خفة دم امثالنا الشعبية

[Howayda Ismail]

اجدادنا واهالينا مجبوش الامثلة دى من فراغ ورغم مرور السنين وتغير الاحوال الا ومازالت روعة الامثال

اول مثل ينطبق على مبارك وعياله

_ قاله تعالى يابا شرفنى قاله استنى لما يموت اللى يعرفنى

ههههههههههه كان عشمان يموت الشعب كله

مبارك لما حكم مصر

- ادى الحلق للى بلا ودان

سوزان واولادها

عنكبوت شافت ولادها ماشين على الحيط قالت ياخواتى دا لولى وملضوم فى الخيط

- النشيد الوطنى لبورتو طرة

ياحلوة يابلحة يامقمعة شرفتى خواتك الاربعة

مبارك فى التحقيقات

- قالوا للحرامى احلف قال جالك الفرج

رجال النفوذ والسلطة سرقة ونهب وسلب

-اجرى يابن آدم جرى الوحوش غير رزقك لن تحوش

-الكفن مالوش جيوب

حكومة شرف بعد نهب الدولة

-الشاطرة تغزل برجل حمار

الناس اللى اتلونت مع الثورة (بوشين )

-فى الوش مراية وفى القفا سلاية

-صحيح اللى اختشوا ماتوا

مقبرة مبارك برخام يطرد الذباب

-من برة هلا هلا ومن جوة يعلم الله

عائشة عبد الهادى اقترحت المصريات خدامات

- من فات قديمه تاه

الثورة للحاقدين

-متبصوليش بعين رضية شوفوا اللى مدفوع فيا

- ملقوش عيب فى الورد قالوله ياحمر الخدين

المسئولين ورمى التهم على بعضهم فى موقعة الجمل

- آدى الجمل وآدى الجمال

حالنا من المعونة الامريكية

- صبرى على نفسى ولاصبر الجزار عليا

العادلى نظيف واللوح المضروبة

- ني نى لما يجى الخايب يشترينى

تصدير الغاز لاسرائيل

- ابعد عن الشر وغنى له

- اصبر على جارك السو يايرحل ياتيجى له مصيبة تشيله

جمال مبارك

- القرد فى عين امه غزال

-ابوك البصل و أمك التوم منين تجيك الريحة الحلوة ما مشئوم

لو عندك مثل شعبى حطه مش مهم ينطبق على مين اهى حاجة من تفكرنا بالتراث

[fatfouta]

امى الله يرحمها كانت دايما بتصحينا الصبح عالمثل ده

((نضف البيت ورشه....... ماتعرف مين يخشه))

تم تعديل 15 أبريل 2011 بواسطة fatfouta