لو لم أكن مصريا ... لوددت أن أكون مصريا

[Doofy]

============================================================

في البداية تحياتي لجميع المتحاورين على مختلف آراءهم..

منكرش انني من حوالي 4 سنين وداه بعد ما خلصت الثانويه العامه ورجعت مصر و بدأت فتره الدراسه الجامعيه كنت وصلت لهذه الدرجه من القسوة على وطني مصر وشحنت بكميه غير طبيعيه من الغضب والسخط على وجودي في هذا البلد وعلى اليوم اللي كنت فيه مصري...

لكن جيت في يوم سألت نفسي...

-ليه لما كنت صغير كنت بطير من الفرح لما اعرف اننا هنسافر مصر في العطله الصيفيه وكنت ببقى في قمة الحزن لمما تحصل ظروف ومنعرفش نسافر..؟؟

-هل الناس اتغيرت في ال 15 سنه اللي فاتوا..؟؟

-هل رأي اختلف لما كبرت وابتديت اصطدم مع الروتين والنظام الحكومي..؟؟

-بقى هيه دي مصر اللي كنت هموت في غربتي علشان اعيش واقضي فيها باقي عمري السعيد..؟؟

-طيب ليه اهلي سبوها في عز شبابهم وسافروا ..؟؟

-أيه اللي يرغمنا على الحزن لحظة فراق أهالينا واصدقائنا واحبائنا والمكان اللي اتربينا فيه وخد احلى ذكرياتنا..؟؟

أخر سؤال كنت عايز اعرف مين السبب في هذا الحزن والحيرة..؟؟

لاحظت انني ارى وطني في عيون ابي وامي اللذين يجاهدون للعوده اليه في يوم من الأيام ليستمتعوا ببقايا خيره المستنزف..

بحثت عن مصر فوجدتها بعيدة كل البعد عن القاهرة اللتي توحش اهلها فصاروا كالوحوش الطليقة التي تبحث عن قوت يومها...

لا اعلم ولكني ارى مصر في عيون اهلينا في ارياف مصر فهم اقرب الناس إلى هذه الأرض وهم اكثر الناس احساسا بطبيعة هذه الأرض وخيرها على أهلها وقاطنيها..

اعتقد اننا يجب ان نفكر قليلا قبل ان نظلم اوطاننا ونقسوا عليها...وتعالوا نتخيل لو ان النظام المصري كان زاي اي نظام من النظم المتقدمة كالدول اللي أشار ليها المتحاورون في هذا الموضوع...كان حال بلدنا هيبقى أيه..؟؟

يا اخواني الذكاء المصري مطلوب في جميع انحاء العالم إللا عندنا هنا..!!

نحن والحمدلله أذكياء بالفطره ولكن خدرونا بكلامهم ووعودهم حتى غرقت بلادنا في بحر من الفساد والرجعية والجهل..واصبح امامها الكثير كي تنهض وتنير العالم كما كانت من قبل..

كلمتي الأخيرة

لو لم اكن مصريا لوددت ان اكون مصريا لأن نداله مني لما اتبرأ من مصريتي واتركها وحيده في أيدي من يحاولون قتلها في قلوبنا كل يوم..

:

:

[الأفوكاتو]

============================================================

لو لم اكن مصريا لوددت ان اكون مصريا لأن نداله مني لما اتبرأ من مصريتي واتركها وحيده في أيدي من يحاولون قتلها في قلوبنا كل يوم..

:

:

<{POST_SNAPBACK}>

أجمل ما قرأت فى الأيام القليلة الماضية.

تحياتى و تقديرى لصاحب هذه الكلمات الجميلة

[dr/alfa]

لو لم اكن مصريا لوددت ان اكون مصريا لأن نداله مني لما اتبرأ من مصريتي واتركها وحيده في أيدي من يحاولون قتلها في قلوبنا كل يوم..

سامحنى أخي الفاضل يعنى هتفيد بإيه كوني أعتز بمصريتي أو أن أتبرأ منها وأنا أكلمك من كندا او من بريطانيا أو من ألمانيا أو من الامارات , وفى نيتي ألا أعود لهذه البلد مرة ثانية .

الكثير ممن يتمنون أن يكون من حاملى الألمانية او الامريكية تعروا لكثير من الاحباطات أو المضايقات على أرض هذا الوطن ,بل وكثير من الظلم لهم او لذويهم أو أقاربهم ,

الكثير منهم مر بتجارب سوداء تشيب لها الولدان .

الكثير منهم بات لا يجد عشاءا لاولاده .

الكثير منهم عاش سنوات بلا عمل ,

يعني لا داعي لمثل هذه المزايدات .

كلنا نحب هذه الأرض الطيبة .

ولكن الوضع مذري للغايه ومهين .

الأعضاء لا تتكلم من فراغ أخى العزيز .

قولك ((((( لأن نداله مني لما اتبرأ من مصريتي واتركها وحيده في أيدي من يحاولون قتلها في قلوبنا كل يوم ))))

يشعرني أنك رايح تحارب من أجل تحرير مصر من أيدي الطغاة والظالمين .

فى الواقع كلنا سوا.

كلنا وقت الجد بنثبت ان هذه البلد مجرد مكان للسكني وخلاص .

مكان للعمل وملاقاة الأصحاب آخر النهار على أحد النواصي أو النوادي .

لكن ماذا فعلت انت أو انا ؟؟؟ .... لا شيء أيضا .

فأرجو ألا تتهم أحدا بالخيانة او الندالة

هذا الرجل -مصطفى كامل- كافح لكي يحافظ على وطنه .

ولكن نحن ؟؟؟؟ ماذا فعلنا ؟؟؟؟ ..... لا شىء .

فى الواقع انا أري ما قاله الاستاذ/هامو -فى رأيي- معبر جدا

وكافى للتعبير عن مشاعري أيضا .

يعني الخلاصة أحنا شوفنا ايه عدل في البلد دي عشان درجة الوطنية بتاعتنا توصل للفولت العالي قوي ده

ممكن نكون نحب بلدنا لكن بالدرجة دي لا أعتقد

تم تعديل 10 نوفمبر 2005 بواسطة dr/alfa

[رؤوف]

بسم الله الرحمن الرحيم

لقد قرات كل ما كتب في هذا الموضوع وانا ارى ان ظروف كل واحد هي البوصلة التي توجه صاحبها ولكن الوطن والمواطنة ليس له علاقة بالظروف التي تمر على المواطنين وهذا كانتماءولكن يمكننا أن ننظر حولنا حول الكرة الارضية ونعتبر وننظر الى مصرنا ونقارن سنجد مصر من أخصب الاراضي وتتخذ موع جغرافي العالم يحسدنا عليه وفيها أهم ممر مائي في العالم وفي ارضها كنوز من معادن وبترول وغاز وفوسفات وخلافه.

وصاحبة أعرق تاريخ بل واهم واقدم حضارة عرفتها البشرية ومعنى كلمة حضارة يعني علم العلم الذي انار العالم لو رجعنا الى الوراء سنجد ان الاساس الذي قامت عليه العلوم المعروفة للبشرية من اصل علوم المصريين هذه العلوم المعروفة اما العلوم التي مازالت لم تعرف وكل العالم الان يجري ابحاث تتكلف المليارات لحل الغاز المصريين حتى يتوصلوا الى هذه العلوم وهذه ايه من ايات الله في الارض .

الشق الايماني او العقائدي ان المصري القديم اول من نادى بالتوحيد واول من قال انه يوجد الاه وكان المصري القديم متدين . وانظروا الى مصر التي زارها كل الانبياء عدا سيدنا محمد عليه الصلاة والسلام فدخلها أبو الانبياء سيدنا ابراهيم وتربى فيها سيدنا موسى وسيدنا يوسف وفر اليها محتميا سيدنا عيسى وهي ارض وام سيدنا ادريسوالكثير من انبياء الله دخلوا مصر لانها ارض قد حباها الله بالامن والامان واخيار هي التي ذكرها الله في كتابه القران الكريم مرات عديدة .

اما من ناحية الدولة والقانون فهم اول من اقاموا نظام الدولة ومصر كانت لها حدود وجيش وملك ( فرعون ) والشعب له حقوق وعليه واجبات أي كانت هناك دولة عظمى اسمها مصر عرفت الزراعة والتجارة والصناعة قبل ان يكون هناك دول كانت النا س خارج مصر يعيشون الجاهلية والظلام والتخبط .

اما عن خيراتها ففي عام الرمادة أرسل سيدنا عمر بن الخطاب رسالة الى عمرو بن العاص مفادها انك تعيش في بلاد النيل ونحن في رمادة فرد عليه عمرو بن العاص قائلا

واللهي لارسل لك قافلة لن تراها من قبل ولا من بعد اولها في المدينة واخرها في مصر

وده كله من خير مصر.

يااخواني الشباب الصغير للاسف لم يعيش الانتماء لانه يفقد القدوة والهدف اللي يجمعهم

خلينا جميعا نخلي مصر هدفنا وننميها ونحميها وده مش هايحصل الا بيكم ياشباب مصر

مافيش حد هايجي يغير لكم البلد انتم اللي لازم تتحركوا قولوا عاوزين ايه وطالبوا بيه

مش هايجي لكم على طبق من فضة بدل ماتسافر وتتبهدل اقعد في مصر وطالب بحقق في العمل والمسكن اعتصم تظاهر خلي عندك شجاعة واللهي اللي هايحميك هو انتمائك للبلد دي احنا وقفنا في الايام الصعبة جدا وقولنا لا وماموتناش على الاقل انا باحترم نفسي لاني عملت اللي عليا ومطلوب من كل واحد يعمل اللي عليه وبشكل جماعي من خلال حزب او نقابة او جمعيه او نادي واللي مش عارف يروح الجامع الازهر او يدور على كفاية أو اي جمعيه اخرى واللي عاوز هايدور ويلاقي واللي مش عاوز يتعب للبلد دي

لايستحق ان يعيش في البلد دي

وانصحه انه يدور له على بلد تاني بس اقول له ان كل العالم هايرفضك لانك لا تستحق المواطنة

الاخت العزيزة سلوى المصريه وسقراط المصري ومن الان انا اسمي رؤوف المصري

واللهي لو لم يخلقني الله مصريا لوددت وتمنيت ورجوت ان اكون مصريا

لانه بالفعل وليست عاطفة مصر اول نور في الدنيا

والذين اطلقوا على مصر بانها ام الدنيا ليسوا المصريين بل الاوروبيون واولهم اليونانيين والرومان

واسف للاطالة والى درس اخر في الوطنية

شكرا

[Doofy]

==================================================================

الزميل الفاضل دك\الفا

احلفلك بأيه انها لا مزايدات ولا شعارات ولا اي حاجه المشكله مش في مصر المشكله فينا أحنا يا استاذي الفاضل

وانا لا أتكلم عن مصريتي كجنسيه.. أنا اتكلم عن مصريتي كأنتماء.

نحن يجب ان نعتز بمصريتنا لأننا يجب ان نعتز بأنفسنا وتاريخنا خير سند لنا وخير من يتحدث عنا.. هذه فطرة المصري

ان بتفق معاك لأبعد الحدود منحنى الانحدار الهائل في كل شئ ولكن بتسائل مرره اخرى وياريت كل واحد يسأل نفسه

من السبب في هذا الحزن والحيرة..؟؟

انظر لنفسك ولوالديك ولعمك وعمتك وخالك وخالتك لجدك وجدتك وشوف وطنك فيهم..

وطنك يبكي سيدي من ما يفعله فيه هذا الرجل بعصابته ونظامه الوحشي..ضف على هذا وذاك سلبيتنا المخجله في طلب حقنا..

خير هذه الأرض كثير ويفيض على شعبه ..ولكن

الأرض لن تدافع عن حقي وحقق وحق من يعيش عليها...

انا مش بقول كدا علشان رايح احارب

بس فيه فرق كبير لما تنظر لأي بلد مهما كان على اساس المصلحه والعمل المجزي والحياة الرغده اللي بننعم فيها خارج اوطاننا ...في حين انك يجب ان تنظر لوطنك بنظره اكتر حنان وعطف لأن معدنك الطيب هو نتاج هذا البلد الطيب..

انا لا اتهم احدا بالخيانه ولكن..,

ياريت يكون احساسي وصلك وفي النهايه

كلنا اكيد بنتمنى الخير لبعضنا سواء كنا في وطننا او في بلاد المهجر وبنفرح لما حد فينا ينجز أي حاجه في اي مجال وصدقني انا بشوف ان تقدير العالم لأي مصري يخترع او يبتكر حاجه تفيد البشريه بيبقى غير أي تقدير..

:

:

:

:

الزميل القدير أستاذ/ أفوكاتو

بشكرك وبحيـيك من وطنك وبحيي قلمك اللذي يحاول دائما ان يرسم خطوط هذا الوطن من جديد .

تم تعديل 11 نوفمبر 2005 بواسطة Doofy

[الأفوكاتو]

لا شكر يا سيدى على واجب.

[الشبح الغاضب]

بجد الموضوع ده ممل اوي بجد و بجد فعلا ..... انا مش فاهم النرجسيه اللي في دمنا ديه علي ايه ..!! علي الذكاء المصري المزعوم!!! ولا نظافة المصري اللي مولعه الدنيا !!!

ولا ايه عشان افهم !!!يا عم ده احنا الشعب الوحيد اللي بيستعر من جنسيته و عمال يتمسح في اي جنسيه تانيه اللي يقولك اصل انا جدي كان تركي و اللي يقلك احنا اساسا من الجزيرة العربية و مش اي حد ده احنا كمان من الآشراف (عشان يوريك ان انت مش قاعد مع اي حد)!!! واللي يقلك احنا مش عارف منين و منين وبعد ده كله يتكلموا عن الوطنيه و مصطفي كامل و وجع القلب ده !!!! و بعدين مصطفي كامل ده خلاص قال البقين بتوعوا و خلصنا خلاص حنوعد نغني بيهم ألف سنة هما كمان !!! مش كفاية عماين نتمسح في شوية ألاثار و الفراعنة و حضارت سبعة ألاف سنة و احنا حته مش عارفين اي حاجة في اي حاجة او ازاي حتة الفراعنة كان بيطبخوا او يغسلوا !!!طيب بذمتك يا شيخ مش كل الاكتشافات في العصر الحديث عن الفراعنة عملوها اللآجانب ! و هما كمان اللي فكوا لغز اللغة الفرعونية ايام الحملة علي يد شمبليون !!يعني لولاهم كان زمانة مش عارفين اي حاجة عن الفراعنة اللي احنا عمالين نتمسح فيهم دول ..ده رمي جتت يا عم انت والله !!!!يا راجل ده احنا حتة مش عارفين نحافظ علي البلد اللي احنا عاشين فيها !!!!

شوف وصلت لي فين ..طيب ليه !! تعالي خد عندك ابتداء من مياه النيل الملوثة لدرجة مرعبة و مخيفة و تخليك متجيش ناحية الحنفاية تاني شوف احصائيات الفشل الكلوي و السرطان مرتفعه ازاي في مصر ...لحد الجو الملوث بدخان قش الرز البديع و المصانع الصحابها مفتحين مخهم مع المسئولين و لوثوا الجو بكل ماهو سبب رئيسي لي جميع انواع امراض الصدر و سرطان الصدر و كسروا الحد المسموح به دوليا العوادم الي ابعد من خيالك ...مش كل دول هما الشعب ولا انا غلطان !!!!!!!!!

والي بيرمي في النيل بلاوي ابتداء من الجماعة اللي الفلاحين و الصعايدة علي طول نهر النيل مرورا بالقاهرة ..لحد المصانع اللي بترمي المخافات المسرطنة في النيل !!!

حتي لما تيجي تاكل في اي مطعم عادي في القاهرة تلاقي القذارة و الوساخة هي سيدة الموقف و في بعض الآماكن الموضوع بيكون اقل من كلمة غير ادميه و الله !!!

الفوضي و الغش و الكذب و الآنانية و الغباء والنفاق و القذارة هما الشعار الرسمي للبلد الآن ..... و الدليل ..صفر في كل شيء ابتداء من صفر المونديل الي كل الاصفار اللي مليانة في حياتنا !!!!!

اللي بيحب بلده بصحيح بيخاف عليها و علي اللي عايشين فيها ... غير كده انا معرفش اي كلام او شعارات او اي عبط من ده !!!

وحكاية لو مكنتش مصري اتمني اكون مصري !!!!! احنا حنفتي علي المسا !!!

اي واحد هنا لو جتلوا اي جنسية تانية امريكية او كندية حيطير من الفرح و حيجري عليها

والنبي لو جاتوا فيزا ده لو الفيزات بتجي لحد اليومين دول بص معلش نقول لو, حيبع مصر و بر مصر كله و حيفوك من هنا !!!! هنا مين يابا !!!

و حتة النيل المعفن ده اللي احنا فرحنين بيه افتح اي خريطة او افتح برنامج جوجال ارس وشوف في كندا ولا امريكا كام نهر اقل واحد فيهم قد اللي عندنا مرتين و انظف 1000 مره و محدش رمي فيه حمير ميتة او بيعملوا فيه ال...........!

والله العظيم ألف صفحة زي ديه متكفيش الهم الي ممكن يتقال !!!!

وحكاية مصر و الجدعنة و الهبل ده كله كلام فارغ ....معدش فيه الكلام ده هنا و الجدعنة موجوده في اي حتة .....!

و علي العموم حتة العلاقات الآجتماعية هنا سيطرت عليها المادة و الآحقاد و المصالح ..!

علي العموم خلاصة الكلام مش عايزين تناكة و نرجسية علي الفاضي .....احنا صفر صفر صفر

ولازم نعترف بكده اذا كان في حد عنده النيه او بيفكر بجد يبقي يتكلم في المشاكل و البلاوي ديه و الكل يقترح حلول و نبداء ننفذ انا أول واحد مع اي حد بيفكر بجد علي طريقة محمد مهاتير اللي جعل من ماليزيا بلد متحضرة بعد ما كانت بلد متخلفة اوي اوي

انما حنفضل نغني علي بعد .....حفضل اطلع في كل بلاوي البلد ديه علي طريقة نشر الغسيل المتوسخ و اي حد حيتكلم عن الوطينة حسمعه عن اي بلد هو يتكلم !!!

عشان الواحد بجد جاتلوا حموضة و قرف و اكتئاب من الشعارات الي مقرفة ديه

سلام

[سقراط المصري]

[الشيخ الغاضب

من الاشياء الصائبه في حديثك :

quote=الشبح الغاضب,Nov 15 2005, 11:42 PM]

و حضارت سبعة ألاف سنة

<{POST_SNAPBACK}>

وطبعاً ، زي ما انت عارف ، ان انا وانت الان في نقطه زمنيه من تاريخ مصر.

معاك ان المنحنى الان هابط ، ومعاك ان الامور ماشيه في غير طريقها السليم.

ولكن هل نتخلى نحن ابناء الحضاره عن جذورنا بالرغم من ان كل حياتنا ماهي الا نقطه زمنيه ضئيله في التاريخ المصري.

اما حديثك:

انا مش فاهم النرجسيه اللي في دمنا ديه علي ايه............

!يا عم ده احنا الشعب الوحيد اللي بيستعر من جنسيته و عمال يتمسح في اي جنسيه تانيه............

وبعد ده كله يتكلموا عن الوطنيه و مصطفي كامل و وجع القلب ده !!!! و بعدين مصطفي كامل ده خلاص قال البقين بتوعوا و خلصنا خلاص حنوعد نغني بيهم ألف سنة هما كمان !!!.......................

مش كفاية عماين نتمسح في شوية ألاثار و الفراعنة و حضارت سبعة ألاف سنة و احنا حته مش عارفين اي حاجة في اي حاجة او ازاي حتة الفراعنة كان بيطبخوا او يغسلوا !!

<{POST_SNAPBACK}>

فهذا هو انفعال الغضب وليس الحقيقه.

ومتزعلش لو قلت لك تاني:

لو لم اكن مصرياً لوددت ان اكون مصرياً.

لإنشغالي هكتفى بهذا القدر القليل من الرد.

تحياتي

سقراط

[وليد صفوت]

من لا يريد مصريته فليتخلى عنها ,........ و ليتسول أى جنسية أخرى .

خلص الكلام ( لا مؤاخذة يا شريف ) ....

[wagdi]

تذكرت حوار جرى أمامي منذ بضعة سنوات وكنت في زيارة لأحد اقربائي... وكان هو وزوجته أطباء ولهم ولد وحيد.. ومنذ صغر هذا الولد وهم يعدونه ليكون طبيباً مثلهم ل"يمسك العيادة" بعدهم...

ثم كان أن دخل هذا الولد كلية الطب وبعد سنة واحدة بدأ يتعثر دراسياً وأكتشف أنه ببساطة لا يحب الطب ولا العيانين ولا الأدوية ولا أي حاجة من دي... وعندما حاول أن يشرح هذا لوالده رد عليه:"أمال لو مش عايز تبقى دكتور/ عايز تبقى إيه؟؟... والعجيب أنه لم يستطع الإجابة ولم يجد أي شئ محدد بداخله يريد أن يكونه..

الشاهد ان هذا الإنسان منذ ولادته وهو منقاد إلى طريق واحد لا يعرف غيره ولكن إن كان تُرك على فطرته فربما لأختار لنفسه طريقاً أخر أبعد ما يكون عن الطب..

وكذلك موضوع الوطن... فنحن ولدنا وعشنا وتربينا في مصر...وأهلنا وأصدقائنا وتاريخنا كله فيها...وليس لنا الخيار في ذلك...ولو سألنا أنفسنا طب لو مش عايز تبقى مصري تحب تكون إيه... لن نستطيع أن نقول إلا مصر ربما ليس حباً فيها ولكن على الأقل حباً في من فيها...

بس تصور كده... لو أنت راكب مركب وغرقت بيك...ولقيت نفسك على جزيرة وقد فقدت الذاكرة...وفقدت أوراقك... وجم ينقذوك وقالولك يابني إحنا مش عارفينلك بلد...خد الكتاب ده في شرح لكل بلد في الدنيا بتاريخها بحضارتها بعادتها بحالتها الإقتصادية والسياسية والإجتماعية...وإختارلك بلد....هل حتختار مصر ساعتها؟؟....

ما أظنش....

فجملة مصطفى كامل والتي بدأها ب"لو لم أكن..." تفيد أنه قد أفترض عدم إنتمائه اساساً لهذا البلد وعدم وجود اي علاقة له به ثم من هذا المنطلق أختار دون عن بلاد الدنيا "أن يكون مصرياً"...

وهي جملة أرها خطابية حماسية ولكنها غير واقعية...على الأقل في زماننا هذا...

أما لو قال "لو خُيرت أن أتبرأ من مصريتي في مقابل جنسية أخري لرفضت" لكانت أكثر واقعية ولوافقه عليها معظمنا حتى ممن لا يرون في هذا البلد إلا السواد...

[الأفوكاتو]

الأخ الشبح الغاضب,

اولا, أرحب بك,

أخى الفاضل,

أنا أقيم فى إنجلترا منذ 37 سنة, و حاصل على الجنسية البريطانية, و لكنى مازلت أقول لمعارفى و أصدقائى الإنجليز أنى مصرى.

و لو تابعت مداخلات المصريين الذين يعيشون خارج مصر( و أنا أقترح ذلك بشدة), سترى أنهم من أشد الناس تمسكا بمصريتهم رغم كل الظروف التعسة التى حلت بمصر.

ومن يعلنون حبهم لوطنهم لم يخطئوا,

أما من يتنكرون لها, فكما قال الأخ العزيز "فيولين كنج", فعليهم خلع الرداء الزائف, و يجدوا للأنفسهم بلدا أآخر,

و لن تخسر مصر شيئا.

تحياتى, و سعدت بوجودك معنا.

تم تعديل 16 نوفمبر 2005 بواسطة الأفوكاتو

[morph]

وجدي .. لقد قلت ما اردت قوله تماما

الافوكاتو : انا اعتقد ان المسألة ليست حب الوطن او كراهيته أو التنكر له , فكما فهمت من رت غاضب انه يحب البلد و يتمني لها التطور. المسألة هي ان التعامل مع المشكلة لابد ان يتم بواقعية.. لابد ان نواجه الواقع كما هو و ان نستبعد الكلمات الرنانة التي تحجب عنا الواقع. ليس معني انني اشتم الفساد في الوطن و اكره هذا الفساد انني اكره الوطن .. ولكن القضية ان التغني بمقولات عنصرية مثل ام الدنيا او لو لم اكن مصريا .. او حضارة ال7 الاف عام او فكرة الفخر بمصريتي و الفخر ببلدي .. هي كلها معاني جوفاء فارغة تماما تميع الواقع و لا تضيف اي شيء الي الحقيقة

لا يعني هذا انكار حقيقة الرأس الكاسح و الجسم الكسيح للبلد او عبقرية المكان كما تعرف عليها جمال حمدان.. حتي جمال حمدان في كتابه .. و هو جغرافي و كاتب قومي تحدث عن الفساد و الصمت المهين للشعب المصري عبر العصور و ابدي تشاؤم شديد من امكانية حل المشكلة .. هل جمال حمدان لايحب البلد .. بالطبع لا .. فهو من حاول تأصيل فكرة حب البلد بشكل علمي

ان معني انتقاد كلمة مصطفي كامل التي تقطر عنصرية .. لا تعني الشكل المضاد البسيط .. (لو لم اكن كذا لوددت ان اكون هنديا مثلا) ولا تعني ان رافض تلك الجملة يسعي بشتي الطرق للتخلص من جنسيته المصرية

بالعكس ان نقد تلك العبارة هو محاولة اولي للتخلص من مخدرات الواقع.. و التوقف عن السباحة في الهلام الدافئ الذي يسبح فيه المصريون ...

تحيتي للجميع

[الأفوكاتو]

عزيزى الأخ مورف,

لو تكرمت بقراءة المقالات التى كتبت هنا خلال الست سنوات الماضية عن الفساد فى مصر, لعرفت أننا ضد الفساد, و من السهل الرجوع إلى باب الفساد لكى تتطلع على الكم الهائل من النقد الذاتى البناء, الذى عبرنا عنه و ناقشناه خلال هذه السنوات.

و لكن وصف مصر بتوصيفات لا تستحقها, و الإعتراض على المصرين الذين عبروا عن حبهم لوطنهم , رغم كل هذه السلبيات, بوصفهم أصحاب شعارات, فهذا هو ما أعترض عليه.

رغم تغلغل الفساد فى الساحة السياسية و الإقتصادية, و حتى الإجتماعية , لا يجب أن نشجع على نقد

" سلبى " للشعب المصرى الذى هو فى النهاية , الضحية.

محاولة إنتقاد و إلقاء اللوم على المواطن المصرى الذى يتغنى بحب وطنه, دون مناقشة الظروف التى أدت إلى التدهور فى جميع معالم الحضارة المصرية, هو تجنى على مصر و شعبها, و هذا ما أرفضه.

تقبل تحياتى.

[morph]

العزيز الافوكاتو تحيتي لك و شكرا علي الرد

واضح ان هناك اتفاق في الغايات و لكن اختلاف في تحليل المشكلة و الاسلوب و هو خلاف محمود لا توجد مشكلة

انا بالفعل ادين المصرييون علي الحضارة الحالية التي صنعوها .. ان اعمالنا هي التي تعملنا و ما نحن فيه هو تحديدا ما صنعناه, و ما نعيشه هو عواقب قرارت اخذها من قبلنا و ما سيعيشه اولادنا هو عواقب قراراتنا نحن لا غيرنا

قد يكون هذا نقدا و قد تراه هداما .. الا انني حقا اري المشكلة هكذا

تحيتي لك

تم تعديل 16 نوفمبر 2005 بواسطة morph

[إبن مصر]

وحكاية مصر و الجدعنة و الهبل ده كله كلام فارغ ....معدش فيه الكلام ده هنا و الجدعنة موجوده في اي حتة .....!

و علي العموم حتة العلاقات الآجتماعية هنا سيطرت عليها المادة و الآحقاد و المصالح ..!

علي العموم خلاصة الكلام مش عايزين تناكة و نرجسية علي الفاضي .....احنا صفر صفر صفر

ولازم نعترف بكده اذا كان في حد عنده النيه او بيفكر بجد يبقي يتكلم في المشاكل و البلاوي ديه و الكل يقترح حلول و نبداء ننفذ انا أول واحد مع اي حد بيفكر بجد علي طريقة محمد مهاتير اللي جعل من ماليزيا بلد متحضرة بعد ما كانت بلد متخلفة اوي اوي

انما حنفضل نغني علي بعد .....حفضل اطلع في كل بلاوي البلد ديه علي طريقة نشر الغسيل المتوسخ و اي حد حيتكلم عن الوطينة حسمعه عن اي بلد هو يتكلم !!!

عشان الواحد بجد جاتلوا حموضة و قرف و اكتئاب من الشعارات الي مقرفة ديه

سلام

العضو الفاضل

من حقك بالطبع ان تشعر بما تريد ومن حقك بالطبع ان تعترض على من تريد ولكن لكل شىء اداب وأسس واذا ما أتعبت نفسك قليلا لمراجعه لغه الحوار التى نتبعها فى هذا المكان لوجدت أن أقل ما يوصف به الاسلوب السابق الذى تفضلت باتباعه هو انه اسلوب مرفوض تماما فى المحاورات.

العضو الفاضل

ان الحميه من أجل الافضل لشعور محمود ولكن من لا يتمكن من كلماته عند الغضب لا ينتظر منه ان يكون مثالا يحتذى به لأى شخص.

العضو الفاضل

برجاء مراجعه لغه حوارك مستقبلا وخصوصا اذا اردت ان تتصدى بالحديث لمن يخالفك فى انتمائه لهذه البلد بصوره عاطفيه لا ترضيك لانه لن يسمح بهذا الاسلوب مره اخرى.

وشكرا

الاداره

أحمد محمود

[ابو فسيلة]

إخوتي،

في ىأيي هذا الشعار بلاغي إلى حد كبير. فهو لكي يكون واقعيا يجب أن يصدر عن شخص غير مصري. وإذا صدر من أي شخص تعظيما لجنسية غير جنسيته فسيعطي إنطباع بعدم الانتماء الطبيعي، ومثال على ذلك قلة من المصريين والعرب في الولايات المتحدة الذين يتنكرون لهويتهم الأصلية سواء جنسيته أو لسانه، أويخفونها بشتى الطرق. وهم في نظري يخسرون كثير من الثوابت التي تحافظ على العيشة السوية السعيدة.

ومع إعترافي بوجود بعض العيوب الشائعة عند المصريين إلا ان يقيني إنها كقشرة الصدأ على المعادن الثمينة تزول بقليل من الجلي.

ولكن السؤال: هل هناك ما يميز المصري عن غيره؟

في يقيني نعم، ولكن هذا لا يجعله أحسن من غيره. بل يجب أن يكون حافزا له على اكتشاف اوجه التميز والاستفادة منها لمصلحة مصر والعالم.

ودمتم.

[Doofy]

================================================================

الزميل الشبح الغاضب

اعلم ان ردك جاء في لحظات الغضب...

فكلنا مررنا بنفس اللحظات ومازلنا...

ولا اعتب عليك فالحال الآن ليس كما كان ...

ولكن اعدك ان هذا الشعب سيخرج من قبوه ويعيد ماضيه بيديه عند اول طاقة نور تزيل غبار سنين السواد والفساد اللذي لحق بهذا الشعب المظلوم..

ردي انا ذكرته في مداخلاتي السابقه وانا مقتنع بيه

والزمن كفيل بأن يكبح هذا الغضب ويزيل قسوته

:

:

[مفروس]

أصدقائي صباح الفل...

لو لم أكن مصريا لوددت أن أكون ألمانيا برضه...

أو انجليزيا أو نمساويا أو سويسريا أو حتى أمريكيا...ليه لأ؟؟

و أي حد يقول غير كده يبقى يا ما شافش الناس دي عايشة ازاي يا بيضحك على نفسه...

ايه هو الوطن؟؟؟

هل هو أرض اتولدت فيها لمجرد ان والداك الذان لم يكن لك يد في اختيارهم كانوا من المقيمين في هذا البلد؟؟؟

حتي لو تسممت بكل نفس هاء ملوث بتتنفسه..و اتسرطنت خلايا جسمك بكل قطمة خضار بلعتها أو كل نقطة مياه ملوثة شربتها؟؟

و شفت حقوقك بتسلب قدام عينك؟؟و مستقبلك ضباب وشه زي ضهره؟؟

و عشت آدميتك تنسحق في كل دقيقة و ساعه و انت مش قادر تعمل حاجة؟؟؟

و تحس بالاهانة فيه لمجرد انك تحمل جنسيته التي اجبرت على حملها و لم يكن لك حق اختيارها حتى؟؟

و لسوء حظك لم تولد ابن فلان أو علان من المحظوظين الذين ولدوا في الجانب الاخر من هذا البلد...

و لسوء حظك اما انك اتربيت تربية كويسة فما تعرفش تسرق أو تنافق أو تمسح جوخ علسان تعدي للبر التاني المحظوظ أو مستعد تعمل كده و نفسك بس مش عارف...

هو احنا بنعيش كام مرة نعيشها في القرف و الماساة دي؟؟؟

احنا مش عايشين عيشة آدمية هنا...و اللي يقول احنا أحسن من غيرنا يبقى بيقارن نفسه بمين بالظبط؟؟؟

أنت هنا باتكلم عن الناس اللي عايشين عيشة أدمية محترمة...

يبقى لو ربنا ما كرمنيش بافضل من اللي كتبه على من أن أكون مصريا... حاحاول أعيش مصريا محترما على قد ما أقدر الى أن يقضي الله أمرا كان مفعولا...بس على الأقل من حقي أحلم أكون حاجة تانيه خالص...

و السلالالالالالالالالالالالالالام

[dr/alfa]

تحية لكل من العضوين وجدي / و مفروس

على الكلام الواقعي .

[الشبح الغاضب]

علي فكره غضبي ده مش غضب اعمي او انفعالي .... يعني مش اتعرضت لموقف من كام يوم فرحت علي النت عمال اكتب وانا بصرخ و في حالة هيستريا .... يا جماعة انا بنقل صورة مبسطة للغاية للواقع .... و الجماعة اللي بره مصر حقول حاجة واحده بس ..اللي اييدوا في الميه مش زي اللي ايدوا في النار , و ممكن يكون منزلش من كذا سنة مصر او بينزل مصر كام اسبوع اجازة فاحتكاكوا بمصر احتاكاك اجازة بس يعني يومين حلوين و مع السلامة !!!!! لكن مين اللي عمال يشرب ميه مسرطنة !؟؟مين اللي عمال ياكل اكل مسرطن ؟؟؟؟؟؟؟مين اللي عمال يشم هوا مسرطن !؟؟؟؟؟؟؟ مين اللي عمال يعاني من كل حاجة هنا حتة لو مشوار بسيط لي اي مصلحة حكومية؟؟؟؟مين اللي كل يوم في حالة حرب غير معلنة مع سواقين المكروباص و التكاسي والتجار و المكانيكية الحرامية و و الجزار الحرامي و الفكاهني الغشاش و البقال الجشع ؟؟؟؟؟مين اللي بيعاني من معاملة الحكومة الغير أدمية للمواطن في جميع الآماكين الحكومية ؟؟؟؟؟؟و مين و مين الخ الخ الخ للصبح ..........

لو لم اكن مصريا لوددت ان اكون مصريا

والله العظيم تلاتة يا عم ماشي تكون مصري تكون هندي تكون من كوكب زحل المهم بلد زي الناس و خلاص المهم الترجمة للكلام ده .....ترجمة !!

يعني اليابانين ترجموا المثل ده من غير رغي كتير !!

الآلمان برضوة و انا بقول الشعبين دول عشان دول نموذج قريب جدا كان مدمر و ممسوح من الخريطة و اليوم شوف انت عملين ازاي !!!!!!!!!!

مشوفناش في اليابان مثلا المغني الياباني -هاني شكريويونج - و -محمد ثروتيانج يو- في ثنائي رائع في اغنية بلدييييييييي و هما راكيبن مركب في نهر يوكوهاما و عملين يغنوا و يصدعوا ام دماغ الناس انهم احسن ما خلق ربنا في الوجود !!!

لآ شغل من بجد في هدوء و ترجمة حب الوطن الحقيقة في العمل الجد و احترام الغير و شوف هما عملين ازاي دلوقتي !!!

شعب كامل غير من تفكيروه عشان البلد تطلع الي الآمام

و ده اللي مطلوب من الشعب المصري ثورة علي كل ماهو سيء في حياتنا من أول عادتنا اللي الغبية كلها و السيئه الي الفساد اللي احنا صنعناه بي ايدينا نحن !!!!!!!

يجب التغير لازم نفوق من الغيبوبة اللي احنا فيها ديه عشان منفوقش بطريقة تانيه و نرجع نعيط و حنزعل منها !

حب الوطن و الوطنية لازم يجي من التغير ...و التغير لازم يجي من القضاء علي السلبيات و تمهيد الآرض لبناء سليم !! و عشان نبني سليم لازم نكون يد واحدة ...و احنا مش يد واحدة !!! احنا 70 مليون يد مسكه في خناق بعض !!!!!!!!!

يعني حنرجع من حيث بدءنا يعني لازم نصلح النفوس و نفهم النفوس ديه انها زي الزفت و ان النفوس اللي زي الزفت ديه اخرتها الدمار و غضب الله ..

و غضب الله انواع كثيرة !!!! وانتوا عارفين اقل غضب من الله بيكون عامل ازاي !!!ولا نسيتوا !!!!!!!!!!!؟؟؟؟؟؟؟؟؟؟؟؟

مش نفضل نحقن في النفوس الخربانة ديه انها عشان هي مصريه يبقي خلاص صباح الفل انت احسن واحد في العالم ...مين قدك يا سيدي ده انت المصري ...يا خرابي مصري يا واد اللي مفيش منك اتنين !!!!!!!!!!!!!

لآ لازم الناس تفهم ان تعزيز الوطنية يجي لما تجي تقول الي الشباب با معشر الشباب احنا شعب متخلف و متأخر عن جميع الآمم و ان المصري حاليا اصبح لا حول له ولا قوة و كمان من اقل شعوب الآرض اهمية !!!يعني محدش بيعمل له حساب ...بعد ما كنا في المقدمة ايام زمان نحن الآن في البتنجان ....! يعني من الآخر الكل يشمر و حنبني مصر من الآول و جديد ..مصر جديدة في كل شيء كل شيء و نربي الجيل اللي طالع صح و بجد و نهتم و لو مره واحدة بقي لحسن الواحد خلاص طق!!!!!!

انما بجد والله العظيم يا شيخ عشان خطري انزل كده اي جامعة و روح لشوية شباب او اي مجموعة تختارها انت و قلهم لو لم أكن مصريا لو وددت ان اكون مصريا !!! من اللي حتسمعه حتفهم انا عايز اقلك ايه ....

اركب اتوبيس نقل عام يكون مليان ناس و افضل قول لو لم أكن مصريا لو وددت ان اكون مصريا حتلاقي الناس عمال تقول الحمد الله الذي عفانا من هذا و يمصمصوا شفايفهم علي الشاب اللي بيقول كده تحسلرا علي اعقله اللي راح و تار و بقي مجنون .....

علي العموم اتمني يكون حد فهم قصدي هنا لحسن انا حاسيس اني بأدن في مالطة!!!

و شكرا الي الجماعة اللي ردت علي الرسالة بتاعتي

سلام يا ماي فرينذ