هل تقبل ان تزوج ابنتك الى رجل لايصلى

[ابوهنا]

السؤال واضح كما فى راس الموضوع

تقدم لخطبة ابنتك رجل وسالت عليه وجدته لم يسجد لله قط

سالته بنفسك اجابك انها حريه شخصيه وان اهم حاجه يكون الانسان اخلاقه كويسه وفيه حاجات كتيره اهم بين العبد وربه اهم من الصلاه

وهو لما يقتنع هيصلى

هل ستزوجه ابنتك

السؤال ده ستبعه اسئله بس انتظر اجاباتكم

اجابتى انا:ارفض تزويج بنتى لرجل يحمل هذا الفكر

[Howayda Ismail]

السؤال واضح كما فى راس الموضوع

تقدم لخطبة ابنتك رجل وسالت عليه وجدته لم يسجد لله قط

سالته بنفسك اجابك انها حريه شخصيه وان اهم حاجه يكون الانسان اخلاقه كويسه وفيه حاجات كتيره اهم بين العبد وربه اهم من الصلاه

وهو لما يقتنع هيصلى

هل ستزوجه ابنتك

السؤال ده ستبعه اسئله بس انتظر اجاباتكم

اجابتى انا:ارفض تزويج بنتى لرجل يحمل هذا الفكر

للاسف اكتر الناس لما بتجوز بناتها مبتسألش بيصلى ولا لأ

لكن بتسأل عنده شقة

حيقدر يجيب شبكة ؟ !

حيدفع مهر كام

حتى لو عرفوا انه مش بيصلى او يمكن مش بيصوم كمان بيضحكوا على نفسهم ويقولوا مسيره ربنا يهديه ويصلى

لانهم بيشوفوا ده ذنب يتحمله هو لوحده

لكن لو فقير ده ذنب حتشيله بنتهم

قليل اللى بيدور لابنته على واحد يتقى ربنا وده اللى ضيع الدنيا وخلى الاخلاق فى انحدار دلوقت

افتكر والدى ربنا يرحمه كان يقول خدوهم فقرا يغنيكم ربنا

لو اجوزكم لبياع فجل بيراعى ربنا ويصنكم احسن من غنى ميحافظش عليكم انا مش دايم لكم

والحمد لله كان نظرته صح الفلوس تيجى وتروح فى اى وقت لكن التقوى لو راحت عمرها ماترجع ابدا

[mekkawy]

لأ مستحيل و أصلاً هو هيجيلي منين واحد زي ده لو أنا معارفي كلهم ناس كويسة؟

المفترض إن اللي يجيبه يكون عارف أنا علي ايه و بالتالي مستحيل أدخله بيتي من اساسه

بس الاجابة المختصرة .. أرفض طبعاً

[Handasah]

السؤال واضح كما فى راس الموضوع

تقدم لخطبة ابنتك رجل وسالت عليه وجدته لم يسجد لله قط

سالته بنفسك اجابك انها حريه شخصيه وان اهم حاجه يكون الانسان اخلاقه كويسه وفيه حاجات كتيره اهم بين العبد وربه اهم من الصلاه

وهو لما يقتنع هيصلى

هل ستزوجه ابنتك

السؤال ده ستبعه اسئله بس انتظر اجاباتكم

اجابتى انا:ارفض تزويج بنتى لرجل يحمل هذا الفكر

طبعا لأ

لان دة من ابجديات الحياة لاننا خلقنا لنعبد الله عز وجل ( وَمَا خَلَقْتُ الْجِنَّ وَالْإِنْسَ إِلَّا ليعبدون) .

[hOuSsAm]

تقدم لخطبة ابنتك رجل وسالت عليه وجدته لم يسجد لله قط

سالته بنفسك اجابك انها حريه شخصيه وان اهم حاجه يكون الانسان اخلاقه كويسه وفيه حاجات كتيره اهم بين العبد وربه اهم من الصلاه

وهو لما يقتنع هيصلى

هل ستزوجه ابنتك

على حسب ظروف ابنتك

يعنى هى من مستوى اللى مش بيصلى ولا مستواها واحد زاهد فى الدنيا

اظن ان الطيور على اشكالها تقع

ولو هى متدينة وهو مش متدين ففيه اختلاف فى الدين وبالتالى لا يصلحوا لبعض والسبب عدم التوافق الدينى وليس عشان هو مش بيصلى (الليلة كلها باكدج على بعضها وبتتحسب وبتحسب رصيد البنت والولد ولو الفروقات قريبة يبقى بتقول اوك ولو الفروقات بعيدة بترفض الطلب)

الكرة الان فى ملعب البنت........هى ظروفها ايه؟

[hOuSsAm]

mekkawy

مرسلة اليوم, 03:27 PM

لأ مستحيل و أصلاً هو هيجيلي منين واحد زي ده لو أنا معارفي كلهم ناس كويسة؟

هيجيلك يوم متكون بنتك مش كويسة

احنا فى زمن المتناقضات وكتير بيبقى الاب كويس والبنت مش كويسة واحيانا العكس (وده واقع احنا عايشين فيه)

[Alattar]

تقدم لخطبة ابنتك رجل وسالت عليه وجدته لم يسجد لله قط

سالته بنفسك اجابك انها حريه شخصيه وان اهم حاجه يكون الانسان اخلاقه كويسه وفيه حاجات كتيره اهم بين العبد وربه اهم من الصلاه

وهو لما يقتنع هيصلى

هل ستزوجه ابنتك

على حسب ظروف ابنتك

يعنى هى من مستوى اللى مش بيصلى ولا مستواها واحد زاهد فى الدنيا

اظن ان الطيور على اشكالها تقع

ولو هى متدينة وهو مش متدين ففيه اختلاف فى الدين وبالتالى لا يصلحوا لبعض والسبب عدم التوافق الدينى وليس عشان هو مش بيصلى (الليلة كلها باكدج على بعضها وبتتحسب وبتحسب رصيد البنت والولد ولو الفروقات قريبة يبقى بتقول اوك ولو الفروقات بعيدة بترفض الطلب)

الكرة الان فى ملعب البنت........هى ظروفها ايه؟

ياعم حسام الراجل بيسألك انت ما بيسألش بنتك

هو انت ممكن تكون بتصلي مثلا و محافظ علي الصلاة..و بنتك ولا ابنك ما بيصليش مثلا؟؟

أمال انت قاعد طول عمرك بتربيها علي ايه؟؟

بالنسبة للسؤال..أرفض طبعا و من غير نقاش..والتورية في الحالات دي مرفوضة..يعني ما نقولش للخاطب اللي جاي..والله أصل البنت لسه بتدرس و الكلام ده..لأ..نقولله ..معلش والله أنا ما أرضائ أجوز بنتي لواحد ما بيصليش...لعلك تكون سبب في هداية الله له

[Damo]

السلام عليكم

مبيصليش دي عيب خطير لكن ممكن يتصلح - بصعوبـه لكن ممكن - لو هو واحد كويس فعلا وافكر حضرتك ان الصلاة دي اللي بيعودنا عليها الاهل من الصغر. محدش عارف ظروف اهله دي كانت إيه (أو يمكن حضرتك تعرف بما انو طالب بنت حضرتك )

لكن مبيصليش وكمان ده تبريره !

الله يهدي من يشاء طبعا

بس كده لأ بصراحة اوفر. حتى لو جواه عارف إن اللي بيعملو ده غلط ردت فعله مش تطمن.

لو حصلت أي مشاكل (وأكيد هتحصل مفيش جواز خالي من المشاكل ) وكان الغلط عليه هيعمل إيه ؟

حضرتك لو عايز ممكن تجرب تفتح معاه الموضوع مرة تانية يمكن السؤال اربكه والواحد وقت الربكه ممكن يقول أي حاجة.

عموما ممكن تجرب كمان مرة مش هتخسر حاجة.

تم تعديل 18 أبريل 2011 بواسطة Damo

[hOuSsAm]

ياعم حسام الراجل بيسألك انت ما بيسألش بنتك

هو انت ممكن تكون بتصلي مثلا و محافظ علي الصلاة..و بنتك ولا ابنك ما بيصليش مثلا؟؟

أمال انت قاعد طول عمرك بتربيها علي ايه؟؟

ايوة وممكن وده العادى

وممكن الاكتر من كدة كمان

ممكن اكون بصلى وملتحى وزوجتى منتقبة وعلى اخلاق وكل حاجة بيس وعلامة الصلاة زى النسر

وبنتى بتدخل بوابة الجامعة بتبقى انسانة تانية (تخلع حجابها وتحط الميك اب وتقضيها بقى وخلى الناس تعيش) - وده واقع

واهو حرية شخصية بردوا وكل حاجة

------------------------------------

هو انت مبتنزلش اجازات وتشوف التناقض فى الشارع ولا انا عايش فى دنيا تانية (هتلاقى الراجل بالمواصفات القياسية للانسان المتدين حسب فهم المجتمع وزوجته كذلك وبنتهم فى حوار وقصة تانية خالص)

انا مش معترض ولكل واحد حريته لكن انا برد عليك بس

تم تعديل 18 أبريل 2011 بواسطة hOuSsAm

[Alattar]

ياعم حسام الراجل بيسألك انت ما بيسألش بنتك

هو انت ممكن تكون بتصلي مثلا و محافظ علي الصلاة..و بنتك ولا ابنك ما بيصليش مثلا؟؟

أمال انت قاعد طول عمرك بتربيها علي ايه؟؟

ايوة وممكن وده العادى

وممكن الاكتر من كدة كمان

ممكن اكون بصلى وملتحى وزوجتى منتقبة وعلى اخلاق وكل حاجة بيس وعلامة الصلاة زى النسر

وبنتى بتدخل بوابة الجامعة بتبقى انسانة تانية (تخلع حجابها وتحط الميك اب وتقضيها بقى وخلى الناس تعيش) - وده واقع

واهو حرية شخصية بردوا وكل حاجة

------------------------------------

هو انت مبتنزلش اجازات وتشوف التناقض فى الشارع ولا انا عايش فى دنيا تانية

ماشي يا ريس ما اختلفناش..فرضنا يا عم ان انا عندي الحالة دي...و بنتي مقضياها..و انت بتقول أول ما بتدخل الجامعة..تخلع حجابها...يعني الأب ما يعرفش

أب بأه زي ده لما ييجي واحد ما بيصليش يتقدم لبنته..هينده لبنته و يقوللها انتي بتصلي ولا لأ؟

هو فاكر ان بنته بتصلي و تمام التمام

هفرض معاك حتي انه غلب معاها و فعل بها الأفاعيل..و البنت برضه مش ملتزمة بالصلاة

يقوم يوافق انه يجوزها لواحد ما بيصليش؟؟..علي أساس اي يعني خلاص مش فارقة عايا بنتي دي..و تروح جهنم و أنا مالي

عشان كده ياريس بقوللك..السؤال موجه للأب..مش للبنت

[Nileman]

من كتاب : فتاوى نور على الدرب للعثيمين

السؤال

أحسن الله إليكم وبارك فيكم فضيلة الشيخ هذا سائل للبرنامج أرسل بمجموعة من الأسئلة يقول في السؤال الأول فضيلة الشيخ هل يجوز للعالم أن يعقد للرجل الذي لا يصلي وإذا عقد له فهل عليه إثم؟

الجواب

الشيخ: الرجل الذي لا يصلي كافر مرتد عن الإسلام فإن ترك الصلاة كفر بدلالة الكتاب والسنة وأقوال الصحابة والنظر الصحيح أما الكتاب فقد قال الله تبارك وتعالى في المشركين) فإن تابوا وأقاموا الصلاة وآتوا الزكاة فإخوانكم في الدين) فاشترط الله تعالى لثبوت اخوتهم في الدين ثلاثة شروط التوبة من الشرك وإقام الصلاة وإيتاء الزكاة وما ترتب على شرط سواء كان شرطا مفردا أو مرتبا فإنه يثبت بثبوته وينتفي بانتفائه ومعلوم إن المشركين إذا لم يتوبوا من الشرك فإنهم مشركون وليسوا إخوانا لنا في الدين وكذلك إذا لم يقيموا الصلاة فإنهم مشركون وليسوا أخوة لنا في الدين وكذلك إذا لم يؤتوا الزكاة فإنهم مشركون وليسوا اخوة لنا في الدين هذا ظاهر الآية ولكن إيتاء الزكاة قد دلت السنة أن مانعها لا يكفر كما في صحيح مسلم من حديث أبي هريرة أن النبي صلى الله عليه وسلم قال (ما من صاحب ذهب ولا فضة لا يؤدي منها حقها إلا إذا كان يوم القيامة صفحت له صفائح من نار وأحمي عليها في نار جهنم فيكوى به جنبه وجبينه وظهره كلما بردت أعيدت في يوم كان مقداره خمسين ألف سنة حتى يقضى بين العباد ثم يرى سبيله إما إلى الجنة وإما إلى النار) فكونه يعذب على منع الزكاة ثم يرى سبيله إما إلى الجنة وإما إلى النار يدل على أنه لا يكفر لأنه لو كفر لم يكن له سبيل إلى الجنة أما تارك الصلاة فإن ظاهر الآية أنه يكون كافرا مشركا وهو مؤيد بالسنة فقد ثبت عن النبي صلى الله عليه وسلم أنه قال (بين الرجل وبين الشرك والكفر ترك الصلاة) وقال (العهد الذي بيننا وبينهم الصلاة فمن تركها فقد كفر) فهذان دليلان أحدهما من القرءان والثاني من السنة على كفر تارك الصلاة أما أقوال الصحابة فقد نقل بعض أهل العلم إجماع الصحابة على أن تارك الصلاة كافر وممن نقله عبد الله بن شقيق التابعي المشهور حيث قال كان أصحاب رسول الله صلى الله عليه وسلم لا يرون شيء من الأعمال تركه كفر إلا الصلاة ونقله الإمام إسحاق بن راهوية ونقله ابن حزم رحمه الله عن بضعة عشر صحابيا وقال إنه لا يعلم له مخالفا فهذه ثلاثة أدلة القرءان والسنة وأقوال الصحابة، الدليل الرابع النظر الصحيح فإنه لا يمكن لإنسان في قلبه إيمان بالله ورسوله واليوم الآخر أن يحافظ على ترك الصلاة التي هي عمود الدين وهي أهم أعمال البدن لأن من حافظ على تركها مع عظمها ومنزلتها بالدين فليس في قلبه إيمان حتى وإن قال إنه مؤمن نقول إن الإيمان لو كان حقيقة في قلبك ما تركت الصلاة أبدا وقد تشبث من لا يرون كفر تارك الصلاة بأدلة منها ما هو ضعيف لا تقوم به حجة بانفراده فضلا عن أن يكون له معارض أصح ومنها ما لا دلالة فيه إطلاقا ومنها ما هو عام مخصوص بأدلة كفر تارك الصلاة ومنها ما صاحبه معذور حيث لا يعلم من الإسلام إلا شهادة أن لا إله إلا الله وأن محمد رسول الله ومنها ما قيد بقيد يمتنع معه ترك الصلاة كحديث عتبان بن مالك (إن الله حرم على النار من قال لا إله إلا الله يبتغي بذلك وجه الله) فإن من ابتغى بذلك وجه الله لا يمكن أن يدع الصلاة التي هي أعظم أركان الإسلام بعد الشهادتين ولنا في هذا رسالة صغيرة الحجم كبيرة الفائدة من أحب أن يطلع عليها فليفعل لأن من تأمل الأدلة بعلم وعدل تبين له ذلك وعلى هذا فلا يحل لإنسان أن يعقد النكاح لرجل لا يصلي على امرأة مسلمة لأن الكافر لا يحل له أن يتزوج المسلمة بأي حال من الأحوال قال الله تبارك وتعالى (فإن علمتموهن مؤمنات فلا ترجعوهن إلى الكفار لا هن حل لهم ولا هم يحلون لهن) وقال الله تبارك وتعالى (ولا تنكحوا المشركين حتى يؤمنوا) فلا يحل لولي المرأة من أب أو أخ أو عم أو غيرهم بأن يزوجها بمن لا يصلي مهما كانت أخلاقه مع الناس ومهما كان ماله فإن كفره يمنع أن يتزوج امرأة مسلمة والمأذون في النكاح الذي يكتب العقود لا يحل له أن يعقد النكاح لشخص لا يصلي على امرأة مسلمة متى علم ذلك

[Damo]

يا افاضل بلاش نوقع بين أستاذ ابو الهنا وبنته

خلينا في العريس

[Alattar]

يا افاضل بلاش نوقع بين أستاذ ابو الهنا وبنته

خلينا في العريس

ههههههههه

صحيح...هنخليه يمشي وراها لحد الجامعة..و يراقبها

[لونا]

لو السؤال كان : هل ترضى أن تزوج بنتك شخص لا يصلي بانتظام ؟

كان يبقى فيها أخذ و رد

لكن لم يسجد لله قط :blink:

الإجابة لا و ألف لا

لكن الكلام اللي في الاقتباس

سالته بنفسك اجابك انها حريه شخصيه وان اهم حاجه يكون الانسان اخلاقه كويسه وفيه حاجات كتيره اهم بين العبد وربه اهم من الصلاه

من مشاهداتي للأسف فيه اشخاص بيتكلموا بالأسلوب ده

و لكن مع اعترافهم بأنهم مقصرين و أنهم مع الوقت سيحاولون الالتزام بالصلاة

المهم أني أعرف زيجتين ناجحتين ..

كان الزوج فيهما مقصر في الصلاة .. و لكن أخلاقه جيدة .. و من أسرة طيبة

و الزوجة ملتزمة بأداء الصلاة في وقتها.. و حصل توافق بينهما من الناحية الاجتماعية و الأخلاقية و خلافه

و بمساعدة الزوجة و بالتأكيد عوامل أخرى.. مثل طيب أصل الزوج

مع الوقت بدأ الزوج في الحالتين بالالتزام في أداء الصلاة

و بوجه عام العلاقة جيدة و الزواج ناجح

و بالرغم من ذلك فأنا لا أوافق أن أزوج ابنتي لرجل لا يصلي..

باعتبار ما سيكون بعد 10 -15 سنة يعني :happy:

تم تعديل 18 أبريل 2011 بواسطة لونا

[مسافر]

شوف يا عم الحاج

اولا الراجل المتقدم للبنت المعترف بتركه للصلاة

ولم يكذب عليك راجل محترم ونقدر صدقه

ثانيا نحاور هذا الرجل بالمعروف

لان الخلاف بين العلماء في كفر تارك الصلاة كفر اكبر

مخرج من الملة ام كفر نعمة

والحوار ده مش عشان يجوز البنت لا لا لا لا

ده عشان ينجو من نار جهنم

[hOuSsAm]

هفرض معاك حتي انه غلب معاها و فعل بها الأفاعيل..و البنت برضه مش ملتزمة بالصلاة

يقوم يوافق انه يجوزها لواحد ما بيصليش؟؟..علي أساس اي يعني خلاص مش فارقة عايا بنتي دي..و تروح جهنم و أنا مالي

طيب وتفتكر هيجيلها عريس بيصلى

يعنى انت بتصلى وروحت اتقدمت لواحدة وقالتلك انا مبصليش ودى حرية هتقولها خلاص توكلنا على الله وانتى امل حياتى ولا هتعمل ايه؟

انا شايف طالما هى مش متدينة وعنده قصور فى اساسيات زى الصلاة والحجاب مش مشكلة تتجوز واحد مش متدين وعنده قصور فى الاساسيات بردوا

واللى عايز ربنا يكرمه بحاجة كويسة يبقى قدها عشان ميتعبش بعد كدة

----------------------

عالافتراض اللى انا بقوله ان البنت مبتصليش

الاب ده قدامه حاجة من اتنين

لاما يخلى البنت تصلى

لاما يوافق على عريس مبيصليش بس بشرط انه ميبقاش مكابر زى العريس اللى فوق ده

لكن لو البنت بتصلى فالوضع مختلف

[Dreamwithme]

لا طبعا طالما هو شايف الصلاة غير مهمة لكن لوكان مقصر في الصلاة وعند سؤاله يعتبر نفسه مقصر وناوي يصلي يبقي أكيد الوضع سيختلف

ع جنب من تجاربي الشخصية تصدقوا إني مرة اتقدم لي عريس كان محترم جدا بصراحة وأستاذ في الجامعة وعيلته كويسة جدا

وممتاز ممتاز جدا ولما سألته عن موضوع الصلاة (أنا بسأل ومش متخيلة الرد ده خالص) :closedeyes: قال لي أوعدك إني كمان 7 سنين هبدأ أصلي؟! :blink:

[Damo]

انا شايف طالما هى مش متدينة وعنده قصور فى اساسيات زى الصلاة والحجاب مش مشكلة تتجوز واحد مش متدين وعنده قصور فى الاساسيات بردوا

واللى عايز ربنا يكرمه بحاجة كويسة يبقى قدها عشان ميتعبش بعد كدة

على فكرة يا أستاذ حسام

مفيش حد اسمو تائب إلا لو كان ناقصه كل الأساسيات دي في يوم من الايام.

و السلوك الحلو معدي زي السلوك الوحش. المهم الاستعداد يكون موجود.

أنا مع حضرتك إلي حد ما بس مش نقفل الدنيا كده. عشان لو حد عنده استعداد التغيير للاحسن لازم نسيبلو مجال لكده في الاساس.

تم تعديل 18 أبريل 2011 بواسطة Damo

[engmido]

باختصار شديد وبدون لف ودوران وكلام جديد وافتكاسات يا حسام

بالطبع لا

لانه لا اجتهاد مع النص

قال رسول الله صلى الله عليه وسلم

اذا جاءكم من ترضون دينه وخلقه فزوجوه....الا تفعلوا تكن فتنة فى الارض وفساد كبير

صدق رسول الله صلى الله عليه وسلم

تم تعديل 18 أبريل 2011 بواسطة engmido

[masraweya]

السؤال واضح كما فى راس الموضوع

تقدم لخطبة ابنتك رجل وسالت عليه وجدته لم يسجد لله قط

سالته بنفسك اجابك انها حريه شخصيه وان اهم حاجه يكون الانسان اخلاقه كويسه وفيه حاجات كتيره اهم بين العبد وربه اهم من الصلاه

وهو لما يقتنع هيصلى

هل ستزوجه ابنتك

السؤال ده ستبعه اسئله بس انتظر اجاباتكم

اجابتى انا:ارفض تزويج بنتى لرجل يحمل هذا الفكر

السلام عليكم

حيث ان الموضوع في موضوعات جادة و ليس شخصية

و حيث ان فيه اسئلة لسة "أعتقد تتعلق بهل توافق على ان يحكم مصر رجل بهذا الفكر"؟

فانا سانتظر الاسئلة

:closedeyes: