استفسار عن الإقامة فى دبي او ابوظبي

[MrASaif]

السلام عليكم

اخواني فى المنتدي الكريم

انا مقبل على زيارة لدولة الإمارات العربية لمدة 14 يوم

حتي الان لم اعرف الامارة ( دبي ام ابوظبي ) ولي بعض الاستفسارات كالتالي :

1- إجراءات و تكلفة التآشيرة ( فى الغالب سوف تكون سياحية )

2- تكلفة الإقامة ( سواء شقق فندقية او استديو ) ( حاجة مناسبة ( مش غالية ولا رخيصة ) )

3- ظروف المعيشة اليومية كـ الانتقالات والأكل والتليفون والمياه ( خاصة اني الخليج بيعتمدوا على المياه المعدنية ) و الانترنت ، أخري ......... الخ متوسط فى اليوم الواحد

4- تذكرة الطيران ( انا بالفعل عرفت تكلفتها )

ارجوا ابلاغي باي نصائح اضافية

جزاءكم الله خيرا على الرد مسبقا

تم تعديل 15 أبريل 2011 بواسطة MrASaif

[Rosea]

تكلفة التاشيرة السياحية اللى انا اعرفها هى 600 درهم لتاشيرة 40 يوم

تكلفة السكن معرفهاش بصراحه بالنسبه لشقه فى مده قصيرة بس هو فنادق دبى ارخص حاجه لاقيتها كانت 125 فى اليوم

المواصلات فى دبى الاتوبيس معقول بس مش منتشر قوى و محتاج شويه خبرة بالمدينه ..التاكسى بيبتدى من 10 د

دى الاسئلة اللى انا اعرفها:) :)

[MrASaif]

تكلفة التاشيرة السياحية اللى انا اعرفها هى 600 درهم لتاشيرة 40 يوم

تكلفة السكن معرفهاش بصراحه بالنسبه لشقه فى مده قصيرة بس هو فنادق دبى ارخص حاجه لاقيتها كانت 125 فى اليوم

المواصلات فى دبى الاتوبيس معقول بس مش منتشر قوى و محتاج شويه خبرة بالمدينه ..التاكسى بيبتدى من 10 د

دى الاسئلة اللى انا اعرفها:) :)

جميل اوي المعلومات دي

بالنسبة للتاشيرة انا هكلم السفارة وهتاكد .... خاصة اني عرفت انها 200 درهم

بالنسبة للفندق ممكن تعطيني تفاصيل اكتر عنه اسمه والحجز ازاي وهل شامل الضريبة والخدمة وهل يشمل ايضا الافطار وكام نجمة

ايه تقييمك للفندق والمكان فيين

شكرا على ردك

[Rosea]

شوف يا سيدى الفندق طلع فى الليله156..و منصحكش بيه قوى...الفندق

semiramis

فيه ملهى ليلى و صوته عالى و برغم ان مكانه حيوى يعنى جنب محطة مترو الرقه و جنب محلات اكل كتير الا انك هتبقى قلقان من النضافه...الفنادق الرخيصه بس فى منتهى النظافه عن تجربه هى

IBIS , CITIMAX

دول اعتقد 3 نجوم بس هما فى منتهى النظافه و اسعارهم 200 و حاجه ..و موجودين فى مناطق حيويه جدا...عشان تحجز و تعرف عن الفنادق فى السايت ده..

bookings.com

تم تعديل 21 أبريل 2011 بواسطة Rosea

[MrASaif]

شكرا على ردك ولو جد جديد عندك فى اي معلومة ياريت تبلغيني

[لماضة مصرية جدا]

السلام عليكم و رحمة الله و بركاته

استاذي الفاضل

معذرة علي التاخير في الرد

ممكن تحدد لي المكان اللي حضرتك هتنزل فيه في ابو ظبي

و ده هيترتب عليه سعر السكن

مش هنصح حضرتك ب "استديو" لانه مناسب للمتزوجين حديثا و في نفس الوقت غالي...و الاستديوهات الكويسة في مناطق هتتطلب وجود عربية

الموصالات في ابو ظبي روعة جدا....الباص ممكن بيوديك في اكتر من حتة ب "درهم" واحد...بس محتاج تعرف ارقام الباصات و خط سيرها

التاكسيات برضه انا مش شايفة انها غالية و ده بالمقارنة بدبي....لان دبي اسعارها....اوفر جدا

بالنسبة للمعيشة..انا مبداي انك ممكن تعيش بجنيه و ممكن تعيش بميه

المهم انت تحب تنزه نفسك ازاي

كل حاجة موجودة في ابو ظبي...و متشلشي هم الاكل اصلا...يعني حتي الحواوشي و الفطير المشلتت موجود عند "جاد"....ايون...عندنا جاد...مش قولت لحضرتك متقلقشي

اهم حاجة انت تجيب كل اوراقك اللي ممكن تحتاجها و اللي ممكن متحتجهاش...و لو تسحبهم سكانر برضه ميضرش

سؤال...هو حضرتك جاي علي حاجة معينة...و لا مجرد زيارة استطلاعية تفقدية علي اخبار الرعية؟؟؟؟

ربنا يوفقك

هسال لحضرتك علي اسعار الشقق الفندقية بكرة الاتش ار....بس لو حضرتك تحددلي الموقع....هيبقي اسهل ان احنا ننسفه.....قصدي...نوافي حضرتك بالاسعار المتاحة

و لنا عودة باذن الله

تحياتي