سيادة الرئيس ..... ارجعلنا

[se_ Elsyed]

قصيدة الشاعر الدكتور أحمد سمره

سيادة الرئيس ... ارجعلنا

مش انت واحد مننا ؟؟ـ

و عمرك في يوم ما سرقتنا

ولا خدت مليم مننا

ما تيجي طب ترجعلنا

تقعد بأهلك وسطنا

أهو مرة تاكل أكلنا

وتلبس يا خويا من لبسنا

وتعيش في حارة او في شارع زينا

قلت ايه ؟؟ يا حارق دمنا

***

سيادة الرئيس ... ارجعلنا

وغداك يا سيدي عندي أنا

رز وبطاطس مسرطنة

لحمة ؟؟... مفيش من سنة

فاكهة ؟؟... تعيش انت وانا

و الشاي .. بآخر معلقة م السكر اللي كان عندنا

اشرب و فوق وركز بقه .. علشان نكمل حكينا

***

سيادة الرئيس ... ارجعلنا

مش سبت الحكم .. لأجلنا ؟؟ـ

ما تيجي تسمع حكمنا !!ـ

أفكرك ؟؟ ولا انت فاكر زينا

قطر اتحرق من كام سنة

وغازنا اللي طار من أرضنا ... لعدونا

وعبارة مللي بيغرقوا ..!! غرقت في عرض البحر و راحوا أهلنا ... و الجاني فلسع مننا

ومركبة بأحلى شباب ... ييجوا من ايطاليا غرقانين .. والقرش ياكل لحمنا

والله كانوا زينا

ويمكن أحسن مننا

ليهم بيوت وولاد وعيشة وحلم .. زي حلمنا

اتغربوا واتبهدلوا .. لما الفساد طال كل حاجة في أرضنا

واللي ما ماتش .. في غربته قاعد .. والغريب بيذلنا

اقول كمان ؟؟ ولا كفاية ... و اهو انت عارف عننا

أصبر هتسمع حكمنا

***

سيادة الرئيس ... ارجعلنا

ولو انت واحد مننا

فعلا يهمك أمرنا

بينا عالنائب العام .. تفتنله على ولاد الحرام ... مصوا بلدنا ودمنا

وافتن دي فتنة مهيش حرام .. ده حقنا

دا لو انت واحد مننا

أصبر هتسمع حكمنا

***

سيادة الرئيس ... ارجعلنا

اقعد معانا وزينا

هعرفك .....ـ

دي (أم خالد) أمنا

ودول أهل (سالي) أهلنا

و(عمر بن بنونة ) ابننا

فسر واحكي وقلّهم .. و قلّنا

واستسمح الروح اللي منورة في الجنة عند ربنا

هتقول مكنش قصدنا ؟؟ـ

دول ماتوا غصب عننا ؟؟ـ

كداب وفاجر .. و اللي يصدقك زيك .. والكدب ريحته منتنة

تتشل إيد اللي ضرب ،، و اللي أمر ،، و عليكوا لعنة ربنا

أصبر هتسمع حكمنا

***

أيوه بقول ارجع لنا

ياللي سرقت حلمنا

وغربتنا ونهبتنا ... و في كل حتة أهنتنا

إحنا اللي سال دمنا

في الأربعين واسكندرية والتحرير يشهدلنا

آدي القفص ... أقف هنا

والشعب يحكم .. مش انا

صدقني ... هي بينة

من فوق سبع سماوات .. قالها ربنا

العين بالعين والسن بالسن ... و هو دا بقه حكمنا ... و مفيش غيره عندنا

اقرأ المقال الأصلي علي بوابة الوفد الاليكترونية صورة للرئيس مبارك

[محمد حامد الغنام]

- لك الله يامبارك

هو الوحيد القادر على اظهار الحق

[jamalpody]

- لك الله يامبارك

هو الوحيد القادر على اظهار الحق

انت كنت الفتره الماضيه عايش في كوكب تاني غير كوكب الارض

انت بتدافع عن ايه ولا الموضوع بس خالف تعرف

[محمد حامد الغنام]

- لك الله يامبارك

هو الوحيد القادر على اظهار الحق

انت كنت الفتره الماضيه عايش في كوكب تاني غير كوكب الارض

انت بتدافع عن ايه ولا الموضوع بس خالف تعرف

- والله ياباشا

الديمقراطية بتقول حب الى تحبة واكرة الى انته عاوز تكرة

وانا على نفسى بقدر ذلك الراجل

الى ان تظهر الحقيقة

وهل هو مدان او غير مدان

نحن فى انتظار قرار القضاء المصرى

[aimen]

- لك الله يامبارك

هو الوحيد القادر على اظهار الحق

ربنا ينتقم منك يا مبارك انت وكل الحرامية

[YOUR BROTHER]

- لك الله يامبارك

هو الوحيد القادر على اظهار الحق

ربنا ينتقم منك يا مبارك انت وكل الحرامية

وربنا ينتقم من أى حد عايز يحرق دمنا

[mohamed gouda]

معلش هو الموضوع محتاج لقضاء علشان تحكم عليه هو انت مش شايف كم الانهيار الي البلد مازالت تعاني منه و ليسة 10 سنوات لما تبدا تفوق من الانهيار

[mohamed gouda]

معلش هو الموضوع محتاج لقضاء علشان تحكم عليه هو انت مش شايف كم الانهيار الي البلد مازالت تعاني منه و ليسة 10 سنوات لما تبدا تفوق من الانهيار

[hanzalah]

استاذ محمد الغنام

كيف حالك

عمرك شفت مصري أو مصرية بياكل من الزباله

انا شفت أكثر من مره

بالله عليك .. هل يعقل في القرن الواحد والعشرين نصفق لرئيس يجعل شعبه يفتقر لدرجة الاكل من الزبالة

بينما هو يرتع في مليارات من خير مصر

عارف ايه المصيبه

ان الصورة بعد الثورة لم تتغير .. لان الحرامي المخلوع لازال يحكم

يحكم بصبيانه

تخيل