطت خلاص وبالتالي النمل هايدخل الجحور

[ozoozo]

انا كنت حاسس انهم بيشتغلونا عشان الناس تهدأ

لكن موضوع الشاذلي اللي محدش من الثوره جاب سيرته

ويحققوا معاه لوحدهم

اقدر اقول

انا بحب المشير

وعصام شرف

والنائب العام