مبرووووووووك .الحزب الوثني......بح

[rewsha]

لسه حالا على الجزيره مباشر مصر

خبر ورد للتو :المحكمة الاداريه العليا تقضي بحل الحزب الوطني وتصفية اصوله وردها للدوله

[rewsha]

وعندك عدد 2 زجاجة شربات .واحده فراوله وواحده ورد

بس بالدور لو سمحتوا

هاوزع شربات الفراوله الاول ..

. :egyflag:

[fatfouta]

شكرا يا روشة عالخبر

احسن عشان طلعت السادات يبقى يفرح قوووووى

http://www.youtube.com/watch?v=vqWsn2OI6Qk

[fatfouta]

رصد |مصر| الجزيرة : قرار قضائيّ بحلّ الحزب الوطني وردّ أملاكه الي الدوله #RNN

[se_ Elsyed]

يا فندم تستاهلي كرتونة فراولة وأعصريها إنتي براحتك

بجد .... لا يصح إلا الصحيح

بس إيه ده ؟

وطلعت السادات

والأغلبية

والفكر الجديد

ونبيل لوقا بباوي اللي كان ناقص أمبارح يسب للحزب الوطني اللي كان منه ؟؟؟

[rewsha]

رصد |مصر| الجزيرة : قرار قضائيّ بحلّ الحزب الوطني وردّ أملاكه الي الدوله #RNN

بصراحه يا فتفوته بقيت اخاف احط اي خبر يجي في اي مكان غير التلفزيون

لان كل خبر بيطلع .نلاقي نفيه بعد كام ساعه

اول ما سمعت الخبر على التلفزيون جريت جري علشان افرحكوا

[جسار]

طيب وهو كده الاخ طلعت السادات حايجيب مقرات للحزب الجديد منين بعد مصادرة المقرات القديمة

يمكن يكون حيأجر مقرات أيجار جديد ... والا حيستولى على مضيفة العيلة فى ميت أبو الكوم

ويعملها المقر الرئيسى وساعتها ينط له اخواته و اولاد عمومته يمسكوا فى رقبته

أنا بأقول من الاحسن اننا نعمل زى تونس وناخد حكم قضائى يمنع أذناب الحزب الوطنى من ترشيح

أنفسهم فى المجالس النيابية .... هما التوانسة مش اجدع مننا .

[se_ Elsyed]

طيب وهو كده الاخ طلعت السادات حايجيب مقرات للحزب الجديد منين بعد مصادرة المقرات القديمة

يمكن يكون حيأجر مقرات أيجار جديد ... والا حيستولى على مضيفة العيلة فى ميت أبو الكوم

ويعملها المقر الرئيسى وساعتها ينط له اخواته و اولاد عمومته يمسكوا فى رقبته

أنا بأقول من الاحسن اننا نعمل زى تونس وناخد حكم قضائى يمنع أذناب الحزب الوطنى من ترشيح

أنفسهم فى المجالس النيابية .... هما التوانسة مش اجدع مننا .

لأ كده بخ ... لا طلعت السادات ولا محمد السادات

يروح يعمل له حزب جديد بقى لإن الحزب إتحل وأعضاءه هايسرحوا ببطاطا

والحزب الجديد لازم تنطبق عليهم شروط تأثيث الأحزاب

[se_ Elsyed]

بصراحة .. الحمد لله .. الأخبار الحوله بقى لها فترة نازلة ترف

النهاردة قرأت خبر إن بتوع موقعة الجمل إتلموا كلهم .. ولأول مره النهاردة جابوا رجل عضو مجلس شعب وطني قذر وتاجر مخدرات وأنا أعرفة شخصياً ... ما كنتش مصدق اخويا وقولت بيبالغ لما في نفس اليوم بتاع موقعة الجمل بلغني إن القذر ده حشد الكثير من البلطجية والمسلحين بالأسلحة النارية وعباهم في سيارات نقل وتوجهوا إلى ميدان التحرير ..

الحمد لله إتقبض عليه مع البرتيته ... وأتمنى إنه ياخد إعدام

[أحمد سيف]

خلال لقاء الإعلامي المتميز يسري فوده مع بعض قيادات المجلس العسكري قال في ختام البرنامج عبارة (أتمنى المجلس العسكري يسبق الشارع بخطوه) ... وأعتقد أن المجلس بدأ فعلا يستبق المطالبات الشعبية بالتنفيذ دون انتظار لضغط من الشارع ... فتحية لهم.

[aimen]

وسط هتافات بين أنصار الحزب الوطني ومعارضيه أصدرت دائرة الأحزاب السياسية بمجلس الدولة برئاسة المستشار مجدي العجاتى حكمها بحل الحزب الوطني .. وكانت المحكمة قد نظرت 3 دعاوى القضائية تطالب بإصدار أحكام قضائية بحل الحزب الوطني .. وفي أول رد فعل له قال طلعت السادات ” هذا حكم سياسي وانه سيكون حزب جديد خلال 24 ساعة باسم الحزب الوطني لأنه يعتز باسم هذا الحزب وانه سينظر في شعار الحزب .. وان كان لديه رغبة في الاحتفاظ بشعاره

وقال إن أعضاء الحزب الوطني البالغ عددهم 2 مليون مواطن مصري يعلنون أسفهم بهذا الحكم وانه يؤكد لهم ألا يغضبوا وانه سيعيد الحزب مرة أخرى من أجل مصر حتى يقف أمام الاتجاهات الأخرى وأنه لو لم يتمكن من إنشاء الحزب مرة أخرى سيضطر في المرحلة القادمة أن يلتحي ويلبس الجلباب وستلبس كل نساء مصر النقاب ولهذا فهو يحذر شعب مصر لأن الأيام القادمة ستكون صعبة.

وأكد السادات أن مقيم دعوى حل الحزب هم أغنياء اغتنوا أيام حسنى مبارك وأكد بأنه قبل رئاسة الحزب الوطني رغم هذا الموقف العصيب ومن أجل تعديل الميزان السياسي في مصر

وعلى خلفية هتافات أعضاء الوطني: علىّ وعلىّ الصوت الحزب الوطني مش ها يموت، وهتافات معارضي الحزب الوطني .. الحزب الوطني باطل .. طالب أحمد الفضالى رئيس حزب السلام أمام المحكمة ضرورة حل الحزب الوطني لأنه أفسد الحياة السياسية والاقتصادية والاجتماعية وأضاف إن الحزب بدمائه الجديدة يريد أن يمحو وجه القبيح التي كشفت عنها ثورة 25 يناير والدليل حبس رئيسه السابق حسنى مبارك وكبار أعضائه من رجال الأعمال والوزارات

من جانبه قال طلعت السادات رئيس الحزب الوطني الجديد للمحكمة بأنه قبل رئاسة الحزب الوطني في هذا الوقت العصيب وأن مقيمي دعاوى حل الحزب الوطني يريدون إحداث فراغ في الحياة السياسية لمصر لصالح تيار معين وأن الحزب الوطني طهر رموزه الفاسدة وان أي حزب لا يجب إن يقف عند بعض رموزه

وقدم السادات شهادة من النائب العام تفيد انه لم يتم التحقيق مع الحزب في أي وقائع فساد وانهي طلعت السادات كلامه بأن الحزب الوطني له ركيزة على ساقين هما حرب أكتوبر التي نجح فيها بالانتصار على إسرائيل وثورة 25 يناير التي أيدها من أول لحظة وهنا ارتفعت حدة الهتافات بين معارضي ومؤيدي الحزب الوطني الأمر الذي دفع دائرة الأحزاب تأمر برفع الجلسة لتعاود عقدها بعد اقل من ساعتين وتصدر حكمها

طلعت السادات العائش فى الوهم

[الغريب]

الحمدلله أن كارت طلعت السادات أتحرق مع حرق الحزب الوطني

ده لو كان لي كارت أصلا

[Simba]

من اجلك انت

وعلشان تتطمن علي مستقبل اولادك تم حل الوثني

الاجمل اني قريت علي النت ان التقاضي في قانون الاحزاب السياسية حكم نهائي لا يجوز الطعن عليه[/b]

[وطني حر]

السادات كنت راجل محترم او كان بيتخيل لنا ..

جت علي اخر يومين ونفضحت .

لا بد للمجرم ان ينفضح

[fatfouta]

فاكريييين" الحزب الوطني بااااطل و حسني مبارك بااااطل "؟ لقد سُمعت كلمتكم ! فنعم الثوار انتم ونعم الثوار

[se_ Elsyed]

بالراحة شويه أحسن يطق لك عرق وإنت راجل صاحب عيا

[fatfouta]

نطق حكم الحزب الوطنننننىىىىىىىى

http://www.youtube.com/watch?v=UngL7UuuTO0

[se_ Elsyed]

طلعت السادات شخص إنتهازي .. وحاول يعمل فيها زعيم الأُمة ويبقى راجل صاحب عيا .. قصدي صاحب حزب .. وكان بيقول إن أول قرار هايخده إنه هايفصل مبارك من عضوية الحزب

وقال كلمة غريبة أمبارح .. أنا قولت يمكن أُصيب بجنون لحظي وبقى يهرتل ويخرف ... بالنص سمعتة بيقول " نحن أصحاب إنتصار أكتوبر .. وأصحاب ثورة 25 يناير "

أه والله

أومال لما لسه عالبر وبيقول كده .. تخيلوا لو كان بقى رئيس الحزب بحق وحقيق ... وبعد الشر بعد الشر كان نزل إنتخابات الرئاسة وفاز .. كان هايقول طبعاً أنا صاحب الضربة الأرضية الأولى في حرب أكتوبر ... وأنا اللي شعللت ثورة 25 يناير

الغريبة رجع كررها النهاردة في المحكمة ...

يخرب ييت المعاتيه

حته من بتوع القذافي

من أنتم .. من أنتم .. زنجا زنجا

من لك لله يا بتاع زنجة الستات ياللي لحست مخ الناس

حيثيات حكم حل الوطنى.. الحزب أزيل من الواقع السياسى منذ إجبار "مبارك" على التنحى وطلعت السادات وعلى طريقة القذافى خاطب خصومه: "نحن أصحاب انتصار حرب أكتوبر وثورة 25 يناير.. فمن أنتم؟"

[se_ Elsyed]

بس هو لسه قدامه فرصة ... ممكن مثلاً يعمل حزب ويسميه " حزب وداد جلبي "

أنا صعبان عليه نبيل لوقا بباوي اللي هايبات في الشارع دلوقت ومش هايلاقي له متوه ...

تصدقوا بالله ؟

لا أستبعد تماماً إني الاقي نبيل لوقا بباوي يطلب الإنضمام للإخوان المسلمين من بكره ويربي دقنه ... ويفضل مسيحي برضوا عادي ... أصله ما عندوش مشاكل ...

أنا بأقول لكم أمبارح ظهر مع مصطفى بكري في برنامج " منتهى الصراحة " وكان ناقص يشتم الحزب بأوبه وامه ... عادي خالص ... كده موجود وكده موجود واللي يتجوز أمي أقول له يا عمي ..

[Alattar]

نبيل لوقا لسه عايش و بينده و بيقول..فين سيييين سيييين...هو السبب في اللي أنا فيه ده

القاهرة - أ ش أ

صرح الدكتور نبيل لوقا بباوى المتحدث الرسمى باسم الحزب الوطنى بأن الحزب سوف يمتثل لأى حكم يصدره القضاء بشأن الدعوى المرفوعة لحل الحزب.

وقال بباوى إن الحزب سوف يقوم بإتخاذ الإجراءات القانونية فى مواجهة الحكم فى حالة صدوره بحل الحزب ، من منطلق أن فساد الجزء لا يعنى فساد الكل، مؤكدا أنه من حق أعضاء الحزب الوطنى الشرفاء ممارسة العمل السياسى داخل حزبهم خاصة بعد القبض على بعض أعضائه المتهمين فى قضايا فساد .

يذكر أن المحكمة الإدارية العليا التى تعد أعلى درجات التقاضى بمجلس الدولة تنظر حاليا فى دعوى لإلغاء الحزب ، حيث كان تقرير هيئة مفوضى الدولة بشأن القضية قد إنتهى إلى تأييد طلب حل الحزب .

بيقول انه هيستأنف الحكم في حالة الحكم بحل الحزب

تم تعديل 16 أبريل 2011 بواسطة Alattar