قضية انا مألفها ومستنى رأيكم فيها

[محمد حامد الغنام]

القضية عباره عن

قصه بسيطه

هيا عربيه مكروباس

مكونه من 14 راكب

المهم والعربيه وهيا ماشيه فى الطريق

فالمهم

واحد من الركاب

حس ان فى العربيه مش ماشيه مظبوبه

فى الطريق

فجية الراكب دى قال للسائق

قاله يقف علشان يشوف العربيه فيها ايه

فالسواق خاد فى نفسه مقلب

وطنش كلام الراكب

وبعدها

العربية

وقعت بيهم وعملوا حادثه

ومات فى العربيه 9ركاب من 14 راكب

من ضمن الى عاشوا

كان السواق

ولما عرف الطب الشرعى ان العربيه

كان العجل بتاع العربيه مكنشى متركب صح

فادى دى الى الحادثه دى

لما القضيه دى تعرض على القاضى

فى المحكمه وهيحكم على السواق

هيقول ايه

هيل هيا حادثه متعمد او حادثه خطا

منتظر ارائكم حولين القضية دية

[se_ Elsyed]

لما القضيه دى تعرض على القاضى

فى المحكمه وهيحكم على السواق

هيقول ايه

احكم على السواق بالبراءة لإنه راجل أرزُقي على باب الله

.... ويحكم على مبارك بالإعدام لإنه لم يُعبد او يُسفلت الطرق بشكل كويس ... وكمان ما بيخليش شرطة المرور يقفوا على الطرقات يفحصوا السيارات اللي بتمر ....

يعني مبارك لابسها لابسها يا معلم

[التونسى]

يعتبر اهمال .. ولو الراكب اللى نصح السواق لسه عايش .. ممكن يشهد عليه بكده .. ويتم محاكمة السائق بالاهمال العمدى .. ومفروض يتعاقب اقصى عقوبه ..لكن لو الراكب مات .. مفيش دليل قوى ممكن يتمسك على السائق ..الا بقى لو كان الراكب نصح السواق قدام باقى الركاب .. لان ممكن ساعتها لومفيش شهود يلقى باللوم على الميكانيكى مثلا انه هو مظبطش العربيه كويس .. وممكن يلقى باللوم على مجهول مثلا .. واحد يعنى لعب فى العربيه بغرض الاذى .. وهكذا

تم تعديل 23 أبريل 2011 بواسطة التونسى

[محمد حامد الغنام]

لما القضيه دى تعرض على القاضى

فى المحكمه وهيحكم على السواق

هيقول ايه

احكم على السواق بالبراءة لإنه راجل أرزُقي على باب الله

.... ويحكم على مبارك بالإعدام لإنه لم يُعبد او يُسفلت الطرق بشكل كويس ... وكمان ما بيخليش شرطة المرور يقفوا على الطرقات يفحصوا السيارات اللي بتمر ....

يعني مبارك لابسها لابسها يا معلم

ههههههههههههههههههههههه

اية علاقة مبارك بالقضية دية

ههههههههههههههه

العيب من عند السواق

اقرا القضية تانى وركز فيها وهتوصل للحل

[التونسى]

لما القضيه دى تعرض على القاضى

فى المحكمه وهيحكم على السواق

هيقول ايه

احكم على السواق بالبراءة لإنه راجل أرزُقي على باب الله

.... ويحكم على مبارك بالإعدام لإنه لم يُعبد او يُسفلت الطرق بشكل كويس ... وكمان ما بيخليش شرطة المرور يقفوا على الطرقات يفحصوا السيارات اللي بتمر ....

يعني مبارك لابسها لابسها يا معلم

ملعوبه يا سى السيدlo:: lo:: lo::

مبارك حيتباع يعنى حيتباع .. واقفل التربااااااس يا عباس:D

تم تعديل 23 أبريل 2011 بواسطة التونسى

[Nileman]

لو ثبت إهمال السائق يحكم عليه 6 شهور سجن عن كل شخص مات يعني اجمالي 36 شهر و الغرامية و حق التعويض لكل قتيل و مصاب و الله اعلم

[Diab]

لو حتي لو حلبت النعام

هياخد اعدام

هياخد اعدام يا بن الغنام

خلص الكلام

والسلام ختام

[محمد حامد الغنام]

هيا القضية صعبة كدة ياجمااااااااااعه

[محمد حامد الغنام]

دلوقتى الحل

ياجماعة

انتوا بتتكلموا على حسب القانون الحالى

الى هو الى بيرتكب جريمه خطا

بياخد

سنه سجن وكمان ممكن

ياخد ايقاف تنفيذ الحكم

دى بالنسبه للقانون الوضعى

امال بالنسبه للقانون او

الشريعه الأسلامية

فطبعا احنا عارفين كلنا

ان الشريعه الاسلامية

بتحكم على الشخص الى قتل قتل خطا

اما بالديه زى

تحرير رقبه زى مالقران قال

عموما ياجماعه

انتوا قولتوا

انه هياخد سنه

طبعا كلامكوا صح

علشان القانون بيقول

كده

ان القتل الخطا عقوبته سنه سجن

وكمان ممكن القاضى يضاعفها

لمده 7 سنين

زى مانتوا ترجعوا بالذاكرة معايه

لما حصل حادثه اتوبيس الى وقع

فى ترعه الأبراهيمية

ومات 50 واحد من الاتوبيس

وعاش يجى خمسه فى الاتوبيس

ومن ضمن الى عاشوا

السواق

لما عرضت القضيه على القاضى فى المحكمه

القاضى حكمه عليه باقصى

مده وهيا 7سنين سجن

لما ترجعوا معايه فى الذاكره

لما حصل ان

المدرس قتل تلميذ فى المدرسه

هو مكنشى يقصد انه يقتله

هو قاصد انه يعاقبة

مش قاصد انه يقتله

كلنا كنا متخيلين ان القاضى

هيديه اعدام

ودى محصلشى

وفجئنا بان القاضى ادله اقصى مدة

للعقوبه وهيا 7 سنين

سجن

ونرجع لموضوعنا

انتوا قولتوا ان

القاضى هيحكم بسنه سجن علشان

قتل خطا

لكن انا لما عرضت القضيه دى على الدكتور

عندنا فى الكلية

قلى

ان القضيه دى القاضى هيحكم فيها

سبع سنين سجن

وقال القاضى من نفسه زعلان

علشان العقوبه دى

القاضى لو كان فيه بند فى القانون

يقسى العقوبه اكتر من دى

كان هيقول العقوبه الأشد

وياجماعه

احنا عندنا فى القانون

بندا للرجرائم العمدية

و

بند للجرائم الخطا

معندناشى بندا بين الاتنين

وهو

الجرائم الغير العمدية

المفروض قضيه زى

القضيه الى معنا دى

تندرج تحت بند الجرائم الغير عمدية

وتكون عقوبتها قاسية

لان جريمه زى الى معنا دى

لازم تكون عقوبتها رادعه

اتمنى تقيم واحد للحل الى انا عملتة

تحياتى

[عنبو]

التشبيه بتاعك مش صح يا محمد

التشبيه الصحيح يا محمد ان واحد عنده محظة مياه وبيبع مياه للناس

جت وطبعا المياه فى الاول كانت مطابقه للمواصفات WHO

وبعدين لانه مش بيعمل صيانه للمحطه فضلت جودة المياه تقل تقل تقل لحد لما بقت سامه وهو عارفه انها سامه

الا انه استمر فى انه يبيع الناس المياه الغير صالحه للشرب

لحد لما بقت فى المكان اليى بيبع فيه المياه اعلى نسبة فشل كلوى واعلى نسبة فشل كبدى

وفيه حوالى الاف ماتوا بسبب المياه وهو لسه مصمم انه يبيع المياه الفاسده دى

تفتكر ده القاضى هيحكم عليه بايه

تحياتى

عنبو

[amgadibrahim]

سواق ميكروباص

وعجل مش كمتركب صح

و 9 ماتوا

وسنة حبس

معلش ممكن حد يفكرني هو ممدوح اسماعيل اللي تسبب بعبارته في موت 1200 شخص غرق حرق وطعام لأسماك القرش غير اللي ماتوا من الرعب

فكروني كده خد كام سنة سجن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[محمد حامد الغنام]

التشبيه بتاعك مش صح يا محمد

التشبيه الصحيح يا محمد ان واحد عنده محظة مياه وبيبع مياه للناس

جت وطبعا المياه فى الاول كانت مطابقه للمواصفات WHO

وبعدين لانه مش بيعمل صيانه للمحطه فضلت جودة المياه تقل تقل تقل لحد لما بقت سامه وهو عارفه انها سامه

الا انه استمر فى انه يبيع الناس المياه الغير صالحه للشرب

لحد لما بقت فى المكان اليى بيبع فيه المياه اعلى نسبة فشل كلوى واعلى نسبة فشل كبدى

وفيه حوالى الاف ماتوا بسبب المياه وهو لسه مصمم انه يبيع المياه الفاسده دى

تفتكر ده القاضى هيحكم عليه بايه

تحياتى

عنبو

- والله استاذى الفاضل

- هو المثال الى انته جبتة شبية بالمثال بتاعى بالظبط فى القضية

لكن الأختلاف بين المثال فى القضية والمثال بتاعك

ان السائق فى العربية كان متأكد بأن العربية سليمة %

وعلشان كدة ملتفتشى لكلام الراكب

______________________

اما المثال الى حضرتك ذكرتة

يختلف تماااااااما عن المثال فى القضية

فالفرق بين الأتنين

(( الأول مكنشى عارف ودى يعتبر قتل خطا حسب القانون )) دة فى المثال فى القضية

لكن الشخص الى انته جبتة فى مثالك

هو كان يعرف تماما بان هذة المياة ليست صالحة

وفى هذة الحالة

لا يعتبر قتل خطا

بل هو قتل عمد

(( اما الأعدام شنقا او المؤبد ))

وهذا راى الشخصى

تحياتى لشخص حضرتك الفاضل

[محمد حامد الغنام]

سواق ميكروباص

وعجل مش كمتركب صح

و 9 ماتوا

وسنة حبس

معلش ممكن حد يفكرني هو ممدوح اسماعيل اللي تسبب بعبارته في موت 1200 شخص غرق حرق وطعام لأسماك القرش غير اللي ماتوا من الرعب

فكروني كده خد كام سنة سجن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا اعرف ان اغلب الناس تعتبر أن الطريقة التي أديرت بها عمليه المحاسبة في كارثة العبارة مازالت تجد لدى الناس بشكل عام اصدءا غير ايجابيه

..وحتى بعد إن دارت عجله القانون وصدر الحكم ضد صاحب العبارة فأنهم لايقتنعون بان ماجرى كان كافيا بالشكل الملائم

بس بتهيئلى هو خاد 7 سنين سجن

كقتل خطا على حسب القانون

[capitshino]

اعدام للسائق

اعدام لل 5 راكبيين الباقيين

اعدام لمحمد محمد الغنام

[محمد حامد الغنام]

ويحكم على مبارك بالإعدام لإنه لم يُعبد او يُسفلت الطرق بشكل كويس ... وكمان ما بيخليش شرطة المرور يقفوا على الطرقات يفحصوا السيارات اللي بتمر ....

- فهمتك

انته بتقارن عمربن الخطاب بمبارك

عموما مبارك مش موضوعنا فى القضية دية

وانا مش عاوز اتكلم عنه

علشان مزعلشى الأعضاء الجمال منى

والقضاء هو الى بيقول حكمة

لكن يلح عليا شئ اود ان اذكرة بخصوص هذا الشأن ذكرنها فى مشاركات قبل كدة فى المنتدى هنا

فمن ناحية لايمكن الوثوق بان مقوله خليفة المؤمنين عمر ابن الخطاب حول مسئوليته عن الناقة التي يمكن أن تعثر في العراق

قد طبقت بخلاف كونه رضي الله عنه قد أعلن مافيها من مبدأ يريد أن يطبقه على نفسه ..وبغض النظر عن المقارنة مع العصر الحالي فان سيدنا عمر لم تكن لديه الأدوات الكافية لكي يحيط ويلم بأحوال كل العباد في كافه اسقاع الولايات الاسلاميه التي كان يديرها ..ومن ثم افهم أن ماقال رضي الله عنه كان يقصد به إرساء المبدأ قبل أن يكون هدفه هو التطبيق العملي لذلك المنطق .

ومن ناحية فان العصر الحديث قد أدى إلى نشوء انظمه تتوزع فيها المهام مابين السلطة المركزية والسلطات المحلية المختلفة ..وبحيث يكون لكل منها مهامه ..كل بقدره .. وفى كثير من الدول التي تتبع النظام الفيدرالي لايكون للحاكم تدخلا في شئون الولايات الخاصة كما هو الحال مثلا في الولايات المتحدة ..كما إننا في مصر نسعى إلى أن تكون هناك أعباء اقل على السلطة المركزية ونحاول فك الاشتباك العتيد بين المركزية وزيادة مهام السلطات المحلية..لان الناس في المحافظات تعانى من انشغال السلطة المركزية بعيدا عن تفصيلات حياتها

ومن ناحية فان سيدنا عمر تحدث عن أن الله هو الذي سوف يحاسبه عن تلك الناقة التي يمكن أن تكون قد عثرت في العراق..في حين أننا لايمكن أن نقبل اليوم بحاكم يكون حسابه عند الله وحده ..هذه مسالة تخصه بينه وبين الله ..ولكن في العصر الحديث لايكون مطلوبا منا انتظار أن يعاقب الحاكم من السماء ..وإنما نحن نحاسبه بأساليب مختلفة من بينها التصويت في الانتخابات ..فمن لم يفلح كان أن واجهه التصويت المضاد..وكان أن روجع من مجلس الشعب ومن مختلف آليات المحاسبة العصرية

هل يكون على الرئيس مثلا أن ينهى مقابله مع احد رؤساء الدول ..أو حتى يؤجلها لأنه قد جاءته إخباريه عن مواطن يسرق الدقيق في احد المخابز ..فيتنكر ويسير بين الطرقات إلى أن يصل لمكان الواقعة..

ومن ثم يضبط هذا الشخص ..ويقيم عليه الحد ؟ بالتأكيد هذا كلام خيالي ..غير انه كان يحدث فيما مضى من زمن..وهل يكون على الرئيس – اى رئيس – أن يسير بين الناس مثله مثلهم ..يترجل ..ويراه رسل الملوك في فقر مدقع ؟ من المؤكد أن هذا غير مقبول اليوم ..بل أن الرئيس – اى رئيس – حين يقوم بذلك فانه يعرض امن البلد للخطر لأنه يعرض أمنه الشخصي للتهديد ..وحين يتعرض هو للتهديد فان استقرار البلد يتعرض بدوره للاهتزاز ..ويكون مخلا بمسئولياته لو انه فعل

انا عارف أن ثقافتنا العامة ، تلك التي يعبث بها بعض خطباء المنابر ، والذين يقودون الناس إلى عصور غابرة لن تعود ، تحتاج إلى مزيد من الإنضاج والتوعية ، وإفهام الراى العام أن هذا النموذج الذي يسوق بينهم على انه خلاصه العدل والأمان والاستقرار ..

إذا ماطبقنا الحكم على طريقه خليفة المؤمنين عمر ابن الخطاب ..هو نموذج بعيد وغير قابل للتطبيق العصري ..

بل أن تطبيقه قد يكون مشكله كبيره لأنه لايتوائم إطلاقا مع متغيرات العصر وتعقيدات المجتمعات

[shawshank]

فمن ناحية لايمكن الوثوق بان مقوله خليفة المؤمنين عمر ابن الخطاب حول مسئوليته عن الناقة التي يمكن أن تعثر في العراق

قد طبقت بخلاف كونه رضي الله عنه قد أعلن مافيها من مبدأ يريد أن يطبقه على نفسه ..وبغض النظر عن المقارنة مع العصر الحالي فان سيدنا عمر لم تكن لديه الأدوات الكافية لكي يحيط ويلم بأحوال كل العباد في كافه اسقاع الولايات الاسلاميه التي كان يديرها ..ومن ثم افهم أن ماقال رضي الله عنه كان يقصد به إرساء المبدأ قبل أن يكون هدفه هو التطبيق العملي لذلك المنطق .

ومن ناحية فان العصر الحديث قد أدى إلى نشوء انظمه تتوزع فيها المهام مابين السلطة المركزية والسلطات المحلية المختلفة ..وبحيث يكون لكل منها مهامه ..كل بقدره .. وفى كثير من الدول التي تتبع النظام الفيدرالي لايكون للحاكم تدخلا في شئون الولايات الخاصة كما هو الحال مثلا في الولايات المتحدة ..كما إننا في مصر نسعى إلى أن تكون هناك أعباء اقل على السلطة المركزية ونحاول فك الاشتباك العتيد بين المركزية وزيادة مهام السلطات المحلية..لان الناس في المحافظات تعانى من انشغال السلطة المركزية بعيدا عن تفصيلات حياتها

ومن ناحية فان سيدنا عمر تحدث عن أن الله هو الذي سوف يحاسبه عن تلك الناقة التي يمكن أن تكون قد عثرت في العراق..في حين أننا لايمكن أن نقبل اليوم بحاكم يكون حسابه عند الله وحده ..هذه مسالة تخصه بينه وبين الله ..ولكن في العصر الحديث لايكون مطلوبا منا انتظار أن يعاقب الحاكم من السماء ..وإنما نحن نحاسبه بأساليب مختلفة من بينها التصويت في الانتخابات ..فمن لم يفلح كان أن واجهه التصويت المضاد..وكان أن روجع من مجلس الشعب ومن مختلف آليات المحاسبة العصرية

هل يكون على الرئيس مثلا أن ينهى مقابله مع احد رؤساء الدول ..أو حتى يؤجلها لأنه قد جاءته إخباريه عن مواطن يسرق الدقيق في احد المخابز ..فيتنكر ويسير بين الطرقات إلى أن يصل لمكان الواقعة..

ومن ثم يضبط هذا الشخص ..ويقيم عليه الحد ؟ بالتأكيد هذا كلام خيالي ..غير انه كان يحدث فيما مضى من زمن..وهل يكون على الرئيس – اى رئيس – أن يسير بين الناس مثله مثلهم ..يترجل ..ويراه رسل الملوك في فقر مدقع ؟ من المؤكد أن هذا غير مقبول اليوم ..بل أن الرئيس – اى رئيس – حين يقوم بذلك فانه يعرض امن البلد للخطر لأنه يعرض أمنه الشخصي للتهديد ..وحين يتعرض هو للتهديد فان استقرار البلد يتعرض بدوره للاهتزاز ..ويكون مخلا بمسئولياته لو انه فعل

انا عارف أن ثقافتنا العامة ، تلك التي يعبث بها بعض خطباء المنابر ، والذين يقودون الناس إلى عصور غابرة لن تعود ، تحتاج إلى مزيد من الإنضاج والتوعية ، وإفهام الراى العام أن هذا النموذج الذي يسوق بينهم على انه خلاصه العدل والأمان والاستقرار ..

إذا ماطبقنا الحكم على طريقه خليفة المؤمنين عمر ابن الخطاب ..هو نموذج بعيد وغير قابل للتطبيق العصري ..

بل أن تطبيقه قد يكون مشكله كبيره لأنه لايتوائم إطلاقا مع متغيرات العصر وتعقيدات المجتمعات

متفق مع كل حرف من كلام حضرتك، ويتفق معنا فيه عبد الله كمال.

تحياتي.

[Folana]

السلام عليكم..

الفاضل محمد الغنام...

تم نقل موضوعك هذا الى منتدى موضوعات خفيفة

شاكرين حسن تعاونك

عن فريق الاشراف

[capitshino]

السلام عليكم..

الفاضل محمد الغنام...

تم نقل موضوعك هذا الى منتدى موضوعات خفيفة

شاكرين حسن تعاونك

عن فريق الاشراف

ناقص حكم

اعدام للفاضلة فولانه علشان نقلت المحاكمة

[Folana]

ناقص حكم

اعدام للفاضلة فولانه علشان نقلت المحاكمة

السلام عليكم ورحمة الله...

أنا كنت ناوية أنقلها شرم الشيخ ..بس قلت انتظر أما اشوف نتيجة التحقيق حترسى على ايه...

وان شاء الله إعدام جماعى...:)

[ozoozo]

انت تاني

طب برضه

اي اي اي اي