لو لم أكن مصريا ... لوددت أن أكون مصريا

[Doofy]

=============================================================

طيب والله كويس يا أستاذ شبح ...

ياعني ماحدش يقدر يقول حاجه على الوصف الحي المباشر من قلب عاصمة النسيان "القاهرة سابقا"...

بتفق معاك في الأزمة وفي الغيبوبة التي يعيش فيها المواطن المصري وعلى الهرم اللي اتقلب ..

حلمنا زاي زيك وزي اي بنآدم عايش في البلد دي:

المواصلات فاضية و الشقق كتيرة المجاري متسلكة و مرتباتنا و مرتبات الشباب بقت بالألافات المئلفة (ونبقى خايفين علي شباب مصر لحسن الفلوس تبوظهم) و الكل إتجوز و أغلبة الشعب المصري عايش في أحسن حال و العربيات رخصت و مش لاقية اللي يركبها و الفساد إنتهي تماما من كل مصر و الشوارع إتسفلتت و البطالة إنتهت و التعليم بقي أحسن من أي دولة و الروتين و التعقيد إنتهي و ديون مصر إتسددت و خزينتنا بقت مليانة لتمة عينها و عين أبوها و يبقي عندنا إنتخابات نزيهة و نواب بيخدموا بجد و المرور إنضبط و الأشية معدن و عال العال.

بنادي بالتغير وحقنا كمصريين في البلد دي وصوتي معاك

بس قولي انتا عايز تتغير وتبقى زاي مين..

عايزنا نتغير ونبقى ايه ألمان وللا انجليز ولا امريكان ولا صينيين؟؟

:

:

[Mena0064]

لو لم أكن مصريا لتمنيت أن أكون...فلاحا مصريا

إخترت مصر لأن جنسيتى و هويتى مدفوع فيها الثمن بالدم، كم من أجدادى ماتوا فى سبيل ما أستهين بة اليوم.

=======================================================

قوم يامصري مصر دايما بتناديك...خد بناصري نصري دين واجب عليك

يوم ماتعبي يروح هدر قدام عينيك...عيدلي مجدي اللي ضيعته بإيديك

شوف جدودك في قبورهم ليل نهار...من جمودك كل عضمة بتستجار

فين آثارك ياللي دنست الآثار...دول فاتولك مجد وأنت فت عار

شفت أي بلاد يامصري في الجمال...تيجي زي بلادك اللي ترابها مال

نيلها جاي السعد منه حلال زلال...كل حي يفوز برزقه عيشته عال

يوم مبارك تم لك فيه السعود...حب جارك قبل ماتحب الوجود

إيه نصارى ومسلمين قال إيه ويهود...دي العبارة نسل واحد م الجدود

ليه يامصري كل أحوالك عجب...تشكي فقرك وأنت ماشي فوق دهب

مصر جنة طول مافيها أنت يانيل...عمر ابنك لم يعيش أبدا ذليل

يوم مبارك تم لك فيه السعود...حب جارك قبل ماتحب الوجود

إيه نصارى ومسلمين قال إيه ويهود...دي العبارة نسل واحد م الجدود

[الأفوكاتو]

كلمات جميلة يأ أخى مينا,

أشكرك على نشرها, فقد أعادت إلىّ مشاعر الغربة, و ذكريات الماضى.

تحياتى.

[رؤوف]

ليه يامصري كل أحوالك عجب...تشكي فقرك وأنت ماشي فوق دهب

مصر جنة طول مافيها أنت يانيل...عمر ابنك لم يعيش أبدا ذليل

حقا واللهي لك كل الحق وكل الفخر

[مفروس]

اخواني صباح الفل...

الأخ ملك الكمنجه...ردك عنيف جدا بالمقارنه برقة الكمنجه يا ريس :ninja:

صديقي القديم الأفوكاتو...باقي الاخوة الأعزاء

مجرد وجودنا هنا و اختيارنا لمنتدى محاورات المصريين و كل مشاركاتنا الغاضبة مع اختلاف وجهات نظرنا يثبت شيء واحد فقط...

اننا كلنا مصريين و منتمين جدا للبلد دي...

و مش متبريين منها ولا نستحق لفظ المتسولين اللي انت اطلقته علينا في لحظة غضب...

و كلنا عايشين نفس الهم و بنتعرض للغوط المادية و النفسية من ساعة ما بنفتح عينينا الصبح...

في كل نسمة هوا ملوثة بنتنفسها سوا..في كل خطوة في الشوارع المكسرة و بين المواصلات المتهالكة و الوجوه العابسة اياها..

كلنا بناكل الفراخ المهرمنة و الخضار المسرطن و بنشرب المية الملوثه نفسها و الله أعلم ايه كمان ما نعرفوش...بس بنقول ربنا يستر...

كلنا عايشين نفس القهر السياسي و بيتسم بدننا بقراءة الصحف و التصريخات الحكومية نفسها و بتتفقع مرارتنا برؤية الفساد المتغلغل حتى النخاع في بلدنا و حوالينا و مش قادرين نعمل حاجة الا اننا نحلم بتغير الوضع ده و مش عارفين اذا كان ده حيحصل في يوم قريب أو بعيد و حنشوفه أو حتى ولادنا حيكونوا محظوظين و حيعيشوه ولا لأ....

الحقيقة يا أصدقائي اننا كلنا نفسنا نشوف بلدنا محترمة و نعيش عيشة محترمة زي باقي البلاد المحترمة...

نشتغل و ناخد حقنا...مش أكتر من كده...

و كوننا مش قادرين نلاقي ده في وطننا اللي اتولدنا فيه و اتفرض علينا...

يبقى من حقنا على الأقل نحاول نلاقيه في مكان تاني...أو أضعف الايمان نحلم بده...

أنا لما باقول اتمنى أكون ألمانى أو سويسري أو غيره ففي قراره نفسى كنت أتمنى الاقي مصر بجمال هذه النظمة...و أعيش هنا نفس الحياة اللي الناس بتعيشها هناك...

و الحلم ده ما يخلينيش متنصل من مصريتي أو غيره...

والا كان كل اللي عاشوا بره و حملوا جنسيات أخرى خونه و متنصلين من مصريتهم و متسولين زى ما فيولين كينج قال و ده مش صحيح...

و لكن تغييب العقل و الاختباء وراء شعارات براقة هو اللي وصلنا للي احنا فيه...

هل انت لو كنت أمريكيا أو المانيا أو سويسريا كنت حتتمنى تكون مصريا بحالة مصر دلوقتي؟؟؟؟

يا راجل اتقى الله...

ما حدش فينا اختار مصريته يا أخ مينا...كلنا اتولدنا بيها و انتسبنا ليها بجذورنا...و اللي ياخد جنسية تانية أو يعيش في مكان تاني و يتنصل من أصله يبقى مريض نفسيا و مالوش أصل...

بس اللي يحاول يلاقي لنفسه حياة أفضل و أكثر احتراما مع اعتزازه بأصله فده مش عيب...

ولا ايه يا أخ هادي و يا أخ أفوكاتو م غيرهم من المغتربين اللي هاجروا لحياة أفضل و لكن ليه منتمين لجذورهم و معتزين بيها؟؟؟

و السلالالالالالالالالالالالالالالالالالالالالالام

[الشبح الغاضب]

والله يا مفروس انت قلت المفيد و المنجز في الحوار ده !!!

لآن الواحد لما جيت انقد الآوضاع المأساوية اللي البلد عايشة فيها لاقيت اللي مصمم ان احنا خوانة و اشتغل يغني ليه اغاني وطنية بدون سبب لمجرد اثبات ان الوطنية مجرد اغاني و اشعار و كده ...

عارف الموضوع ده زي ايه ....لمثل لما يكون لك حد بتعزوه و هو منك و انت منه بس ماشي غلط في حياتة و مبيستحماش و شكله مبهدل و ريحته معفنة و كل الناس قرفانة منه .....يمكن كان زمان شخص له قيمة و مركز و هيبة .....بس حاليا وضعه مؤسف !! تعمل انت ايه ...تفضل تقرع عليه انه احسن واحد في العالم و انه مفيش منه اتنين و انه نظيف و 100 100 ؟!

ولا تقوله علي القرف اللي هو فيه و تعدد ليه القرف اللي هو فيه !!!

انا عايز اعرف تعمل انهي فيهم ؟؟؟؟؟؟

و علي فكره لو الناس حتفضل عايشة في موضوع احسن بلد ف يالعالم ده يبقي عليه العوض في البلد ديه والله العظيم ...

لآ و لآ و لآ احنا مش احسن بلد و لا نيله ....

احنا متاخرين و متنيلين

لو بجد عايزين نكون احسن بلد يبقي الحل واحد مفيش غيره....

التغير من الداخل زي ما الله امرنا عشان يغير حالنا كله

كل واحد كده زي الشاطر يراجع نفسه في كل تصرفاته اليوميه في العمل في الشارع في المنزل

في العمل يبقي تراعي الله في كل شيء كل شيء و نضاعف الآنتاج الكلام ده موجه الي الجميع من أول الكناس الي الوزير

في الشارع راعي الله في البشر اللي ماشية و الركبة ..تبسم في وجه أخيك تكسب صدقه بدل ما احنا ماشين بنغل في بعض عمال علي بطال ...

في المنزل راعي الله في تربية اولادك ...علمهم حب الناس و التفكير و التعود علي العمل الجماعي و كل ما هو من الممكن ان يجعل من الجيل القادم الآمل في انقاذ مصر

غير كده انا معرفش انما تفضل تغنيلي و تقول اشعار و انت مش عارف تقولي حل واحد للبلاوي اللي احنا عايشين فيها يبقي انت حاجة من الآتنين

يا انت مش عايش في مصر في الوقت الحالي

يا انت عايش في الآحلام و الآوهام و بتتفرج علي رأفت الهجان كتير و الرصاصة مازالت في جايبي و متأثر بأغاني ثروت و عمك شاكر و عمك بتاع لا بيديني ولا يغديني عمك العزبي و كل الحبايب اللي صدعوا دماغنا بالنفاق ده ,

ده امريكا .....امريييكا في عز تقدمها في الخمسينات لما ابتدا السباق نحو غزو الفضاء كانت بتعترف انها متخلفه عن ألاتحاد السوفيتي و نقصه علم و اعلنوا حالة طواريء قصوي و اشتغلوا 24 ساعة في ال24 لحد ما عدو روسبا بمراحل و رافعوا علم امريكا علي القمر .....

مرحوش و غنوا امريكا يا اعظم نور في الدينا شق ظلام الليل او قاعدو يقول و ايه يعني ده احنا اللي اخترعنا عشرات الآخترعات و ايه يعني ما يطلعوا القمر هو يعني كان بتاع بقيت عالتنا !!!و كل واحد بيخود نصيبو ....ولا فضلوا يحقدوا علي الروس .........لآ

عمل و كد و شغل الله ينور بجد

اما موضوع الجنسية التانية و اتمني يبقي معايا جنسية نظيفة زي الآمريكية او الكندية ....اه طبعا و هو مين ميتمناش ..!! ولا احنا حنفتي علي المسا و تقولي ابدا انا مخودهاش ولو علي ربقتي !!

لما يكون معايا جنسية تانية ده مش يعني ان خلاص رميت الجنسية المصرية لآ

عادي جدا لآن حب الوطن في القلب وليس الدفتر الآخضر بتاع الجمعية اللي عليه حداية عورة ده !!!

صدقني حب الوطن في القلب

و الدليل عندك في العالم العبقري احمد زويل ربنا يا رب يزوده من العلم و يبارك في صحته و الله راجل بمليون راجل من اللي قاعدين يطبلوا في الزفة اللي شغالة في مصر دلوقتي ....و معاه الجنسية الآمريكية !!! و بحب مصر ..و دايما فكرها

مع ان البلد كفرت الراجل لما جه مصر عشان يعمل الواجب مع بلده ....و فك تاني الي البلد اللي قدرت علمه و بيتوجعش دماغه

الله يمسيك بالخير يا عالمنا الكبير ...اه و الله

سلام

[الشبح الغاضب]

تصحيح غلط في الكتابة

<يبقي انت حاجة من الآتنين

يا انت مش عايش بره مصر في الوقت الحالي>

اسف .

9

يبقي انت حاجة من الآتنين

يا انت مش عايش بره مصر في الوقت الحالي

اسف علي الغلط

[وليد صفوت]

اخواني صباح الفل...

صباح النور ...

عزيزى ردى هو الرد الذى أعتبره حاسم فى هذا الصدد , فلا يوجد غير طريقين , إما أن تكون مصرياً و إما لا !

أما سياسة الخيار الإستراتيجى ( كما يحدث فى عمليات السلام الفلسطينية الإسرائيلية فلا هى حرب و لا هى سلام ) فهو مضيعة للوقت و الجهد ,...

إذا قررنا ان نكون مصريين فعلينا واجبات تجاه هذا البلد , و لنا حقوق إيضاً , و لكن لا تطالب بحقوقك فى وطن مسلوب عليك أن تحرره أولاً ثم تتحق المعادلة التى ينتظر تحقيقها كل مواطن مصرى ( الحقوق و الواجبات تجاه مصر ) .

أما إذا تزمر و تأفف و تضايق الفرد من وطنه و شعر بالعار للإنتماء إليه , فما عليه بكل بساطة أن يتنازل عن جنسيته فى أقرب مكتب مختص , و ليذهب ليتسول ( أقصد نفس المصطلح لأنه لن يفعل سوى هذا بحثاً عن الإنتماء الذى إفتقده فى وطنه ) أى جنسية أخرى , ....

أما لو كنت معى فى أننا مصريين نحب هذا البلد ( من غير كلام أغانى ) بالتالى علينا أن نترك تلك النقطة التى - معذراً للمصطلح - ننوّح فيه على أطلال مصر التى يتخيلها كل شخص فى عقله , و التى هى عكس ما يراه تماماً , و لنبدأ فى مناقشة المهم ....

و مناقشة المهم هو ما يفعله هذا الموقع المحترم منذ سنين ,...

أتمنى أن أكون وُفقت فى توصيل ما أريده .....

تحياتى ,....

[مفروس]

صديقي الشبح...

متهيألي كلنا هنا بنحب مصر و زعلانين على حالها و الا كنا مش حنفكر نضيع وقتنا في الحوار و الصداع هنا...

بس انت عصبي و حمقي شويتين و دمك حامي و ده مش عيب بس ساعات الحقيقة بزعل لما تتقال و بتزعل قوي لما تتقال من غير تجميل :D ...

العزيز فيولين كنج...

انا معترض على كلامك مع وافر احترامي...

اللي بيطلب دلوقتي جنسية محترمة لازم يجد و يجتهد و يثبت انه يستحقها ما بيجيش بالتسول...

و مش معنى ان حد عايش بره أو معاه جنسية اخرى انه متنصل من مصريته.... انا اتربيت بره و عمرى ما اتنصلت من مصريتي أو اخفيتها بالعكس ياما اتخانقت و ضربت و انضربت علشان كنت بادافع عنها و بارفض ان اي أخ من الأخوة العرب يمارس بذاءاتهم المعتادة على مصر...و اللي عاشوا في البلاد العربية فاهمين ده كويس جدا...

و حتى لما كنت في اوروبا كنت فخور بمصريتي و كنت بابقى سعيد جدا لما احس انى كسبت احترام ناس على اني مصري و غيرت فكرة ناس عن مصر و المصريين...

بس في نفس الوقت من حقي أحلم بحياة أفضل من اللي أنا عايشها و لو ما لقيتهاش هنا أحب ألاقيها في مكان تاني...

بعيدا عن كل الشعارات و المبادئ الثورية اللي اتعودنا نغرق فيها و نموت بيها...

و يا ريت نعرف رأي الاخوة المغتربين و حاملي الجنسيات الأخرى...هل انتم متنصلين من جذوركم و متسولين؟؟؟

و السلالالالالالالالالالالالالالام

[Mena0064]

عزيزى مفروس، أتفق معاك فى كل كلمة. فى ظل الخمول الحالى فى مصر و التضييق المستمر على الإبداع و التفكير مصر محتاجة ولادها يجيبوا إبداع من برة و المصريين المغتربين خير من يقوم بهذا علشان كدة مصر محتاجاهم تماما كما تحتاج اللى عايشين فيها.

و فى النهاية زى ما إنت قلت لو ماكناش مهتمين بمصر كنا دوشنا نفسنا لية بالكلام عن همومها.

[وليد صفوت]

العزيز فيولين كنج...

انا معترض على كلامك مع وافر احترامي...

اللي بيطلب دلوقتي جنسية محترمة لازم يجد و يجتهد و يثبت انه يستحقها ما بيجيش بالتسول...

و مش معنى ان حد عايش بره أو معاه جنسية اخرى انه متنصل من مصريته.... انا اتربيت بره و عمرى ما اتنصلت من مصريتي أو اخفيتها بالعكس ياما اتخانقت و ضربت و انضربت علشان كنت بادافع عنها و بارفض ان اي أخ من الأخوة العرب يمارس بذاءاتهم المعتادة على مصر...و اللي عاشوا في البلاد العربية فاهمين ده كويس جدا...

و حتى لما كنت في اوروبا كنت فخور بمصريتي و كنت بابقى سعيد جدا لما احس انى كسبت احترام ناس على اني مصري و غيرت فكرة ناس عن مصر و المصريين...

بس في نفس الوقت من حقي أحلم بحياة أفضل من اللي أنا عايشها و لو ما لقيتهاش هنا أحب ألاقيها في مكان تاني...

بعيدا عن كل الشعارات و المبادئ الثورية اللي اتعودنا نغرق فيها و نموت بيها...

و يا ريت نعرف رأي الاخوة المغتربين و حاملي الجنسيات الأخرى...هل انتم متنصلين من جذوركم و متسولين؟؟؟

و السلالالالالالالالالالالالالالام

<{POST_SNAPBACK}>

عزيزى مفروس أنت تفترض كلام انا لم أقوله و ترد عليه بالتفصيل .

أنا لا أهاجم أصحاب الجنسيات الأخرى لأنه ببساطة الجنسية ليست بند فى جواز السفر و لكنه إنتماء روحى ووجدانى للبلد التى نشأ فيها الفرد ,...

راجع ما قلته تجد إننى أقول :

أما إذا تزمر و تأفف و تضايق الفرد من وطنه و شعر بالعار للإنتماء إليه , فما عليه بكل بساطة أن يتنازل عن جنسيته فى أقرب مكتب مختص , و ليذهب ليتسول ( أقصد نفس المصطلح لأنه لن يفعل سوى هذا بحثاً عن الإنتماء الذى إفتقده فى وطنه ) أى جنسية أخرى , ....

و هذا بالطبع يختلف عن الذى هاجر من بلده بحثاً عن لقمة العيش أو عن طموح لم يجده فى بلده ... بحب البلد لا يرتبط بالمكان أو بالجنسية الرسمية التى تُكتب فى جواز السفر ....

تحياتى ....

[sendbad]

الأخوة الأعزاء...........

اعتقد ان الاتمر ابسط بكثير من كل هذا الجدل...... فأكثر من اعشقها من كل نساء الارض هى امى ليس لانها اجمل النساء او فضل النساء ولكن فقط لانها امى......... كذلك "مصر" فانا اعشقها ليس لانها اجمل بلاد الدنيا او اعظمها ولكن فقط لانها بلدى يها ولدت و تنفست اولى نسائم الدنيا على ارضها وذرفت اول دمعة بين جدران بيوتها واحسست باجمل معانى للحب فى شوارعها وتحت مياه امطارها ......... انها " مصر " بلدى وعشقى ومهما حدث فيها او منها فساظل اعشقها واعشق كل ذرة فى ترابها........ واكرهها واعن ابوها بعشق زى الداء......

سندباد مصرى اسكندرانى

حلم

[الأفوكاتو]

مرحبا بالسندباد المصرى الأسكندرانى.

شعور جميل يستحق الثناء, و تشكر عليه.

تحياتى.

[أيمن عبد العزيز]

قبل الاسترسال فى الرد أود طرح سؤال بسيط :

إذا كانت جملة " لو لم أكن مصرياً لوددت أن أكون مصرياً " جملة واقعية و ليست مجرد نزق ثوار فلماذا لم نسمع عن تمنيات الغير مصريين فى حمل الهوية المصرية ؟

تم تعديل 25 نوفمبر 2005 بواسطة MEMES

[الأفوكاتو]

إذا كانت جملة " لو لم أكن مصرياً لوددت أن أكون مصرياً " جملة واقعية و ليست مجرد نزق ثوار فلماذا لم نسمع عن تمنيات الغير مصريين فى حمل الهوية المصرية ؟

لأنهم لم يعرفوا مقدار حب المصرى لبلده, و لأهل بلده.

كيف يحبوا شيئا لم يعرفوه, و لم يجربوه؟

حماى الإنجليزي لم يأكل غير اللحم المشوى, و الخضار المسلوق, و السلطة, قبل أن أعرفه.

و بعد أن تزوجت إبنته, و تذوق أكلات السمك المحمر على الطريقة المصرية, و المسقعة , و الماكرونة بالباشاميل, و الطعمية, و الفول, أصبح من عشاق الطعام المصرى.

و أستضيف شهريا عديد من زملائى أساتذة الجامعة القدامى العواجيز مثلى, و عائلاتهم, الذين يصروا على تناول الطعام المصرى الذى أطبخه بنفسى.لأنهم إستطعموه, و أحبوه.

هل يشرح ذلك لماذا لم يتمنى غير المصرى أن يكون مصريا؟

تقبلوا تحياتى.

[مفروس]

ضحكتني يا عم أفوكاتو....

يعني هما أولا حبوا الأكل المصري بس هل ده معناه انهم يتمنوا يكونوا مصريين علشان المسقعة و المكرونة فرن؟؟؟

طب بذمتك ده كلام؟؟؟

طب أنا مثلا غاوي أكل صيني و هندي...هل ده معناه اني باتمنى أكون هندي؟؟؟

و هل مصطفى كامل حمد ربنا على انه مصري و قال الكلمة دي لاقتناعه بالقومية المسقعية و النظرية الطعمية؟؟؟

هاهاهاها

و هل المقارنه بين تقدم و حضارة الشعوب دلوقتي تقاس على اساس مطابخهم؟؟؟

على كده المانيا تبقى في احط مستويات الحضارة في هذا العصر....

صديقي الأفوكاتو...يا ريت تنبه الناس لأنك بتهزر علشان ما يحصلش لبس و حد يفتكر ان ده رايك الحقيقي و ان ده سبب تفضيلك و فخرك بانتماءك لمصر...

و السلالالالالالالالالالالالالالالالالالالالالالالالالالالام

[وليد صفوت]

ضحكتني يا عم أفوكاتو....

يعني هما أولا حبوا الأكل المصري بس هل ده معناه انهم يتمنوا يكونوا مصريين علشان المسقعة و المكرونة فرن؟؟؟

طب بذمتك ده كلام؟؟؟

طب أنا مثلا غاوي أكل صيني و هندي...هل ده معناه اني باتمنى أكون هندي؟؟؟

و هل مصطفى كامل حمد ربنا على انه مصري و قال الكلمة دي لاقتناعه بالقومية المسقعية و النظرية الطعمية؟؟؟

هاهاهاها

و هل المقارنه بين تقدم و حضارة الشعوب دلوقتي تقاس على اساس مطابخهم؟؟؟

على كده المانيا تبقى في احط مستويات الحضارة في هذا العصر....

صديقي الأفوكاتو...يا ريت تنبه الناس لأنك بتهزر علشان ما يحصلش لبس و حد يفتكر ان ده رايك الحقيقي و ان ده سبب تفضيلك و فخرك بانتماءك لمصر...

و السلالالالالالالالالالالالالالالالالالالالالالالالالالالام

<{POST_SNAPBACK}>

ده انا اللى ضحكت منك يا مفروس ... :wub:

هو ده أقصى ما فهمته من كلام الأستاذ الأفوكاتو !! :angry2: :angry: :wub:

[الأفوكاتو]

الأخ العزيز مفروس,

لم أكن أهزر,

و لو قرأت كلماتى بتمعن ستجد إنى أشرت أولا إلى المعرفة بالشيئ هى معيار يحدد مدى إمكان قبوله أو رفضه,

و الغير مصرى أذا لم يعش مع فى مصر, مع مصريين, و يحس بدفئ قلب المصرى, و حبه لبلده, لن يود أن يكون مصريا.

و الكلام عن الأكل, كما فهم الأخ فيولين ليس سوى مثال رمزى للمعرفة, و التذوق قبل االقبول.

تقبل تحياتى.

تم تعديل 25 نوفمبر 2005 بواسطة الأفوكاتو

[مفروس]

صديقي فيولين كنج و عمنا كلنا الأفوكاتو...

انا عايز أقول ان فيه فرق كبير جدا بين ان الناس تعجب بأكل و طباع و حضارة بلد و أهلها...

و بين ان الناس تحس انها عايزة تنتمي للبلد ده و اهله...

زمان لما كاتنت مصر بلد متقدمة و متحضرة و ليها وزن حقيقي....

ايام الفراعنه و الى أيام الملك كان الناس بيسيبوا بلادهم و ييجوا يعيشوا هنا لأن الحياة هنا بكل مقاييس العصر كانت افضل من أي مكان تاني ...

علشان كده كان الفلاسفة و العلماء و التجار أيام الفراعنه بييجوا يعيشوا هنا يتعلموا و يتاجروا و يتطبعوا بطباع المصريين و يتكلموا لغتهم و ينصهروا في وسطهم...

و حتى أيام الملك آخر ايام الاحترام مع كل ما فيها من تناقضات بس كانت مصر من ارقى دول العالم و أحدثها و أعلاها مكانه بجد...

كانت القاهرة من ارقى مدن العالم و تقارن بباريس و لندن و نيويورك...

كانت حلوان مشتى امراء اوروبا و الاسكندرية مصيف أغنياءها...

كانت جامعاتنا و مدارسنا قبلة لدارسي العالم و كانت شهاداتها ليها قيمه...

علشان كده كان الطلياني و الانجليزي و الفرنساوي و اليوناني و الأرمني بيتمنوا يكونوا مصريين و لسه ابناء و أحفاد الخواجات دول عايشين بيننا...

لما البلد تكون متحضرة و متقدمة و مستقرة و فيها نهضه حقيقية بتكون عامل جذب بغير ابناءها...

زي اوروبا و امريكا و حتى الخليج دلوقتي للعامل المادي....

انما في حالتنا الحاليه فممكن الأجانب يحبوا طباعنا و طيبتنا...

و ممكن يحترموا مثقفينا و دايما بيعجبوا من ثقافتهم بالرغم من الظروف الحالية لبلدنا و اعتقادهم بجهلنا الى ان يثبت غير ذلك...

ممكن يحبوا يقضوا اجازاتهم هنا و يستمتعوا بجونا و رخص الحياة هنا بالمقارنه ببلادهم...

بس أراهنك بأي شيء لأو أي انجليزي أو ألماني أو أمريكي قال انه يتمنى أن يكون مصري بدون أن تكون جملة مجاملة...أو حاول يتنازل عن جنسيته ليحمل الجنسية المصرية...

مش في حالتنا دي ووضعنا ده يا صديقي...

هو ده المقياس...لو حد غير مصري قال الكلمة دي و هو يعنيها فعلا....

بس لما احنا نقولها مش حاتكون أكتر من حلاوة لسان أو مجرد تعبير عن الاعتزاز بالجذور...

و السلالالالالالالالالالالالالالالالالالالالالالالالالالام

[الأفوكاتو]

انا عايز أقول ان فيه فرق كبير جدا بين ان الناس تعجب بأكل و طباع و حضارة بلد و أهلها...

و بين ان الناس تحس انها عايزة تنتمي للبلد ده و اهله...

أخى العزيز مفروس,

مازلت تخلط بين الأمرين,

ما ذكرته عن الأكل هو الإشارة إلى " المعرفة, ثم الإختيار بعد المعرفة".

و قد ايدت سيادتكم كلامى بعذ لك عندما تكلمت عن هجرة الأجانب إلى مصر, و تجنسهم بجنسيتها عندما كانت مصر أم الدينا,

و أنا عشت فى مصر أيام أن كانت أم الدنيا, لهذا أقول ما يقوله اليونانى المصرى, الذى هاجر إلى إنجلترا, و عندما يسأله أحد عن موطنه, يقول:

أنا مصرى يونانى.

بل أن فى لندن نادى إجتماعى يونانى, يسمى نفسه" النادى المصرى اليونانى"

و لقد رأيت يونانيين مصريين فى اليونان, يسمون أنفسهم " مصريون" , و كانوا مكروهين من اليونانيين الأصليين, لأنهم كانوا أكثر ثقافة منهم, و يتكلمون لغات أكثر, و يتصرفون بحضارة أعرق. و يشكلون منافسة قوية عند التقدم فى أعمال إدارية أو قيادية.

لهذا, أجد من الصعب فهم كيف أن فى وقت من التاريخ هل على مصر أجانب يطلبون جنسيتها, و عندما تغيرت الأحوال السياسية و الإقتصادية, و الإجتماعية, نرى مصريين يتبرءون من مصريتهم؟

تقبل تحياتى.

تم تعديل 26 نوفمبر 2005 بواسطة الأفوكاتو