شرف يصر علي دفع الغرامة .. لانتظار سيارة ابنه في الممنوع

[masrymasry]

كتب - خالد موسي:

لفتة جديدة تؤكد أن الدكتور عصام شرف يطبق ما يطالب به المواطنين علي نفسه أولاً.. أكد مسئول بالمرور لم يرغب في ذكر اسمه أن رئيس مجلس الوزراء أصر علي دفع الغرامة المقررة لوقوف سيارة نجله في الممنوع بمنطقة المهندسين بجوار منزله بعد أن قام ضابط حملة مرورية "بكلبشة" السيارة لكنهم قاموا بفك هذه الكلبشة بعد قيام ضباط حراسة المنزل بتوضيح ملكية ابن رئيس الوزراء لهذه السيارة.

عندما عاد رئيس الوزراء لمنزله وعلم بالأمر أصرعلي دفع الغرامة المقررة وألا يحصل ابنه علي استثناء. وفور انتشار الخبر بين ضباط المرور بالجيزة سادت حالة من الارتياح والتفاؤل بينهم وتعهد العديد منهم بعدم عمل أي استثناء لأي شخص مهما كان مادام رئيس الوزراء يصر علي تطبيق قانون المرور علي نفسه وأسرته.

المصدر:

http://www.akhbarak.net/article/2457363

[se_ Elsyed]

يارب يستمر على كده على طول

لإن دي أول مره في مصر نشوف حاجه زي كده

والأهم من ذلك هو أن يحرص رئيس الوزراء على توصيل تلك الرسالة إلى كل المسئولين لكي يأتي اليوم الذي لا نسمع فيه جُملة " إنت مش عارف انا مين "

اللي أصبح كل فسل يستخدمها لكي يفلت من القانون .. فاصبح لدينا طبقة هي الحيطة الواطية اللي بيطبق عليها القانون وتكوى ظهورهم به ... أما البقية فهم مستثنون من ذلك

[عبد الله غريب]

و الله حاجة تفرح .. و تبشر بالخير .. دكتور عصام شرف بيفكرني باللواء أحمد رشدي وزير داخلية مصر في منتصف الثمانينات الذي قالت عنه موسوعة "ويكيبيديا":

"فمن المستحيل تقريبا أن يستولى من يشغل هذا المنصب على قلوب الشعب .. لأن مقعده مقام أصلا لحماية الحاكم من الشعب لا العكس وتفرد أيضا اللواء أحمد رشدى فى أنه وزير الداخلية الوحيد الذى عاش مشاركا فى حياته العملية معظم الأحداث الجسام فى تلك الفترة البالغه الخطورة من تاريخ مصر بل وكانت له عند كل حادثة حادث .. وفى كل حدث مكان انه الوزير الوحيد الذى بكاه العقلاء .. واستبشر برحيله عن مقعده عامة الجهلاء .."

كنا وقتها مش بنزعل لو اتاخدنا مخالفة مشاة بجنيه و ربع علشان عدينا من مكان غير المكان المخصص لعبور المشاة ..

كانت البلد ابتدت تنضف .. كان بينزل حملات متنكر مع سائق تاكسي أو لوري و يضبط العساكر اللي بتاخد رشاوي من السواقين .. كانت الحملات على تجار المخدرات شغالة مابتوقفش .. لكن .. للأسف شالوه في ظروف غامضة ..

ربنا يحمي كل الشرفاء من المتأمرين .. آمين.

تم تعديل 22 أبريل 2011 بواسطة عبد الله غريب

[الباشمهندس ياسر]

شيء طبيعي و متوقع

مش المفروض اننا عملنا ثورة مش كنافة شعر

[عبير يونس]

رغم اني بأعتبر نفسي من زمرة المتفائلين

لكن مش عارفة ليه عندي احساس

ان اللي بيحصل ده

TOO GOOD TO BE TRUE

أعذروني

أصلي في عمري كله ما شفتش حاجة من دي قبل كده

يارب يطلع إحساس كاذب

[عبد الله غريب]

كتب - خالد موسي:

لفتة جديدة تؤكد أن الدكتور عصام شرف يطبق ما يطالب به المواطنين علي نفسه أولاً.. أكد مسئول بالمرور لم يرغب في ذكر اسمه أن رئيس مجلس الوزراء أصر علي دفع الغرامة المقررة لوقوف سيارة نجله في الممنوع بمنطقة المهندسين بجوار منزله بعد أن قام ضابط حملة مرورية "بكلبشة" السيارة لكنهم قاموا بفك هذه الكلبشة بعد قيام ضباط حراسة المنزل بتوضيح ملكية ابن رئيس الوزراء لهذه السيارة.

لغاية هنا و مش شايف أي حاجة ممكن نعتبرها غريبة .. يعني كلبشة العربية .. ثم فك الكلبشة لما يتعرف ملكيتها لمين ممكن يحدث فعلاً ..

عندما عاد رئيس الوزراء لمنزله وعلم بالأمر أصرعلي دفع الغرامة المقررة وألا يحصل ابنه علي استثناء. وفور انتشار الخبر بين ضباط المرور بالجيزة سادت حالة من الارتياح والتفاؤل بينهم وتعهد العديد منهم بعدم عمل أي استثناء لأي شخص مهما كان مادام رئيس الوزراء يصر علي تطبيق قانون المرور علي نفسه وأسرته.

المصدر:

http://www.akhbarak....article/2457363

واحد واخد على عاتقه مسؤلية ما بعد الثورة بكل ما تحتاجه من وطنية و انتماء و مجهود في كافة الأصعدة:

من ملف مياه النيل و استحداث منصب جديد بوزارة الخارجية هو نائب وزير الخارجية للشئون الإفريقية لدعم القضية .. إلى الاستجابة لمطالب الشعب بمراجعة اتفاقية بيع الغاز لإسرائيل .. إلى ضمان حق التصويت للمصريين العاملين بالخارج في كل من الانتخابات البرلمانية والرئاسية القادمة .. إلى الاتفاق خلال زيارته الأخيره للسودان على زراعة 100 ألف فدان كمرحلة أولى فى السودان تصل إلى مليون فدان، لتحقيق الأمن الغذائى لكل من مصر والسودان. .. إلى قراره رقم 481 لسنة 2011 بإلغاء تعيين الدكتور عاطف عبيد ممثلاً لجمهورية مصر العربية فى مجلس إدارة المصرف العربى الدولى للتجارة الخارجية والتنمية .. إلى دعم التعاون في مجال الاتصالات وتكنولوجيا المعلومات بين مصر وأوغندا ( فى اطار خطوات اعادة العلاقات الجيدة مع الدول الافريقية) .. إلى الوعد بالاكتفاء الذاتى من القمح خلال عامين.. وتيسيرات جديدة للمزارعين .. إلى توجيهاته بإعادة رحلات مصر للطيران لجوبا وذلك لخدمة أبناء الجنوب السوداني وربطهم بمصر .. إلى زراعة 500 ألف فدان بالقطن لهذا العام .. إلى تكليف رئيس مجلس الوزراء رسميا الدكتور صفوت النحاس رئيس الجهاز والمركزى للتنظيم والإدارة باعداد منظومة لتحسين كافة الأجور والمكافآت والمزايا المادية لكافة العاملين بالدولة ..

مش حاجة يعني لما يحرص على البدء بنفسه و بإبنه و دفع الغرامة المالية .. داه لا يستغرب من شخص مثله، بل هو المتوقع قياسا على مجهوداته السابقة ..

مش عارف ليه مع إن احنا لامسين كل اللي فات .. ليه جايين عند الحتة دي و بنقول مش واثقين أنها ممكن تحصل .. دا أنا شايفها عادي خالص بالنسبة لما لمسناه منه في كل المذكور عاليه .. حاسس إن الراجل شغال بضمير .. وداه غريب على البلد فعلاً فمنذ 30 سنة ما شوفناش حد شغال بضمير .. و اللي حاول يشتغل بضمير كان مصيره يتشال زي أحمد رشدي .. بس ربنا يعينه و يتمها على خير و محدش يتأمر عليه .. آمين.

تم تعديل 22 أبريل 2011 بواسطة عبد الله غريب

[doudy]

و الله اللى بنقراه شىء جميل بصراحة

بس عقلى ش قادر يصدق اللى بيعمله عصاتم شرف

مش عارفة ليه مش مرتاحة له و حاسة انه بيعمل حملة انتخابية

بس بالمستخبى

يلا بكرة نشوف و نسمع و كله يبان على حقيقته

يا رب انت خلاف الظنون

[عبد الله غريب]

و الله اللى بنقراه شىء جميل بصراحة

بس عقلى ش قادر يصدق اللى بيعمله عصاتم شرف

مش عارفة ليه مش مرتاحة له و حاسة انه بيعمل حملة انتخابية

بس بالمستخبى

يلا بكرة نشوف و نسمع و كله يبان على حقيقته

يا رب انت خلاف الظنون

طب يارب يطلع بيعمل حملة انتخابية ..

طالما شغال بضمير ، و بيبذل مجهود حقيقي يكاد يكون مجهود بدني و ليس إصدار قرارات من داخل غرف مكيفة، يعني سفر و لقاءات و تحمل مسؤليات لقضايا حساسة زي موضوع الغاز .. كل داه كلنا شايفينه بنفسنا و داه خلى الواحد (و بتكلم عن نفسي) أشعر إنه مخلص (و لا أزكيه على الله) .. عندي سؤال و محدش يتريق ..

(هو ينفع يترشح؟) و لا بتوع المرحلة الانتقالية مينفعشي يترشحوا؟

[أحمد سيف]

على قد ما أنا مبهور بتواضع ونزاهة وإنسانية الدكتور عصام شرف

على قد ما أنا خايف اننا ننشغل بمتابعة الجزئيات البسيطة من نوعية انه أكل فول عند التابعي ولا دفع مخالفة مرور وننسى الأهم وهو الأداء السياسي للحكومة ... خصوصا فيما يتعلق باستكمال تنفيذ مطالب الثورة

الدكتور عصام خسر جزء كبير من رصيده لدى الناس بتغييرات المحافظين الخاطئة فأتمنى أن يستعيد هذا الرصيد بإصلاح خطئه وليس بمثل هذه الأخبار التي يقصد بها دغدغة مشاعر الناس وكسب تعاطفهم دون إنجاز الإصلاح المطلوب.

[fatfouta]

فاكرين مسلسل سكة الهلالى....بخاف قوووى لما ييجى فى بالى المسلسل ده

[jasmin hamed]

بروباجندا مش عجبانى

لو حدث ما سبب النشر

[Simba]

جريدة الجمهورية

لسه ماشية بمبدأ التطبيل وخلاص

ديل الجورنان عمره ما يتعدل

[عبد الله غريب]

فاكرين مسلسل سكة الهلالى....بخاف قوووى لما ييجى فى بالى المسلسل ده

أيه اللي حصل فيه ؟

[عبد الله غريب]

يا جماعة أنا شوفت من شوية مواضيع كتيرة هنا في المحاورات بتتكلم عن دكتور عصام شرف، و يمكن شعرت إن الاخبار اللي بتنزل عنه كتيرة .. و دي كانت أول مرة ألاحظ داه لأني %90 من معلوماتي باخدها من المنتدى علشان وقتي مش بيسمح قوي بالمتابعة الكبيرة، و لذلك ردود فعلي عن أي شئ بتكون مبنية عن الأخبار اللي بقراها هنا بشكل رئيسي، و كتير باقعد كام يوم و ممكن اسبوع مادخلش و لما ادخل بشوف المواضيع النشطة و اللي كان دايما (خصوصاً خلال الأسبوعين الماضيين) فيها موضوع او اتنين عن دكتور عصام شرف و بصراحة كل أخباره اللي صادفت دخولي المنتدى عجبتني جداً بس بدون ما افكر إنها ممكن تكون مقصود إنها تتنشر بكثافة .. لغاية النهارده لما لقيت ردود بعض الأخوة و الأخوات بالمنتدى بتشير بطريقة واضحة إن فيه دعاية له، و دي استغربت لها لكن لما قرأت كم العناوين التي بها ذكر اسمه بدأت أفكر .. و قولت لما أبوح لكم بتساؤلتي يمكن حد يقول حاجة تنور الطريق .. هل فعلاً فيه تركيز مبالغ فيه على أخبار دكتور عصام؟ أم أنه عادي و من الطبيعي ان يتم ذكره بكثرة لو كانت هذه الأخبار صحيحة و خاصة إذا كانت متعلقة بأمور سياسية و سفريات و لقاءات و قرارات من السهل مشاهدة أنها حقيقية و يتم تنفيذها، و ليست من نوعية الأخبار المرسلة التي لا يمكن التاكد من حدوثها.

تم تعديل 22 أبريل 2011 بواسطة عبد الله غريب

[masrymasry]

و الله اللى بنقراه شىء جميل بصراحة

بس عقلى ش قادر يصدق اللى بيعمله عصاتم شرف

مش عارفة ليه مش مرتاحة له و حاسة انه بيعمل حملة انتخابية

بس بالمستخبى

يلا بكرة نشوف و نسمع و كله يبان على حقيقته

يا رب انت خلاف الظنون

بيتهيألي حتى لوبيعمل بروباجندا علشان الرئاسه ، مفيش مشكله بس أهم حاجه يكون على قد المسئوليه - ونشوف مصر أفضل

[Om Zayd]

الاخبار دي سلاح ذو حدين

من ناحية بتحسس الناس انه زيهم و منهم و ليس فوق القانون

يعني قدوة صالحة

و من ناحية تانية التركيز عليها فقط ممكن يشغل الناس عن متابعته و مساءلته ان اخطأ او قصر

ربنا يهديه و يهدينا للخير

و يوفقنا نبني مصر جميلة .. حرة .. قوية

يا رب