الاستثمار .. تجارب حياتية مختلفة و دروس معتبرة

[الباشمهندس ياسر]

السلام عليكم

فكرت اننا ناخد بايد بعض بجد

و ربنا يهدينا و يجعله خالصا لوجهه الكريم

ايه المانع ان كل فرد عمل حاجة استثمارية ينقلها هنا

لعل احد اخوانك يستفيد فيكتب لك من الاجر ما لا يحصيه الا الله .. و اهو تدخل الجنة بلوشي كده يا عم..

ايه المانع ان لو حد عمل اي حوار و خسر فيه .. انه يحكيلنا فناخد بالنا

ليه متنقلش اي تجربة شفتها و جابت نتيجة ليك او لغيرك

عايزين حاجة حقيقية و ملموسة

حاجة نحسها فعلا

صدقني معلومة صغيرة اوي ممكن تفرق في عرق سنيين لغيرك

ها .. مين يفتتح الموضوع

[م تيمور المراغي]

الطوارق !

[الباشمهندس ياسر]

النبي يا هندسة

سيبك من شغل التلات ورقات بتاعكوا ده

عايزين نعمل حاجة حقيقية و ملموسة

حاجات تفتح بيوت الناس

يبقي فيه عمال و فراشين و صنايعية و محاسب و مدير

و كل واحد من دول يشتغل و يطلع عين اهله و يقبض فلوس ف ايديه و يعرف يتجوز و يفتح بيت و يجيب عيال

ارحمنا م الكلام اللي يأخر الدول ما يقدمهاش

[م تيمور المراغي]

ده للاسف اعتقاد العوام عن البورصة ..انها لعبة ثري بيبرز

قلت ميت مرة البورصة هي توفير السيولة اللازمة للمصانع والشركات والمؤسسات سواء مالية او متعددة الاستثمار للتوسع والتطور ,,

بكده يبقى اديت العيش لخبارزه زي ما بيقولوا بدل حيتان السوق ما تقضي عليك ,,

والكل كليلة ..!

[زهرة الجبل]

---------------------------------

تم تعديل 20 أبريل 2011 بواسطة زهرة الجبل

[مصري أصيل]

انا هاتكلم بصفتي واحد من ملايين المغتربين المصريين و مشكلة معظم المغتربين

المصريين انهم حاكمين نفسهم بالوظيفه بشكل كبير بمعني ان معظم المصريين مافيش عندهم

تطلعات العمل الحر كباقي الجنسيات

بمعني ان نسبة الذين يعملون في

الاعمال الحره بالخليج كمثال من الجنسيات الاخري تفوق بكثير نسبة المصريين الذين

يعملون بالأعمال الحره بكثير و هذا من الممكن ان يرجع الي عدم جرئة المصريين في

المغامرة بأرباح عدة سنوات لكي يقوم بعمل حر من الممكن أن

يخسر فيه

ما إدخره في هذه السنوات و لكن و من خلال ما انتبهت له مؤخراً ان العمل الحر ان نجح

و تم دراسته بشكل جيد يستطيع ان يدر علي من يديره في عام واحد ما لا يستطيع جنيه من

الوظيفه في عشر سنوات و لكن للأسف عرفت هذه الحقيقه متأخراً جداً و

أتمني من الله ان استطيع تعويض ما فات في سنين الوظيفه بالعمل الحر

[م تيمور المراغي]

صاااادوه

:)

زهرة الجبل

مصري اصيل

عروستي !!

[مصري أصيل]

صاااادوه

:)

زهرة الجبل

مصري اصيل

عروستي !!

عادي يا هندسه بتحصل في احسن العائلات

[الباشمهندس ياسر]

ده للاسف اعتقاد العوام عن البورصة ..انها لعبة ثري بيبرز

قلت ميت مرة البورصة هي توفير السيولة اللازمة للمصانع والشركات والمؤسسات سواء مالية او متعددة الاستثمار للتوسع والتطور ,,

بكده يبقى اديت العيش لخبارزه زي ما بيقولوا بدل حيتان السوق ما تقضي عليك ,,

والكل كليلة ..!

مبدئيا الكلام ده ف الشغل ملوش علاقة بالعلاقات الشخصية اطلاقا لذا لزم التنويه

طب جميل يا عم الخواص و علية القوم

بكره الصبح ان شاء الله و ادانا العمر رايح امضي عقد مشاركة لحتة ارض هتعمل 3 شقق ف الدور و العمارة 11 دور يعني حركة 33 شقة

معايا نصتكاليفها ف شنطة همضي العقد و اطلع علي بتوع الحديد و اعدي علي وكالة الاسمنت و ااعربن النجار عارف الفلوس دي هتلف علي كام ايد

ف البلد لغاية ما ترجعلي ف صورة تمن الشقق اللي هتطلع

عارف كام بني ادم هيشتغل علي ما حتة العمارة دي تخلص عارف كام بطن هتاكل و كام تلميذ هيتعلم و كام فرد من الخدمات المساعدة هيشتغل

عارف ان المائة جنيه اللي بيقبضها الصنايعي اخر النهار بتلف ف البلد و تبقي 130 جنيه توماتيكي توماتيكي

عارف انا هكسب كام و اقدر اعمل كام ورشة من ريعها هي بس يا معلم

بلاش كلام فارغ

البورصة بتاعتك احد اسباب تدمير الطبقة المتوسطة ف العالم

البورصة بتاعتك ما هي الا زيادة في ثراء ولاد الكلب اللي مبيشبعوش و عمرهم ما هيشبعوا ابدا

البورصة بتاعتك بتخلي الغواني تتحكم ف اتجاهات الاقتصاد العالمي

انما لما نعمل دولة قائمة ع المشروعات الصغيرة و المتوسطة و الكبيرة ... ساعتها بس رئيس جمهوريتنا يعرف يحط جزمته ف وش اي حد ف الدنيا

انما تقولي بورصة و زفت

بلاش ضحك ع الخلايق و حاول تشغل التراب اللي ربنا ادهاولك شوية

خلاص .. علي كده حبايب

دزرة و جطمها دحش

[م تيمور المراغي]

يا خبر ابيض على الكلام !

طيب انا نص الالفاظ دي اتحبست فيها سنتين

عموما حقول للمره المائة وواحد

تخيل ان حضرتك امامك قطعة ارض اخرى حتعمل فيها نفس الزيطة اللي حكيتها فوق دي

لكن السيولة اللي معاك طبعا عشان انت فقير وبتشحت مش مكفية

طيب ايه العمل !!

العمل انك بتقول لمجموعة من الافراد تدخل معاك المشروع ده في مقابل نسبة من الارباح حتوزعها عليهم كل ما تبيع شقة من الشقق كل حسب مساهمته معاك ..

ده بالظبط هو عمل البورصة يا هندسة من غير الفاظ وبكل بساطة ووضوح

وبعدين لم الدور واتكلم كويس ,,

[aimen]

هدوا اللعب شوية يا شباب

الله يسعدكم ويرزقكم

[م تيمور المراغي]

ما تخدش بالك ده اسمو هزار صعايده لكن اللي في القلب حب وحاجات كتير فوق بعض كدهوت ,, :)

[الباشمهندس ياسر]

اتكلم كويس...؟

اسمها ابقي رد كويس

لما حضرتك تتكلم كويس هرد علي سعادتك كويس

انما تخبط من تحت لتحت...ادهوملك انا ف الواضح المستقيم علي عين الناس كلها

وصلت

ارك

انا عملت الموضوع عشان نفيد الناس اللي عايزة تاكل عيش

سعادتك راجل مليونير فخليك بعيد عن الغلابة .. ممكن سموك اذا تكرمت

[الباشمهندس ياسر]

هدوا اللعب شوية يا شباب

الله يسعدكم ويرزقكم

الله يعزك .. احنا عيال عم و مبنبطلش نقار لغاية ما يقع اتنين تلاتة مننا

متقلقش

ما تخدش بالك ده اسمو هزار صعايده لكن اللي في القلب حب وحاجات كتير فوق بعض كدهوت ,, :)

خف ياض لاكري عليك ف جدة بتاعتكم دي

[سكر]

تخيل ان حضرتك امامك قطعة ارض اخرى حتعمل فيها نفس الزيطة اللي حكيتها فوق دي

لكن السيولة اللي معاك طبعا عشان انت فقير وبتشحت مش مكفية

طيب ايه العمل !!

العمل انك بتقول لمجموعة من الافراد تدخل معاك المشروع ده في مقابل نسبة من الارباح حتوزعها عليهم كل ما تبيع شقة من الشقق كل حسب مساهمته معاك ..

ده بالظبط هو عمل البورصة يا هندسة من غير الفاظ وبكل بساطة ووضوح

سوال عادى من واحد غاوى اقتصاد ومتخصص

ممكن نعرف البورصه المصريه تم تاسيس كام شركة فيها السنه الى فاتت

عشان نعرف هى ماشيه على الخط المرسوم لها ولا لا

لو عدد الشركات ضعيف تتحول البورصه الى لعبه قمار

خلص الكلام

تم تعديل 20 أبريل 2011 بواسطة موعود

[الباشمهندس ياسر]

تجبة استشمارية صغيرة و جميلة كنت عملتها و انا طالب

طبعا كلنا عارفين هندسة حلوة ازاي و سهلة ازاي و بتسمحلك ان تعيش و تقضيها و تلف براحتك

المهم عشان انا طالب رائع و محرمتش نفسي من حاجة ... رحت موقع سنة

طب اعمل ايه فيها ..؟

اقضيها ازي...؟

قلت اعمل اي مصلحة

فكرت ف حاجة سهلة و لذيذه

بقيت انزل حارة اليهود و اجيب شوية بضاعة من هناك

عمل محل هدايا .. او كولكشنات زي ما كنت بحب اسميه

بضاعة براس مال بسيط و بتعمل مكسب كويس

شوية هدايا علي ميك اب علي لعب اطفال

افتكر ان هامش الربح كان بيبدأ من 150 % لغاية ال 300%

فيه حاجات تجيبها ب 10 جنيه و تبيعها ب 30

الفكرة كلها انك تفهم الموسم بتاعك ايه و تركز علي بضاعته

[Ahmed Anwer]

هأشارك معاكم ،،

أنا عندي شركة آثاث ، الحمد لله ابتديتها بأقل التكاليف

و ناجحة و جابت تكاليفها مية مرة ،، و توسعت

بس أنا مهندس ديكور اساسا

اهم حاجة طبعا تاخد مكان كويس و في موقع كويس

هاضربلكم مثال فتح معايا في نفس الوقت اثنين زمايلي ،، و كان شغلهم أحسن من شغلي و منتجاتهم سابقة منتجاتي

بس أنا كنت فاتح في شارع رئيسي شقة دور أول و فتحتها معرض هما كانوا فاتحين في شوارع داخلية محلات علي الأرض

حاليا الاتنين مكملوش و قفلوا بعد سنتين مش لأنهم فشلوا بس زهقوا من العائد غير المجدي

و ثاني حاجة أنك تكون مبتكر و ذوقك عالي و سابق السوق و بتغير بسرعة و تهتم بديكور و اكسسوارات المعرض ده اللي بيظهر البضاعة و يا ريت تكون مهندس تعرف تصمم و تنفذ علي المقاسات و كده و تحل مشاكل العميل في التصميم

و ثالث حاجة التسويق من خلال معارض متخصصة و كاتلوجات و خلافه

و رابع حاجة يكون عندك شبكة موردين كويسة مش لازم خالص تفتح ورشة أو مصنع ما أكثر ورش و مصانع النجارة في مصر و لما شغلك يستمر معاهم هتاخد باسعار رخيصة جدا و متدفعشي فلوس كاش ،، و تدفع بعد التوريد

خامس حاجة طبعا أنك تعامل ربنا و تقف مع العميل و متسبهوش غير لما يكون راضي و تحل أي مشاكل و يكون مبدأ أرضاء العميل و حق العميل ده نمرة واحد بس طبعا ميكونشي عميل بيستهبل

طبعا ميزة المشروع الأساسية انك بتبيع منتج غالي و سلعة معمرة فيعني لو بعتلك بعتين في الأسبوع هتجيب مصاريفك و مكسب محترم ،، و ايجاراته أرخص شوية لأنك ممكن تبدأ في دور أول اللي بيكون ايجاره معقول ،،

العوائق :_

1- العمالة و الصنايعية و التعامل معهم بالذات في الطائفة دي

2- الورقيات و القانونيات و لازم تكون بتتعامل مع محاسب محترم و فاهم ،، ميغرقكشي

بس للأسف إنه مشروع فيه شركا كتير ،، و حاجة مقرفة و شد أعصاب عالطول و خلافات

لدرجة بفكر إني اسيب الشغل فيه و أسافر بره

[Ahmed Anwer]

في فكرة بتدور في دماغي من زمان

هاشرحها بالبلدي كده

عايز أشتري بضاعة (س) بمائة ألف جنية ،، مش عايز أكسب غير 10% ،، بس ابيع البضاعة (س) دي في شهر و ياريت مرتين في الشهر أو حتي تلاته في الشهر

يبقي الفكرة كلها انك تشوف ايه البضاعة دي اللي ممكن تتباع خلال فترة قصيرة و كل الناس بتحتاجها مادام سعرها هيكون أرخص من السوق و يكون اعتمادك في مكسبك مش علي حجم المكسب لا علي سرعة تدوير البضاعة و طبعا مكسب 10% في شهر ده مكسب ممتاز و في نفس الوقت مكسب 10% هيخليك منافس جدا جدا ،، لأن مفيش تاجر بيحط مكسب اقل من كده

مش عارف قدرت أوصل الفكرة و لا لأ ،،،

الفكرة بضاعة بتتقلب بسرعة و مع هامش ربح بسيط الارباح تتراكم ،،،

[عبير يونس]

موضوع رائع يا باشمهندس

و فعلا الفترة دي محتاجين مواضيع زي دي

احنا في مرحلة البداية

و نفسي نبتدي على نظافة

و طبعا الأفضل ناخد من الخبرات و نساعد بعض عشان ما نبدأش من الصفر

لأن عامل الوقت مهم جدا

[م تيمور المراغي]

تخيل ان حضرتك امامك قطعة ارض اخرى حتعمل فيها نفس الزيطة اللي حكيتها فوق دي

لكن السيولة اللي معاك طبعا عشان انت فقير وبتشحت مش مكفية

طيب ايه العمل !!

العمل انك بتقول لمجموعة من الافراد تدخل معاك المشروع ده في مقابل نسبة من الارباح حتوزعها عليهم كل ما تبيع شقة من الشقق كل حسب مساهمته معاك ..

ده بالظبط هو عمل البورصة يا هندسة من غير الفاظ وبكل بساطة ووضوح

سوال عادى من واحد غاوى اقتصاد ومتخصص

ممكن نعرف البورصه المصريه تم تاسيس كام شركة فيها السنه الى فاتت

عشان نعرف هى ماشيه على الخط المرسوم لها ولا لا

لو عدد الشركات ضعيف تتحول البورصه الى لعبه قمار

خلص الكلام

كلامي عن البورصة بشكل عام يا موعود وشرح تعريفها و آليتها ,,

انما البورصة المصرية تحديدا تسال عنها س هو اللي دايس فيها او مدام مغتربة ,,

انا تخصصي FOREX

تقبل التحية ,,