استفسار عن عمل في مدينة الخبر والاسعار ورايكم

[حسام الغرباوي]

السلام عليكم ورحمة الله

في البداية انا متابع السكشن دا من زمان وكانت بتواجهني مشكلة وياريت المنتدي يشوفلها حل لاني مسجل من اكتر من 10 ايام وبنتظار التفعيل من المشرف مع ان التفعيل بالايميل تم فمفروض التفعيل بالايميل يكفي طالما الاشراف لا يقوم بالتفعيل خلال يوم ...دي مجرد ملاحظة فقط

استفساري بقي

اولا انا بكالوريوس تجارة 2009 محاسبة بتقدير جيد - واجادة تاااااامة للكمبيوتر والانجليزية

ااشتغلت في الكويت فترة في شركة صوتيات بس الراتب قليل جدا والشغل مكنش محاسب كنت اداري سيرفرات وقاعد ...بس هما كانو متكفلين بكل حاجة وهيبعتولي اقامة علي حسابهم لاني كنت زيارة ومنتظرين مني العودة حتي الان

الشغل الثاني

جايلي في السعودية - مدينة الخبر - محاسب في شركة علي راتب 2500 ريال + سكن عذابي او 3 اشهر من الراتب + سيارة علي الشغل

بس لا يوجد تأشيرة يعني هروح مكان واحد قريبي هناك هينزل نهائي وانا همسك مكانو

دلوقتي اية رايكم وعايز اعرف مستوي الاسعار وعايز اعرف لو شقة غرفة واحدة وصالة بكام سنوي و المدينة نفسها اية وهل الراتب كويس كبداية ولا لأ مع العلم ان الشركة هتنقلي علي كفالتهم بعد سنة

الشيء المهم

اني بدور علي تاشيرة فيها استقدام لقيت تاشيرة محاسب علي 30 الف مصري ....طبعا غالية جدا وابن خالتي قللي ملهاش لازمة لانها لما تيجي تجدد اقامة هيجبروك تغير مهنة هنا لانها متسعودة

قللي شوف فني حاسب الي او اخصائي تسويق او مشتريات او مبيعات ...عليهم استقدام وكدا

بس للاسف ملقتش غير عامل ب 20 الف مصري ...وحداد ب 19 الف مصري ...قللي هات اي واحدة والشركة لما تيجي تنقلك كفالة هتغيرلك المهنة لحاجة فيها استقدام

رايكم اية يجماعة

[saqr el arab]

استاذ حسام الغرباوى تحياتى لك اولا انا هقولك رائى بمنتهى الصراحة لان انا كمان بمر بنفس المشكلة فى الوقت الحالى اسعار الفيزا الحرة فى مصر غالية شوية وعن تجربة والله لو فيزا بمسمى محاسب سعرها بيبدأ من 26000 جنيه مصرى لحد 30000 جنيه مصرى لو فيزا بمسمى اختصاصى تسويق او مندوب مبيعات او مندوب مشتريات سعرها بيبدا من 25000 جنيه مصرى وانت طالع طبعا الفيزا دى غالية عشان ميزة الاستقدام لكن لو فيزا بمسمى عامل سعرها بيبدأمن 16000 جنيه بالنسبة لمدينة الخبر فهى من اجمل المدن فى المملكة لانها على البحر وجوها حلو وبلد راقية لكن السكن فيها غالى بالنسبة للراتب انا شايف انه كويس كبداية وانت هتكون بفيزا حرة يعنى ينفع تشتغل فى اى مكان يعجبك وفى اى شركة فى المملكة كلها يعنى ممكن تيجى تشتغل فى الشركة مكان ابن خالتك لفترة لحد ما تشوف عرض تانى فى شركة تانية براتب اعلى

[حسام الغرباوي]

فين الفيزا العامل ام 16 الف دي ...لو تعرف مكتب كدا ابعتلي رقم تليفون المكتب

ولو تعرف حد عندة فيزا اخصائي تسويق او مشتريات او اي مهنةعليها استقدام ابعتلي رقم المكتب برضو

[Nileman]

فيزا محاسب أضمن و أسهل في الإستقدام و على فكرة هي مش متسعودة ولا حاجة

الراتب كويس كبداية بس شوف أخبار الجازات و التأمين الطبي و لو استقدمت عيلتك حيتحملوا الاستقدام و ت>اكر الطيران ولا لأ

[حسام الغرباوي]

فيزا محاسب أضمن و أسهل في الإستقدام و على فكرة هي مش متسعودة ولا حاجة

الراتب كويس كبداية بس شوف أخبار الجازات و التأمين الطبي و لو استقدمت عيلتك حيتحملوا الاستقدام و ت>اكر الطيران ولا لأ

ازاي مش متسعودة انا كل اللي كلمتهم قالو انها مستعودة واني لما اجي اجدد الاقامة الوظيفة هتتغير

التامين الطبي والسكن وسيارة علي الشركة

الاستقدام ملهمش علاقة بيه غير بس انك بدل ما تسكن في سكن عذابي هتاخد بدل 3 شهور من الراتب سنوي مقابل السكن

[حسام الغرباوي]

مكنتش متوقع الصراحة ان الافادة صعبة للناس بالطريقة دي

[geeemooo]

مكنتش متوقع الصراحة ان الافادة صعبة للناس بالطريقة دي

مهنة محاسب مش متسعودة ياباشا توكل على الله واشتريها

[geeemooo]

فيزا محاسب أضمن و أسهل في الإستقدام و على فكرة هي مش متسعودة ولا حاجة

الراتب كويس كبداية بس شوف أخبار الجازات و التأمين الطبي و لو استقدمت عيلتك حيتحملوا الاستقدام و ت>اكر الطيران ولا لأ

الى الأستاذ Nileman

فيه ناس بتقول ان مهنة المحاسب اتسعودت وناس تانية بتقول العكس هل انت متأكدة من ان مهنة المحاسب لم تسعود حتى الآن وشكرا

[ahmedramy]

فيزا محاسب أضمن و أسهل في الإستقدام و على فكرة هي مش متسعودة ولا حاجة

الراتب كويس كبداية بس شوف أخبار الجازات و التأمين الطبي و لو استقدمت عيلتك حيتحملوا الاستقدام و ت>اكر الطيران ولا لأ

الى الأستاذ Nileman

فيه ناس بتقول ان مهنة المحاسب اتسعودت وناس تانية بتقول العكس هل انت متأكدة من ان مهنة المحاسب لم تسعود حتى الآن وشكرا

السادة الافاضل

تحيبة طيبة لكل الحلوين المصريين المنوريين واللى هاينورونا

شوف يا معلم افعم واعقل واتوكل

يعنى ايه وظيفه متسعوده معنها انه ممنوع استقدام اى حد على هذا المسمى نظرا لتوافر نفس طبيعه العمل من السعوديين

وحتىالان لا توجد اى جامعه او كمعهد يخرج حد ب . محاسبه فحته متسعوده ده انساها ولكن

الاجواء فى مصر متوتره فاى حد عايز يخرج منها دلؤتى محتاج يبقى يطبعو عين اهلو ويخدو اللى معاه

ثانيا انت عاذب مصاريفك لوحدك بعد اول شهور على ما تفهم الدنيا هتبقى حوالى 1000 ريال رط الانتقالات والاقامه على رب العمل

ثانيا يا معلم افعم لما تكون تاشيرتك على جهه احسنلك

تقدر تقولى هيبقى ليك تامين طبى ولا لا هنا لو جالك برد ممكن تموت احسنلك من سعر الادوية والعلاج

فكر كويس واعقلها وانا فى الخدمه

اخوك ابو عمر

الخبر ---- المنطقه الشرقية

[حسام الغرباوي]

شكرا جدا يا ابو عمر

بس انا عايز اتاكد من موضوع اني لو جيت علي فيزا محاسب دي المهنة هتتغير ولا لأ

بخصوص اني اجي علي اسم الشركة فللاسف معنهدمش تاشيرات حاليا وقالو تعالي تاشيرة حرة وهننقلك كفالة بعد مرور سنة

انا شايف ان الموضيع يعتبر مميز بالنسبالي

الراتب يعتبر معقول كبداية خصوصا مع توفير السكن والسيارة

ثانيا اني همسك مكان واحد قريبي شغال في نفس الشركة من 7 سنين واكيد المعاملة كانت ممتازة زي ما هوا قللي وعلشان كدا عايزني امسك مكانة لانو هينزل نهائي

بس المشكلة دلوقتي في موضوع التاشيرة

بخصوص المصاريف انا عن نفسي مش هتفرق معايا اني اصرف اكتر من 1000 ريال في الشهر او حتي 1500 لاني مسرف هنا انا بس عايز اروح اخد خبرة والتوفير لو حاجة بسيطة في اول سنة يبقي شيء كويس

وشكرا ليك مرة تانية علي الافادة

[saqr el arab]

بص يا استاذ حسام عشان انت تعبتنا معاك

انت ليه رابط نفسك بالشركة دى اللى فيها ابن خالتك

وعامل كل حساباتك عليها

يا ابنى انت كدا كدا هتيجى بفيزا حرة عارف يعنى ايه فيزا حرة

يعنى هتشتغل فى شركة تعجبك وممكن تبدأ فى شركة براتب 3500 ودى ارزاق طبعا موزعها الخالق

وانت لسه فى بداية العشرينات يعنى ليه شاغل بالك بالاستقدام من دلوقتى هو انت متزوج طبعا لسه بدرى

وبعدين انت اولى باى فرق فلوس تقدر توفره من اسعار الفيزا على الاقل هينفعك هنا فى البداية

نصحية من اخوك اكسب وقت وتعالى باى فيزا بس متكنش عمالة خاصة او منزلية مثل( سائق خاص . حارس . عامل زراعى . راعى غنم. عامل تربية مواشى .عامل منزلى .عامل تنسيق حدائق . وهكذا)

لو عايز تيجى بفيزا عامل لازم تكون مثلا (عامل عادى . او عامل نظافة عامة. او عامل شحن وتفريغ) هذة المهن هتكون على كفالة شركات وده طبعا احسن من الكفالة اللى على شخص عشان موضوع نقل الكفالة بعد كدا وعشان برضوا موضوع تتغيير المهنة

[actros]

بص انا هقولك رايى

1 بالنسبة للمهنة لو الحالة المادية كويسة ومش هتقل على حد والامور كويسة تعالى على محاسب احسن من الاخر فيها كل المميزات

2 الخبر اجمل مدينة فى السعودية بس احياة فيه مش رخيصة بس فى بندالسكن

3 متربطشى نفسك بالوظيفة دة لو لقيت حاجة كويسة بعد كدة غيرها

يعنى اعمل حسابك انك تعمل اقامتك وتامن على ننفسك تامين طبى ولو كانو كويسين ماشى مكنشى استمر معهام لحد متقف على رجلك او تلاقى فرصة احسن

[جيهان صلاح]

السلام عليكم ورحمة الله

في البداية انا متابع السكشن دا من زمان وكانت بتواجهني مشكلة وياريت المنتدي يشوفلها حل لاني مسجل من اكتر من 10 ايام وبنتظار التفعيل من المشرف مع ان التفعيل بالايميل تم فمفروض التفعيل بالايميل يكفي طالما الاشراف لا يقوم بالتفعيل خلال يوم ...دي مجرد ملاحظة فقط

استفساري بقي

اولا انا بكالوريوس تجارة 2009 محاسبة بتقدير جيد - واجادة تاااااامة للكمبيوتر والانجليزية

ااشتغلت في الكويت فترة في شركة صوتيات بس الراتب قليل جدا والشغل مكنش محاسب كنت اداري سيرفرات وقاعد ...بس هما كانو متكفلين بكل حاجة وهيبعتولي اقامة علي حسابهم لاني كنت زيارة ومنتظرين مني العودة حتي الان

الشغل الثاني

جايلي في السعودية - مدينة الخبر - محاسب في شركة علي راتب 2500 ريال + سكن عذابي او 3 اشهر من الراتب + سيارة علي الشغل

بس لا يوجد تأشيرة يعني هروح مكان واحد قريبي هناك هينزل نهائي وانا همسك مكانو

دلوقتي اية رايكم وعايز اعرف مستوي الاسعار وعايز اعرف لو شقة غرفة واحدة وصالة بكام سنوي و المدينة نفسها اية وهل الراتب كويس كبداية ولا لأ مع العلم ان الشركة هتنقلي علي كفالتهم بعد سنة

الشيء المهم

اني بدور علي تاشيرة فيها استقدام لقيت تاشيرة محاسب علي 30 الف مصري ....طبعا غالية جدا وابن خالتي قللي ملهاش لازمة لانها لما تيجي تجدد اقامة هيجبروك تغير مهنة هنا لانها متسعودة

قللي شوف فني حاسب الي او اخصائي تسويق او مشتريات او مبيعات ...عليهم استقدام وكدا

بس للاسف ملقتش غير عامل ب 20 الف مصري ...وحداد ب 19 الف مصري ...قللي هات اي واحدة والشركة لما تيجي تنقلك كفالة هتغيرلك المهنة لحاجة فيها استقدام

رايكم اية يجماعة

السلام عليكم

اعلم ان الرد متاخر بس لو حضرتك لسه في مصر احب اقول لحضرتك ان من وجهة نظرى الراتب ده قليل جدا بالسبة للمعيشة في السعودية لان بالرغم من انها الارخص فى دول الخليج الا انها لا زالت غاليه وخاصة لو الاسره مع حضرتك تقريبا الراتب يدوب هيكفي المصاريف الضروريه

يا ريت تحاول تبحث عن عرض افضل لو فيه امكانية

وربنا يوفقك

[Nileman]

فيزا محاسب أضمن و أسهل في الإستقدام و على فكرة هي مش متسعودة ولا حاجة

الراتب كويس كبداية بس شوف أخبار الجازات و التأمين الطبي و لو استقدمت عيلتك حيتحملوا الاستقدام و ت>اكر الطيران ولا لأ

الى الأستاذ Nileman

فيه ناس بتقول ان مهنة المحاسب اتسعودت وناس تانية بتقول العكس هل انت متأكدة من ان مهنة المحاسب لم تسعود حتى الآن وشكرا

مهن المحاسبة هي التالي :

محاسب عام - محاسب تكاليف - مدقق مالي - محلل مالي

و كلها لم تسعود او تمنع و لو كانت متسعودة ماكانش حيطلع لها فيزا من ادارة الاستقدام أصلا