هو ده الكلام...النائب العام يأمر بالكشف علي مبارك لبحث امكانية نقله للسجن

[Alattar]

الخبر من مصراوي

القاهرة - أ ش أ

أصدر المستشار عبد المجيد محمود النائب العام اليوم قرارا بندب كبير الأطباء الشرعيين ومن يرى الاستعانة بهم من المتخصصين للانتقال إلى سجن ليمان طره لمعاينة المستشفى الخاصة بالسجن لبيان مدى صلاحياتها لنقل الرئيس السابق حسني مبارك المحبوس احتياطيا على ذمة إحدى القضايا في ضوء حالته الصحية وإمكانية استكمال أية أجهزة أو تجهيزات إلى المستشفى إذا ما كانت غير مجهزة بها لتكون على قدر من الصلاحية لتتوافر بها الرعاية الصحية المطلوبة لنزول مبارك بها لتنفيذ أمر الحبس الاحتياطي عليه بتلك المستشفى

الراجل ده بيزيد احترامي له كل يوم بصراحة...ياريت يفضل كده علطول..و يسبقنا دايما بخطوة

و علي فكره الموضوع عندي مش تشفي..ولا شماته..معه انهم يستاهولوها جدا..و لكن سعادتي بأنه يتم معاملة المخلوع كأي متهم عادي..و ليس له وضع خاص..

تم تعديل 21 أبريل 2011 بواسطة Alattar

[rewsha]

أصدر المستشار عبد المجيد محمود النائب العام اليوم قرارا بندب كبير الأطباء الشرعيين ومن يرى الاستعانة بهم من المتخصصين للانتقال إلى سجن ليمان طره لمعاينة المستشفى الخاصة بالسجن لبيان مدى صلاحياتها لنقل الرئيس السابق حسني مبارك المحبوس احتياطيا

يارب الخبر يكون صحيح ومانسمعش نفيه بعد شويه

ويارب كبير الاطباء ده يكون اهل للثقه ...ويقول كلمنة حق

مش يطلع يقول لنا ان المستشفى الوحيده المؤهله لاستقبال حالة مبارك ...هيه مستشفى شارم الشيخ

[fatfouta]

كبير الاطباء الشرعيين.... احمد السباعى

بتاع اسفكسياالخنق فى قضية خالد سعيد؟؟؟

ربنا يستر :closedeyes:

[fatfouta]

ممكن يكون النائب العام اخد القرار ده بناءا على ان مبارك قدم التماس النهاردة للمجلس العسكرى انه يبقى فى شرم الشيخ

مبارك يلتمس البقاء في شرم الشيخ

قالت مصادر عسكرية إن الرئيس المصري المخلوع حسني مبارك طلب من المجلس الأعلى للقوات المسلحة إبقاءه بمنتجع شرم الشيخ الذي يطل على البحر الأحمر، تفاديا لتنفيذ قرار بنقله إلى مستشفى قرب القاهرة.

وقال مصدر عسكري إن "مبارك (82 عاما) قدم طلبا للمجلس العسكري" الذي استلم السلطة بعده، وأنه "يأمل أن يلبى الطلب" الذي يتضمن تركه في المستشفى حيث يقضي أمرا بالحبس على ذمة التحقيق.

وتقول مصادر طبية إن مبارك توقف عن تناول طعامه أو دوائه يوم الثلاثاء لحمل القوات المسلحة على الموافقة على بقائه في شرم الشيخ.

وقال مصدر أمني إن "مبارك بدأ يدرك بالتدريج أنه سيواجه المساءلة القضائية، وأن ما يجري الآن هو عملية تتيح له تقبل مصيره".

جريدة الدستور

تم تعديل 21 أبريل 2011 بواسطة fatfouta

[rewsha]

كبير الاطباء الشرعيين.... احمد السباعى

بتاع اسفكسياالخنق فى قضية خالد سعيد؟؟؟

ربنا يستر :closedeyes:

سبحان الله

كنت لسه بادعي ربنا في المشاركه اللي قبلك علطول ,ان كبير الاطباء يقول كلمة حق

والله ماكنت اعرف هوه مين

بس لقيتك لحقتيني وكتبتي اسمه

كده يبقى اللي انا عامله حسابه ممكن يحصل .ويتقال ان مافيش اي مستشفى عندها الاستعدادات لاستقبال مبارك ...غير مستشف شارم

بصراحه اصلي سمعت خبر ان مبارك وسوزان رفضوا انه ينتقل هنا الى القاهره (اكيد خايفين طبعا من اللي بعد كده)

فالخبر بتاع كبير الاطباء ده يبقى( بيخدم مبارك انه يفضل في شارم)بُناءاًعلى التقرير اللي هايقوله كبير الاطباء

دي توقعاتي ......والله اعلم

على جنب كده

كبير الاطباء دي بتفكرني بايام الفراعنه .

طب ليه ما`ذكروش اسم الطبيب ده

وليه ماتبقاش كونسولتو (لجنه) من كذا طبيب؟؟؟؟

[shawshank]

أصدر المستشار عبد المجيد محمود النائب العام اليوم قرارا بندب كبير الأطباء الشرعيين ومن يرى الاستعانة بهم من المتخصصين للانتقال إلى سجن ليمان طره لمعاينة المستشفى الخاصة بالسجن لبيان مدى صلاحياتها لنقل الرئيس السابق حسني مبارك المحبوس احتياطيا على ذمة إحدى القضايا في ضوء حالته الصحية وإمكانية استكمال أية أجهزة أو تجهيزات إلى المستشفى إذا ما كانت غير مجهزة بها لتكون على قدر من الصلاحية لتتوافر بها الرعاية الصحية المطلوبة لنزول مبارك بها لتنفيذ أمر الحبس الاحتياطي عليه بتلك المستشفى

وهو مبارك يفرق ايه قانونًا عن أي نزيل في السجن؟ مفيش. يبقى "مبارك" = "أي محبوس".

مستشفى السجن تابعة لوزارة الداخلية وبيتم معاينتها دوريًا والتفتيش عليها من النيابة العامة. والأصل إن مستشفى السجن صالحة باستمرار لنقل "أي محبوس". يبقى ايه لازمة معاينتها قبل نقل "محبوس ما" ليها؟ ماهو الطبيعي إنها صالحة لأن وزارة الداخلية والنيابة العامة بيقوموا بدورهم. ده الأصل والطبيعي في الأمور. إلا لو كانت الحالة المرضية للمحبوس الجديد ده مشكوك في صلاحية مستشفى السجن ليها. ومفيش حاجة بتقول خالص إن المحبوس الجديد حالته خطيرة أو عنده أعراض تخلي المستشفى غير صالحة لنقله ليها.

قصدي إن معاينة المستشفى دي إجراء مبالغ فيه وغير مبرر قانونًا. وإلا يبقى كل واحد محبوس وعيان يأمر له النائب العام بمعاينة مستشفى السجن قبل نقله ليه للتأكد من صلاحية تجهيزاتها للنزيل الجديد.

[محمد حامد الغنام]

ممكن يكون النائب العام اخد القرار ده بناءا على ان مبارك قدم التماس النهاردة للمجلس العسكرى انه يبقى فى شرم الشيخ

النائب العام يطبق القانون وليس مايطلبة الرئيس السابق

كلامك دة يعتبر اهانة للسلطة القضائية

[rewsha]

رصد | صحافة |جريدة الفجر:عند محاولة نقله للقاهرة..مبارك تشنج وبكى وتشبث بالسرير وقال"انتوا هتحبسوني"! #RNN

00:10

==================

خمسة رجال من الجيش والنيابة وصلوا إلى المستشفى في ثلاث سيارات زجاجها فاميه

سوزان صرخت: "كفاية كفاية انتوا هتسجنونا"!

التشخيص الطبي لمبارك عقب محاولة نقله: اكتشاف ثقل في لسانه وخروج بعض الحروف من فمه غير منضبطة

طبيب نفسي ألماني: مبارك مصاب بعصاب الخوف من المجهول

[Simba]

http://www.youtube.com/watch?v=J6wodtdnbRU&feature=player_embedded

[fatfouta]

رصد|مصادر طبية بشرم الشيخ: مبارك مصاب بحالة اكتئاب وبكى خشية نقله لسجن طرة

[drTOTA]

واللى يكشف على حالته طبيب شرعي ليه؟؟؟ هو ميت؟؟؟؟؟؟؟طالما فيها السباعي يبقى مافيش أمل