الثورة لم تنته بعد

[أحمد سيف]

كنت قد فتحت موضوعا منذ شهرين تقريبا وبالتحديد بعد تنحي الرئيس السابق بثلاثة أيام عنوانه (الثورة لم تنته بعد ... احذروا الثورة المضادة)

واليوم أعود فأقول: الثورة لم تنته بعد ... لأننا أنهينا مرحلة الهدم وشارفنا على الانتهاء من مرحلة التطهير وبقيت المرحلة الأهم وهي مرحلة إعادة البناء

والبناء الذي أعنيه هنا يشمل بناء النظام السياسي على أسس سليمة من الديموقراطية والنزاهة والمشاركة الايجابية.

وبناء الاقتصاد المصري بعيدا عن منظومات الفساد والمحسوبية والاحتكار ليكون اقتصادا قويا متنوعا واعدا.

والأهم بناء منظومة القيم الأخلاقية والسلوكية التي تعرضت للتجريف على مدى عقود ... ولا أعني هنا فقط الأخلاق والسلوكيات بمعناها الدارج الذي يقصد به عادة ما يرتبط بالعلاقة بين الجنسين بل الأخلاق بمعناها الواسع التي تشمل الصدق والأمانة والنزاهة واحترام قيمة الوقت والإخلاص في العمل والتسامج وغيرها من القيم النبيلة.

مصر الأن أصبحت ملكا للمصريين بعد أن كانوا مجرد سكنة لها غير مرغوب بهم في معظم الأحيان ... فلنحافظ على ما نملك ونسعى جاهدين لتطويره لنترك لأبناء وطنا يتشرفون بالانتماء اليه.

[مروان]

تمام

الثورة تطهير واعادة بناء

والحمد لله البلد بتطهر وان شاء الله هتتبنى بسواعد متوضئة

[Mostafa Kasem]

انا شايف انه علينا في الفترة القادمة تغيير مفرداتنا في محادثتنا اليومية مع من نعرف و من لا نعرف

و تكون المفردات الجديدة لنشر اي فكرة او اقتراحات عن التنمية - اقتصاد - بحث علمي - قضية المياه - استراتجيات مصر العسكرية و الدولية و العربية -

ما هي افضل مشاريع استثمارية يمكن لمصر الدخول فيها.... يعني نرفع من الوعي القومي من خلال تكرار الكلمات السابقة و غيرها

يعني لازم تكون قضيتنا في الفترة القادمة هي التطوير و البناء من الاخر و نبطل نتكلم عن الجمال و مبارك و عيلته.....الخ

[الباشمهندس ياسر]

احمد

انت العربي بتاعك كويس و بتعرف تحصر موضوعك في صورة افكار

اكتب عن الثورات عموما و خطواتها و مراحلها

الموضوع ده هيفرق اوي مع ناس كتير ف الصالون

[Ahmed Anwer]

لسه قاري مقال عن الثورات عموما ،،

مبيعتبرشي ثورة مصر و تونس ثورة !!!

الثورة في وجهة نظره ،، اللي بتنهي تماما نظام قائم و تخلق نظام جديد تماما

مثال ، الثورة الكوبية و الثورة الإيرانية ،

و في وجهة نظره دي بتاخد وقت طويل و تضحيات كبيرة

و في نفس الوقت مش مجرد تغيير إصلاحي ،،

التغيير الإصلاحي في وجهة نظره بيكون ضغط إجتماعي و سياسي علي المؤسسات الموجودة بالفعل لتغير نفسها من خلال مؤسساتها

مثال ذلك البرازيل و المكسيك

لكن ثورة مصر و تونس في وجهة نظره refo-lutions

يعني حالة وسط ما بين الثورة و التغيير أو الإصلاح

حد فاهم حاجة ؟؟

ده المقال لو حد يعرف يستفيد منه و يفيدنا يبقي كتر خيره

http://www.jadaliyya.com/pages/index/786/paradoxes-of-arab-refo-lutions

علي فكرة أن طول عمري ميال للإصلاح و ليس الثورة ،،

أولا ، عشان خايف علي البلد و مش عايز ندفع ثمن باهظ و ثانيا عشان داميا شايف التدريج أفضل في اي حاجة

بس إحنا أضطرينا للثورة عشان فرص الإصلاح كانت صفر !!