إستفسار هام - المملكة العربية السعودية

[aboueyad alex]

الأخوة الكرام بالمنتدى

خرجت من المملكة العربية السعودية بتأشيرة خروج وعودة إنتهت صلاحيتها بتاريخ 28فبراير 2011 وقام كفيلى السابق بتجديدها لى لمدة شهرولم أكن أنتوى الرجوع لهذا الكفيل مرة أخرى وأكرمنى الله بتأشيرة أخرى وقمت بسؤال إدارة الجوازات السعودية عن إمكانية رجوعى على كفيل أخر فأخبرونى أنه ليس هناك مايمنع من عودتى على كفيل أخر لكن بعض الأخوة أخبرونى بأنه ممكن أن أمنع من الدخول للمملكة

فهل هناك مايمنع دخولى المملكة مرة أخرى وبالنسبة لو كفيلى لم يعلم أنى تواجدت بالمملكة فهل هناك أى معوقات للدخول لأنه راجل مؤذى بعض الشيىء

يرجى الإيضاح لأنى على وشك السفر خلال إسبوع جزاكم الله خيرا

[مهندس عمرو]

ابو اياد صباح الفل عليك ..... هو انا للاسف معنديش خبرة بالموضوع الي حضرتك بتكلم فيه بس انا شدني حتت - لم اكن انتوي الرجوع للكفيل - وفكرتني بصاحبك لماقال - لم اكن انتوي الترشح لفتره رئاسيه اخرى - طبعا مع فرق النوايا بينك وبينه بس فحبيت اضحكك معايا .... وربنا يكرمك ويوفقك انشاء الله وتلاقي الي يدلك صح .

[aboueyad alex]

والله يا أخ عمرو هى مجرد دعابة للخروج من نطاق التفكير الشديد وعدم وضوح الرؤيه

أنا بإنتظار رد أحد الأخوة العالم ببواطن الأمور بالمملكة العربية السعودية- جزاكم الله خير

تم تعديل 23 أبريل 2011 بواسطة aboueyad alex

[عاشق النيل]

الأخوة الكرام بالمنتدى

خرجت من المملكة العربية السعودية بتأشيرة خروج وعودة إنتهت صلاحيتها بتاريخ 28فبراير 2011 وقام كفيلى السابق بتجديدها لى لمدة شهرولم أكن أنتوى الرجوع لهذا الكفيل مرة أخرى وأكرمنى الله بتأشيرة أخرى وقمت بسؤال إدارة الجوازات السعودية عن إمكانية رجوعى على كفيل أخر فأخبرونى أنه ليس هناك مايمنع من عودتى على كفيل أخر لكن بعض الأخوة أخبرونى بأنه ممكن أن أمنع من الدخول للمملكة

فهل هناك مايمنع دخولى المملكة مرة أخرى وبالنسبة لو كفيلى لم يعلم أنى تواجدت بالمملكة فهل هناك أى معوقات للدخول لأنه راجل مؤذى بعض الشيىء

يرجى الإيضاح لأنى على وشك السفر خلال إسبوع جزاكم الله خيرا

الاخ الفاضل كفيلك ممكن يعرف من نظام مقيم انك دخلت المملكة وممكن ساعتها يبلغ انك عامل هروب وطبعا دة لو هوة بيتابع مكفوله او المعقب بتاعه وخاصة عند تاخرك فى العودة بدون سبب

وممكن ما يعرفش الا بعد سنة

انا اعرف قصة عن عامل ابلغ زملائة انه بعيد عنك مات وبعد 9 شهور عرف كفيله انة دخل المملكة تانى طبعا بنفس الاقامة

وابلغ عنة هروب

بس خلاص هو دة اللى اعرفة

[عنبو]

طالما فيزا جديده وكفيل جديد والاقامه بتعتك القديمه انتهت يبقى مافيش اى مشاكل

انا اكتر من صاحب ليا خرج خروج وعوده ورجع على كفيل جديد ومافيش اى مشاكل

تحياتى

عنبو

[aboueyad alex]

طالما فيزا جديده وكفيل جديد والاقامه بتعتك القديمه انتهت يبقى مافيش اى مشاكل

انا اكتر من صاحب ليا خرج خروج وعوده ورجع على كفيل جديد ومافيش اى مشاكل

الأخ الكريم أنا الإقامة بتاعتى سارية

وكده أنا مر على خروجى من الممكلة 8 شهورمنهم 6 شهور خروج وعودة وشهر تمديد وشهر بعد التمديد

جزاكم الله خير سرعة الرد

تم تعديل 23 أبريل 2011 بواسطة aboueyad alex

[saqr el arab]

ابو اياد تقبل تحياتى اولا

انا فى رائى تروح تسأل اى مكتب سفريات فى اسكندرية قصدى فى مصر اكيد هيفيدك اكتر

رغم انى لى صديق نزل اجازة 3 شهور خروج وعودة وكانت الشركة بتأخرله الراتب والعمولة وكان مش مرتاح معاهم

المهم قضى الاجازة كلها واشترى فيزا جديدة ودخل بيها المملكة يمكن حظه ان كفيله مش مبلغ عنه هروب

وبعدين السستم فى المملكة رغم انه اليكترونى الا انه مش مفعل بدقة لحد الان يعنى مثلا اللى بيغير مهنة تلاقيها اتغيرت فى الجواز والاقامة ولسه زى ما هى بدون تغيير فى مكتب الاستقدام

[MemoG]

بردو ياجماعة مافيش حد جاوب هل ينفع الرجوع الي المملكة والاقامة لسة سارية مع ان تاشيرة الخروج والعودة انتهت

[actros]

اخى الكريم بعد التحية لو كنت واخد تاشيرة خروج نهائى كنت ممكن ترجع بعدها باسبوع ولا حتى تانى يوم امابالنسبة للخروج والعودة مع عمل البصمة اعتقد لا حتى لو باسبور جديد وكفيل جديد لان البصمة موجودة فى نظام الجوزات والمعلومات الى الناس مختلفة فيها وهى ان ممكن تدخل فى حال ان اقامتك فى السعودية انتهت او ممنوع من الدخول لمدة سنتين لانك لو دخلت هتيجى تبصم هيرجعوك للااسف ............. دة اللى اعرفة وشكرا ليك

[عنبو]

اخى الكريم بعد التحية لو كنت واخد تاشيرة خروج نهائى كنت ممكن ترجع بعدها باسبوع ولا حتى تانى يوم امابالنسبة للخروج والعودة مع عمل البصمة اعتقد لا حتى لو باسبور جديد وكفيل جديد لان البصمة موجودة فى نظام الجوزات والمعلومات الى الناس مختلفة فيها وهى ان ممكن تدخل فى حال ان اقامتك فى السعودية انتهت او ممنوع من الدخول لمدة سنتين لانك لو دخلت هتيجى تبصم هيرجعوك للااسف ............. دة اللى اعرفة وشكرا ليك

لا ياعم البصمه ملهاش علاقه انا واحد صاحبى خرج خروج وعوده عادى وبعد بكام شهر رجع يعنى وكان باصم مافيش اى مشاكل

انا هسألك على موضوع الاقامه ساريه دى

تحياتى

عنبو

[MemoG]

متشكرة ياجماعة باهتمامكو وانا في انتظار الرد علي موضوع الاقامة

وكنت عايزة اسال كمان لو السيارة معانا اخذنها تربتك خروج وعودة ورجعنا علي كفيل جديد يحصل حاجة ولا ميردوش يدخلو السيارة

[se_ Elsyed]

متشكرة ياجماعة باهتمامكو وانا في انتظار الرد علي موضوع الاقامة

وكنت عايزة اسال كمان لو السيارة معانا اخذنها تربتك خروج وعودة ورجعنا علي كفيل جديد يحصل حاجة ولا ميردوش يدخلو السيارة

موضوع البصمة قُتل بحثاً بالمنتدى وقولنا إنه موضوع أمني بحت ... وإن الواحد عادي يدخل المملكة مرة أخرى بجواز سفر جديد وتأشيرة جديدة حتى لو كان باصم وإقامته سارية مافيش أي مشاكل ما لم يكن ضده بلاغ هروب أو أي قضايا جنائية .

موضوع السيارة التريبتك في غاية الخطورة لإن كل الأوراق بتبقى برقم الإقامة القديم .. وبالتالي هاتحصل شمالك بالتأكيد .. فبلاش منه

[aboueyad alex]

الأستاذ الفاضل سى السيد- شكرا للرد لكن ازاى اعرف انى مش متبلغ عنى هروب ومافيش مشكلة يكون الكفيل عملهالى بعد نزولى جزاك الله خيرا انت وكل الأخوة المشاركين بالموضوع

[MemoG]

ميرسي يا استا\ احمد

علي ردك للاسألة بتاعتي معليش تقلت عليك

بس حضرتك تعرف حد رجع السعودية ولسة الاقامة تبعو سارية

ده مش تشكيك في كلامك بس للتاكيد

[خالد شحاته]

الأخوة الكرام بالمنتدى

خرجت من المملكة العربية السعودية بتأشيرة خروج وعودة إنتهت صلاحيتها بتاريخ 28فبراير 2011 وقام كفيلى السابق بتجديدها لى لمدة شهرولم أكن أنتوى الرجوع لهذا الكفيل مرة أخرى وأكرمنى الله بتأشيرة أخرى وقمت بسؤال إدارة الجوازات السعودية عن إمكانية رجوعى على كفيل أخر فأخبرونى أنه ليس هناك مايمنع من عودتى على كفيل أخر لكن بعض الأخوة أخبرونى بأنه ممكن أن أمنع من الدخول للمملكة

فهل هناك مايمنع دخولى المملكة مرة أخرى وبالنسبة لو كفيلى لم يعلم أنى تواجدت بالمملكة فهل هناك أى معوقات للدخول لأنه راجل مؤذى بعض الشيىء

يرجى الإيضاح لأنى على وشك السفر خلال إسبوع جزاكم الله خيرا

الاخ الفاضل

السلام عليكم ورحمة الله وبركاته

اولا انت لما ترجع للازم تكون في منطقه تانيه خالص ومتعرفش حد من اصاحبك الذين كانو معاك علي كفيلك القديم وتاكد ان مفيش اي مشكله وهتدخل باذان الله

[خالد شحاته]

الأستاذ الفاضل سى السيد- شكرا للرد لكن ازاى اعرف انى مش متبلغ عنى هروب ومافيش مشكلة يكون الكفيل عملهالى بعد نزولى جزاك الله خيرا انت وكل الأخوة المشاركين بالموضوع

الاخ الفاض

ارسل رقم الاقامه علي الخاص انا اكشف لك عليها لو عليك اي مشكله سوف ابلغك بيها ان شاء الله

[خالد شحاته]

بردو ياجماعة مافيش حد جاوب هل ينفع الرجوع الي المملكة والاقامة لسة سارية مع ان تاشيرة الخروج والعودة انتهت

نعم ينفع عادي جدااااااااااااااااااا المهمن مش يكون الكفيل مرسل فاكس للقنصله غير كدا الدخول عادي جدااا

[aboueyad alex]

الأخ الفاض - خالد شحاتة

تم إرسال رقم الإقامة على الخاص جزاك الله خيرا على الإهتمام

[Acc Mohamed]

ياريت التفاصيل اللى حصلت فى الموضوع ده للافاده لان حالتى مشابهه للأخ صاحب الموضوع

[Acc Mohamed]

الاخ ابو اياد هل سافرت ولا لسه ؟؟