18 يوم غيرت وجه مصر((أجمل فيلم عن الثورة المصرية))

[fatfouta]

هو الفيديو طويل شوية بس بجد مش هتحسوا بأى ملل وانتوا بتتفرجوا عليه

فيه مشاهد من الثورة ممكن يكون ماحدش فينا شافها قبل كده

http://www.youtube.com/watch?v=4A30HSA_YkA

ثمانية عشر يوما غيرت وجه مصر وأبهرت العالم..ذلك مثال لما يقال عن ثورة الخامس والعشرين من يناير التي رفعت راية إنتصارها بتنحي الرئيس المصري حسني مبارك في الحادي عشر من فبراير..ما يقال عنها كثير، لكن الكثير ايضا لم يقل بعد ..الزميل خالد عز العرب في فيلمه يوميات ثورة كما عاشها مع صناعها..يسلط الضوء على أساليبها المبتكرة وأيامها العصيبة ولحظاتها المفصلية ، ليفتح باب التساؤلات عما أنجزته الثورة عدا إسقاط نظام مبارك ؟..عن تمسك الثوار بمسارهم وإحتفاظ المجتمع المصري بوحدته ..وأخيرا عن تأثير تلك الثورة في بلدان مجاورة تعيش اليوم ظروفا مشابهة لما عاشته مصر قبل ..وبعد الخامس والعشرين من يناير .. الفيلم يعقبه نقاش أداره مذيع البي بي سي عمرو عبد الحميد

[fatfouta]

فيه لقطات فعلا تخلينا نبكى وهى لحظة استشهاد الشهيد مصطفى اللى مات عالكوبرى وهو بيقول للامن خلونا نصلى هنا ومع ذلك ضربوه بالرصاص فى رقبته

والشباب اللى حواليه

ولقطة الست اللى يوم جمعة الغضب بالليل والدنيا هادية من حواليها وهى ماشية فى الشارع وحاطة ايدها على راسها وبتعيط وبتقول ((يا حبيبى ياخويا)) مش عارفة هى رايحة فين بس خلتنى ابكى فعلا

لحظة وجود اللجان الشعبية وانتشار البلطجية فى البلد

من اجمل اللقطات

لحظة رفض الناس فى الميادين لكلمة مبارك

والدكتورة اللى بتتكلم وبتقول ابنى اتعور فى اورته ولما كانوا بيشوفوه الرجالة الكبار فى الشارع كانوا بيبوسوا ايده ودماغه ولما قالت الناس جالها حالات تشنج وانهيار بعد خطابه الاخير

واجمل اللقطات بجد الراجل اللى واقف عند القصر الجمهورى وهو بيعيط ويقول حسنى مبارك ذلنا انا النهاردة فرحان انى مصرى

ولقطة الشاب اللى فى الميدان اللى بيبكى وبيقول احنا مش موافقين على خطاب مبارك....لان ده مش هيجيب حق ال500 شهيد اللى هو قتلهم

لقطة الشاب اللى من جمعية الاخوان المسلمين اللى بيحكى طول الفيلم وهو بيقول لما مبارك تخلى انا اول حاجة افتكرتها مصطفى واتمنيت انى اشوفه دلوقتى او يحس بفرحتنا

واخيرا بقى لحظات فرح الناس بعد كلام عمر سليمان عن تخلى الرئيس

بجد حاجة مش ممكن لغايت دلوقتى لما بنشوف اللحظة دى بنبكى

الحمد لله

تم تعديل 19 أبريل 2011 بواسطة fatfouta

[م تيمور المراغي]

مليون لايك يا فتفت ,,

خصوصا الدقيقة 4:19

سبحان الله اسم احمد ماهر اتقال في الثانية اللي توافق تاريخ ميلادي !!!

تفتكري صدفة ولا مقصودة !!!!!! :)

[م تيمور المراغي]

التوبيك ده جميل اوي ليه مافيش اي تفاعل معاه ؟

[امير مجروح]

الفديو جميل جدا ومؤثر ...

شوفت اخره تقريبا من بضع ساعات ..دلوقتى شفته من اوله..

اشكرك استاذة فتفوتة

[ozoozo]

اه

كان نفسي اكون في مصر ساعتها

وانول احدي الحسنيين

بس ياتري كنت هانزل

ولا كنت هابقي جبان

انت لو كنت في مصر ساعتها كنت هاتنزل؟

[mustafagamiel]

الفيديو رائع اوي

ايام لاتنسى اطلاقا

سبحان الله اسم احمد ماهر اتقال في الثانية اللي توافق تاريخ ميلادي !!!

تفتكري صدفة ولا مقصودة !!!!!!

حضرتك اكبر من كده بكتيررر ياباشمهندس

[fatfouta]

طب شوفوا الفيديو ده اهو احنا عملنا كده بالضبط (شيلنا الصخرة)

http://www.youtube.com/watch?v=GPeeZ6viNgY&feature=youtu.be

[Simba]

يوميات الثورة

من اجمل الافلام اللي اتعملت عن الثورة المصرية لكن يعيبه حاجة واحدة بس الحوار التلفزيوني اللي بين الجزئين

[م تيمور المراغي]

اه

كان نفسي اكون في مصر ساعتها

وانول احدي الحسنيين

بس ياتري كنت هانزل

ولا كنت هابقي جبان

انت لو كنت في مصر ساعتها كنت هاتنزل؟

انت رديت على نفسك بنفسك يا اوزو

اول سطرين هما الاجابة على آخر سطرين ,,