حقيقة السيدة التى هاجمت البرادعى امام دار القضاء

[fatfouta]

إشمعنى البرادعى اللى بيأجوا له ناس يهاجموه؟!!!!

طيب فيه كام مرشح للرئاسة ماشوفتش حد منهم اتهاجم كده.....شوفوا الفيديو

http://www.youtube.com/watch?v=8hFyxObvQic

[م تيمور المراغي]

يمكن صدفة ,,

يعني مش لازم عملها ككومبارس يكون قرينه انها متاجره عشان تقول كده ,,

يمكن بتعبر عن رايها ,,

انوه ان دكتور برادعي هو الاب الروحي لشباب 6 ابريل عشان مايتقالش تيمور بيدافع عن اللي بيهاجموا الدكتور دي اتفصل فيها دي هههههه

لكن دفاعا عن حرية التعبير ,,

[جسار]

الموقف ده بيفكرنى بفيلم معبودة الجماهير لما قامت نادية عزت بدور رقاصة مغمورة ورمت

بلاها على حليمو وقالت انها مراته ومجرجرة وراها دستة عيال معمصين .

بس انا لى ملاحظة يا اخ آرك ... بصراحة كده ومن خبراتى الواسعة أنتم - شباب 6 أبريل -

مطمعين العالم الحوش فيكم أيه الادب ده والرقة والحنية !!! ... كل اللى حوالين البرادعى

شباب حلو صبيان وبنات خريجى جامعات أجنبية واللاب توب فى حجر كل واحد منهم والشعور الطويلة

والتربية والتعليم باين على وشوشهم ... كده ما ينفعش أبدا انتم محتاجين دعم فورى من شباب

بولاق الدكرور والسيدة زينب والقلعة و امبابة وزينهم وداير الناحية ... عيال حرشه شكلهم فيه

ايحاءات تخلى اى واحد يحاول الاقتراب من موكب البرادعى يراجع نفسه ...

وعلى فكرة المناطق اللى ذكرتها فيها اولاد مثقفة وجدعان قوى وبيحبوا مصر بجد ...