خايف علي بلادي

[الباشمهندس ياسر]

احترت احط الموضوع ده في انهي باب

لقيت نفسي رايح ع السياسة الدولية و اخترتها

ليه مش عارف احدد

اني اللي هعرف احدده و اوضحه كويس هو

انا خايف ليه

من فترة كده قلت باللفظ هذه ثورة ستغير وجه التاريخ

مش عاوز حد يقول ايه الشطط الفكري ده .. بس اللي انا شايفه قدامي

اننا من غير ما ناخد بالنا تسببنا في اعادة هيكلة كاملة لمخططات كل الدول الكبري

و برده من غير ما نبقي قاصدين اوي يعني .. لاقيين نفسنا بنبي كيان جديد يليق بالعودة للدور القديم لمصر

مصر

من غير تفاصيل كتيرة و تكرار لكلام و تاريخ كلنا عارفينه

انا خايف من ضربة استباقية من حد

خايف حد يورطنا سواء شعرنا او لم نشعر و يجرنا لحرب تقيلة شوية علي عضمنا و احنا لسنا بنفك عضلاتنا

حد مشاركني الاحساس ده

[ذهبية]

انا خايفة على بلدى مش من اللى برة خايفها عليها من جوة

قبل الثورة كلنا كنا متابعين الىل كان بيحصل من مزج السياسة بالمال و النفوذ

و دة اللى خلانا نقف و نقول لا و حصلت الثورة

اللى باشوفة الان خلانى اخاف على بلدى

من حاجة جديدة و هى خلط

السياسة بالدين

هندخل على منعطف اخطر بكتيرررررررر من الى كنا فية

هيكون زى الى بيلعب بالنار

محدش ينكر ان الشعب المصرى كل مسلم و مسيحى متدين جداااا

لكن التدين حاجة و السياسة حاجة تانية

والخط الاحمر للدين فى مصر مينفعش حد لا يتخطاة و لا يستخدمة لاغراض شخصية

خايفة قوى على بلدى

[ابو محمود]

انا

عزيزى ياسر المهندس رغم انك راميلى الطرشة ومكبر الا انى لازلت بقول يمكن مش فاضى يمكن مجازآ

عندى حكاية صغنونة كدة يا مهندس كان فية اتنين شركاء فى محل واحد عندة عيال كتيرة منهم وشايل مسؤلية والتانى يادوب عيلين وولية التجارة كبرت والطمع ذاد قوم أية ابو كام فعلوص قليلين قال بكرة العيال تكبر وبقول حقى ودة عندة بيقصد شريكة عيال كتير قوم نهدم الشركة بس محدش هيوافق علشان ما فيش سبب قهرى قام راح زانن فى ودن ولدين تلاتة من ولاد الشريك الغليان ابو العيال كثيرة انهم يستقلو وقاعد يزن يزن لحد العيال العبيطة ما اتخانجت مع ابوهم وراحو عاملين علية رباطية وطالبو تحكيم من الخارج فالناس انت عارف بقى بتحب تهدى النفوس وراحت قسمت التجارة اوم بقى الراجل اللي كان السبب ضحك على العيال وقالهم نتشارك ومنها ضم القرشنات والأماكن وشغلهم عندة وجاب ناس تانية بلطجية وبقى هو الكل فى الكل رغم ان الحق باين ومين صاحب النصيب الكبير بس تقول اية ناس ما فكرتش ان اللي يضحك فى وشك مش لازم يكون بيحبك اتمنى انها توصل صوح يا بلدياتى

[التونسى]

انا بشاركك نفس الاحساس يا باشمهندس .. وفعلا ثورة 25 يناير تسببت فى عرقلة مخططات خبيثه .. كانت بتتدبر للبلد دى .. لإضعافها وإنهاكها ... ومن ثم السيطره عليها .. او احتلالها .. وانا خايف تحديدا من اسرائيل .. لان حلمها الاكبر الصهيونى بدولة يهوديه من النيل للفرات .. هو حلم مصيرى .. وحلم عنيد.. لن يتنازلوا عنه ابدا ..خاصة بعد ان اصبح الفرات فى متناول ايديهم .. واصرارهم فى حلمهم هذا ب إسترجاع أرض المعاد حسب معتقداتهم ... مثله مثل اصرار و حلم المسلمين بتحرير القدس .. ومش من مصلحة اسرائيل ابدا ان مصر يقوم لها قومه ..عشان كده مبارك كان كنز استراتيجى لهم .. وكان بيسهل لهم مخططهم اللى ((بيطبخوا )) فيه من زمان الزمان ..

الضربه الاستباقيه دى وتوريط مصر فى حرب تستنزفها وتمنعها من التقدم والتطور و النمو.. حصلت قبل كده ايام عبد الناصر ونكسة 67 .. فى عز ما كان مشروع ناصر النهضوى قارب على ان يؤتى ثماره .. رغم كل تحفظاتى الكثيره على تلك الحقبة الناصرية

اعتقد اننا الان اكثر وعيا وفطنة من ان نتورط فى اى حروب .. ولكن بالطبع اسرائيل وبكل شراسه لن تتركنا ابدا فى حالنا لنبنى ونعمر مصر .. وستستمر فى خوض حربها ضدنا ((ولو كانت بحرب او ضرب تحت الحزام)) فقدرنا أن نكون العقبة الكئود ..الوحيده ..والعسيره أمام طموحات أل صهيون وحلمهم المأفون ((ارض المعاد))

تم تعديل 17 أبريل 2011 بواسطة التونسى

[Ahmed Anwer]

أعتقد الظروف الدولية مش مواتية ،،

أمريكا لسه غرقانة في العراق و افغانستان

إسرائيل علي وش انتفاضة فلسطينية ثالثة

الناس دي يا جماعة مش شمشون الجبار

و هيعيدوا حسابتهم ألف مرة قبل ما يتورطوا في بلد 85 مليون

[الباشمهندس ياسر]

جماعة الخير

انا متصورتش ان الولايات المتحدة او الاتحاد الاوروبي هيحرك جيوشه لقذف مصر مثلا

انما قضية امتصاص عملية التحول الرهيبة ف تاريخنا دي ليها اكتر من طريقة و اكتر من بعد

[عبير يونس]

اسمحوا لي يا جماعة

أنا مش خايفة خالص

و بأرجو حضراتكم تنبذوا الخوف ده

ده أكبر عائق أمام البناء

اللي بيخاف من العفريت يطلع له

الله يخليكم

بلاش خوف

شوية أمل على شوية يقين في رب العالمين

كل حاجة حتتضبط

الخوف و الشك لا يمكن أن يجتمعا مع اليقين

و الاختيار بأيدينا

[الباشمهندس ياسر]

غلط يا مصرية

الموقف هنا مش خوف مرضي

الموقف هنا خوف علي نجاح بدأناه

اللي ما يخاف يغرق يا اختي

لو مخفتش علي شغلي و ابتديت اتحرك كويس اخسره

فما بالك ببلاد كل الدنيا بتعملها حساب لما بتقوم

[ozoozo]

اسرائيل لو كانت عايزه تضرب

كانت دخلت سيناء لمساعده مبارك قبل التنحي للحفاظ علي مصالحها

وساعتها البلد في حاله حرب ولو العيال اللي في التحرير مامشيتش فحلال ضربهم بالطيران

او بعد التنحي مباشره والجيش مشغول بالجري وراء امناء الشرطه اللي بيروعوا المواطنين وعاملين فيها بلطجيه

وبعدين غزه اللي فيها مليون ونص مطلعين عين اهل اسرائيل ومش قادرين عليهم ولا قادرين يحتلوهم بريا

هايجوا يدخلوا علي 90 مليون

تم تعديل 19 أبريل 2011 بواسطة ozoozo

[الباشمهندس ياسر]

يا اخوانا

شغلوا الحاسة العشرتاشر

مش كل الكلام ينفع يتقال

فيه حاجات تتفهم كده من غير تفسير

ايه ده ..؟

لو انتوا صعايدة مش هتعملوا كده

[tarek hassan]

خايفة على بلدى مش من اللى برة خايفها عليها من جوة

من حاجة جديدة و هى خلط السياسة بالدين

هندخل على منعطف اخطر بكتيرررررررر من الى كنا فية

هيكون زى اللى بيلعب بالنار

محدش ينكر ان الشعب المصرى كل مسلم و مسيحى متدين جداااا

لكن التدين حاجة و السياسة حاجة تانية

والخط الاحمر للدين فى مصر مينفعش حد لا يتخطاة و لا يستخدمة لاغراض شخصية

خايفة قوى على بلدى

هو الموضوع عن إيه ؟

[الباشمهندس ياسر]

up