حكايه التلات بنات

[soooo]

كان ياما كاااااان ...... - من زمان ما سمعناش الكلمه دي والله -

كان في تلات بنات ..... - اسماً فقط -

الأولانيه : شحروره ..... - شايفين الأسماء -

والتانيه : بعروره ...... - شامّين الأسماء -

وآخر العنقود : صرصوره .... - تقولوش الأسماء خلصت خلاص -

ما علينا من اساميهم ... في داهيه الأسماء ... نبقى نخليهم يغيرو اساميهم خالص ... نخش على الكلام الكبير ... أوصافهم بقى ..

- ايوه كدهه ..... خللي القعده تطري شويه -

التلاته ما يتخيروش عن رجل معزه عندها شلل .... امها كانت بتتوحم في كلب .... مضروب بعربيه بيجو ..... بعد ما شيّست من اتوبيس نقل عام ....

- يا نهار ازرققققق .... دانا باكره البنات بشكل -

التلات بنات دول كان عندهم مشكله .... كان نفسهم يصاحبو اي حد والسلام ... والله ما هينقو .... انشالله حتى يكون شهيد في الحرب المشهوره ... بين امبابه ودار السلام .... مش فارقه معاهم .....

- بس اشوووووفه ... اشووووفه -

في المدرسه ... كانت كل صاحباتهم البنات ... لما بيشوفوهم هاللين عليهم ... يقومو يجرو زي مايكون في طاعون داخل ... دول لما بيطلعو من المدرسه ... العيال اللي واقفين عشان يعاكسو البنات لما بيشوفوهم بيجرو ولا كأن عربية الأتاري هاتقفشهم ..... البنات كرهو التعليم خالص ...

- تقولوش كانو فالحين فيه أصلا -

وفعلا .... قعدو ملائكة شارلي في بيتهم ....

- ملائكة شارلي ؟؟ قول شياطين السبتيه ... عفاريت بولاق .... انما مش ملائكه خالص -

أمهم - والله صعبانه علي - كانت كل ماتشوفهم ... تقعد تندب حظها الهباب اللي رزقها بتلات حاجات شبه البنات ......

- يا اخواننا دول مخلوقات خرافيه ... مش بنات خالص -

قررت امهم انها تجوزهم ......

- مين الاعمى الاخرس الاطرش المرحوم اللي هايوافق ... ماعرفش -

كان كل ما ييجي واحد ...ويبقى عايز يشوف العروسه ... ام البنات تقعد تقوللو ... احنا بناتنا مايتكشفوش على راجل ...

- فعلا .... دول يتكشفو على عزرائيل -

وطبعا .. كل جوازه فاشله كانت بتنتهي قبل ماتتم اصلا ....

- هو ده التطور الطبيعي .... للحاجه البايته -

وفي يوم من ذات الأيام .... - والله الكلمه دي واحشاني - ...

كانو البنات قاعدين بيقرو في الجرايد والمجلات ... - قال يعني بقى -

قامت (شحروره) نطت في السما وهي فرحانه ومزقططه ....

: يا ربيي .. اوه ماي جاد ..- الله يرحم ابوها .. كان بيبيع بمب في العيد -

بعروره : مالك ؟؟؟ في ايه ؟؟؟

صرصوره : لقيتي عرييييس ؟؟؟؟ ... - زمن المعجزات انتهى يا بنتي -

قامت (شحروره) هانم قاريلهم الجرنان ....

.... ويتشرف مستشفى الدكتور (بهلول الاعرج) بالاعلان عن حضور الدكتور ( فيسكو دي بيجامه) خبير التجميل في جامعة (استبحس) وعلى من يرغب في الاستشاره ان يحضر للعنوان التالي ........

وعادييييييييييييكم على اللي حصل .... تنطيط وزغرته وشغل قرود

راح التلات بنات على العنوان بتاع المستشفى ... وحجزو .. واتحدد لهم يوم .... روحو بيوتهم وحرقو كل صورهم القديمه ....

- خلاص بقى -

وفي اليوم المحدد ... راحو المستشفى وكل واحده منهم معاها صوره كبيره ... دخلو على الدكتور ..

شحروره : I WANT TO BE LIKE THIS وطلعت صورة (روبي)

بعروره : I WANT TO BE LIKE THIS وطلعت صورة (نانسي عجرم)

صرصوره : I WANT TO BE LIKE THIS & خالتي (هيفاء وهبي)

الدكتور : TO BE OR NOT TO BE ...... RABENA YWOSTOR

دخلو غرفه العمليات .... وبعد عشر دقايق الدكتور طلع بره وهو شعره منكوش .... وبيقول

E7NA 3MALNA ELLY 3ALINA W ELBAKY 3ALA ALLH

- الكلمه دي بياخدوها في سنه تالته طب هناك برضه -

وجه اليوم اللي المفروض يشيلو فيه الشاش من على وشهم ... - موسيقى تصويريه -

وجه الدكتور بطقم المساعدين والتليفيزيون وكل البشر عشان يشوفو المعجزه ...... وكل واحده من البنات البقر بتقول انا الاول .... لا انا الاول ...انا اللي قلتلكم يبقى انا الاول ...

- من الآخر ... قلبوها حضانه -

في الآخر خالص .... عملو كلو بااااااميه ...... وجه الدور على (بعروره) ...

اول ما الدكتور شال الشاش ..... ( شحروره) راحت راقعه ضحكه جابت آخر شارع فيصل .....

- (بعروره) كان نفسها تبقى (هيفاء وهبي) بس طلعت (وهبي .. من غير مايجيب بنته معاه) -

- الأول -

جه الدور على (صرصوره) ..... واول ما الشاش اتشال بانت الحقيقه المرّه .....

- عارفين قعر الحله اللي بيسخنو بيها الميه على سبرتايه .... لونه ابيض منها -

- التاني -

و آخيرا ....

(شحروره) اللي كان نفسها تخللي الدكتور يسيب الشاش على وشها مدى الحياه .... بس الدكتور قال يمكن تكون العمليه نجحت معاكي انتي بس .... وفعلا .... شال الشاش .... وجاتله حالة عته مغولي مع شلل رباعي مضاعف ...... (شحروره) بقت شبه كائن السندرليك الأسطوري ....

- والذي لم يشاهده بشر -

- التالت -

وتوته توته ..... خلصت الحدوته .....

صحيح .... نسيت اقولكم ان امهم نزلت اعلان في الجرايد من كام يوم

(مطلوب عريس وسندفع له كافه المصاريف

+ بدل انتقال

+ بدل طبيعة مهنه

+ بدل ما بناتي يعنسووووووووووووووووووووووووووووووووووو )

[soooo]

يانهار ازرق ؟؟؟؟؟؟؟؟؟؟؟؟؟؟؟

تلاتين واحد .. قرو الحكايه ... ومافيش رد واحد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[وليد صفوت]

و الله انا استمتعت جداً بالحكاية الجميلة دى ...........

شكراً يا سووو يا سكر .......دمك خفيف جدا :) :P :D

يا ريت لو عندك حكايات من النوع ده ...............بس ياريت تنوع .........يعنى عايزين كمان الوجوه الجديدة اللى نزلت اليومين دول non:: مش روبى و نانسى بس mf(

سلامات ..................

[mohamed]

جامدة اوى non::

[صديق الحزن]

يانهار ازرق ؟؟؟؟؟؟؟؟؟؟؟؟؟؟؟

تلاتين واحد .. قرو الحكايه ... ومافيش رد واحد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بصراحه انا خايف ارد لحسن تفتكرى انى برد

علشان الاعلان اللى عملته امهم rs:

بس حقيقى حكايه جميله و ربنا يستر و احنا نايمين من الكاوبيس ha) ha) B)

[se_ Elsyed]

قصة جميلة واعتقد إن هذا النوع من قصص الخيال العلمي يستهوي قاعدة عريضة من القُراء ... بس ما قولتلناش الدكتور اللي عمل العملية جرى له إيه ؟

[Cleo]

رهييييييييييييييييييييييييييييييييييييييييييييييييييبة.. :lol:

استمرى.. :)

[Gharib fi el zolomat]

بس ما قولتلناش الدكتور اللي عمل العملية جرى له إيه ؟

ضحينا بالطبيب من اجل نجاح العمليه

[soooo]

شاكرين مهللين على مروركم الكريم

بس انا عايز اقول حاجه واحده ل(صديق الحزن) ول(Cleo)

انا ... ولد .. راجل ... i'm a boy - على رأي ابن اخويا -

اما بانسبه للدكتور يا (se_ Elsyed) .. فأنا قولت

(وجاتله حالة عته مغولي مع شلل رباعي مضاعف)

وربنا يلطف بينا من اللي بنشوفه كل يوم في حياتنا من مقلدين روبي ونانسي وهيفاء

وشكرا ليكم مره تانية

[shahd]

تسلم يا sooooooooo روووووووعه :D

[مى محمد]

ياااااااااااااااااااه يا سووو.... بقالى كتير ماضحكتش من قلبى كده :)

جميلة جدا و ربنا يعين امهم و العريس المنتظر... و ربنا يلطف بينا

[محمد السعيد -أبو عبدالله]

عسل وسكر وسمنة بلدي في رغيف سخن طالع من فرن فلاحي (معلش كلامي فلاحي شوية )