الاستثمار .. تجارب حياتية مختلفة و دروس معتبرة

[م تيمور المراغي]

مين حيقدر يدخل قصاد المركزي !!

طبعا الخوف من الرقم 600 بيخللي كل المضاربين داخلين معاه شورت ماحدش حيقل عقله ويدخل لونج قصاد المركزي ,,

بعدين مين قال لك اني بخاطر انت حتعرف عني اكتر مني !!

[engasa]

للأسف الشديد لم ارى ما يعجبنى فى الردود حتى صاحب الموضوع يحتكر العمل والبناء فقط كحرفة ومصر تحتاج الصناعة فى كل شيء الزراعة يليها تصنيع منتجات كتعليب وطبخ الصناعة تحتاج الى دور قومى بحت ولا تحتاج الى حيتان او انسان يشبة الكائن البشرى فقط الدولة تحتاج الى سواعد ابنائها فى بناءها وما شاهدناة من تقفيل وغلق مصانع وخراب لليد العاملة يجعلنا نتحصر على مصر مصر لا تحتاج تجارة نحن نحتاج دولة او قيام دولة صناعية اهلها لايبحثون عن الثراء السريع نحتاج فكر اعلى من كدة فكر يريد ان يستثمر امواله فى التصنيع ايآ كان بنسب معقولة فى الربح حتى يستمر وهذا الفكر عدم من امخاخ المصريين لاسباب كان يتبعها نظام الحكم الفاسد استورد ومن ثم احتكر ومن ثم خلف الفكر وتم تكسير اى يد تبنى وتصنع بأنشاء رسوم جمركية وتضييق فى استيراد المواد الخام لأى منتج صناعى او زراعى وتدمير اليد العاملة حتى التدريس الصناعى تم تدميرة بقصد ادخال الدولة فيما نحن فية الان نستهلك فقط يا سادة نحن نحتاج او بالمعنى الادق مصر تحتاج اليكم كى تضحوا من اجلها التربح ممكن لكن بتروي وعدم تسرع او طمع ومن هنا تبدأ النهضة الصناعية رويدآ رويدآ اذآ لابد من البحث اولآ عن اليات صحيحة للرجوع الى التصنيع بمشاريع بسيطة غير مكلفة وتدريب ايدي عاملة ومن اهمها المشاريع الصناعية الصغيرة ... مثال

صناعة المنتجات الجلدية .... أحذية شنط عبوات ألخ ألخ

الصناعات المعدنية ...

الصناعات الخشبية ...

الصناعات الخزفية

الصناعات النسيجية

وهكذا نتجه الى البدء الى الوصول الى النهضة الصناعية رويدآ رويدآ

متهيألى ان كلامى مش هيزعل حد بيحب بلدة تبقى ليها وزن بين الدول

بصراحة أول رد يعجبني في الردود الموجوده هنا في الموضوع ده هو الرد بتاع الاخ محمود مصطفى..

معلش يا جماعة سامحوني أنا اول مرة اشارك معاكوا .. و المفروض اقدم نفسي الأول.. أنا من الناس المغتربين بالخارج.. و بفكر من زمان أزاي الواحد يقدر انه يشتغل حر و يبقى "رئيس مجلس ادارة نفسه" .. و في نفس الوقت يفيد البلد و يقدر يدفعها شوية لقدام.. و بصراحة لقيت ان الوسيلة الوحيده هي الانتاج .. مش الاستيراد و الاستهلاك.. لأ.. الانتاج .. سواء صناعي او زراعي او غيره.. الانتاج و التصدير.. و ده بالاضافة لأنه ح يخليك تعمل لنفسك دخل كويس.. فإنه كمان بيدخل على البلد فلوس ..

ح اوضح اكتر.. طبعا انا متأكد ان كتير من المشتركين فاهمين الموضوع اللى ح اشرحوا ده .. بس اسمحولي اوضح عشان لو حد من بره قرا الموضوع يكون واضح ليه...

الاستيراد معناه اننا بنستهلك .. معناه اننا بندفع جزء من الدخل القومي بتاعنا لدولة أخرى .. و حتى لو كسبنا 300% نتيجه الاستيراد .. فالمبلغ اللى كسبه المستورد فبالرغم من انه ح يخليه غني و "ياكل كريز" .. و لكنه ح يخلي البلد في المجمل افقر شوية.. ازاي؟ لان المبلغ ده تم الحصول عليه في الغالب من المصريين اللى اشتروا المنتج اللى تم استيراده.. و المصريين دول بيدفعوا تمنه من الفلوس اللى بياخدوها من الدخل القومي .. و الفلوس دي اللى هي جزء من الدخل القومي تم تصديرها الى دولة اخرى (يعني اقتطعت جزء من الدخل القومي و ارسلته لدولة اخري) و ذلك لاستيراد مزيد من البضاعة لاعادة بيعها في مصر.. و هكذا

انما الانتاج الصناعي او الزراعي و غيرهم معناهم ايه؟؟ معناهم عكس اللى فوق ده بالظبط.. معناهم اننا ح نصدر لبره و ناخد جزء من الدخول القومية لدول تانيه و نضيفها على الدخل القومي المصري .. و ده معنا ان الموضوع لما ينجح انشاء الله ف رقم (1) الشخص المنتـِج و المصدر ح يبقى غني.. و الاهم (2) ان الدخل القومي بتاعنا يزيد و تبقى الدولة كلها غنيه...

و العملية برضه محتاجه وعي و ضمير.. يعني انا من ضمن غربتي عشت كام سنة في كندا.. و الناس هناك مش عايز اقولكم بتفتخر اد ايه انها بتشتري منتجات بلدها.. بالرغم من ان المنتج المصنع محليا أغلى من المنتج المستورد من الصين مثلا.. بس الناس ما بيهمهاش و بتشتري المصنع محليا.. لأنهم واثقين ان اولا المنتج المحلي تم بيعه بهامش ربح صغير جدا، و ثانيا ان الفرق اللي بيدفعوه ده ح يعود عليهم و يشغل الناس في بلادهم...

و قبل ما حد يسألني: طب و انت ما عملتش كده ليه.. ح اقولكو باختصار لأني ما عنديش اي خبره في الموضوع ده.. و ما اعرفش اي حد عنده خبره في الموضوع ده برضه.. و ما عنديش اي دراية شمولية بالسوق المصري و لا بالتجارة و لا... يعني من الاخر خبرتي صفر في المجال ده و انا نفسي اللى عنده فكره او تجربة في عملية الانتاج و التصدير يشاركنا بيها .. و يا رب الناس و مصر كلها تستفيد..

ارجو ان كلامي ما يكونش زعل اي حد ..

و تقبلوا تحياتي

[ذهبية]

انا مؤمنة بمقولة ان اى بلد علشان تتقدم و تكبر لازم تبدا من تحت مش من فوق

للاسف كل تخطيط المستقبل لمصر كان اللى فوق فقط و الناس اللى معاها رؤس اموال فقط لا غير

ام الطبقى الدنيا او المتوسطة مكنش لهم اى حساب فى اى حكومة مسكت مصر

تبدا من تحت لفوق من قاعدة الهرم مش من قمتة

لاى واحد عايز يعمل مشروع يكسب مصر و يكسب معاها

ابدا من الريف المصرى

الريف اللى كلة خير اللى هيفضل خيرة على مصر و اهلها

كل اللى بيجى بيفكر فى المدينة بس

حد فكر فى الريف

مشاريع كتيرة جدااا تبدا من الريف من اول تعليف الماشية و تربيتها للالبان

لمشاريع تغليف و تعلبة المواد الغذائية

لتصليح اراضى وزراعة اراضى جديدة

لتربية الغنم و زراعة القطن المصرى الى زمان زمان كان علامة مميزة لمصر فىالعالم كلة

عايز تبدا صح اختار المكان الصح ابدا من الاساس علشان البناء يكون سليم

[الباشمهندس ياسر]

مساء الخير

حد هنا ابتدا يقرا ان المجلس العسكري نوي و النية خالصة و مبيته اننا نشحت خلاص

[moamana]

الدنيا فعلا بدات تبوز جدا فى مصر و الكل متعسر

ابى يعمل فى مجال العقارات نزل العقار تقريبا 30% من ثمنه و هذا للجاد فى اللبيع اما من يماطل فهينزل بعد كام شهر

اقاربى صاحب مطبعة و كان مستريح جدا اصبح مخنوق لان اغلب الشركات اللى عملها شغل اصبح من يتهرب من استلامه لانه مش قادر يدفع

و اللى مش قادر يدفع الاقساط المتبقية على الاعمال اللى استلمها بالفعل و طبعا غير ان الشغل بقى ااقل

اخى يعمل كمهندس صيانة لزيروكس يؤكد ان الاعمال فى الباى باى و الناس مبقتش بتعمل عقود مع الشركات الكبيرة للصيانة و الكل بيلسم نفسه اليومين دول

انا بصراحة مش عارفة اتفائل و ان الكلام ده تهويل و لا لا لانى مش فى مصر بس اخر مرة كنت فى مصر حسيت بحاجة ان الناس كلها زهقانة و تهقانة و مضايقة العيشة مش بس بقت اغلى بس بقت ااقل امن

انا نفسى بئه زوجى ينزل و يعمل مشروع و فعلا يدوق الكريز اللى بتقولوا عليه ده لانه يعمل فى مجال صيانة السيارات بس هو تهقان جدا من الشغل نفسه و التعامل مع الصنيعية و العملاء

[انسان مخنوق]

السلام عليكم

انا بقى قاعد فى السعودية

معايا مبلغ راميه فى البنك من اكتر من سنتين لانى مش قتنع بحاجة اعملها بيه

بالرغم انى مش عندى شقة

الا ان الشقق اللى بقتنع بيها غالية قوى والمبلغ اللى معايا يدوب يجيبلى شقة متواضعة مش اللى انا عاوزها

المهم قلت لازم انمى دخلى شوية

اعمل اى عمل حر مع نفسى

فكرت اشترى سيارة وابيع كروت موبايل او اى سلعة اوردها للمحلات

الموضوع مش سهل

بحاول افتح لنفسى سكك

فكرت ادى دروس وفعلا شرحت لطالب مصرى حصة انجليزى كرهنى فى التدريس مع انى بحب اشرح للطلبة جدا ..... حسيت ان التدريس هنا عقيم ..... العيال هنا مستواها العلمى ضايع .... الواد فى سنة 3 اعدادى ومش عارف الحروف الانجليزية

مش لاقى اى فكرة اعملها بجانب شغلى علما ان دوام عملى حوالى 10 ساعات يوميا

[moamana]

مفيش اى حاجة بتكون فى اولها سهلة ابدا و اعتقد ان هنا فى السعودية اسهل حاجة يا التجارة يا الدروس الخصوصية لان بقية المجالات مقفلة شوية فالعقار للسعوديين فقط شراء الاراضى و بناؤها و الاستثمار فى السيارات محتاج شركاء مضمونين و مبلغ مادى كبير جدا و مش مضمون لان الاغلب هنا بيقسطوا

و الله انا عندى فكرة بس للاسف زوجى معارضنى رغم انى عملتها مرة و كانت ارباحى تتعدى 200 %

الملابس و الاكسسوارات هنا ارخص من مصر بكثير لان مفيش ضرائب و ده طبعا للملابس بقايا الماركات العالمية فلو تقدر تعرف اى حد يوفرلك بقايا ماركات عالمية او تقليدها باسعار حلوة و ذوقك كويس و تشحنها مصر فعلا هتطلع بمبلغ مالى محترم كل مرة خاصة لو شحنتها على انها استخدام خاص و هدايا مش على انها تبع اى تجارة

و مش مهم التسويق لان فيه ناس فى مصر بتاخد منك البضاعة هى و تسوقها بنفسها بس ساعتها هامش ربحك هيقل كثير

[elrasy]

موضوع جميل جدا

ويا ريت كل اللى لية تجارب فى مشروع يفيدنا بيها

[الباشمهندس ياسر]

مساء الورد

الاستثمار .... كلمة بقالها كتير مبتجيش علي بالي

كلمة بيحم الفلب ليها

و ليها كل الشوق الغاااااااااالي

و اييييييييييييييييييييييييييييييييييييه

ع اللي جري

بس اما ترجعي يا فلوس و تحكيك ع اللي جري

مسا التهيييييييييييس