الإمارات توقف تأشيرات العمل لبعض للمصريين فى ابو ظبى..

[عنبو]

السلام عليكم

طيب ياجماعة الخير ، يامن تعملون بالسعودية ودول الخليج ، وأخص منكم الشباب من هم دون الخامسة والأربعين

ايه رأيكم فى ظل الحركات اللى كل يوم والتانى بنسمع عنها والتهديد ولوي الذراع وتخفيضات المرتبات ،

ايه رأيكم بدل وجع القلب ده كله ، وبدل الخوف والرعب على قطع العيش ، ايه رأيكوا تشتغلوا لحساب نفسكوا وتبقوا انتوا رؤساء مجالس إدارة اشغالكم.

ايه رأيكم بدلا من وضع تحويشة العمر فى الخرسانات ، تعملوا مشروعات مشتركة وكل مجموعة حسب تخصصاتها ويكون معاهم حد متخصص فى عمل دراسات الجدوى وتعملوا مشروعات داخل الوظن ، منها تكفيكم قلق الاشاعات ، ومنها يبقى كل مجموعة منكم رؤساء انفسهم ، ومنها تشغيل بعض الأيدي العاملة.

مش عايز حد يستغرب من كلامي ، كون انك تكون صاحب عمل دى ميزة كبيرة ميعرفهاش إلا اللى مارسها ، بس المهم تشتغل صح وبعد عمل دراسة للمشروع ، وكلما كان مشروعك متفردا كلما ازدادت فرص النجاح والصعود.

وأعتقد انها قد تكون فرصة لن تعوض ان تبحثوا عن فرص الإستثمار فى الوقت الحالي فقد تكون هناك تيسيرات جيدة.

فكروا فى الموضوع ومش حاتخسروا.

فكره ممتازه كان واحد قريبى اقترحها على مجموعه من الشباب كانوا مسافرين الخليج وكل واحد فيهم

دافع يجى تلاتين الف ورايحين على فيز حره يعنى رايح للمجهول لصابت لاتنين عور زى لما بيقولوا

وقالهم احنا دلوقتى معانا حوالى 500 الف نفتح بيهم مشروع هنا وقالهم على المشروع

وقريبى ده ولله الحمد راجل اعمال ناجح الحمد لله بس للاسف معسموش كلامه بس

تخيل لو سمعوا كلامه كان زمانهم دلوقتى اصحاب شغل ودى لوحدها تفرق كتير

السفر لو مجاش ببلاش وبعد دراسه ومقارنات الف مره يبقى مالوش لازمه

تحياتى وان شاء الله الفكره محل الدراسه

عنبو

[التونسى]

انا بحزن جدا لما بقعد مع نفسى أتامل احوال اهل بلدى فى الخليج.. ومعظم اللى الواحد بيسمعه .. لا يسر ولا يسعد ..من المعامله الغير جيده التى يلاقونها..الى جانب المرتبات الضئيله .. مقارنة بالجنسيات الاخرى ((انا هنا لا اعمم طبعا لكن اشير الى ظاهره واضحه )) .. مش بلوم الاخوه فى الخليج .. قد ما بلوم هذا الرجل البغيض مبارك .. اللى حط كرامتنا فى الارض.. سواء داخل بلدنا او خارجها ..

انا بقول.. لو فيه فعلا بدايات ومؤشرات اضطهاد وسوء معامله للمصريين ووضع العقبات امام منح التاشيرات فى الخليج بسبب الثوره وبسبب مبارك ..انا بقول ان على المدى البعيد هما اللى خسرانين.. مش احنا .. ان شاء الله ربنا حيعوضنا وحيكرمنا .. مش مجرد كلام منى فى الهواء .. والله ده تفاؤل مختلط بيقين ..

اللى مضايقنى حقيقى ان الغرب قدر قيمة مصر بعد الثوره ..لكن ده لم يتضح من جانب حكام العرب خصوصا فى الدول الخليجيه للاسف .. الظاهر ان مبارك أعز عندهم من 85 مليون مصرى

اللى يقدر يا جماعه يستغنى عن العمل فى الخليج.. يرجع مصر وربه هنا ربه هناك .. لغاية ما تتضح الصوره والمواقف..واللى بجد يهمه بناء علاقات قويه مع ((شعب مصر)) .. مفروض يبين ده .. والايام حتحكم ....وعلى فكره دول الخليج اصلا ليس دول هجره . لانها لا تمنح الجنسيه .. يعنى اساسا دول غير مامونه .. والواحد مهما عاش فيها ممكن فى لحظه يترحل بدون اى اسباب وبدون ما يطالب باى حقوق مواطنه او خلافه

انا يمكن بكتب اللى بيخطر على بالى .. لكنى حقيقى مستاء جدا جدا .. ومكنتش متخيل الموضوع بالشكل ده .. ربنا يكون فى عونكم ويهونها عليكم ويفتح لكم ابواب رزق فى مصر بعد رحيل اللى ما يتسماش

تم تعديل 25 أبريل 2011 بواسطة التونسى

[Howayda Ismail]

وردت اخبار الان على قناة اون تى فى عن جولة عصام شرف فى الخليج اليوم وتبدأ الجولة من الرياض

سيلتقى فيها بكبار المسئولين السعوديين وتتضمن لقاءته مقابلة وفد من الجالية المصرية هناك

ولم ترد انباء حول زيارته الامارات

[akramgroup]

انا عاوز احكى على موقف حصل معايا شخصيا امبارح

امبارح كنت فى مكتب الاستقدام لعمل زيارة لوالدى ووالدتى

واكتشفت هناك ان وزارة الخارجيه اللى كانت اسهل مكان تعمل منه الزيارة

حولت كتير من المعاملات الى مكتب الاستقدام وبقى اللى بيروح الخارجيه بيقولوله روح هات تصريح زيارة

من مكتب الاستقدام الاول

وقابلت ناس كتير هناك مستغربه الموقف ده واكدولى انهم دايما بيتعاملوا مع الخارجيه على طول واول مرة يتطلب منهم الكلام ده

المهم دخلوا على الشباك والراجل قالهم مفيش حاجه اسمها تصريح زيارة احنا نعملها ولو عاوزين زيارة

اعملوا ملف بالمطلوب كله وتعالوا قدموه واللى مسموحله بالزيارة فقط هو اللى يقدم

مش عارف دى حاجه طبيعية ولا ده كله تهيئات ومفيش حاجه ودى كلها اشاعات

تم تعديل 25 أبريل 2011 بواسطة akramgroup

[MZohairy]

اللي ما يعرفش قيمة نفسه...محدش هيعرف قيمته

[لماضة مصرية جدا]

السلام عليكم و رحمة الله و بركاته

طب لغاية النهاردة مافيش مصدر اماراتي رد علي الخبر.....و ده كده مش كويس....(انا اتعصبت)

اذا كانت الامارات او غيرها من دول الخليج بتحط علي راس القائمة مصالحها الشخصية و مكاسبها السياسية يبقي الاولي ان مصر تعامل الكل بالمثل

و دور مصر الاقليمي مش هيجي من الطبطبة علي دول الخليج...هيجي من وجود مواقف واضحة لا تقبل المساومة

دكتور عصام شرف يحدد بالظبط سياسة واضحة للتعامل مع مش دول الخليج و بس كل العالم و الاهم منقعدشي نطبطب لا نشوف احنا مصلحتنا ايه و ايه اللي يرفع مصر و يعليها مش يجرها لورا

بس ملحوظة مش قادرة امنع نفسي منها.....اداء السفارات المصرية فترة الثورة....(بتكلم عن سفارتي في البلد اللي انا فيها)....محتاج محاسبة شديدة

لاحظت في الصفحات اللي فاتت...انكم بتتكلموا عن العمالة المصرية...(ما تفتحوا ليه توبيك)

مش هتكلم عن مميزاتنا بالمقارنة مع اي عمالة تانية...لانه هيكون نوع من التعميم

بس السؤال يا تري في خطة "ما بعد الثورة"....بند واضح لاستيعاب السوق المصري للعاملة المصرية في الخليج في حالة اذا ما اضطرتنا الظروف ان احنا ناخد قرار بالرجوع

و خصوصا العمالة دي تعتبر مصدر مهم للدخل القومي

انا شخصيا ماليش اي مكان في الجامعة....و تربسوا عليها بمليون قفل...و اذا شلت شنطتي من الخليج...فالي بريطانيا باذن الله

او هضطر اغير المجال تماما.....و ساعتها مش هدرس و لا اعافر غير في مصر

و نبتدي من اول و جديد

و الله المستعان

[se_ Elsyed]

مواقف صبحت تتسم بالغرابة من القيادة الإماراتية اللي كلنا كنا نحبها ونحب شعبها وذلك لإحترامنا للقائد الشيخ زايد رحمه الله

لكن هل ما بناه الشيخ زايد على مدار سنوات طويلة .. هل سيهدمه الأبناء ؟

- عبد الله بن زايد وزير الخارجية الإماراتي يمكن كان أول مسئول يزور مبارك في أواخر أيامه قبل خلعه وكانت زيارة غامضة ولم يتم الإفصاح عن سببها أو ما دار في الزيارة .

- الأن الإمارات ممتعضه لإقتراب محاكمة مبارك وتسريبات عن تهديدات غير مسئولة .. هما مش بصراحة مش قدها .. لإن زي ما أحنا عارفين إن المستغطي بامريكا فهو عريان ...

- الإمارات الأن تهدد اليمن أيضاً لمنع محاكمة علي عبد الله صالح الذي سقطت شرعيتة

- الإمارات أمس بتعمل حركة غريبة جداً ...

شوفوا كده

الإمارات: مع سورية قيادة وشعباً !

الأحد, 24 أبريل 2011 22:37

وكالات

أعلنت الإمارات الأحد وقوفها إلى جانب سورية قيادة وشعباً في مواجهة الأزمة التي تمر بها.

وذكرت وكالة الأنباء السورية "سانا" ان الرئيس بشار الأسد تسلم رسالة من رئيس دولة الإمارات الشيخ خليفة بن زايد آل نهيان "تتعلق بالتطورات الجارية في المنطقة ووقوف الإمارات إلى جانب الشعب والقيادة السورية لتجاوز هذه المرحلة التي تمر بها سورية".

وذكرت أن وزير خارجية الإمارات الشيخ عبد الله بن زايد آل نهيان قام بتسليم الرسالة لدى لقائه الأسد اليوم بحضور وزيرالخارجية وليد المعلم.

وتناول اللقاء تطورات الأحداث التي تشهدها سورية وجملة الإصلاحات الشاملة التي تقوم بها القيادة السورية إضافة إلى الوضع في منطقة الخليج العربي وخاصة في البحرين واليمن.

وكأن من يموتون هناك بالمئات دول مجرد كلاب ضالة ولا يستحقون كملة شجب أو إدانة أو تعاطف

[capitshino]

طيب هو الموضوع حاليا اكيد ولا لا؟

حتى الان على المستوى الرسمى مش ظاهر حاجة ولو ان اكيد فى خلافات غير مفهومة السبب

عموما انا كنت منتظر موضوع الضغط على الحكومة المصرية من دول تانية غير الامارات .

[الغريب]

مواقف صبحت تتسم بالغرابة من القيادة الإماراتية اللي كلنا كنا نحبها ونحب شعبها وذلك لإحترامنا للقائد الشيخ زايد رحمه الله

جايز السبب أن الإمارات تعرضت لإحتجاجات داخلية بعد الثورة المصرية ، وهددت بسحب الجنسية الإماراتية من كل من ينوى المشاركة فيها ؟؟

تم تعديل 25 أبريل 2011 بواسطة الغريب

[لماضة مصرية جدا]

مواقف صبحت تتسم بالغرابة من القيادة الإماراتية اللي كلنا كنا نحبها ونحب شعبها وذلك لإحترامنا للقائد الشيخ زايد رحمه الله

لكن هل ما بناه الشيخ زايد على مدار سنوات طويلة .. هل سيهدمه الأبناء ؟

- عبد الله بن زايد وزير الخارجية الإماراتي يمكن كان أول مسئول يزور مبارك في أواخر أيامه قبل خلعه وكانت زيارة غامضة ولم يتم الإفصاح عن سببها أو ما دار في الزيارة .

- الأن الإمارات ممتعضه لإقتراب محاكمة مبارك وتسريبات عن تهديدات غير مسئولة .. هما مش بصراحة مش قدها .. لإن زي ما أحنا عارفين إن المستغطي بامريكا فهو عريان ...

- الإمارات الأن تهدد اليمن أيضاً لمنع محاكمة علي عبد الله صالح الذي سقطت شرعيتة

- الإمارات أمس بتعمل حركة غريبة جداً ...

شوفوا كده

الإمارات: مع سورية قيادة وشعباً !

الأحد, 24 أبريل 2011 22:37

وكالات

أعلنت الإمارات الأحد وقوفها إلى جانب سورية قيادة وشعباً في مواجهة الأزمة التي تمر بها.

وذكرت وكالة الأنباء السورية "سانا" ان الرئيس بشار الأسد تسلم رسالة من رئيس دولة الإمارات الشيخ خليفة بن زايد آل نهيان "تتعلق بالتطورات الجارية في المنطقة ووقوف الإمارات إلى جانب الشعب والقيادة السورية لتجاوز هذه المرحلة التي تمر بها سورية".

وذكرت أن وزير خارجية الإمارات الشيخ عبد الله بن زايد آل نهيان قام بتسليم الرسالة لدى لقائه الأسد اليوم بحضور وزيرالخارجية وليد المعلم.

وتناول اللقاء تطورات الأحداث التي تشهدها سورية وجملة الإصلاحات الشاملة التي تقوم بها القيادة السورية إضافة إلى الوضع في منطقة الخليج العربي وخاصة في البحرين واليمن.

وكأن من يموتون هناك بالمئات دول مجرد كلاب ضالة ولا يستحقون كملة شجب أو إدانة أو تعاطف

\

طب كده يبقي بشار خلاص بالسلامة

اصل وزير الخارجية الاماراتي لما زار مبارك...بعديها ع طول اخد استمارة ستة

ع هامش بشرة الخير

حضرتك سمعت ان فيه ناشط حقوقي إماراتي تم القاء القبض عليه لمجرد انه طلع و قال في المكرفون انه بيبارك لثورة مصر و من قبلها تونس و دعالهم بالثبات

الراجل مقالشي حاجة تانية

هما خايفين ليه من "تصدير الثورة"؟؟؟؟

[مسافر]

اولا لابد من تقنين تأشيرات الزيارة للقادمين من الدول الثائرة

خشية انتقال العدوى لهذه الشعوب وهذا ليس عيبا

فأي بلد يهمها الاستقرار

ثانيا ما هي الا بالونات اختبار

وفي ظل تربص ايران الان بدول الخليج وخصوصا بعد مظاهرات البحرين

من الصعب جدا نصب العداء مع الدول العربية الاخرى

[se_ Elsyed]

تصدير الثورة .....؟؟؟؟؟؟؟؟؟؟؟؟؟؟؟؟؟؟؟

هي لسه الأفكار المتخلفة دي معششة في عقول بعض الحُكام ؟

لا مؤخذة الثورة مش جبنة رومي بتتلف وبعدين تتصدر

الثورة معروف إنها مش هدف في حد ذاتة ...

والمعادلة هي 1+1 = 2 ... لا خمستشار ولا خمسة وعشرين

يعني إنت حاكم عادل وبتحكم بما يرضي الله .. يبقى هاتخاف من التصدير والإستيراد ليه ؟

وده نفس رأيي اللي بيقول : معليش برضوا .. ما تنكرش إن في أيادي أجنبية لا تًريد الإستقرار للدول اللي قامت بها ثورات

وأقول لهم : في مثل بلدي بيقول " اللي يربط في رقبته حبل .. الف مين يسحبه "

أما الإنسان الحُر ... واللي بيشتغل عشان بلده .. وبيشتغل عشان شعبه .. فلماتقوم ضده مليون ثورة ... فشعبه هو هايكون حائط الصد الأول ضد أي عدوان

[سكر]

أكد تامر منصور، سفير مصر لدى دولة الإمارات العربية المتحدة، عدم وجود قرار إماراتي برفض منح تأشيرات العمل للمصريين، موضحاً أن عددا من المصريين لا يتجاوز 10 أفراد توافد على السفارة خلال الأيام الماضية، واشتكى من رفض السلطات منحه التأشيرة، فقامت السفارة بإجراء اتصالاتها مع المسئولين الإماراتيين الذين أكدوا عدم وجود مثل هذا القرار.

وأوضح السفير منصور – في مداخلة مع برنامج الحياة اليوم يوم الأحد، أن لكل دولة سيادة وأن تقرر شروط منح تأشيرات العمل، لكنه في المقابل السفارة تتواصل بشكل دائم ومستمر مع السلطات الإماراتية للتعرف على أسباب رفضها منح التأشيرة لأى مصري يلجأ إليها.

وكان عدد من المصريين أكدوا أن الإمارات ترفض منح تأشيرات عمل للمصريين كما رفضت تحويلهم من كفيل إلى كفيل اخر ورفضت ايضا تجديد الاقامة وإعطاءهم تصاريح للعمل، كما رفضت تحويل التأشيرات التي اعطتها قبل 25 يناير من تأشيرات زيارة الى تأشيرات دائمة، رغم حصول أصحابها على أعمال ثابتة وتقاضيهم أجوراً طوال الأشهر الثلاثة الماضية، وذلك في خطوة تصعيدية مفاجئة وغير مسبوقة في تاريخ العلاقات بين البلدين.

وبررت مصادر بالإدارة العامة للإقامة وشؤون الأجانب بأبوظبي ذلك بعدم الاستقرار الذى تشهده مصر بعد ثورة 25 يناير وانها لم تستطع ان تستفسر عن الاشخاص الراغبين في العمل لديها على الوجه الأكمل، وما إذا كانوا مطلوبين في قضاياً، أو لديهم ما يمنعهم من العمل بالدولة، وان الهدف من القرار هو حماية دولة الامارات من دخول أشخاص قد يهددون امن الدولة وغير مرغوب فيهم بها.

في الوقت نفسه أكد مصدر إماراتي رسمي، طلب عدم ذكر اسمه، أن هناك فتور في العلاقات بين البلدين بسبب عدم وضوح السياسة الخارجية لمصر بعد 25 يناير، وللإصرار على محاكمة الرئيس السابق حسني مبارك، بالإضافة الى التخوفات الشديدة لدى دول الخليج من التقارب المصري الإيراني، والتصريحات الدبلوماسية بشأن هذا الموضوع.

[hOuSsAm]

انا عاوز احكى على موقف حصل معايا شخصيا امبارح

امبارح كنت فى مكتب الاستقدام لعمل زيارة لوالدى ووالدتى

واكتشفت هناك ان وزارة الخارجيه اللى كانت اسهل مكان تعمل منه الزيارة

حولت كتير من المعاملات الى مكتب الاستقدام وبقى اللى بيروح الخارجيه بيقولوله روح هات تصريح زيارة

من مكتب الاستقدام الاول

وقابلت ناس كتير هناك مستغربه الموقف ده واكدولى انهم دايما بيتعاملوا مع الخارجيه على طول واول مرة يتطلب منهم الكلام ده

المهم دخلوا على الشباك والراجل قالهم مفيش حاجه اسمها تصريح زيارة احنا نعملها ولو عاوزين زيارة

اعملوا ملف بالمطلوب كله وتعالوا قدموه واللى مسموحله بالزيارة فقط هو اللى يقدم

مش عارف دى حاجه طبيعية ولا ده كله تهيئات ومفيش حاجه ودى كلها اشاعات

السلام عليكم

انت عملت الاجراءات دى؟

دخلت على موقع وزارة الخارجية

ومليت ابلكيشن الزيارة وطبعته ووقعته من الكفيل ووثقته من الغرفة التجارية

وتروح وزارة الخارجية تقعد هناك 15 دقيقة ودى اقصى زحمة ياخد منك ابلكيشن الزيارة وصورة الاقامة وصورة شهادة ميلادك ويرد خلال يومين عليك عالنت

لو المهنة تمام فى الاقامة فبنسبة 99% بيوافقوا عالزيارة بدون اى مشاكل

دى كانت الاجراءات لحد ديسمبر اللى فات ولو الوضع اتغير بقى غير كدة يبقى فيه إن واخوتها

تحياتى

[shiko]

صفحة سفارة جمهورية مصر العربية بأبو ظبى

دى صفحة السفارة بس الحقيقة تلاقى فيها شكاوى من اعضاء وقليلا لما تلاقى تواصل من السفارة

[الرويناء]

مافيش تجديد اقامات

او تاشيرات جديده وديه حالات موجوده

ومش بس ابوظبى الشارقه كمان

ومش بس المصريين تونس الجزائر اليمن وفيه جنسيه رابعه مختلفين عليها الاردنين من اصل فلسطين او السوريين

وربنا يستر بس كل النفى من جانبنا احنا بس مافيش اى مسئول اماراتى نفى الخبر حتى الان

[jamalpody]

اللي ما يعرفش قيمة نفسه...محدش هيعرف قيمته

حمد لله علي السلامة يا زعيم

رجاء الشرح الوافي وبلاش شغل التلغرافات ده

انا ادرك ماذا تعني لكن اريدك ان توضح اكثر للقراء

[مغتربة]

الله يرحمك يا سادات

الحركات دى انت الوحيد الى كنت هتعرف تتصرف فيها كما يجب

[لماضة مصرية جدا]

السلام عليكم و رحمة الله و بركاته

و اخيرا طلع الرد من مصدر اماراتي

الإمارات – وليد عثمان :

نفت دولة الإمارات العربية المتحدة تعمدها رفض منح المصريين تأشيرات ردا على محاكمة مبارك ..وقال اللواء ناصر العوضي المنهالي وكيل وزارة الداخلية لشؤون الجنسية والإقامة والمنافذ بالإنابة في وزارة الداخلية الإماراتية ” لا صحة لما تردد حول عدم منح العديد من المصريين الموجودين داخل أراضي الإمارات، تأشيرات عمل، أو نقل كفالة المقيمين من كفيل إلى آخر، أو تجديد الإقامة، أو إصدار تصاريح عمل”.

و كان الموقع الرسمي لاتحاد الإذاعة و التلفزيون المصري والعديد من المواقع المصرية منها البديل نشر خبرا عن تعنت الإدارة العامة للإقامة وشئون الأجانب فى العاصمة الإماراتية أبو ظبي، و رفضها منح العديد من المصريين الموجودين على أراضيها تأشيرات عمل.

وأكد المسئول الإماراتي أن مكاتب تسجيل الجوازات المنتشرة على مستوى الدولة لم تسجل أي ملاحظة رفض لصدور تأشيرات دخول لأشخاص من الجنسية المصرية.

وقال إنه عند استصدار إذن دخول للدولة من أي جنسية لا يتم التنسيق مع الجهات الأمنية في الدول الأخرى بل يتم فقط الكشف عليه داخل الدولة من حيث إذا كان معمماً عليه أو صدر بحقه قرار إبعاد من قبل.

وكان عدد من المصريين في الإمارات قد أبلغوا “البديل” في اتصالات هاتفية ورسائل إلكترونية أنهم حصلوا على رفض لطلبات الحصول على تأشيرات وقالت السفارة المصرية في أبو ظبي عبر صفحتها الرسمية على موقع التواصل الاجتماعي “فيس بوك” ردا على عشرات التساؤلات حول الأمر نفسه: “إن العديد من الشكاوى وصلتها وجار المتابعة مع مختلف الجهات الإماراتية المعنية وعلى أعلى المستويات”.

وقال محمد الهواري مستشار السفير المصري في الإمارات ردا على التساؤلات: “إن التأشيرات ليست موقوفة نهائيا ولكن بالفعل هناك عدد من حالات الرفض أكثر من المعدل الطبيعي وجارى استطلاع الأمر مع مختلف الجهات الإماراتية المعنية التي تؤكد أن الأمور طبيعية وأن حالات الرفض فردية”.

من جانبه قال مهاب نصر القنصل المصري بالإمارات أن الادعاءات حول مواجهة المصريين في الإمارات مشاكل في تجديد الإقامة والتأشيرات لا تستند إلى مصدر رسمي ولم يتم يصدر ذلك عن أي جهة مسئولة بالإمارات

وأكد نصر في اتصاله ببرنامج الحياة اليوم إن القنصلية المصرية في الإمارات طلبت من المصريين بدولة الإمارات الذين واجهوا مشكلات في الإقامة التقدم إلى القنصلية وبالفعل وصل لدينا ما يقرب من 20 مذكرة رسمية من المصريين بالإمارات .. وأشار إلى إن القنصلية خاطبت الجهات المسئولة بهذا الشأن وخلال الأيام القادمة سيظهر رد الخارجية الإماراتية .. و هو ما تم اليوم بالتصريح الإماراتي

مصدر الخبر

جريدة البديل الاحد 25 ابريل

الرابط

http://elbadil.net/الإمارات-تنفي-تعمد-رفض-منح-المصريين-تأ/

[لماضة مصرية جدا]

و آدي خبر كمان

الإمارات: لا تقييد أو رفض لتأشيرات العمل وتجديد الإقامة للمصريين

دبي – فراج إسماعيل

نفت دولة الإمارات العربية المتحدة رسمياً أن يكون هناك تقييد أو رفض لتأشيرات العمل وتجديد الإقامات للمصريين، مؤكدة أن الأمور تجري كالمعتاد ولم يطرأ أي تغيير عما كان قبل ثورة 25 يناير.

فيما أكد السفير المصري في أبو ظبي تامر منصور لـ"العربية.نت" أن العلاقات متينة وقوية بين البلدين، وأن تأجيل زيارة الدكتور عصام شرف للإمارات التي كانت من المقرر أن تتم في إطار جولته الخليجية الحالية، جاء بسبب تعارض ارتباطات المسؤولين في الجانبين، ولذلك ارتأيا تأجيلها لمرحلة لاحقة حتى يتم الإعداد الجيد لها.

وفي بيان رسمي نفى محمد بن نخيرة الظاهري سفير الإمارات في القاهرة ومندوبها الدائم لدى الجامعة العربية ما يشاع عن تقييد ورفض دولة الإمارات العربية المتحدة لاستقدام العمالة المصرية، وما تردد عن حدوث توتر في العلاقات الإماراتية المصرية.

وقال إن علاقة القيادة والحكومة والشعب في دولة الإمارات بقيادة وحكومة وشعب مصر هي علاقة بالغة السمو والرقي والتميز على كافة المجالات والأصعدة.

وأشار السفير إلى أن العلاقات الإماراتية المصرية كانت ولازالت نموذجا مميزا وخاصا وناجحا للعلاقات العربية العربية. وبالنسبة لتأجيل زيارة شرف إلى دولة الإمارات، قال السفير الظاهري إنه من منطلق الحرص المشترك من الإمارات ومصر على مناقشة وطرح كافة الموضوعات المهمة للجانبين أثناء الزيارة، فضلا عن التباحث في سبل تدعيم وتفعيل التعاون الثنائي المميز بين البلدين، فقد اتفق الجانبان على تأجيل الزيارة وليس إلغاؤها على أن يتم تحديد موعد للزيارة في وقت قريب لاحقا.

وأكد سفير الإمارات بالقاهرة أن المرحلة القادمة ستشهد نموا مضطردا في العلاقات الثنائية بين دولة الإمارات ومصر.

كما وزّعت وزارة الداخلية الإماراتية بياناً عبر رسائل الجوال نفت فيه تماما التقارير التي زعمت وقف تأشيرات الإقامة وإصدار تصاريح العمل بالنسبة للمصريين.

وفي حديثه لـ"العربية.نت" قال السفير المصري تامر منصور "إن العلاقات بين البلدين مميزة وتزداد متانة خاصة بعد الثورة، مضيفاً أنه لا صحة لما تردد حول وقف تأشيرات العمل والإقامة، وهذا ما أكده الجانب الإماراتي".

وأشار إلى أن الإشاعات ضخمت حالات فردية لها أسبابها الخاصة بها، وأن كل ما وصله من مصريين من هذه الحالات 15 فقط، ليس بينها أي حالة لتجديد الإقامات أو إصدار تصاريح العمل.

المصدر

http://www.alarabiya.net/articles/2011/04/25/146719.html