عصام شرف يبدأ جولة خليجية الأسبوع المقبل

[se_ Elsyed]

تمنياتنا بالتوفيق للدكتو عصام شرف في لك الجولةالهامة .... وكلنا ثقة إن دول الخليج لن تترك مصر في هذه المرحلة .. والحمد لله نحن لا نريد مساعدات من أحد ... لكن موضوع جذب الإستثمارات هو شيء مشروع وهدف لكثير من الدول

[abdulmuttaleb]

ولحسن الحظ أن د.عصام شرف عمل لفترة كأستاذ جامعي واستشاري في المملكة العربية السعودية وله علاقاته مع دول الخليج (الكويت والإمارات حيث عمل بالأخيرة بعد تركه الوزارة).

هو أنا متفاءل بالأيام القادمة، بس هو الإعلام لو يتهد شوية ويبطلوا تكبير لحوادث صغيرة.

ثقتي بلا حدود في أننا سنتجاوز آثار الأحداث السلبية.

[زهرة الجبل]

دي فعلاً خطوه جيده جداً في إطار التمهيد لشكل جديد و أفضل بإذن الله من العلاقات المتبادله بين مصر و جيراننا في الخليج الفتره القادمه

احنا محتاجين بالفعل بناء أسس جديده لعلاقات أفضل على المستوى السياسي و الإقتصادي أيضاً

مش بيننا و بين دول الخليج فقط لكن محتاجين بناء هذه الأسس الجديده بيننا و بين جميع الدول العربيه

بحلم مصر ترجع تاخد دورها و مكانتها تاني بين العرب و في العالم كله إن شاء الله

وجود شخصيه كشخصية د . عصام شرف في مكانه الحالي يمنحنا التفاؤل تجاه هذا الحلم

ربنا يوفقه يا رب و يتوِّج اخلاصه بالتوفيق

تم تعديل 15 أبريل 2011 بواسطة زهرة الجبل

[أمل حياتي]

يا هلا ومرحبا به bnd5:: bnd5:: bnd5::

كل الفرقه الموسيقيه مستنياه

بس الجو ما يقلبش تراب اصل بقالنا مده بنعاني من حاجات غريبه

المهم ييجي ويا هلا بالضيف

تم تعديل 15 أبريل 2011 بواسطة أمل حياتي

[se_ Elsyed]

المشير طنطاوي رفض عرض خليجي لعقد مؤتمر لمساعدة مصر إقتصادياً ...

أنا أؤيد هذا الرفض تماماً

[ozoozo]

المشير طنطاوي رفض عرض خليجي لعقد مؤتمر لمساعدة مصر إقتصادياً ...

أنا أؤيد هذا الرفض تماماً

بالعكس انا معاه تماما ليه مايكونش مشروع مارشال عربي لاعمار مصر

واعمار مصر فيه مصالح لدول الخليج

1-الارتباط ببوابه افريقيا ومنها لاوروبا للاستيراد والتصدير

2-عمق استراتيجي في مواجهه ايران

ده حق الاخ علي اخوه وليست منحه او هبه بقدر ماهي حقوق الاخوه

[se_ Elsyed]

يا أوزوز

إستثمارات أيوه

لكن مؤتمر رسمي ويشحتوا علينا ... لأ طبعاً .. كفايه اللي كان بيعمله المجحوم اللهي لا يرجعه

[ozoozo]

يا أوزوز

إستثمارات أيوه

لكن مؤتمر رسمي ويشحتوا علينا ... لأ طبعاً .. كفايه اللي كان بيعمله المجحوم اللهي لا يرجعه

مااحنا بقالنا 30 سنه بنشحت والحرامي كان بياخد الفلوس يجيب بيهم بيدذا وريش لجمال وعلاء

مافيهاش حاجه لما نشحت شهر كمان لكن المره دي الفلوس تدخل لمصر في سبيل ان البلد تتعافي اسرع

وزي ماقولتلك هي مش شحاته لان قوه مصر هي قوه للخليج وضعفها مشكله للخليج

[أسد]

لن نقبل الشحاتة بعد الآن

مصر أفضل البلاد إمكانية للاستثمار الناجح

مصر بوابة أوروبا الواسعة على أوروبا

وأفريقيا

وقلب الوطن العربي

تطل على بحرين

بها قناة السويس

بها نهر النيل

يحكمها أعظم شعوب الأرض

نحن لا نقبل الشحاتة .. ولن نقبل بأن يكون رئيسنا أو رئيس وزرائنا شحاتاً بعد الآن

من يريد الإستثمار ... أهلاً وسهلاً ...

حنشيله في عيوننا ...

ولكن يجب علينا أن نعمل ...

يجب علينا أن نتغير نحن ..

ونكون عناصر فاعلة .. وعمال أقوياء اشداء

يجب أن نتخلى عن كل السلبيات التي علقت بنا طوال السنوات الماضية

يجب أن نتخلى عن الفهلوة .. والشطارة .. والسمسرة

يجب أن نعمل .. ونعمل .. ونتعلم ..

ونعلي قيمة العمل

[se_ Elsyed]

يا أوزوز

إستثمارات أيوه

لكن مؤتمر رسمي ويشحتوا علينا ... لأ طبعاً .. كفايه اللي كان بيعمله المجحوم اللهي لا يرجعه

مااحنا بقالنا 30 سنه بنشحت والحرامي كان بياخد الفلوس يجيب بيهم بيدذا وريش لجمال وعلاء

مافيهاش حاجه لما نشحت شهر كمان لكن المره دي الفلوس تدخل لمصر في سبيل ان البلد تتعافي اسرع

وزي ماقولتلك هي مش شحاته لان قوه مصر هي قوه للخليج وضعفها مشكله للخليج

ليه كده ؟؟؟؟؟؟؟؟؟؟؟؟؟؟

يعني ولا كإن في ثورة قامت ولا غيرت حاجه ؟؟؟

[مهيب]

أعتقد أن الجولة الغرض منها استقراء مواقف و تحديدها من الناحية السياسية أكثر من مسألة الاقناع بالاستثمار .. و فى هذا الصدد هناك بعض النقاط المهمة ..

- الاستثمار الخليجي فى مصر يستفيد منه الخليحيون ربما أكثر من استفادة مصر منه .. هو ليس تفضلا و لا منا .. و هم لا يستثمرون فى مصر (لأنها دولة عربية شقيقة) الى آخر هذا الهراء .. و انما بعد أحداث الحادي عشر من سبتمبر و بعد عمليات التحفظ و تجميد الحسابات الخليجية .. و بعد توقيع شروط شديدة على استثماراتهم هناك من النواحي القانونية كان لابد من ايجاد البديل .. رأس المال لا وطن له .. و لا يعترف بشرعيات القومية و الصداقة و الانتماء الى العروبة و ما الى ذلك .. و انما أساس حساباته هي المكسب و الخسارة .. و لأن مصر تمتاز بأيد عاملة و كفاءات و خبرات لا بأس بها .. كما أنها ليست أيدي غالية السعر و لأن مصر سوقها مفتوح و آمن من هنا يأتي القرار.

- أنا مع س س و أسد فى رفض مسألة المؤتمر الخليجي طبعا .. أولا لأن القبول بأشياء مثل هذه معلوم مسبقا ما تقود اليه و كيف يصور الى الرأي العام هناك فكرة المساعدات المالية و كيف يتم تقديمها .. و ثانيا لأن مصر فعلا ليست فى حاجة الى هذا .. نحن لم نخرج من حرب أتت على الاخضر و اليابس .. و لا تزال مؤسسات الدولة موجودة و قائمة .. كما ان خبرات مصر و امكانياتها لم تمت .. المسألة مسألة وقت .. ولو لم يكن عند الحكومة حلول سوى هذا فتدع المنصب الى حكومة تستطيع أن تخرج قماشا من الماكينة .. لكننى أعتقد أن حكومة شرف قادرة على هذا .

- رفض طنطاوي و المجلس الاعلى مؤشر لقناعة هذا المجلس - رغم بعض التحفظات - بمقدرات العزة و الكرامة التى تنبع من روح مقاتل لا يعترف بالحلول الوسط فيما يتعلق بكرامته و عزته ..

- حقيقة الأمر أن عزة مصر عزة للعرب و ذلها ذل لهم .. و الكثير من حكام العرب فى موقف صعب حقا .. فالاحتفاء بالثورة المصرية و الحكومة الجديدة و مؤازرتها و تأييدها يضعهم فى مأزق سياسي مع شعوبهم وهو أمر غير محمودة عواقبه خاصة لو كانت تلك الحكومة المحتفى بها تمثل روح الثروة فعلا .. و معارضة الثورة المصرية و تأثيمها و تقبيحها و الادعاء بأنها حرام و ما الى ذلك يضعهم فى موقف أصعب و يزيل الكثير من الجسور التى تم بناءها من قبل.

مهيب

[Diab]

الخليج ليس هو بابا نويل الذي ياتي حاملا هدايا كما يظن البعض ومنها زيارة الملك عبد الله

انها المصالح فقط

ومصالحنا الحقيقية الأن في أتجاهين

شرقا نحو تكامل أقتصادي يكون المغتربيين المصريين فيه هم راس الحربة بالدعم المادي عن طريق شركات مساهمة

جنوبا أن تكون مصادر الغذاء تعتمد علي إفريقيا وان تكون الشركات المصرية مثل المقاولون العرب وغيرها هي جسر التعاون

أفريقيا هي الأرض البكر

تم تعديل 16 أبريل 2011 بواسطة Diab

[se_ Elsyed]

الخليج ليس هو بابا نويل الذي ياتي حاملا هدايا كما يظن البعض ومنها زيارة الملك عبد الله

انها المصالح فقط

لأ يا دياب ..

نحن شعوب عريقة ولها تقاليد وعادات وتاريخ ...

وبالتالي تظل الأخوة والروابط المشتركة أقوى من المصالح ..

عارف ليه ؟

لإن المصالح مع أول خلاف بتزول ... وبالعكس ممكن صاحب المصلحة ينقلب ضدك ويبقى عدوك ..

لكن شوف العلاقات الغير مبنية على مصالح بتبقى عاملة إزاي .. في حالة الملك فيصل رحمه الله .. والشيخ زايد رحمه الله

فعلاقتهم بمصر كانت أقوى من اي مصالح ... بل بالعكس هم كانا مثالاً للعطاء بدون إنتظار مقابل .

أنظر أيضاً .. لعلاقتنا التاريخية بالسودان ... وما تقوليش عشان جيران ...

طب ما في جيران بيبقى بينهم ما صنع الحداد ... شوف المغرب وموريتانيا ... والجزائر والمغرب ... وفرنسا والمانيا ... إلخ

ولكن هو كده ... علاتنا بالسودان علاقة تاريخية وعلاقة إمتداد ...

لكن عارف علاقة المصالح هاتبقى بين مين ومين ؟

هاتبقى بيننا وبين الدول الأفريقية ...

أفريقيا تحتاج مصر ككيان كبير وقائد ومطالب لحقوقهم

ونحن نحتاج لهم لإن منابع النيل من عندهم .. وكمان ي كما قلت انت اسواق بكر والعالم كله يهرول نحوها .. ونحن أولى بذلك منهم

[essamalshaaer]

^{إقتراح بسيط ....}

^{ليه ما يتمش عمل لقاء للدكتور عصام شرف مع أبناء الجالية لمصرية الموجوده في كل دولة هيزورها بالتنسيق مع السفارة والفنصلية}

^{ويمكن ترنيب الموضوع من خلال صندوق رعاية المصريين هنا بالرياض .... علشان نسمعه ونشوف نظرته للمرحلة القادمة وأه دورنا كمصريين في الخارج لدعم البلد ...}

^{تحياتي.}

[se_ Elsyed]

^{إقتراح بسيط ....}

^{ليه ما يتمش عمل لقاء للدكتور عصام شرف مع أبناء الجالية لمصرية الموجوده في كل دولة هيزورها بالتنسيق مع السفارة والفنصلية}

^{ويمكن ترنيب الموضوع من خلال صندوق رعاية المصريين هنا بالرياض .... علشان نسمعه ونشوف نظرته للمرحلة القادمة وأه دورنا كمصريين في الخارج لدعم البلد ...}

^{تحياتي.}

إقتراح جيد جداً ويا ريت يتنفذ

[الغريب]

شحاته تاني لأ

أنا كل ما اكلم أي واحد خليجي كويتي أو يمني حتى يقولي مصر عندها ثروات تأكل العرب كلهم

حرام هما يعتقدوا فينا كدة وأحنا نقول لأ أحنا شحاتين

أعتقد أهم شئ الآن هو أن يقوم الوزير المحترم نبيل العربي وزير الخارجية بتغيير طاقم السفراء التعبانين وبالأخص في دول الخليج والدول التي بها مغتربين مصريين مثل إيطاليا وكندا وغيرهم

نحتاج الآن لتفعيل دور هؤلاء حتى يقوموا بوظيفيتين :

1- ترتيب دعمهم للبلد بشكل منظم.

2- حتى يكونوا لوبي مصري في كل دولة له قوة يستطيع تمرير المصلحة المصرية.

[Diab]

ياريت يا س س أن الدنيا يكون لسة فيها خير زي ما بتقول

بس الناس دي كراسيها اهم من أي حاجة

شحاته تاني لأ

أنا كل ما اكلم أي واحد خليجي كويتي أو يمني حتى يقولي مصر عندها ثروات تأكل العرب كلهم

حرام هما يعتقدوا فينا كدة وأحنا نقول لأ أحنا شحاتين

أعتقد أهم شئ الآن هو أن يقوم الوزير المحترم نبيل العربي وزير الخارجية بتغيير طاقم السفراء التعبانين وبالأخص في دول الخليج والدول التي بها مغتربين مصريين مثل إيطاليا وكندا وغيرهم

نحتاج الآن لتفعيل دور هؤلاء حتى يقوموا بوظيفيتين :

1- ترتيب دعمهم للبلد بشكل منظم.

2- حتى يكونوا لوبي مصري في كل دولة له قوة يستطيع تمرير المصلحة المصرية.

لوبي دي صعبة قوي وخصوصا ان ممنوع علي المقيمين ممارسة السياسة علي اراضي دول مجلس التعاون

وزي ما قلتم ممكن يتعمل بنك معلومات للمقيمين في كل دولة ويتم ربطها بأقرب قنصلية ومنها لوزارة الخارجية وبكدة يتم عمل حصر فعلي للمغتربين ومعرفة أرقامهم

وده يكون نواة لعمل بنك معلومات للشعب المصري كله وهيبقي مفيد في اي انتخابات وبرضه هيبقي زي جرد أخر السنة عارف أولك من أخرك

ايه رأيكم دام فضلكم

تم تعديل 16 أبريل 2011 بواسطة Diab

[عبد الله غريب]

طبعاً لا للشحاتة .. مش محتاجين لها أصلاً ..

لكن لازم يتم تفعيل مبدأ الثواب و العقاب .. من يعمل بجد يجد مردود وافي .. من يتكاسل و يظن إنه أيام قبل الثورة .. يتم طرده من عمله بدون تردد .. فيه غيره آلاف مستنين و مستعدين يشتغلوا بجد .. لا للمحسوبية و الواسطة و الرشوة .. نعم للكفاءة و الاجتهاد .. و الإخلاص ..

لما الناس تعرف إن اللي مش حيشتغل بإخلاص مش حيستمر في عمله .. و تعرف إن اللي حيعطي أكتر حيلاقي جزاء و ثواب أكتر، لما الناس تعرف إن التقدير بقى بالكفاءة مش بالمحسوبية (أهل الثقة زي ما بيسموهم) حنشوف تغيير في مستوى جودة العمل، و زيادة في الإنتاج .. و هما دول أهم حاجتين للوصول للعالمية لو بنتكلم على السلع التي يتم تصديرها، و هما كمان أهم حاجتين لو بنتكلم على أي شئ يتم تقديمه للمواطن .. يعني إخلاص الموظف .. يعني وفرة و كثرة الجهد المبذول في دائرته سيؤدي لتخليص مصالح عدد أكبر من الجمهور ، أما إجادته لعمله ستعود بالخير على المواطن و على المصلحة التي يعمل فيها مما ينفع المواطن الذي يقدم له الخدمة و الذي سيكون مُطالب هو الأخر بإجادة عمله في مجاله، و توفيره بسهولة للمواطنين الآخرين على أقل تقدير بدافع المحافظة على وظيفته بعد تطبيق مبدأ الثواب و العقاب بشفافية و لو سماه البعض دافع برجماتي ماشي .. في الشغل مفيش تهاون .. و زي ما قال الأخوة سابقاً راس المال مالوهش وطن ..

تم تعديل 16 أبريل 2011 بواسطة عبد الله غريب

[engmido]

لا كفاية كده

لان اول ناس للاسف بترجع تمن علينا هم الاخوة العرب