كيف تقتل النمل فى أقل من 10 دقائق!!!؟

[التونسى]

النمل إقتحم منزلى:protest: .. ويعبث بضراوه الان .. وب استهتار... ولا مبالاه .. فى مطبخى :sad: .. الظاهر ان ده الموسم بتاعه .. او يمكن عشان موجة الحر دى .. النمل طلع من بياته الشتوى .. المهم انا دخلت ادور فى النت على طريقه لصد ذلك الهجوم المباغت .. ولاقيت الموضوع الظريف اللطيف الطريف ده .. اتمنى يعجبكم .. وبالمره بقى حد يقولى خبرته مع النمل .. والطريقه الامثل للتخلص منه

النمل جيوش مدربة .. ذكية وتتعلم .. لدرجة أنها بتحمى مخلوقات تانية! .. ومنهم النوع البلطجى الذى يطلب الإتاوة والدفع له مقابل خدماته .. يعنى باختصار عالم تانى وعالم محترم جدا .. وهو نعمة لصالح بلاد ونقمة فى بلاد! ففى الصين النمل الأحمر يفيدهم فى تقليب التربة الزراعية وتهويتها .. أما فى أمريكا فهو نقمة لأنه يأكل كل شئ حتى كابلات الكهرباء (بيستاهلوا )

الوقاية خير من العلاج .. لو أن البيت نظيف ولا يحتوى على فتات الطعام ففرصة انتشار النمل أقل .. ولكن للأسف النمل برضه لو البيت كان فل الفل لا يرحم.

نظريات كتير خرجت لمكافحة النمل والقضاء عليه .. ولم نستطع سوى قتل القليل من النمل! .. وهنا استعراض سريع لبعض النظريات:

نظرية الشريط اللاصق: بتثبيت شريط لاصق على الشقوق فى المنزل وحول الأبواب .. ولكن النمل الذكى كان يأخذ الطين ويضعه على اللاصق مما يعطل عمله!

نظرية سيب وأنا أسيب:أساس النظرية أنك تعطى النمل حقه وهو يسيبك فى حالك ..جيب كل يوم شوية أكل وحطه أمام البيت فياكل بره البيت ويسيب البيت فاضى .. نوع من التكافل والتوازن البيئى ..

نظرية أديله بالشبشب لحد ما يبان له صحاب: أفشل نظرية .. أيه الغباء ده هو الشبشب هيضرب مين ولا مين .. وبعدين جحر النمل هيفضل يطلع نمل!

نظرية طنش تعش: ودى للناس الكسلانين .. سيب النمل يعيش معاك فى البيت ولا تعمل له حاجة بس الخوف إنه فى يوم يطردك من الشقة (:

نظرية الرشة الجريئة: عن طريق رش المبيدات (خصوصا الباف باف فيليت الذى يستمر ويستمر ويتوغل وينتشر ويقتل - بس بيقتلك أنت (: ) وكما قلنا أنه الآثار الجانبية للحاجات دى أخطر من النمل بمراحل!

نظرية اسمها حط له السم فى الأكل: آه خياااانة .. أنك تشترى المنتجات السامة دى على شكل حبوب .. مشكلتها لو عيل صغير طفس أكلها .. تخسر عيل صغير علشان نملة؟ بلاش أحسن

نظرية المكنسة الكهربائية: نظريه فاشلة لأنك لن تقضى على المصدر!

نظرية لاقينى ولا تغدينى: ودى دليل على اليأس .. الفكرة أنك تخطف نملتين من وسط كل 10 نملات .. تقتل نملة وتضرب نملة .. وترجع النملة المعتقلة دى للجيش تانى علشان تروح وتحكى لملكة النمل عن وحشية البنى آدم اللى رايحين ياكلوا أكله .. بس المشكله أنه النمل ممكن يضحى ولا يهمه.

نظرية يكش تولع (وفى رواية اسمها: على وعلى أعدائى): ودى مصيبه لأنها فاشلة جدا .. إنك تجرى ورى النمل بالبلطة أو المنجنيق أى حاجة كبيرة كده علشان تكسر جحورهم .. بس النتيجة البيت يا إما هيتهد أو أنت تكسره كله .. وبرضه النمل هيعيش!

طيب والحل .. الحل أيه عقدتنا فى عيشيتنا؟؟ أيه طرق مكافحة النمل؟؟ ما هو العلاج؟

ببساطة شديدة وبعد عدة تجارب .. كالعادة، فالمكافحة البيولوجية هى أساس الحل الجذرى للمواضيع المتعثرة .. وهذه صورة العلاج:

اسمه آكل النمل Anteater ويتغذى على أكثر من 200 ألف نملة فى اليوم .. حظ سعيد ويا ريت الجيران يشتركوا معك فى الحل لأنه لو مأكلش النمل ده كله هيزعل أوى وباين من الصورة أن زعله وحش.:blink:

جربوا اى طريقه وادعولى

[spain]

شوف يا سيدي

تجيب حقنة

هاه

وتملاها كلور

وتفسفس بيها في كل فسفوسة في الشقة

تاني يوم

تجيب قزازة كرور تانية

وتفسفس بالحقنة تاني

وبعد اسبوع سوف تجد نتيجة قاتلة متوحشة

[التونسى]

شوف يا سيدي

تجيب حقنة

هاه

وتملاها كلور

وتفسفس بيها في كل فسفوسة في الشقة

تاني يوم

تجيب قزازة كرور تانية

وتفسفس بالحقنة تاني

وبعد اسبوع سوف تجد نتيجة قاتلة متوحشة

شكرا اختى الفاضله اسبانيا على المعلومه الطيبه.. انا رجعت البيت لاقيتهم مستخدمين نظرية ((الرشه الجريئه)) ولاقيت مذبحة نمل فى المطبخ .. اعداد مهوله لاقت حتفها .. اباده جماعيه

[الغريب]

أنا شخصيا أحب النمل

وخاصة إذا كان قليل العدد نوع ما ، ومن النوع البطئ وليس السريع (حرامي الحلة)

يقال والله أعلم أن أنتشار النمل في البيت دليل على الحسد ، وده نوع من الفلكلور الشعبي

------------------------

على الهامش : في صحيح مسلم عن أبي هريرة : (أن نملة قرصت نبياً من الأنبياء ، فأمر بقرية النمل فأُحرقت ، فأوحى الله إليه أفي أن قرصتك نملة أهلكت أمة من الأمم تسبح ) ، وهذا لا يعني كراهية قتل النمل إن كان منه ضرر ..

[ذهبية]

شوف يا سيدي

تجيب حقنة

هاه

وتملاها كلور

وتفسفس بيها في كل فسفوسة في الشقة

تاني يوم

تجيب قزازة كرور تانية

وتفسفس بالحقنة تاني

وبعد اسبوع سوف تجد نتيجة قاتلة متوحشة

شكرا اختى الفاضله اسبانيا على المعلومه الطيبه.. انا رجعت البيت لاقيتهم مستخدمين نظرية ((الرشه الجريئه)) ولاقيت مذبحة نمل فى المطبخ .. اعداد مهوله لاقت حتفها .. اباده جماعيه

ياريت بس تقولى الرشة الجريئة دى اتعملت اازاى و باى نوع من الابادة السريعة

[مغتربة]

لا دى طريقه اسهل لقيتهالك استاذ تونسى

افضل طريقه لطرد النمل

قال الدكتور مصطفى الدمرداش استاذ تدريس العلوم بكلية التربية في جامعة الكويت

في حوار مطول على قناة الرأي الكويتية مع الشيخ محمد العوضي

حول الاعجاز العلمي عن حشرة النمل كشف خلالها اسرار هذا المخلوق العجيب

حيث ذكر خلال الحوار عن طريقة جديدة تساعد بطرد النمل من اي مكان لايريده الانسان ان يكون فيه

وبإستطاعة ربة المنزل ان تمارسها في بيتها لطرده بدلاً من قتله او رشه بالمبيدات الحشرية المعروفة

لاسيما وان قتله منهي عنه في الاسلام ماعدا النمل الابيض (الارضة)

حيث اشار الدكتور على المرأة بوضع السمسم في اناء بالقرب من تجمع النمل في اي مكان بالمنزل

وستلاحظ اختفاءه بشكل عجيب او تقوم بذر حبوب السمسم بجوار الفتحات التي يقصدها النمل وفورا سيهاجر المكان الذي يسكنه .

وعلل الدكتور مصطفى مغادرة النمل للمنزل

بسبب وجود مادة طيارة في السمسم تؤذيه وتعطل حاسة الشم لديه وهي الحاسة الابرز لديه في بحثه عن الغذاء

[Handasah]

لا دى طريقه اسهل لقيتهالك استاذ تونسى

افضل طريقه لطرد النمل

قال الدكتور مصطفى الدمرداش استاذ تدريس العلوم بكلية التربية في جامعة الكويت

في حوار مطول على قناة الرأي الكويتية مع الشيخ محمد العوضي

حول الاعجاز العلمي عن حشرة النمل كشف خلالها اسرار هذا المخلوق العجيب

حيث ذكر خلال الحوار عن طريقة جديدة تساعد بطرد النمل من اي مكان لايريده الانسان ان يكون فيه

وبإستطاعة ربة المنزل ان تمارسها في بيتها لطرده بدلاً من قتله او رشه بالمبيدات الحشرية المعروفة

لاسيما وان قتله منهي عنه في الاسلام ماعدا النمل الابيض (الارضة)

حيث اشار الدكتور على المرأة بوضع السمسم في اناء بالقرب من تجمع النمل في اي مكان بالمنزل

وستلاحظ اختفاءه بشكل عجيب او تقوم بذر حبوب السمسم بجوار الفتحات التي يقصدها النمل وفورا سيهاجر المكان الذي يسكنه .

وعلل الدكتور مصطفى مغادرة النمل للمنزل

بسبب وجود مادة طيارة في السمسم تؤذيه وتعطل حاسة الشم لديه وهي الحاسة الابرز لديه في بحثه عن الغذاء

معلومة جديدة لى بصراحة

اشكرك على نقلها اختى مغتربة .

[التونسى]

أنا شخصيا أحب النمل

وخاصة إذا كان قليل العدد نوع ما ، ومن النوع البطئ وليس السريع (حرامي الحلة)

يقال والله أعلم أن أنتشار النمل في البيت دليل على الحسد ، وده نوع من الفلكلور الشعبي

------------------------

على الهامش : في صحيح مسلم عن أبي هريرة : (أن نملة قرصت نبياً من الأنبياء ، فأمر بقرية النمل فأُحرقت ، فأوحى الله إليه أفي أن قرصتك نملة أهلكت أمة من الأمم تسبح ) ، وهذا لا يعني كراهية قتل النمل إن كان منه ضرر ..

للاسف .. لم تفلح معه نظرية الرشه الجريئه .. وفشلت موقعة ((النمل)) كما فشلت موقعة ((الجمل)) ... والنمل الان يسير بكل تبجح وتحدى على شاشة اللاب توب تارة .. وبين طيات الكى بورد تارة اخرى .. وها هى نملة تتمشى على صابع من اصابعى .. انه نمل بنى اللون .. يقرص بشراسه .. وكأنه ينتقم

كنت وانا صغير احب النمل... واحب تأمله وتتبعه .. وكنت اراقب سلوكه ..واستخدم العدسه المكبره كى اراه بحجم كبير

شكرا على تلك المعلومات القيمه اخى الفاضل الغريب

ومازال النمل يزحف رويدا رويدا .. ليحتل معاقل اخرى بجنبات منزلى .. ولكن من يضحك اخيرا ....

تم تعديل 19 أبريل 2011 بواسطة التونسى

[التونسى]

شوف يا سيدي

تجيب حقنة

هاه

وتملاها كلور

وتفسفس بيها في كل فسفوسة في الشقة

تاني يوم

تجيب قزازة كرور تانية

وتفسفس بالحقنة تاني

وبعد اسبوع سوف تجد نتيجة قاتلة متوحشة

شكرا اختى الفاضله اسبانيا على المعلومه الطيبه.. انا رجعت البيت لاقيتهم مستخدمين نظرية ((الرشه الجريئه)) ولاقيت مذبحة نمل فى المطبخ .. اعداد مهوله لاقت حتفها .. اباده جماعيه

ياريت بس تقولى الرشة الجريئة دى اتعملت اازاى و باى نوع من الابادة السريعة

يبدو انكى تعانين مما اعانى يا ذهبيه .. حسنا .. لست وحدك يا تونسى ...من تكابد ويلات.. موجات ..هجمات النمل .. المتعطش ل الفتات والسكر .. وغيرها من الاطعمه التى فى متناوله ان يحملها الى جحره ك((خزين)) استعدادا لموسمه القادم للبيات الشتوى ..

الرشه الجريئه للاسف لم تؤتى ثمارها المنشوده .. وكانت ب فيليت ..سا ستخدم طرقا اخرى لعل وعسى .. وسأوافيكى بالنتيجه

تم تعديل 19 أبريل 2011 بواسطة التونسى

[التونسى]

لا دى طريقه اسهل لقيتهالك استاذ تونسى

افضل طريقه لطرد النمل

قال الدكتور مصطفى الدمرداش استاذ تدريس العلوم بكلية التربية في جامعة الكويت

في حوار مطول على قناة الرأي الكويتية مع الشيخ محمد العوضي

حول الاعجاز العلمي عن حشرة النمل كشف خلالها اسرار هذا المخلوق العجيب

حيث ذكر خلال الحوار عن طريقة جديدة تساعد بطرد النمل من اي مكان لايريده الانسان ان يكون فيه

وبإستطاعة ربة المنزل ان تمارسها في بيتها لطرده بدلاً من قتله او رشه بالمبيدات الحشرية المعروفة

لاسيما وان قتله منهي عنه في الاسلام ماعدا النمل الابيض (الارضة)

حيث اشار الدكتور على المرأة بوضع السمسم في اناء بالقرب من تجمع النمل في اي مكان بالمنزل

وستلاحظ اختفاءه بشكل عجيب او تقوم بذر حبوب السمسم بجوار الفتحات التي يقصدها النمل وفورا سيهاجر المكان الذي يسكنه .

وعلل الدكتور مصطفى مغادرة النمل للمنزل

بسبب وجود مادة طيارة في السمسم تؤذيه وتعطل حاسة الشم لديه وهي الحاسة الابرز لديه في بحثه عن الغذاء

الطريقه دى بالتاكيد جديده... بس يا ترى نمل الكويت ((المترفه والمتنعم)) زى نمل مصر ((اللى بيكح أسفلت)) .. حجرب وحشوف .. ولو النتيجه ايجابيه ليكى الحلاوة يا مغتربه ((والا بلاش الحلاوه احسن دا اسمها لوحده ممكن يلم النمل))

[أسد]

أفضل طريقة للقضاء على النمل ..

وأي حشرات بتمشي تانية

مضمونة .. ورخيصة .. وسهلة ..

تشتري دواء اسمه Diazinon ديازينون

ده تشتريه من أي صيدلية بيطرية

تحط شوية منه على كمية من الماء ..

تمسح بيهم البيت .. عادي زي ما بتمسح بأي طريقة

بواسطة الموب مثلاً ..

ممكن تعبي زجاجة قديمة من بتوع منظف الزجاج

ترش على أطراف الشبابيك والأبواب

إذا بيجي لك صرارصر من البلاعة أو الحمام

ترش شوية صغيرين مركز بدون تخفيف

تفتح الدنيا تتهوى علشان الريحة مش كويسة

مطلوب إبعاد الأطفال واللي عندهم حساسية

طبعاً المادة دي سامة .. ينبغي التعامل معها بحرص بدون لمسها مباشرة بالأيدي

مثلها مثل أي مبيد حشري

خلاص كده

ممكن تكرر العملية دي مرة في السنة أو مرة كل 6 شهور في الحالات المستعصية

وإدعيلي بعدها

[ابو محمود]

بص بقى عندى الخلاصة بعد تجارب معملية فذة البيكربونات (الكربوناتو ) دة عدو النمل ومالهوش اضرار لا على كبير او صغير ويمكن رشة باجناب الشقة النمل لا يطق البيكربونات وانا عرفتها من تجاربى معاة فى شغلى البيكربونات مهم جدآ لصهر الذهب مرة وقع البرطمان فى الارض فتم الكنس وتم ترك بواقى على الاجناب وكان المكان يغص بالنمل وفى اليوم الثانى لم نرى اى اثار للجيوش الجرارة من كل الانواع ممكن تعملة فى اكياس فى الكويت وتلونة وتكسب دهب لانة محدش يقدر يكتشفة لما يتلون وابعتلى الارباح 10% انا راضى هههههههههههههههههههههههههههههه سوف اجعلك تنتصر على اى قوة مهاجمة من النمل مهما كان تسلحهم بس ادعيلى يا عزيزى وماتنساش الأرباح يعنى الحسنات

[fatfouta]

خلطه سريه للتخلص من النمل:

.

.

.

.

....

.

.

.

.

.

أخلط قطع سراميك مع فلفل أسود وسكر

يأتي النمل ليأكل السكر

فيعطس من رائحة الفلفل

فيرتطم رأسه بالسراميك ثم يموت

ملاحظه:الوصفه غير مجربه:)

[أمل حياتي]

كل رد احلى من الثاني

اقرا صورة النمل وحتلاقيهم مشيوا بامر الله

الواحد الصراحه يصعب عليه قتل النمل تحس فيهم خفه ولطافه هههه

[امير المستقبل]

ملاثيون يقضى عليه اشتريه من عند الراجل اللى بيبيع منتجات زراعيه او من عند العطارين العلبه ب 7,5 جنيه وحطى غطى منه على جردل المياه وامسحى بيه الارض وسبيها تتشرب منه بس خدى بالك انها ماده سامه لو عندك اولاد يعنى وبعد كدا لمده اسبوع مش هتشوفى وشه