الحملة الشعبية لرجوع عنبو من جمل الافلام والاعلانات المصرية

[Alattar]

الأخوة والأخوات

لقد مرت محاوراتنا بالعديد من الأحداث الجسام ..

كان على رأسها ما يُعرف بالثورة المضادة ... وبعد البحث والتقصي ... إكتشفناأن المذكور عنبو الأعانيب يقود ميليشيا من المحاوراتيين فيما يُعرف بـ " فلول المحاورات " ومن ضمن هؤلاء الفلول عدة فلافل على رأسهم :

1- الفِل الأول .. مكاوي الشهير بميكو .. وده قائد الجناح العسكري

2- أركتيكت الشهير بـ " 7 إبريل "

3- حسام الشهير بحوس الجن

4- دياب الشهير بدبوب

ومعهم عنبو بالتأكيد

لذا .. فلقد قررنا تحويل المذكور لإدارة الكسب غير المشروع للتحقيق معه في ثروته التي تبلغ 136 نقطة خضرا ... ولدينا ما يُثبت إنه حصل عليهم بطريقة غير مشروعة مما أدى إلى ضخم الغدة الدرقية عنده .

حفظ الله مصر

والله ولي التوفيق

حضرتك سيادتك ال 136 نقطة دول أنا ليا فيهم 40 نقطة..كان خدهم مني بعد ما وعدني انه هيدخلني كلية الشرطة

:closedeyes: أنا عاوزهم

[engmido]

ده ناقص تقولوا

الاسفلت مولع ليه علشان عنبو جاى عليه

[الغريب]

الأخوة والأخوات

لقد مرت محاوراتنا بالعديد من الأحداث الجسام ..

كان على رأسها ما يُعرف بالثورة المضادة ... وبعد البحث والتقصي ... إكتشفناأن المذكور عنبو الأعانيب يقود ميليشيا من المحاوراتيين فيما يُعرف بـ " فلول المحاورات " ومن ضمن هؤلاء الفلول عدة فلافل على رأسهم :

1- الفِل الأول .. مكاوي الشهير بميكو .. وده قائد الجناح العسكري

2- أركتيكت الشهير بـ " 7 إبريل "

3- حسام الشهير بحوس الجن

4- دياب الشهير بدبدوب

ومعهم عنبو بالتأكيد

لذا .. فلقد قررنا تحويل المذكور لإدارة الكسب غير المشروع للتحقيق معه في ثروته التي تبلغ 136 نقطة خضرا ... ولدينا ما يُثبت إنه حصل عليهم بطريقة غير مشروعة مما أدى إلى ضخم الغدة الدرقية عنده .

حفظ الله مصر

والله ولي التوفيق

يا س س

أنا ذكرت في مدخلتي أن عنبو أرسلي رسالة وقالي أن مشاركاته تحت المراقبة وهو لا يعرف السبب

وأن هذا الأمر سببله ضيق ، فياريت تراسله أو تقوله هنا إيه سبب وضع مشاركاته تحت الرقابة

الراجل بيقولي أن بيكتب المشاركات ومش عاوزة تظهر في الموضوع هنا وزعلان ..

[عنبو]

سلام عشان عنبو العطار

معروف كمان وزباينه كتار

من اسوان لراس التين

عارفين طبعا عارفين

فيه عنده قمر الدين

وافزدق ويا التين

واشمر والينسون

والفلفل والكمون

عنبو العطار عنبو العطار

يعني طلعنا قرايب كمان..ما شاء الله ..ما شاء الله

ارجع يا ابن عمي

عنبو...عودي..قبل الفجر...دي عروسة النيل علي ما أتذكر يعني

ارجع يا عنبو علشان العطار والسبع بنات clp::

أنا سألته في الجبل مبتدخلش المحاورات ليه قالي "هنا وهناك واحد"

رد دبلوماسي مش كدة

ماشي يا عنبو bsh:)

خلاص متزعلش يا غريب وخد rs:

الشعب ايد واحدة

الرجاء دعم الحملة ومواصلة النضال :)

كلاكيت تانى مره ....

عنبو يا ولدى ..لملم خلاجاتك وبوووس فى اخواتك .....وارجع محاوراتك

دم هناااااااااادى فى اديك ياعنبو :P

بلاش يا ماما موضوع البوووس ده علشان في ناس شريره بتفهمه غلط وانتى عارفه ابنك غلباااااااااااااااااااااااان غلب الفيل

[fatfouta]

بلاش يا ماما موضوع البوووس ده علشان في ناس شريره بتفهمه غلط وانتى عارفه ابنك غلباااااااااااااااااااااااان غلب الفيل

انت جيت يا عنبو حمد عالسلامة يابنى

السجن للجدعان...........فيلم احلام هند وكاميليا :)

تم تعديل 17 أبريل 2011 بواسطة fatfouta

[Alattar]

حمد لله علي السلامة يا أبو الأعانيب..نورت بيتك و مطرحك..وكويس انك لحقت جيت عشان تاخد مكان أي حد تاني عاوز ينسحب لحد ما ييجي بس

[عنبو]

يااااه يا أستاذ سمبا اخدتها من طرف لساني

عود يا عنبو

معقول مصر رجعتلنا وانت لسة ؟؟؟؟

أنا مش متحركه من هنا لحد ماتتنفذ مطالبي

واااادي قعدة

شكلك مش عاوزه تذاكرى وعاملنى حجه بس انا هفوتها عليكى وادينا رجعت اهو بقى يلا بقى قومى ذاكرى سيتولوجى والاندوركرينولوجى (( رخمه رخمه رخمه الخ )) ميرسى يا داموز على موقفك

جميله جدا استاذ سمبا معتقدش ان استاذ محمد لما هيقراها هيفضل متمسك بقرار الانسحاب اكتر من كده لانه

استاذه مغتربه انا جيت اهو بس انتى مكملتيش الجمله ليه قولتى لانه وسكتى شكرا على مداخلتك

ارجع ياعنبو

بقي عندنا شات زي الجبل وبناقش في مواضيع هامه وجاده

واخر موضوع الاسبوع اللي فات كان

بتحط صباعك في مناخيرك كم مره في اليوم ؟

عايزينك تيجي تدلي بدلوك معانا في اجتماع هذا الاسبوع للشات

ارجوك

دكتورنا العزيز وزميلى الغالى الموضوع مكنش موضوع تشات ابسلوتلى الموضوع اكبر من كده الموضوع ان المطاريد عندهم حشيش انما هنا مافيش حشيش وانت عارف بقى الكيف وبالنسبه للاجتماع فانا مش عاوز نحرف الكروت بتاعتنا الاول مش عاوزين نبداها جد من الاول علشان الناس متزهقش منا ايه رأيك لما نبدا مثلا استخدام تقنية التناضح العكسى فى تحلية مياه البحر الاحمر واثر ذلك على ازمة النيل موضوع خفيف اهو ودبابه اخر حاجه

برافو يا سمبا ...

رصيدي خلص

عنبو أعضاء المحاورات في انتظارك

( و الله ما أعرف سبب إعلان انسحابك )

ده سر من اسرار المخابرات ان شاء الله بعد لما اعتزل هنعمله مسلسل زى رأفت الهجان كده ب ياترى هيدونى فلوس ولا هيضحكوا عليا ;)

ميرسى لمشاركتك

اوعي ترجع ياض

لو رجعت هغزك

اذا كنتوا صعايده فاحنا فلاحين العيل عندينا اول لما يعرف يمشى بناخده من امه ونحفر فى الارض ونحطه ونردم عليه وبعدين نحفر عليه

بعد سنتين لو كان لسه عايش بنقول ان الارض امه وعلشان كده حافظت عليه ولو مات بنقول ده خسيس وعميل وبنطخه ونطخ امه

وبعدين فيه واحد صعيدى يهدد واحد شرقاوى ويقوله اغزك شكل القعده فى القاهره غيرتك يا ابن عمى انت نسيت فى اولى صعيدى بنتاخدواايه ان لما تحب تزغزغ واحد غزه بمطوه فى جنبه الايمين

تم تعديل 17 أبريل 2011 بواسطة عنبو

[capitshino]

احنا مش اسفين يا عنبو

[م تيمور المراغي]

ايه الجمال والروعه دي ,,

حمد الله على السلامه يا عنبي اشتقنالك بجد مش مجامله

وبكده يكون عاد للمحاورات كامل القوة الضاربة لشباب جده

اللي خايف يروح :happy:

http://www.youtube.com/watch?v=Ckm_VGoBrto

[fatfouta]

اللي خايف يروح :happy:

bk:

[عنبو]

اوعي ترجع ياض

لو رجعت هغزك

آدي ال

reverse psychology

و لاّ بلاش

:closedeyes:

بيقولك صعايده مع فلاحين تقولى الرفيرز سيكولوجى

شكرا على مرورك الجميل

احنا اسفين يا عنبو :happy:

المحاورات مالهاش طعم من غيرك يا حبيبي

تيمو حبيبى لقد عدنا لكى نبدا العهد الذى قطعناه على انفسنا فاما حياة تسر الصديق وانا مماة يغيظ العدا

اوعي ترجع ياض

لو رجعت هغزك

:bro:

انا اؤيدك

:waf:

الله اكبر ولله الحمد انا الدمعه هتفر من عينى ايه التقوى دى اخى الكريم مره واحده واؤيدك كمان ماشى يا فتفوته اه منكم يا بتوع شبرا

عنبو يرجع

وفتفت وياسر يريحوا على الدكه شوية :closedeyes:

bv:- bv:-

عقلك في راسك

ومطوتك في جيبك

واللي يقولك ما ترجعش المحاورات قطعه .. اللمبي

انسحاب عنبو من المحاورات باااطل

بااااطل ... بااااطل شئ من الخوف

طب وشرفك يا عنبو لا نشتري السيرفير اللي بيقف عليه المحاورات ... اسماعيل ياسين من العتبة الخضرا

ارجع يا عنبو من بعدك نحط ساندويتش الطعمية فين في الامانات عمر الحريري العتبة الخضرا

ارجع يا عنبو اطمن ... اعلانات سوبر مان الشرطة اليومين دول

ارجع يا عنبو للسمو للعلو للارتفاع فيلم ام رتيبة

ارجع يا عنبو علشان تمرجحنا مرجح فيلم حماتي ملاك ماري منيب

رجع يا عنبو وحط طوبة علي طوبة بلاش العركة تبقي منصوبة ماري منيب

ارجع يا عنبو انا كنت جزء من النظام دلوقتي مصر بتتغير وانا كمان اعلانات اون تي في

ارجع يا عنبو علشان تدعم حملتنا التاريخية في توعية الشعوب العربية ان الزواج من واحدة واتنين لا يكفي .... دي من عندي :closedeyes:

انا رجعت مخصوص علشان اخر جمله دى ي سمبا حقا الزواج مره واحده واتنين لا يكفى هيا بنا نعدد (( عنبو ))

[م تيمور المراغي]

اللي خايف يروح :happy:

bk:

يارب يا فتفت تاخدي ايقاف شهرين

ونص

وتيجي ترجعي

تلاقي اتوبيس سياحي فاخر انا عارفو كويس

بس خلاص قلبي مش مطاوعني

[م تيمور المراغي]

عنبو غير توقيعك

[Alattar]

اللي خايف يروح :happy:

bk:

واخدلي الك انت يا أرك

فيه واحد عمال يضحك و بيقول اللي خايف يروح..وهو بيضحك..فتفوتة خبطته بالعجلة..خد بالك يا ريس

[masraweya]

عنبو غير توقيعك

كنت هقولها

:closedeyes:

حمدا لله على السلامة

[الباشمهندس ياسر]

رجعنا بقي للشقاوة من تاني

ايوه يا عمنا

هنثبت مين النهارده

[عنبو]

إيه ده ؟

هو عنبو محصرم ومحتجب ؟؟؟؟

لو كنت اعرف كده ما كنتش بعتت له نسخة من الكتاب لا وكتبت له عليها إهداء خاص ...

ماشي يا عنبو ؟

عالعموم ... اللي مالوش أهل ... فالمحاورات أهله ( فيلم زينب وبراهيم وهي بتكح وعندها سعال ديكي )

أرجع يا عنبو .. أنا قبل الثورة ما كنتش باحب البامية .. وبعد الثورة برضوا لسه ما باحبش البامية .. وما باحبش عنبو ( من إرهاصات الثورة )

عنبو .. أسطورة لا يمكن ان تنتهي

عنبو ... أما العصر ... او المزمزة ..... ( ثعلب الصحراء )

عنبو هايعمل العملية .. وهايرجع أحسن من الاول يا نينه ( فردوس محمد .. وعبد الحليم في فيلم الشعر الحرير عالجبين يهفهف .... مع تحيات الأسطى سين سين المزين )

عنبو .. الا تستحم يا رجل ( محمو فرج في فيلم فجر الإسلام )

يا عنبو يا زينة الحي .... عاوزين نشوفك رايح جي ... ( كوكا في كل أفلامها بتاعت البدو )

عنبو ... خدها من فلاح إبن فلاح .. إذن أنا أكرهك ( أسمهان وهي داهنه شعرها سمنة بلدي )

الشعب يطالب .. بعودة عنبو الغائب

يااااااادى الكتاب امال بقى لو مش الشيخ تيمور رضى الله عنه دافع حقه وبالدولار كمان

شكراً يا ابيه على مرورك الجميل

يا خسارة يا الف خسارة ع الجدعان

طب لو راجل و شايف نفسه راجل يرجع

:egyflag:

كيف يعود وأنتم تحرقون عناقيد العنب ( ريتشارد يتحدى صلاح الدين القليوبي )

اللي يشوفه منكم في المحاورات يقتله ( كاتبغا وقظز يتحدون سعد الدين بيبرس )

اذا انها الحرب يا ابا سين فعلينا ان نعد العده والعتاد لملاقة عدو الله ايها المسلمون انقذوا دين الله هؤلاء القوم ما ارادوا بعنبو سوء الا من اجل تقواه وورعه وخوفه من الله وقوله لكلمة حق عند سلطان جائر

سؤال سئيل كده .. وعلى هامش الموضوع .. هو ايه حكاية الجبل ده ؟:unsure:

الدبل يا تونسي إشارة إي منتدى اخونا حشيش " المطاريد "

وما احلى عيشة المطاريد وخصوصا فى وجود الحشيش

عنبو ارجع بقه و هات تمن تلاجه و انت راجع علشان العشا

تمن بضم الميم ولا فتحها ؟

وبعدين الجمله دى مجتش فى ولا فلم من الافلام مش عاوزين خم يا هندسه الموضوع جد خطير خدى دى اديها ل ليلى وسيبك من التلاجه

ارجع بقي ياعم.........خلي عندك دم

مش انت ياحسني احنا بنادي علي عنبو ماتصطادش في المياه العكره تقول الشعب بيندهلي

انا رجعت علشان خفت اصل حسنى يشيطت فى الكلمه وينسب الفضل الى نفسه واذا كان هو صاحب الضربه الجويه فانا صاحب تيمور المراغى

وحوسام وميكو

[م تيمور المراغي]

اللي خايف يروح :happy:

bk:

واخدلي الك انت يا أرك

فيه واحد عمال يضحك و بيقول اللي خايف يروح..وهو بيضحك..فتفوتة خبطته بالعجلة..خد بالك يا ريس

ماهو انا زقيتها من على العجله وخبطتها بخشبه في دماغها وخدتها منها ,,

الله

العجله ام 3 عجلات دي روووعه توحفه الله

[عنبو]

دي اللي حترجعك لا محالة يا عنبو

وتحدي :happy:

http://www.youtube.com/watch?v=UTZ84AeV8j8

حقاً ما اجمل ان تسهر من تيمور وميكاوى وحوسام وطاهر وهيما على كورنيش جده ويحتد النقاش بينى وبين تيمور ويقابله تيمور بابتسامه عريضه دعنى افهمك بقالك اسبوعين متغيب يا هندسه طيب ميكاوى وعارفين هو بيغيب ليه اما انت ليه بقى

حمدلله عالسلانة يا عنبو

نورت بيتك ومطرحك من تانى

صديقى العزيز حوس الله يسلمك يا باشا فاكر 5_0

بعد ما عنبو رجع بمشاركة طياري :

أرحل تاني يا عنبو كنا بنهزر معاك :P

:P

الأخ الفاضل عنبو أرسل لي رسالة جاء فيها الآتي :

أولا هو يشكر جميع الأخوة الأعضاء على شعورهم الطيب ..

ثانيا هو يستفسر من الإدارة لماذا تم وضع مشاركاته تحت المراقبة ، لأنه أضاف مداخلة منذ ساعة ولم تظهر بعد ، ولا شك أن هذا الأمر سبب له مزيد من الإستنكار لأنه غير معلوم السبب

نرجو من الإدارة الكريمة توضيح الموقف بالنسبة للعضو الفاضل عنبو حتى يتبين له سبب وضع مشاركاته تحت المراقبة ؟؟

تحياتي...

:hi:

آسف يا جماعة .... بس هو مين عنبو ده؟ :)

مدير مراجيح مولد النبى ومرشح للرئاسه عن دائرة كفر الشيخ عمر

عنبو ده اللي الاسفلت بيشتكي منو !!

حد ميعرفش عنبو .. ده صورته قربت تنزل ع الجنيه .... اللمبي

عنبو ده يا ابني ... يا اه يا اه ..... توفيق الدقن

عنبو اكس ..... فؤاد المهندس مستر اكس

عنبو يتحدى الملل ... جمال مروان ميلودي

عنبو هو اللهو الخفي ..... العيال كبرت

عنبو قاهر الأو...(:)) .... أبلة نظيفة و القطنة ما بتكدبش

عنبو خلصت فيك كل الكلام .... الراحل عمرو دياب

ميكو صاحبى العزيز ومنافسى الوحيد فى البلاستيشن

شكرا صديقى العزيز صدقا صدقا (( خالد علاء الدين بتاع بانورما ام ام ))

[الســـاري]

خلاص عنبو احنا ناديناك بس عشان اللي ما شافكش قبل كده يشوفك ..

خلاص ارجع تاني .. انت عهدة لازم نحافظ عليها

فيه حد لسه ما شافش عنبو ؟؟؟؟؟؟؟