مبرووووووووك .الحزب الوثني......بح

[Abu Reem]

اي واحد يتكلم بلهجة مثل لهجة طلعت السادات لابد ان يقابل بالاستهجان

مفيش حد الفترة الجايةويتكلم عن طموحاته الشخصية لازم الكل يتكلم عن طموحات المصريين ويعبر عن احلامهم مش عاوزين البلد تبقي عزبه مرة اخري

وبعدين القرارات اللي عمالة تطلع ومابنشوفش احكام دي مسالة تقلق

تحفظ علي اموال ، واستدعاءات للاستجواب ، وحبس 15 يوم

والاخر مشفناش حاجة ولا شفنا مبارك ولا شفنا ولاده وهمه بينحقق معاهم

يعني لحد دلوقتي كله شتيمة. ...شتيمة ،،، مفيش ضرب بقى

[arkan]

قدموا ايه لمصر غير الشعارات التي لا تسمن ولا تغنى من جوع

حزب بدون مصداقية

كفايه عليهم كده

قد يكون فيهم شرفاء او حسني النية ولكن انتمائهم لهذا الحزب اساء لهم

[fatfouta]

طلعت بيقول

إن المرحلة القادمة من تاريخ مصر هي مرحلة مش مضبوطة من غير الوطني

انا اكتر واحد اتأذيت من مبارك واى واحد هيزايد عليا ها........... مش هقدر اكمل

عدد اعضاء الحزب الوطني 85 مليون عضو، الحزب الوطني هو اللي حارب في اكتوبر 73، التطاول على مبارك ده قلة اصل

تم تعديل 16 أبريل 2011 بواسطة fatfouta

[masrymasry]

يااااااااااااااااااااااااااه

أخيرا

الحمد لله الواحد هيستريح من الأشكال القذره زي "نبيل لوقا" وغيره آفات الحزن الوطني السابق

[خالد شحاته]

بالراحة شويه أحسن يطق لك عرق وإنت راجل صاحب عيا

طلعت السادات ده افاق عايز يعمل زعيم علي الفاضي حزب الوطي كويس انه التلغي من الدنيا انما السادات ان كان هيعمل حزب الاحسن انه يبعد عن اي كلمه تجيب فيها الحزب الوطي ازين له لان بعد كدا كل الا هيدخل في حزب زاي دجه هيكونو كلهم نصابين

[YOUR BROTHER]

طلعت السادات شخص إنتهازي .. وحاول يعمل فيها زعيم الأُمة ويبقى راجل صاحب عيا .. قصدي صاحب حزب .. وكان بيقول إن أول قرار هايخده إنه هايفصل مبارك من عضوية الحزب

وقال كلمة غريبة أمبارح .. أنا قولت يمكن أُصيب بجنون لحظي وبقى يهرتل ويخرف ... بالنص سمعتة بيقول " نحن أصحاب إنتصار أكتوبر .. وأصحاب ثورة 25 يناير "

أه والله

أومال لما لسه عالبر وبيقول كده .. تخيلوا لو كان بقى رئيس الحزب بحق وحقيق ... وبعد الشر بعد الشر كان نزل إنتخابات الرئاسة وفاز .. كان هايقول طبعاً أنا صاحب الضربة الأرضية الأولى في حرب أكتوبر ... وأنا اللي شعللت ثورة 25 يناير

الغريبة رجع كررها النهاردة في المحكمة ...

مش بعيد لو كان فيه عمر للحزب الواطى دة كنا شفنا طلعت بعد كام سنة شايل صورة الشاب الى وقف قدام عربية الأمن المركزى فى الثورة وحط صورتو

أو لوقا بيباوى شال صورة الشيخ القرضاوى فى خطبة جمعة النصر بالميدان وحط صورتو

طبعا دة بروتوكول فى الحزب الواطى

[Folana]

السلام عليكم ورحمة الله...

أخيراً حدثت المعجزة...

الله أكبر ولله الحمد...

والله أنا من ساعة ماشفت طلعت السادت وهو ماسك فى ايده سبحة تلاتة متر وبيقول

" أنا مش طمعاان فى رياسة جمهورية ولا فى رياسة وززارة...مانيش طمعاااان ..موووش عااااايز...أنا فى اعتقادى ان رئيس الجمهورية فى المرحلة القادمة لابد يكون عسكرى"...

حطيت ايدى على قلبى وقلت لطفك يارب...ربنا يستر ...

لكن ربنا كريم وبيعمى قلوبهم وبصيرتهم حتى يكشفوا نفسهم بنفسهم ...

ربنا يلم شملهم كلهم فى ليمان طرة وعلى رأسهم مبارك المخلوع ، ويتم نصره بأن يراهم أباء وأمهات الشهداء معلقين فى حبل المشنقة كما قتلوا أبنائهم لكى يكونوا عبرة لمن سيأتى بعدهم ..

ولن نقنع بما يفرضونه من سرية على المحاكمات ، اذ لابد بالفعل من أن تكون المحاكمات علنية تنقلها جميع وسائل الإعلام كما حدث مع صدام حسين ، ولن يكون هناك مجال للألاعيب القانونية أو إستغلال الثغرات ، فجرائمهم جميعاً يستحيل الدفاع عنها " كمّاً" ( عدد الجرائم لكل منهم ) ، و " كيفاً" ( نهب وسلب وقتل وتربح وتزوير الى غير ذلك من الجرائم ).

اشمعنى يعنى هشام طلعت كانوا بيذيعوا جلسات محاكمته؟..والله انا كنت فاكرة اننا فى بلد ديمقراطى ومن حق الشعب يعرف كل حاجة..أتارى الموضوع غير كده....

ولا مكان هنا بالتشدق بالرحمة ومراعاة التقدم فى السن أو التخفيف للمرض أو أى عذر أخر ، لانهم لم يرحموا أحداً لنفس هذه الاعذار ، ولم تأخذهم شفقة ولا رحمة لا بشاب ولا طفل ولا امرأة ولا رجل ولا كهل ، بل كانوا غلاظ القلوب كجلمود صخر حطه السيل من عل ...

نرجع لموضوعنا....ونحمد الله حمداً كثيراً على أفضاله علينا ونصرته لنا..

" وَمَا رَمَيْتَ إِذْ رَمَيْتَ وَلَكِنَّ اللَّهَ رَمَى وَلِيُبْلِيَ الْمُؤْمِنِينَ مِنْهُ بَلَاءً حَسَنًا إِنَّ اللَّهَ سَمِيعٌ عَلِيمٌ"

[Alshiekh]

السلام عليكم

أولا مبروك حل الحزب

وياريت قضية أخرى تطالب ضد كل أعضاء وكوادر الهيئة العليا للحزب الوطني المنحل بالحرمان من العمل السياسى لمدة دورتين كاملتين على الأقل حتى يمكن تنقية المناخ السياسي الذى افسدوه خلال العقود الثلاثة الماضية

ثانيا بمناسبة رئيس الحزب اللى مالحقش يتهنى

وحتى لاننسى ، يسعدنى أن أذكركم بهذا الموضوع الذى كتبته منذ عام ونيف عن طلعت السادات

[almetwally]

حد يقول للعمدة سليمان غانم الشهير ب طلعت السادات إن الحزب الواطي اللي كنت عايز تجدده وتجيب له الاغلبية في البرلمان والمحليات من تاني أصبح خرابة على النيل.

وأفضل لك إنك تروح بيتكم لأن الفرح شطب والمعسل خلص.

وآخيرا ينصح بمراجعة موقفك إستعدادا للقاء جهاز الكسب غير المشروع قريبا

[رضوي]

أخيييييييييييييييييييييييييييييييراً

حمداً لله علي السلامة ................ يارب بقي كل اشكال البلطجة تنتهي ومانسمعش عن بلطجة ولا سرقات ولا غيره

الف مبروك ........

ومن انجاز الي انجازات ان شاء الله

[wahed_masry]

السلام عليكم

الحمد لله

السزال الأن

كيف يمكن ضمان عدم عودة فلول الحزب الوثنى بأي شكل كان تحت مسميات جديدة

إنهم ليسوا قلة

واسمعوا مكالمة نبيل لوفا بباوي إلى بي بي سي والتي قال فيها أن المرحوم الحزب ليس كلة من الفاسدين

وأن فلوله سيكونو حزب جديد....إلخ

أعرف أنها حلاوة روح من شخص سيئ جداً

ولكن كيف نمنع هؤلاء الفاسدين ونبحث لهم عن أي إنشغال يقينا شرهم

تحياتى

تم تعديل 16 أبريل 2011 بواسطة wahed_masry

[se_ Elsyed]

ثم ماذا بعد ؟

يعني الحزب الوثني إتسرح وأتشمع

طب والـ 51 الف عضو مجلس محلي اللي كلهم حزب وطني ... دول مصيرهم إيه ؟؟؟؟؟

[ssmaly]

)بعد حل الحزب الوطنى قرر طلعت السادات انشاء حزب جديد بأسم (فلول الحزب الوطنى الجديد

[se_ Elsyed]

الناس دي معموله من أنهي طينه ؟؟؟

يخرب بيت كده

على قناة او تي في جابوا نبيل لوقا باباوي بيعلق على الحكم ...

يخرب بيت كده ... هما أهله مستحملينه إزاي ؟

يعني من حضورة جلسه العصر لحل الحزب الواطي اللي هو المتحدث الرسمي بإسمه

في ثواني يروح البيت ويلبس بدلة الرقص ويتحزم ويطلع على التليفزيون ميت من الضحك ويقول " ده كان لازم يحصل عشان تنفيذ مطالب الثورة .. والاهم من ذلك عشان ما نشككش او نهاجم الجيش .. لإن الجيش خط احمر .. ونحن إحتراماً للثورة وشهداءها ومطالبها سنحترم الحكم "

جااااااااااااااااااااااااااااااااااااااااااااااااااااااااااااي

خدت 5 دقايق جُرعة ..

وقولت بقى لي حوالي 3 شهور فعلاً ما شوفتش خلفت توفيق عوكاشة على قناة الفراعين

يا لهووووووووووووووووووووووووووووووووووووووووووووووووووووووووي

أقسم بالله ما أستحملت أكثر من 10 ثواني وحسيت إن هايحصل لي حاجه وعيالي هايتتموا

بيعلق على الحكم وكان قاعد يعد جرايم الحزب الوطني في حق الشعب المصري وعلى رأسهم الرئيس مبارك

جاااااااااااااااااااااااااااااااااااااااااي

جااااااااااااااااااااااااااااااااااااااااااااااااااااااااااااي

[engmido]

جاااااااااااااااااااااااااااااااااااااااااي

جااااااااااااااااااااااااااااااااااااااااااااااااااااااااااااي

ايه ده

سليمان غانم

ههههههه

[جسار]

أنتم فاكرين موقعة ضرب الصحافيات مش فاكر 2006 او 2005 أمام مبنى نقابة المحامين

وأظنكم تفرجتوا جميعا على المدعو.. نبيل لوقا بباوى وهو يتبجح فى التليفزيون وينشر

أكاذيبه المسمومة وقلة أدبه عن تلك المناضلات .... ، ومن يومها أصبح هو والدقاق

متحدثى الحزب أمام شاشات التليفزيون المصرى والعربى ، وان كان الدقاق يتسم بالبرود

والغباء فى آن واحد ، الا ان بباوى كان يتسم بالصفاقة والكذب البين كما ظهر ذلك فيما بعد

فى تعليقاته السادية عن احداث المحلة من ثلاثة اعوام وهو يقول : والولد اللى انضرب بالنار

من الامن أيه اللى خلاه يقف فى البلكونة !! ، أو أن يقول و أيه يخلى سيدات تتزاحم داخل المظاهرة

وسط الرجالة ويفشخ ضبه على الآخر ....

أتمنى ان تلاحقه أحداهن بقضية تجيبه من قفاه التخين ويشرف مع مورتا ويلعبوا صلح جوه المعتقل ..

[fatfouta]

الصفحة الرسمية لرئاسة مجلس الوزراء المصرى

سيتم تخصيص أحدى مقار الحزب الوطني التى سيتم تسليمها للدولة كمقر للمجالس القومية المُتخصصة ، وآخر كمقر للمجلس القومى لحقوق الانسان

[fatfouta]

شطب الوطني من سجلات الأحزاب

صرح المستشار كمال نافع رئيس لجنة الاحزاب السياسية النائب الاول لرئيس محكمة النقض بأن اللجنة قررت انعقاد اثر الحكم الذي اصدرته المحكمة الادارية العليا الدائرة الاول

بشأن انقضاء الحزب الوطني الديمقراطي وتصفية امواله واولياتها للدولة ورفع اسم الحزب من سجلات الاحزاب القائمة. واكد ان اللجنة ناقشت في جلستها المنعقدة يوم الاثنين الماضي خمسة موضوعات اصدرت في ثلاثة منها قرارات بإستيفائها قبل اتخاذ القرار النهائي بشأنها. واضاف المستشار كمال نافع ان اللجنة اتخذت قرارا بتكليف محمود عبدالعزيز بصفته رئيس حزب المحافظين بآرسال ميزانية الحزب عن العام المالي من1 ـ7 ـ2009 حتي31 ـ12 ـ2010 الي الجهاز المركزي للمحاسبات لفحصها ومراجعتها وفقا لنص المادة12 لقانون رقم40 لسنة77 واخطار اللجنة بنتيجة الفحص والمراجعة علي ان يرسل اقرار الذمة المالية الخاص برئيس الحزب الي الجهة المختصة وفقا لاحكام القانون62 لسنة1975 بشأن الكسب غير المشروع والقانون40 لسنة.1977

http://www.ahram.org.eg/The-First/News/76549.aspx