يا ستى اسكتى شويه !!!!!

[مغتربة]

واضح ان الموضوع متاصل جدا فى الجنس الانثوى ايا كان

يعنى مش بس البشر هما الى بيعانوا من كده

لكن واضح ان حتى الطيور كمان

بصراحه لسان حاله كانه بيقولها

يا ستى اسكتى شويه هلكتينى :) :) :) :P

اقفلى بوقك شويه ايه دوددودودودودودودود

تم تعديل 18 أبريل 2011 بواسطة مغتربة

[Dreamwithme]

هي الصورة طبعا موحية جدا يا مغتربة

بس حرام عليكي :protest: مش كل الستات كلامهم كتير ولا أنت من أعداء المرأة؟ ولا أيه؟ :closedeyes:

سؤال غلس شوية أنتي عرفتي منين أن اللي بيقفل بق التاني عصفور مش عصفورة :wub:

وإن الغلبان التاني عصفورة مش عصفور ؟

مش يمكن المدام هي اللي نتقفل بق سي الأستاذ عصفور جوزها وبتقوله "كفاية طلبات خوتني" bsh:)

بأكد يا جماعة الستات مابيعرفوش يرغوا خالص والدليل مداخلتي. smk:

[raouf]

واضح ان الموضوع متاصل جدا فى الجنس الانثوى ايا كان

يعنى مش بس البشر هما الى بيعانوا من كده

لكن واضح ان حتى الطيور كمان

بصراحه لسان حاله كانه بيقولها

يا ستى اسكتى شويه هلكتينى :) :) :) :P

اقفلى بوقك شويه ايه دوددودودودودودودود

quote ]

صورة اوجزت بطريقة قوية

رائعة مغتربه علشان تعذروا الرجالة

[engmido]

اقول ايه بس

ربنا يطلعنا منكم على خير

:P

بس هى عموما صورة معبرة جدااااا

تم تعديل 18 أبريل 2011 بواسطة engmido

[akramgroup]

هههههههههههههه

هى بصراحه الصورة معبرة جداً

بس انا هاقول وجهة نظري الشخصيه وهى ان الزوجة احيانا بتكون رغاااااااااايه موووووت

واحيانا هادية جداً

الموضوع متوقف على الحاله النفسيه للزوجه والضغوط اللى عليها يعنى لو هى فاضيه هاتبقى

مش رغااااااااااااايه خااااالص bsh:) :Head:

اما لو مشغوله وطالع عينها فى البيت بيكون نفسها متتكلمش خالص وبس عاوزة هدوووووء

والله اعلم ( مقوله لازم نقولها بعد ابداء اى رأى عن المرأه ) عشان مفيش حاجه معروفه

[لونا]

أنا أؤيد دريم في سؤالها الحيوي ..

مين اللي قال إن اللي بيقفل منقار التاني هو العصفور بيقفل منقار العصفورة؟؟؟؟

طيب أنا أعرف واحدة زوجها طلقها ..

و لما سألوه إيه السبب؟

قال : علشان هادية و مش بتعرف تتكلم :blink:

و الله العظيم

مع إنها كانت قمر و مؤدبة و من أسرة طيبة

و كانت بتتكلم كويس .. بس يعني قليلة الكلام

عرفتم إن الستات مظلومة؟ :closedeyes:

[رضوي]

ايه دة ؟؟؟؟ :protest:

مغتربة .......... اعترفي ؟؟؟؟

من انتي ؟؟ اين كنتي ؟؟؟

قولي اخدتي وجبة كنتاكي وبعتينا ؟؟؟

بقي احنا راغيين حرام عليكي .......... دة مفيش اهدي مننا ولا اطيب مننا

بس بنحب الروشنة والشقاوة ....... بجانب الهدوء يعني

حرام عليكوا تظلموا البنات

لأن البنات مايعرفوش يرغوا ( وش شادية في فيلم الستات مايعرفوش يكدبوا )

ماشي يامغتربة

[Alattar]

أنا كل ده مش راضي أدخل الموضوع..فاكركوا بتتكلموا عن دي

http://www.youtube.com/watch?v=n-mv6W9juBE

[Howayda Ismail]

لا ياختى يامغتربة

دا بيتلكك لها من اول يوم

حتى شوفى

طيب عندى اقتراح للى بيشتكوا اشترى لها لاب توب ورايح دماغك

بس ماترجعش تصرخ وتقول مش سائلة فيا مش بترد عليا ههههههههه

اصل انتم مش بيعجبكم العجب هههههههههه

[م تيمور المراغي]

انا مش مع الصوره دي ,,

اجمل تصرف انه يفضل يسمع لها ويسمع لها لحد ما تقول كل اللي في نفسها وترتاح ,,

من غير ما يقاطعها ولا يصادر رايها ويناقشها كمان ان امكن ,,

دي فضيله جميله اسمها حسن الاستماع ,,

والا ايه رايكم ؟؟

[مغتربة]

منورين الموضوع فردا فردا

و مبسوطه ان كل واحد شافها من زاويه غير التانيه

و بالنسبه للجنس الناعم متخفوش انا اول واحده لو حد قال علينا رغايين هجيب حقنا منه كده هو bsh:) bsh:)

بس الموضوع كله دعوه للابتسام

و يا ريت اكون نجحت فى فى انى اخليكم تغيروا المود شويه و لو 1 %

تحياتى لكم جميعا

[Alattar]

و بالنسبه للجنس الناعم متخفوش انا اول واحده لو حد قال علينا رغايين

حد يقدر يقول كده؟؟

شفتي الفيديو اللي أنا حطيته؟