درجة واحدة فقط

[masraweya]

السلام عليكم

اعلان لشركة فايزر .. طول ما انا بشوفه عمالة افكر في مصر

و نفسي آخر جملة في الفيلم تبقى

IN EGYPT, WE THINK 212

عمالة افكر .. درجة واحدة فقط اوصلت الماء للغليان و انتجت قوة البخار

الماء راقبه الناس يغلي منذ آلاف السنين .. و حاولوا يستخدموه في توليد الطاقة من ييجي الفين سنة.. فقط منذ300 سنة بدأ المحرك البخاري يصبح حقيقة ملموسة و ليس اوراقا و مخططات

تطلب ذلك تراكم خبرات بالتاكيد و ايضا عقلية و طريقة تفكير مختلفة

الماء و تحولّه الى بخار

ثورة مصر التي كان يمكن ان تفشل لو تراجعنا قبل خط النهاية

لو لم نرتفع "درجة" .. و أن الاوان ان تتحول الى قوة دافعة و ليس مجرد "بخار" .. مهما كانت قوته تظل عاجزة عن توليد حركة بناءة دون تنظيم و حسن استغلال

RISE ABOVE YOUR POTENTIAL

THINK 212

https://www.facebook.com/video/video.php?v=10150548727260072

الفيلم به التعليق بالانجليزية -مكتوب و ليس مقروء - و له خلفية موسيقى و مؤثرات صوتية

ممكن تشوفوه من غيرها

بحبك يا بلادي

:egyflag:

[Om Zayd]

و عليكم السلام و رحمة الله و بركاته

جزاكم الله خيرا .. فيلم جميييل

فكرني بمحاضرة ل سيمون كامبل و انا في انجلترا

Simon Campbell, Ph.D., senior vice president for worldwide

discovery and for medicinals research and development in Europe

كان رئيس الفريق البحثي اللي اكتشف نورفاسك و الفياجرا و كارديورا

في دواء منهم -نورفاسك- أرسلوا المادة الفعالة لتختبرها شركة أخرى

"شركة أدوية ايضا بينهم تعاون"

كان الاجراء المتبع اختبار المادة المقترحة على الحيوان و متابعة الاستجابة لمدة معينة .. كانت النتيجة سلبية

أحد الباحثين في فايزر قرر اعادة التجربة و اطالة المدة التي يتابع استجابة الحيوان بعد الجرعة الى 8ساعات بدلا من 3

و كانت النتيجة المبهرة.. الدواء يعمل

ليس هذا فقط .. بل كان اول دواء في مجموعته طويل المفعول.. و هي ميزة مهمة جدا لمرضى الضغط

و طبعا .. جنوا الملايين (بالباوند) من وراء 3 ساعات اضافية

درجة واحدة فقط

ثانية

دقيقة

ساعة

يوم

ان تدفع نفسك أكثر

أن تصبر أكثر

محتاجين الثقافة دي تنتشر في بلدنا

و معاكي بقول

بحبك يا بلادي

:egyflag:

[Om Zayd]

ممكن -بعد اذن مصراوية- اللي عنده تجربة على الموضوع ده "شخصية او قصة يعرفها

"يشاركنا بها؟

جزاكم الله خيرا

[م تيمور المراغي]

التوبيك جميل اوي

مافيش حاجه اسمها تجربة فاشلة

فيه حاجه اسمها مجرب غير قادر على الابتكار والصمود ,,

اذا امن الانسان الحر واقتنع بهدف مهما كان مستحيل ,,

حيوصل لهدفه لا محاله ويحققه ,,

كان خالد بن الوليد بيقول لقواده وجنوده :

انما النصر صبر ساعة ,,

دلوقتي نفس الكلام بيتقال في كل العالم بعد ما سبقناهم بمئات السنين

انما النصر مع الصبر ,,

((يا أيها النبي حرض المؤمنين على القتال إن يكن منكم عشرون صابرون يغلبوا مائتين وإن يكن منكم مائة يغلبوا ألفا من الذين كفروا بأنهم قوم لا يفقهون))

صدق الله العظيم

على المستوى الشخصي عندي تقريبا 75445 تجربة والناس حتطفش قبل ما احكي اول الفين منهم :happy:

[masraweya]

مش محتاجة اذن خاااااالص

يا ريت نتشارك .. نستفيد

و على الجانب الاخر ..عشان تبقى الصورة متكاملة- أحيانا برده الدفع الزيادة بيعمل مشاكل

"زي ما تبقى الكيك هايلة بس نسيبها همسة زيادة في الفرن تتشعوط

تحياتي