قروض للشباب منغير فوايد.. ازاى نعملها ؟

[ProgrammerEgypt]

كل شباب مصر عندهم عقول مميزه وافكار جميله.. كلهم نفسهم يشتغلو ويبتكرو ويبدعو.. وكل يوم بيتحطم احلام مئات والاف منهم.. كل يوم بيموت جواهم امل تحقيق احلامهم... عشان كدا دى دعوه لكل مؤسسات الدولة ولكل رجال الاعمال الشرفاء عشان نساعد الشباب... هنساعد الى عنده مشروع وحلم وهنساعد الى عنده مشكله او محنه... مش بنقول اننا هنتبرع او نلم صدقه او احسان ولكن بنقول ان بدل منحط فلوسنا فى البنوك فهندى بجزىء بسيط منها قروض حسنة للشباب منغير فوايد وبضمانات شخصيه بسيطه

مين موافق ومين مش موافق ؟ وازاى نخلى الفكره دى مشروع قومى يتنفذ فى اسابيع او شهور بسيطه وننقذ بيها احلام ومستقبل كل الشباب ؟

[aimen]

فكرة جميلة جدا

المليان يوزع على الفاضى

لكن ازاى نضمن قدرة الطرف التانى على رد المبالغ ؟

وكيف نتأكد اصلا من جدية الطرف الأخر

وجدية المشروع

[ProgrammerEgypt]

فكرة جميلة جدا

المليان يوزع على الفاضى

لكن ازاى نضمن قدرة الطرف التانى على رد المبالغ ؟

وكيف نتأكد اصلا من جدية الطرف الأخر

وجدية المشروع

الفكره هتكون مساعدة الشباب بين سن 20 و 30 سنه مثلا.. هيكون الشباب الى فى بداية حياته وعندهم احلام وافكار ومشاريع اكبر من قدرتهم... وبخصوص الجديه فده هيحصل من خلال شيكات او وصلات امانه بالمبلغ.. ماظنش ان فى حد هياخد فلوس ويمضى على وصل امانه ويعرض نفسه للحبس لو مكنش جاد وعنده فكره او موقف مهم محتاج عشانه الفلوس ويكون عارف انه هيقدر يسددها فى المعاد ...

وكمان المفروض ان الفكره مش هتكون قروض لشباب كسلان ونايم فى بيته وبيتفرج على التلفزيون ومستنى لما ربنا يفرجها... الفكره هتكون للشباب المكافح الى عنده احلام ولازم يكون شغال... ان شالله حتى يكون شغال فى كوفى شوب ب 500 جنيه فى الشهر بس المهم انه يكون بيكافح وبيشتغل ومستسلمش واتحجج ان مفيش شغل او ملقاش شغل على مزاجه... والنوع ده من الشباب اكيد هيكون مضمون فيه انه شخص جاد ومكافح وهيفكر الف مره قبل مياخد قرض لمشروع وهيحسبها الفين مره بخصوص ازاى هيسدد المبلغ فى مواعيده قبل ميطلبه او ياخده.

تم تعديل 18 أبريل 2011 بواسطة ProgrammerEgypt

[Alshiekh]

المشروعات الربحية تختلف عن المشروعات الخيرية

المشروعات الربحية كما هو واضح تهدف إلى الربح

والمشروعات الخيرية لايبتغى من وراءها سوى المساعدة والتى لاتهدف لتحقيق أى عائد.

من كلامك فانت تتحدث عن مشروعات ربحية ، يعني بيزنس

Business is Business

وعندما نتحدث عن قرض لعمل مشروع ربحى فيجب ان يستفيد المقرض والمقترض

والعلاقة فى هذه الحالة اما ان تكون :

علاقة شراكة بالنسب التى يتفقون عليها بدون داعي للقرض

أو

نسبة ربح معقولة للمقرض بعد عمل دراسة جدوى يتفق عليها الطرفان.

وفى القروض لايوجد شيئ اسمه ضمانات شخصية بسيطة أو شيكات أو كمبيالات او ايصالات أمانة ، مثل هذه الأشياء يرددها البسطاء الذين لم يدخلوا عالم المال بعد ، وكم ضاعات أموال على أصحابها بسبب الثقة فى شخص المقترض وكم ضاعت أموال مقابل شيكات وايصالات أمانة.

عايز قرض اسأل فى صناديق دعم الشباب او جمعيات رجال الأعمال ، لاتكن أناني وأبحث عن شريك أو ممول بقسمة ربح عادلة ، ولكن لاتجلس وتنتظر ان تجد من يعطيك قرضا لوجه الله.

[أحمد سيف]

طيب سؤال ... ايه اللي يمنع إني آخذ فلوس القرض وأحطها في البنك وأجني فوائدها دون عمل أو بجانب عملي الأصلي؟

[ProgrammerEgypt]

وفى القروض لايوجد شيئ اسمه ضمانات شخصية بسيطة أو شيكات أو كمبيالات او ايصالات أمانة ، مثل هذه الأشياء يرددها البسطاء الذين لم يدخلوا عالم المال بعد ، وكم ضاعات أموال على أصحابها بسبب الثقة فى شخص المقترض وكم ضاعت أموال مقابل شيكات وايصالات أمانة.

عايز قرض اسأل فى صناديق دعم الشباب او جمعيات رجال الأعمال ، لاتكن أناني وأبحث عن شريك أو ممول بقسمة ربح عادلة ، ولكن لاتجلس وتنتظر ان تجد من يعطيك قرضا لوجه الله.

حضرتك انا مش بتكلم هنا عن صفقه او مشروع بين رجل اعمال ورجل اعمال تانى عشان تقولى يتفقو على التمويل ونسبة الربح وكمان مش بتكلم فى قرض لمشروع معين او لشحص معين او لصفقه ربحيه معينه. انا بتكلم على تنفيذ مشروع قومى يساعد الشباب الى احلامهم ضايعه والدنيا سودا فى وشهم فى الوقت الى يقدرو يطورو مصر بمشاريعهم وافكارهم الجديده وكمان بتكلم فى قروض للشباب الى عندهم مشاكل عشان بدل مواحد منهم يجى يسرقنى ويسرقك عشان يعالج ابوه ولا امه هياخد قرض حلال منغير فوايد ويتقسط عليه ويحل مشكلته بيه ويسدده... بتكلم فى مشروع قومى يغير مصر ويخلى كل الشباب تحلم وتكافح وتشتغل وتبعد عن اى طريق غلط او اى طريق حرام !!!!

وكمان حضرتك بتقول صناديق دعم الشباب او جمعيات رجال الاعمال وكمان بتقولى انى مكونش انانى وابحث عن شريك بقسمة ربح عادلة ؟!! اولا حضرتك لازم تعرف ان اجراءات صناديق دعم الشباب معقده جدا للشباب الى بيبدأ حياته وكمان الصناديق دى مش بتدى قروض او تمويل لربع الشباب الى بيتقدمو بطلبات ليها... وغير ده كلو فالصندايق والجمعيات دى بتحط ربا على القروض وده بيخلى 90% من الشباب يرفضو انهم يقدمو طلبات على القروض دى او يقربو ليها لانها بتكون مش حلال و بتجبرهم انهم بيدأو مشاريع حياتهم بفلوس عليها ربا.

[Howayda Ismail]

طيب سؤال ... ايه اللي يمنع إني آخذ فلوس القرض وأحطها في البنك وأجني فوائدها دون عمل أو بجانب عملي الأصلي؟

اعتقد انه حيكون فى شبهة ربا او ماشابه والله اعلم

لان الغرض الاساسى من القرض العمل مش نحطه فى بنك طيب ماصحبه اولى بيه

[ProgrammerEgypt]

طيب سؤال ... ايه اللي يمنع إني آخذ فلوس القرض وأحطها في البنك وأجني فوائدها دون عمل أو بجانب عملي الأصلي؟

النقطه دى بقى مفيهاش حاجه هتضمنها.. لان اكيد كل مشروع هيكون فى ناس بتحاول تستفيد منه بطرق ملتويه شويه لكن الموقف الى هنكون قدامه اننا هنبسط الاجراءات للشباب وهنساعد اكتر من 95% من الشباب المكافح الى بيحاول يحقق ذاته ومش مهم لو بقى فى 5% منهم من الى هيحاول يستفيد من المشروع بطرق تانيه بما انه مش هيضرنا فى حاجه وهيسدد قساط القرض بتاعه فى معادها هوا كمان !!

وكمان ممكن نحط حد اقصى للقروض.. مثلا حد اقصى 20 الف جنيه.. والى يطلب قرض اكبر من 20 الف جنيه هيكون مجبر انه يقدم دراسه كامله لمشروعه او مشكلته الى محتاج عشانها القرض ولو كان مشروع مربح فممكن بدل منديله قرض يكون تمويل او شراكه ويكون لينا استفاده من مشروعه لمده عدد معين من الشهور او السنين بما انه هيكون طالب مبلغ كبير !!!

وكمان ممكن نخلى فى المشروع شرايح واليات مختلفه تتطبق على الشباب حسب حجم القرض الى هما طالبينه وحسب السبب الى طالبين عشانه القرض سواء كان قرض لحل مشكله شخصيه او قرض لتحقيق مشروع شخصى... لكن كل ده مش مهم لانه هيتطور مع بداية المشروع... المهم دلوقتى هوا اننا ازاى نبدأ المشروع اصلا!!!... ازاى نخلى المشروع ده مشروع قومى بجدّّ!!! .... ايه الاليات الى هنحتجها لتنفيذ المشروع ؟؟ ازاى هنقدر نجمع اكبر عدد من رجال الاعمال الى هيوافقو انهم ينفذو المشروع مع مساعدة الدولة ؟؟!!

[Howayda Ismail]

طيب ليه ميتعملش صندوق زى صناديق البورصة ويبدا افتتاحه بتبرع من رجال الاعمال

وتنشا اسهم بقيمة 10 جنيه او اقل مع امكانية هامش ربح بسيط وحد ادنى لاسترداد

قيمة السهم بعد سنة على الاقل الاهم يكون بتصريح وموافقة من الدولة

مش شرط شاب واحد ياخد القرض ممكن مجموعة شباب يشتركوا فى مشروع واحد مع تحديد مدة للسداد

او ممكن الاستعانة بخبرات جمعيات رجال الاعمال لانشاء المشروع مع تلافى السلبيات الموجودة

عندهم

معظم مشاريع الشباب بتفشل لعدم وجود جهات لتصريف منتجاتهم

وكذلك الروتين الحكومى فى التصاريح والضرائب والخدمات

لو توفرت خدمات مكان وكهربا وتسهيل الاجراءات يكون احسن وده دور الحكومة

[ProgrammerEgypt]

عدد الشباب فى مصر بين سن ال 20 سنه و 30 سنة حوالى 15 مليون نسمة....

لو قولنا ان نصهم عندهم مشاريع ومشاكل هيحتاجو قروض عشانها. فالمفروض ان المشروع هيتعامل مع حوالى 8 مليون شاب كحد اقصى....

ولو قولنا اننا هنوفر لكل شاب قرض بتموسط حوالى 20 الف جنيه فالمفروض ان المشروع ده لو اتحول لمشروع قومى فميزانيته المفروض تكون فى حدود 160 مليار جنيه يعنى فى حدود 27 مليار دولار .

كدا المشروع باظ صح ؟؟ هل ميزانية بالحجم ده ممكن تتحقق فى حالة انها هتكون ميزانية ثابته لفلوس هتترد تانى وهتطور كل مصر وشببها فى الوقت نفسه ؟؟ هل انتو شايفين ان ممكن يتحمس للمشروع عدد كافى من رجال الاعمال بحيث انهم يغطو ميزانية المشروع مع مشاركة مؤسسات وموارد الدولة ليهم ؟؟

[Howayda Ismail]

طيب لما كله حيصبح صاحب مشروع امال مين اللى حيشغل المشاريع دى

اظن اقل مشروع يحتاج 2 او 3 اشخاص على الاقل

ومش ضرورى يتم اقراض كل هذا العدد البداية تكون بالحالات الصعبة والملحة اللى من غير شغل

واللى عنده وظيفة وعنده رغبة يعمل مشروع يوضع على قائمة انتظار لفترة لاحقة

وزى ماقلت ممكن مجموعة شباب يشتركوا فى قرض ويشغلوا معاهم مجموعة شباب آخرين

[ProgrammerEgypt]

طيب لما كله حيصبح صاحب مشروع امال مين اللى حيشغل المشاريع دى

اظن اقل مشروع يحتاج 2 او 3 اشخاص على الاقل

ومش ضرورى يتم اقراض كل هذا العدد البداية تكون بالحالات الصعبة والملحة اللى من غير شغل

واللى عنده وظيفة وعنده رغبة يعمل مشروع يوضع على قائمة انتظار لفترة لاحقة

وزى ماقلت ممكن مجموعة شباب يشتركوا فى قرض ويشغلوا معاهم مجموعة شباب آخرين

هههه متقلقيش مش هنخلى 8 مليون شاب كلهم رجال اعمال وصحاب مشاريع بين يوم وليله... الارقام الى قولتها دى كلها الحد الاقصى... يعنى الارقام دى هى تقريبا الحد الاقصى الى محتاجينه عشان نغطى كل احلام ومشاريع ومشاكل الشباب المصرى... فى الواقع الارقام والميزانية هتكون اقل من كدا بكتير لان يستحيل ان يكون نص الشباب عندهم مشاريع ومشاكل.... لكن المشكله دلوقتى هوا ازاى نوصل صوتنا بفكرة المشروع دى عشان تتحول لمشروع قومى بجد لتطوير كل شباب مصر وده الى هيخلى كل الناس تساهم فيه

وكمان ميزانية المشروع دى مش عاوزين نجمعها من خلال تبرعات او صدقات من رجال اعمال او اى حد تانى... احنا هنا مش بنحاول نعمل جمعيه خيريه... احنا بنعمل مشروع ميزانيته ثابته وفلوسه هتفضل ثابته وهيكون الغرض الوحيد منه انه يطور الشباب ويحقق احلامهم ومشاريعهم ويحل مشاكلهم وطبعا البلد كلها هتتطور فى وقت قياسى لما كل شببها يتطورو وينفذو مشاريع كتير بافكار جديده... وكمان اظن ان فكرتك جميله جدا بخصوص اننا نعمل المشروع بنظام اسهم وسندات بحيث ان كل الناس تحط فلوسها فى المشروع بدل ميحطوها فى البنوك ويخدو بقيمة فلوسهم عدد معين من السندات مثلا وميقدروش يسحبو فلوسهم قبل المعاد الى يكونو متفقين عليه مع ادارة المشرع وهيكون نفس المعاد الى منسقينه مع المقترضين عشان يسددو الفلوس.

[ProgrammerEgypt]

محد يشوفلنا رقم تلفون رئيس الوزرا نبعتلو فكرة المشروع فى مسج