هدايا

[عبير يونس]

طول عمري بأحب الهدايا

أحب اتلقاها و أحب أمنحها

بأفرح جدا لما بأهدي هدية بنفس الفرحة اللي بأتلقى فيها هدية

شعوري بالسعادة الغامرة بالهدية أحب أن أراه و أشعر به مع متلقي هديتي

في الركن ده

حأفتح معاكم علب الهدايا بتاعتي نشوفها سوا

و أغلف معاكم هدايا و حأبعتها لأشخاص بحبهم

[hOuSsAm]

مستنى هديتى

3waiting

[عبير يونس]

أول هدية

طبعا حياتي

هدية الخالق عز وجل

منحني الحياة

و خلق لي روح و جسد

عندما انظر إلى المرأة

أحمد الله تعالى على دقة صنعته في خلقتي

{لَقَدْ خَلَقْنَا الْإِنسَانَ فِي أَحْسَنِ تَقْوِيمٍ }التين4

من رأسي إلى أخمص قدمي

أرى دقة صنعة الخالق المتمثلة في جسدي

و كل شيء مصنوع له وظيفة أو أكثر

فالعين لنرى والأذن لنسمع و الأنف لتشم و اللسان ليتذوق و يتحدث

جفون وأهداب لتحفظ العين

شفتان لتحفظان الأسنان

أسنان تقطع و تمزق و تطحن و تمضغ الطعام ( الوقود)

أجهزة متناهية الدقة تعمل ذاتيا و نحن مشغولون عنها أو حى نائمون

قلب يدق بلا انقطاع ( المحرك) و دون تدخل منا

رئتان تفلتران الهواء فتأخذ ما ينفع و تطرد ما يضر

معدة و أمعاء تحول الطعام إلى وقود للمحرك

مخازن استراتيجية

أجهزة تصريف دقيقة

عظام تكون الهيكل و لحم يكسوها ليحافظ عليها من الكسر

و جلد يغلف ذلك فيه نهايات عصبية للاحساس بالحرارة والبرودة و الألم فنتنبه و نسرع بالترطيب أو التدفئة أم البحث عن العلة المسببة للألم

بشرة و شعر و أظافر للحماية و أيضا جمال خلقة

سبحان الله!

ما هذه الهدايا العظيمة

و كل هدية منهم لا تُعد و لا تُحصى

عندما تسمع صوت المنبه الذي أيقظك احمد ربك على نعمة السمع

إلى كل من يفتح عينيه في الصباح فيرى الغرفة من حوله

تذكر أن الله تعالى عافاك أن تكون كفيفا لا تبصر

إذا أخذت نفسا عميقا

فاحمد الله تعالى أنك حي تُرزق

و إذا قمت على رجليك و مشيت

احمد الله تعالى أنه عافاك أن تكون مشلولا عاجزا عن الحركة

و عندما تتحرك إلى مرآة الحمام لتغسل وجهك و تتوضأ

ابتسم لوجهك

و لا تغتم و لا تهتم و لا تحزن

و اشكر نعمة الخالق في خلقتك

اشكره على جسدك

حتى وإن كنت تراه غير مثالي

ثم أشكر جسدك على تحمله لك مهما اسأت استخدامه

و ادعو بامتنان

اللهم كما حسنت خلقي حسّن خُلُقي

آمين

[عبير يونس]

الهدية دي مني لجسدي

و معاها شكر وامتنان و اعتذار

شكرا يا جسدي على مساعدتك ليا في القيام بما أريد

كل الامتنان لصبرك عليا و على اساءاتي تجاهك و عدم المحافظة عليك

سهر و قلة نوم

أكل غير صحي

جلوس خاطيء و وقفة محنية

وقوف طويل في أحذية غير مناسبة

أعتذر منك يا جسدي

على تبرمي منك و اتهامي لك بأنك غير مثالي

مع اني السبب في اي خلل يحصل لك

ربنا خلقك مثالي

و انا اللي بأخرب فيك و اسيء استخدامك

من النهاردة

حنبدأ صفحة جديدة

أتحمل فيها مسئوليتي عنك

و الحفاظ عليك

فأنت أمانة

علي تسليمها لصاحبها عند لقائي به سليما كما تسلمتك

[عبير يونس]

مستنى هديتى

3waiting

أكيد حا يجي دورك مع كل إخواني و أخواتي الأفاضل و الفضليات في هذا البيت الدافئ

خد دي مؤقتا

[عبير يونس]

دي بقى هدية لكل من لا يحبني

لكل من هاجمني

و كل من ذكرني بسوء في غيابي

لكل من يراني انسانة سيئة و مليئة بالعيوب

و معاها كل التمنيات الطيبة

و الشكر الجزيل

من لا يحبني يعطيني أكبر هدية

يبعد عني شبح العُجب بنفسي

و يجعلني أقدّر من يحبونني

فكما الصحة تاج على رؤوس الأصحاء لا يراه إلا المرضى

فأنني عندما أرى من يلفظونني و يرفضونني

أقدر بشدة من يحبونني و يهتمون لأمري

لا يمكننا بالطبع أن نفوز بكل الحب

فمحبة الناس رزق من رب الناس

اللهم ارزقنا حبك و حب من يحبك و حب كل عمل يقربني إلى حبك

آمين

[عبير يونس]

أبي الحبيب

أنت أجمل هدية من ربنا سبحانه و تعالى

بابا الغالي

معقول فات 14 سنة على فراقك؟؟؟!!!

حاسة كأنك فارقتني امبارح

لا.... أنا مش حاسة إنك فارقتني أصلا

بابا

عايزة اديلك هدايا كتير اوي اوي اوي

نفسي احكيلك على كل حاجة حصلت في ال 14 سنة دول

نفسي تقابل زوجي اللي يشبهك كتير في ...روحك و حنانك... كنت حتحبه أوي يا بابا

فاكر لما كنت بتقول لي حتخلقي 60 عيل ...30توأم هههههههههههه

ربنا ستر و بقوا 6 بس :closedeyes:

بس ما شاء الله كل واحد فيهم بعشرة

بابا

ان بقيت مدرسة انجليزي زيك و ماشية على خطاك و بأكمل رسالتك

كنت حتفرح بيا اوي

هديتي ليك يا حبيبي

دعائي لله تعالى أن يرحمك و يفغر لك و يسكنك الفردوس الأعلى و يجمعنا فيه جميعا

آمين

[Alattar]

مستنى هديتى

3waiting

يا عم اركن علي جنب الله يهديك

ههههههههههههههههههههههههههه

حسام أي حاجة فيها هدايا..تلاقيه راشق علطول

معلش يا مدام مصرية..أوعدك انه مش هييجي هنا تاني...تقدري تكملي

[Howayda Ismail]

أبي الحبيب

أنت أجمل هدية من ربنا سبحانه و تعالى

بابا الغالي

معقول فات 14 سنة على فراقك؟؟؟!!!

حاسة كأنك فارقتني امبارح

لا.... أنا مش حاسة إنك فارقتني أصلا

بابا

عايزة اديلك هدايا كتير اوي اوي اوي

مش عارفة اقولك ايه يامصرية

بس كلامك مس قلبى من جوا لانى حسيت انى انا اللى باتكلم

هزنى لدرجة مش قادرة املك نفسى من العياط

عمرى مانسيته ولاحاقدر احب حد اكتر منه ولاحتى امى وجوزى وعيالى

زاد من حالتى صعوبة انى بالصدفة باسمع اغنية يابلادى

تصدقينى وحشنى اوى اوى ونفسى اشوفه دلوقت حتى لو اروح عنده

الف رحمة ونور عليهم ويكرمهم زى مااكرمونا

اللهم اجعلنا صدقة جارية لهم ونكون الولد الصالح اللى بيدعى لهم

[عبير يونس]

أستاذ العطار

أشكر مرورك الكريم

هنودة هانم

يا حبيبتي ليه بتعيطي بس

و كمان عايزة تروحي له

:blink:

أحلى حاجة في كلامك هو إننا ندعيلهم

لعلنا نكون ممن اعتبرهم رب العالمين ولد صالح يدعو له

لو رحنا لهم دلوقت

أمال مين حيدعيلهم

روقّي يا قمر

الحياة رحلة

لازم نقوم بيها قبل ما نقابل وجه رب كريم

كلنا رايحين له

بس قاعدين بنجهز في الشنط و نعد العدة

و نحضر الزادة والزوادة

[عبير يونس]

أمي الغالية وحشتيني

لسه فاكرة آخر ابتسامة على وشك و دعائك ليا قبل ما أسافر

و لسه فاكرة آخر مرة سمعت فيها صوتك و برضه كنتي بتدعيلي

حبيبيتي يا ماما

كلماتي عاجزة توصف شعوري

عزائي إنك مع بابا بإذن الله في جنة الخلد

أديلك هدية؟؟؟!!!

و يا ترى دي حتكون ايه اللي ممكن توفي جمايلك عليا؟؟

ماما

بقيت أم

و عرفت كويس مشاعرك

حاساكي يا أمي في كل حضن بأحضنه لحد من ولادي

و في كل مرة أسمع فيها ماما منهم

ماما

أنا عايشة بدعاكي

اللي ربنا بيكرمني بسببه

ربنا يرحمك و يحسن إليكي

و يسكنك فسيح جناته

ربي ارحمهما كما ربياني صغيرا

آمين

[م تيمور المراغي]

تحية عالتوبيك الجميل يا مصرية

ولو ما نابناش هدية !

[Howayda Ismail]

أستاذ العطار

أشكر مرورك الكريم

هنودة هانم

يا حبيبتي ليه بتعيطي بس

و كمان عايزة تروحي له

:blink:

أحلى حاجة في كلامك هو إننا ندعيلهم

لعلنا نكون ممن اعتبرهم رب العالمين ولد صالح يدعو له

لو رحنا لهم دلوقت

أمال مين حيدعيلهم

روقّي يا قمر

الحياة رحلة

لازم نقوم بيها قبل ما نقابل وجه رب كريم

كلنا رايحين له

بس قاعدين بنجهز في الشنط و نعد العدة

و نحضر الزادة والزوادة

عندك حق مصرية حبيبتى

لكن اوقات كتير بيكون الاشتياق والحنين لاعز حبيب فقدناه اكبر مننا

ويمكن العياط ده رحمة من ربنا يرحمهم عشانه ورحمة بنا اننا دايما فاكرين ربنا

[عبير يونس]

زوجي الحبيب... نصفي الآخر

هدية ربنا ليا

مش عارفة أقول عنك ايه

و الا أقول لك ايه

ليه بيحتار اللسان و يتلعثم

لما نيجي نتكلم عن أحبائنا؟؟؟!!!

المشاعر بتبقى أقوى من الكلمات

أحلى حب بجد اللي بيجي بعد الزواج و العشرة

كل النساء بتحب الرجل المبتسم و المتأنق الذي يمطرها بكلمات الحب و الإعجاب

أنا بقى...

بحبك و انت قايم من النوم و لسه ماغسلتش وشك

و انت بالبيجاما و لسه ما سرحتش شعرك

بحبك و أنت تعبان و حرارتك عالية

و انا بأجيب لك الدواء و أديهولك بأيدي و أغطيك

بحبك و انت متنرفز

بحبك و انت بتلعب مع ولادنا و بتعمل لهم حصان

و بحبك و انت زهقان و غضبان وبتشتكيلي منهم

الحاجات دي ملكي وحدي

محدش بيشوفها غيري

منتهى الحب ان الواحد يبقى على طبيعته مع حبيبته

بدون تصنع

تقدروا تعتبروها رؤية جديدة

غريبة

لكنها طريقتي في البحث عن السعادة في أدق التفاصيل

التي قد تغيب عن الكثيرين

و لا يهتمون بها

زوجي الحبيب

بحبك

اللهم بارك لنا

و بارك علينا

و اجمع بيننا في خير

آمين

[عبير يونس]

هدية كبييييييييييييرة لأستاذي

د. ابراهيم الفقي

طبعا ناس كتير جدا علموني

و ناس كتير جدا أثروا في حياتي

لكن التغيير الجذري في حياتي ربنا سبحانه و تعالى جعله على يد هذا الرجل

مش عارفة أقول لحضرتك ايه يا دكتور

شكرا من أعماق أعماق قلبي

أسلوبك السلس جدا و البسيط جدا أثر بي كثيرا

كتير بيتكلموا عن التنمية البشرية

أجانب و عرب

بس حضرتك حاجة تانية بجد

بتوصل لأي حد

ابني اللي عنده عشر سنوات بيقرأ لحضرتك و بيفهم

و بدأ يطبق اللي قرأه

ربنا يكرمك يارب

و يجعل عملك في ميزان حسناتك

و يبارك لك في زوجتك و بناتك

آمين

[عبير يونس]

إنه حقا لشيء مؤسف

أن يرد الآخرين هداياك

و لكن تكفيني سعادة الإهداء

سعادة أنارت قلبي

و أسعدته

و لن أكف عن إهداء الهدايا

فما يرفضه البعض

يقبله آخرون

و تبقى لحظة الاهداء

و سعادة المنح و العطاء

[عبير يونس]

http://www.youtube.com/watch?v=CAFS696PXjI

[عبير يونس]

إلى الغارق حتى أذنيه في متاهة الحياة

قد ألقيت إليك منذ قليلٍ بطوق للنجاة

و إذ يبدو...

أن شوقك للغرق قد بلغ منتهاه

فعذرا

أتركك في وداعة من ليس لنا سواه

فشغفي و فضولي و شوقي للحياة

قد طغي في نفسي على كلِ ما عداه

[عبير يونس]

الحج لبيت الله الحرام

من أعظم الهدايا التي حصلت عليها من ربي عز وجل

كنت في يوم عرفة

و كنت في ضيق شديد

و أبكي بكاء مرا

فنصحتني ابنة خالتي

شفقة على حالي

أن أهدأ و اذكر الله

و قالت

خطبة عرفة في التلفزيون

تابعيها

أغلقت الهاتف

و فتحت التلفزيون

و دموعي تبلل وجهي

بصراحة

عشت سنوات من عمري في المدينة المنورة

و كانت أسعد أيام حياتي

و كنت كلما اشتقت للماضي السعيد

هربا من الواقع المر

تذكرت تلك الأيام

و انهمرت دموعي

كان كل شوقي لمسجد سيدي رسول الله

صلوات الله وسلامه عليه

و لم أكن أفكر بمكة المكرمة

إذ لم يكن بيننا عشق بعد

وفي أثناء متابعتي للأدعية

التي تسبق الخطبة

سمعت كمن يناجي ربه

أن البيت بيتك يارب

و هل يزور البيت من أحدٍ

إلا إذا رب البيت دعاه

توقفت لحظات

اتساءل

و خاطبت ربي بقلبي

و سألته

ألا تريدني يارب؟؟

لمه لم تدعني إلى بيتك؟؟

و مر اليوم

و لم أكن أدري أني سألت العاطي

و تأتي الهدية

ففي يوم عرفة التالي لذلك اليوم

كنت مع زوجي و طفليّ

أؤدي فريضة الحج

ليس ذلك فقط

بل مقيمة في مكة المكرمة

و لازلت هنا من يومها

عظيمة هي هدايا العاطي الوهاب

من لا يرد يد سائلٍ

إلا و أعطاه عطاء

يليق بجلاله

الحمد لله كما ينبغي لجلال وجهه و عظيم سلطانه

الحمد لله حمدا يوافي نعمه و يكافئ مزيده

الحمد لله عدد خلقه و رضا نفسه و زنة عرشه و مداد كلماته

[باهى الطائر الحزين]

احلام تملؤها السعاده والدفء