كفاية فول يا بهلول

[ragab2]

[b:post_uid0]                كفاية بقة فول با بهلول

من خمسين سنة ياعالم واحنا بناكل طعمية وفول

فين دخل القناة والجمارك والغاز وكمان  البترول

يابلدنا  خيرك كتير والفساد فيكى  بقى زى  الغول

فيكى  اللى  مايلاقى عشا  والباقى  بياكل  فول

حتى الفول الأخضر نعتبره فاكهة وهو كله بقول

قالولنا شدوا الحزام ع البطون وسابوا الفحول

حتى القطط قالولنا وفروا أكلها وأكلوها فول

وسخرو العلما تمدح فى الفول وبروتينه اللى مش معقول

ونسيوا البروتين الحقيقى والمهم فى لحمة العجول

بلدنا كانت أغنى من كل البلاد ولغيرها بتعول

حتى اللحمة أما تزورنا نعمل لها حفلة ونغنى ع الأرغول

والفرخة كنا بنضرب لها تعظيم سلام  ونقف لها  فى الرول

وكل ما نسأل  اللفندى  ايه السبب  يقول  أنا مش  مسؤول

مين السبب يا بهلول

قلولنا أمريكا هاتعمل رواج  وتريحنا من أكل الفول

راحوا استوردوا هامبورجر ليهم وسابولنا الفول

ولادنا داخوا فى بلاد العالم وهاجرت العقول

لما العيشة ضاقت فى بلادنا والفقر بقى على طول

زمان لما قامت الحركة قالوا ارفع راسك يابهلول

بعدها انداست الروس فى البيوت والمصانع والحقول

وعرفنا ان ده كان فض مجالس بس وكلام غير مسؤول

ايه السبب يابهلول

امتى نعيش زى البلاد الحلوة ونشوف لها حلول

حتى ضريبة المبيعات والكل بيقول هات ومافيش دخول

والدهب الأصفر ضيعتوه على المغامرات ومعدش فيه أصول

والعدس الأصفر كان فيه أزمة  وبرضه أهو بيساعد مع الفول

كنت يامصرى سيد العالم وبفلوسك تقدر تجول

دلوقت أصبحت سواح تجرى على رزقك  قبل مايزول

وامتى نعيش زى خلق الله ونهرب من الفلافل والفول

هاتوا فلوسنا نعيش بيها حياتنا وده شيئ معقول

وادونا حقنا ناشف  فى القناة  نفتح بيه ألف قناة قبل مانتسول

واعتبرونا منسحبين ومش لاعبين وخلى اللى يقول يقول

وكفاية كورس خمسين سنة جربنا فيه كل البقول

اصحى يابلد وبطلى نوم وعيشى بالعرض والطول

يارب يا بهلول[/b:post_uid0]

[Imhotep]

  ما قلت نبيع البلد كلها بالقانون و بعقود موثقه و علي عينك يا تاجر محدش سمع كلامي!!!! مهي كده كده بتتباع. علي الاقل في العرض بتاعي حنعرف مين المشتري و حيدفع كام ونصيب كل مواطن كام.... تخيل معايا كده يا ابو رجب..... واحنا واقفين في حوش مقر الامم المتحده و بنادي بالفم المليان.... قرب قرب ... بلد للبيع.... دي حتبقي فرجه.... و اهو اللي ما يشتري يتفرج!!!!!

[ragab2]

[b:post_uid0]

ماتباعت خلاص

انت ما وصلكش الشيك بتاعك

بعاتولنا نصيبنا فى بيع أربع شركات

وصرفنا الشيك

بس لما يبيعوا الباقى قالو هايبعتولنا

بس أنا مستحرم أصرف شيك شركة الكروم بيقولوا فلوسها حرام

ايه رأيك أوزعه ع الغلابة ابعتلك استلا ساءعة

متنساش تسلم لى ع الترماى[/b:post_uid0]

[Imhotep]

    يا عم رجب لا توزع الشيك ولا حاجه... هو و النبي في اغلب منا???? روح هات لك عشوه كويسه بدل الفول اللي حيموتك ده... بس امانه يا شيخ تفتكرني و انته بتاكل لحسن انا لسه مصرفتش حاجه و يا عالم بقي لما ييجي دوري!!!!!  الفول الفول الفول... اوصفلك يا حبيبي الفول... قبل ما حبك كلت الفول يا حبيبي..... مع الاعتذار للست!!!!!

[bansia]

ياجماعة اانا لسة مخدتش الشيك بتاعى علشان انا مسافر برة خبوة احسن الحكومة تاخدة ضرايب منى على العاملين فى الخارج

وعلى فكرة نفسى فى طبق فول من عند الجحش

وحسبنا اللة ونعم الوكيل

[ragab2]

[b:post_uid0]

يعنى يا بانسيا

أنا كل ما بانسيا  الفول تفكرنى بيه

حتى ربنا تاب عليك منه ومع ذلك أدمنت الفول

طب هات اللحمة اللى عندك وتعالى اشبع فول

ولو خلص الفول أنا مش مسؤول

تحياتى [/b:post_uid0]

[ragab2]

[b:post_uid0]

زاد سعر الفول فى موجة الزيادة الأخيرة[/b:post_uid0]

[freefreer]

رجاء الا تذكروا الفول دون اعطاءه قدرة من الأحترام .. الفول حبيبى ..يا سلام .. عمرك شفت واحد جالة كوليسترول من الفول  :inlove:

[Alshiekh]

[b:post_uid0]عمر الفول ماجاب كوليسترول

حلو المثل ده؟ :D  :D

بس بيجيب حاجة تانية ;)  :sneaky2: [/b:post_uid0]

[freefreer]

يعنى الدكتور زويل ماكانشى بياكل فول!!!!!

ما هو بيجيب جايزه نوبل اهوه .. هاهاهاها  :D  :D

[Alshiekh]

[b:post_uid0]حسب النية ياأستاذ فرى[/b:post_uid0]

[ZAKARIA1]

ايه حكاية الجحش اللى بيبيع فول دى اللى فى رد بانسيا ؟

هو الجحش بيبيع فول دلوقت ؟ كده ممكن نفرج السياح عليه ونكسب عملة

؟اخر علمى انه كان بيبيع الهوا بعد مايدهنه

:withstupid:

[freefreer]

يا سلام يا عم زكريا .. دانت مش عايش فى الدنيا .. لا مؤاخذه .. الجحش ظهر فى برنامج عمرو اديب .. على قناة أوربت .. و انت ما تعرفوش!!!

الجحش .. محل فول و طعمية .. فى السيدة زينب فى شارع عبد المجيد اللبان .. و اشهر من نار على علم .. و لنت لو رحت هناك مش حتلاقى منظر يسر .. بس هو فوله فعلا جميل جدا .. و حاجة تانية .. بيجيب الفول جه منين؟ الله اعلم.

و لو رحت له فى ساعة متأخرة ممكن تلاقى فنانيين هناك

و هناك ايضا رفاعى بتاع الكباب .. جنب سبيل ( مش فاكر اسمه صراحة ) .. برضه هناك و اخر الليل تلاقى ناس كبيرة و عربيات واقفه .. و كده

و مهندسينا و دكاترتنا .. قاعدين على القهوة حاطين ايدهم على خدهم .. يندبوا حظهم و مستنيين جواب القوى العاملة

و سلملى على الهندسة ..  :inlove:

[Alshiekh]

[b:post_uid0]انا مش عايش فى الدنيا بقى

انا كنت مفكر الجحش بيأكل فول بس

بس الظاهر انى عايش فى العصر الجاهلى

[/b:post_uid0]

[freefreer]

لأ يا حبيبى الأيه اتعكست .. دلوقتى الجحش هو اللى بيأكل الناس فول ..  :D  :xmas:

انتقام الجحوش من البشر .. هاهاهاهاهاى :xmas:

[freefreer]

على فكرة هم ناس دمهم خفيف .. يعنى كاتبين على المحل .. أكاديمية الجحش للفول

و لما تسأل الجرسون عن المعلم يقولك فى الزريبه هاهاهاى :D

[الأفوكاتو]

أعزائى الأعضاء

فى إحدى زياراتى لمصر, وكان ذلك خلال شهر رمضان المعظم, أصر أحد أصدقائى على أخذى لزيارة بعض الأماكن الشعبية قبيل السحور. و بدأت الزيارة بسيدنا الحسين, حيث إحتجنا لواسطة لكى نجلس على مائدة فى وسط الميدان, وكانت هناك عائلات كثيرة,زوجات و أزواج, و أطفال  و شباب, مصريين , أجانب , يرتدون خليطا من  الأزياء. بين محتشم و غير محتشم :  محجب, و منقب, وجينز , و مينى جييب, و وسط متعرى.

لذلك, فقد دفعنا خمسة جنيات لكوب الشاى,ولكن للأمانة, كان هناك نعناع و سكر أيضا.

ثم أنتقلنا الى الجيزة (فى الساعة الواحدة صباحا), حيث يوجد أحد أفرع مؤسسة الجحش للأغذبة الفولية الشعبية,  و فى وسط حوش بين بعض المنازل, وجدت موائد عديدة ممدودة, و مئات من المتسحربن,من جميع شرائح المجتمع, يجلسون جنبا الى جنب فى ألفة , يلتهمون الفول و الفلافل والسلطات بكميات مهولة. و قد لفت نظرى براعة عمال المحل, الذين إستجابوا للطلبات بسرعة غريبة. طما لفت نظرى أيضا كميات العيش التى توضع أمام الزبون حتى قبل أن يطلب الطعام.

وكانت السلطات متنوعة ووفيرة و شكلها مغرى, و الخلاصة أن زملائى فى السهرة أكلوا , واتخموا, وبقى على المائدة ما يكفى لإطعام خمس أسرات أخرى. و رغم أنى لم أشارك فى هذه المذبحة, إلا أن منظر زملائى الخمسة يلتهمون طعاما يكفى جيش كامل, جعلنى أشعر بالإمتلاء.

و عند ساعة الحساب, فوجئت بأن السحور الهائل المتخم لم يكلف الفرد سوى ثلاثة جنيهات, و ضربت كفا على كف, كيف يكون كوب الشاى ب 5 جنيهات فى الحسين, وسحور كنج سايز ب 3 جنيهات فقط عند الجحش؟

و جاءنى الرد من مضيفى:

إن من يدفع خمسة جنيهات لكوب الشاى فى الحسين إنما يدفعها للفرجة, أما من يحضر للأكل عند الجحش, فهو إنسان عاقل, و ليس حمارا.

منذ تلك الزيارة, كلما أرى جحشا فى الطريق, أقول: ربنا يزيد من أمثالك يا عم الجحش.

الأفوكاتو

Edited By Alavocato on Jan. 12 2002 12:48am

[freefreer]

أنا اول مرة اعرف ان ليه فروع فى الجيزة .. اتارى الناس ماشية ( تبرطع ) .. فى الشوارع  :colgate:

[KWA]

و الله حرام فول في مصر و فول في امريكا....المكسيكي هنا يعشق شئ

اسمه الفول...تقريبا شئ اساسي في المطعم المكسيكي يعني تقدر تقول فيه جحش مكسيكي في امريكا تخيل لو الجحش الأصلي فتح فرع

و الله الأمريكان هيبقوا امم لأنهم هيكلوا من عند الجحش

و كلها ايام و نشوف الجحش ضيف في برنامج larry king....محظوظ يا جحش

[bansia]

عسل يافرى

على فكرة التابعى الدمياطى الى فى وسط البلد اصبح مطعم خمس نجوم

هفنى الشوق الصيف الماضى وتوكلت على الله مع اولادى الثلاثه والحرمه لناكل الفول فوجدنا العجب

اولا بوفيه مفتوح للسلطه ياحلاوة

ثانيا الفول انواع بالسمن البلدى وبالبيض والسمن  وبالبيض والطعميه

المهم كل فرد طبق فول  وطبقين طعميه مخصوص للجميع ثم زجاجة ماء وحاجة باردة للجميع تفتكروا دفعت كام

الى حيعرف له جايزة طبق فول من الجحش حبيبى

;)