اخواننا اقباط مصر .. كل عام وانتم بخير

[باهى الطائر الحزين]

أخونا اقباط مصر الاعزاء

كل عام وانتم بخير

باقة ورد لكل قبطي في مصر من اخوته المسلمين

بمناسبة الاعياد اعدها { الله } عليكم باليمن والبركات

مرة اخرى

كل عام وانتم بخير

[Damo]

كل سنة واقباط مصر كلها طيبين

[م تيمور المراغي]

كل سنة ومصر بمسلميها واقباطها بخير ومحبة وسلام

وده اول عيد يمر علينا ومصر حبيبتنا حرة وبتاعتنا

الحمد لله ,,

[عادل أبوزيد]

تحدثت صباح اليوم لمدة طويلة مع أصدقاء العمر عطالله حنا باخوم من الأقصر و سامى يسى مرقص فى القاهرة و ترجع علاقتى بهم لأكثرمن خمسون عاما مضت.

ما سبق كان إستهلالا لابد منه

و بدأ حوارى مع كل منهم بإعتذارى الشديد عن تهنئتهم بعيد الميلاد المجيد و قلت أنى كنت أشعر بمزيج من مشاعر العار و القهر كنتيجة لأحداث التعدى على الكنائس و كانت الدموع فى عينى و لم أجرؤ على محاثتهم و تهنئتهم بالعيد وقتها و قلت لهم الحمد لله أن ظهر الحق و ظهر جليا دور أمن الدولة فى إفتعال القضايا بكل أنواعها و منها الطائفية.

ثم جرنا الحديث عن الثورة و عن أحداث قنا مع العزيز عطالله الذى إستنكر بشدة ما يحدث و أكد إستغرابه الشديد لما يحدث و قال منذ متى فى قنا قبليات و عصبيات و هو نفسه من مواليد العديسات و عاش عمره بين العديسات و الأقصر و أكد على أنه يرى ضرورة التمسك بهيبة الدولة حتى لو لم يكن المحافظ هو أحسن من يشغل هذا المنصب.

و مع صديقى سامى يسى دار بيننا حوار طويل بعد طلب حقى فى كحك العيد و خلافه تحدثنا عن الثورة و خوفنا الشديد عليها و إفتقار الدولة الآن للحزم و الصلابة فى حماية مكتسبات الثورة و إتفقنا كلنا أن الثورة تمثل معجزة بكل معنى الكلمة .

أحبائى فى الوطن تقبلوا تهنئتى القلبية بعيد القيامة المجيد و أدعوكم كلكم للمشاركة فى الحياة العامة و أرفضوا أى فكر يدعوكم للإعتزال .

عاشت مصرنا الحبيبة و عاشت ثورتنا و تحية لكل الشهداء.

رسالة خاصة : الفاضل سكوربيون نفتقدك كثيرا ...... و مصر محتاجاك و لن أزيد ......

تم تعديل 25 أبريل 2011 بواسطة عادل أبوزيد
إضافة رسالة للفاضل سكوربيون

[Howayda Ismail]

كل عام وانتم بخير

كل عام عيد محبة جديد على المصريين يجمع شملهم ويوحد نسيجهم

[عبير يونس]

كل سنة وكل الإخوة المسيحين في مصر بخير

و أخص بتهنئتي كل إخواني و أخواتي في المحاورات

سكوب باشا ما ينفعش كده

المحاورات وحشة اوي من غيرك

bsh:)

:P

[SoSo R]

إيه ده كله ...أيه ده كله:happy:

برغم ان ماحدش قال اسمى بس قلت اجى ارد ع التهانى برضه يعنى هيا دى الأصول...لكم منى كل الحب و المودة و دى

وبما إن الأمن الغذائى استتب اخيرا

اتفضلوا معانا

حد يجيب حاجة نحلى و حاجة تهضم...يلا عشان ناكل و ننبسط كلنا...اصل انا خلاص هافطس الصراحة:closedeyes:

[لونا]

كل سنة و أهل مصر كلهم..

مسيحيين و مسلمين ..

بخير و أمان و سلام و رخاء

[لماضة مصرية جدا]

إيه ده كله ...أيه ده كله:happy:

برغم ان ماحدش قال اسمى بس قلت اجى ارد ع التهانى برضه يعنى هيا دى الأصول...لكم منى كل الحب و المودة و دى

وبما إن الأمن الغذائى استتب اخيرا

اتفضلوا معانا

حد يجيب حاجة نحلى و حاجة تهضم...يلا عشان ناكل و ننبسط كلنا...اصل انا خلاص هافطس الصراحة:closedeyes:

صحتين علي قلبك يا رب...(وش اي حد جيره رقي....قصدي ريقه جري)

بصي انا مش هسالك انتي بتختفي كده كتير ليه

و مش هسالك انتي مش بتكتبي و بتشاركي زي الاول ليه برضك

و مش هسالك اخباراتك ايه و عاملة ايه في كنكا

و مش هسالك الجو ربيع و الدنيا بديع و يا تري قفلتي علي كل المواضيع....(وش سوعاد و هي بترمي نفسها جوه بوكيه ورد...و بتقول الورد المفتح شوفوا شوفوا)

بس هسالك سؤال واحد بس

و بعدها اقدر اروح اموت و انا مطمنة

الصورة اللي فوق ديت

جولاش باللحمة المفرومة المعصجة بالتوابل و التوم

و لا رقاق برضه بالللحمة المفرومة و مسقي بمرقة البط؟؟؟

كان معكم

لماضة

شهيدة الغربة

كان نفسي آكل جلاش يا جباااااااااااااااارة

كل سنة و انتي احلي من الصينية

كل سنة و انتي احلي من الجلاش

كل سنة و انتي متجمعة مع حبايبك في الخير دايما يا رب

[SoSo R]

حد يجيب حاجة نحلى و حاجة تهضم...يلا عشان ناكل و ننبسط كلنا...اصل انا خلاص هافطس الصراحة:closedeyes:

صحتين علي قلبك يا رب...(وش اي حد جيره رقي....قصدي ريقه جري)

بصي انا مش هسالك انتي بتختفي كده كتير ليه

باختفى كتير عشان مطحونة و الدنيا عمالة تخبط فيا ..وانتى عارفة و عندك فكرة

و مش هسالك انتي مش بتكتبي و بتشاركي زي الاول ليه برضك

لأن الكتابة يا جميل عايزة روقان بال و نفس مفتوحة و إلا هتلاقى إكتئاب و قرف وللأسف أنا محرومة من روقان البال بقالى حوالى السنتين :(

و مش هسالك اخباراتك ايه و عاملة ايه في كنكا

عاملة عيشة يا ختى أحسن ما تسأليش:closedeyes:

و مش هسالك الجو ربيع و الدنيا بديع و يا تري قفلتي علي كل المواضيع....(وش سوعاد و هي بترمي نفسها جوه بوكيه ورد...و بتقول الورد المفتح شوفوا شوفوا)

مفيش ربيع ولا نيلة خشى برجلك اليمين فى عيد الميلاد اللى جنبينا و هتعرفى اللى فيها السنة دى الشتا مطول بزيادة قوى إحتفاءا بدامو اللى هتيجى تسأل بعد شوية يعنى إيه إحتفاء؟!!!!:closedeyes:

بس هسالك سؤال واحد بس

و بعدها اقدر اروح اموت و انا مطمنة

الصورة اللي فوق ديت

جولاش باللحمة المفرومة المعصجة بالتوابل و التوم

و لا رقاق برضه بالللحمة المفرومة و مسقي بمرقة البط؟؟؟

كان معكم

لماضة

شهيدة الغربة

كان نفسي آكل جلاش يا جباااااااااااااااارة

كل سنة و انتي احلي من الصينية

كل سنة و انتي احلي من الجلاش

كل سنة و انتي متجمعة مع حبايبك في الخير دايما يا رب

دى و الله اعلم يا اخت لماضة صينية جلاش باللحمة و هاحكيلك حكايتها..

انا كنت بدور فى عمك جوجل على صورة فتة باللحمة مش الكوارع عشان مش بحبها...

ماتفهميش ليه طلع الجلاش مع صور الفتة...قلت خير خليها عزومة..

ونحط الصورتين...ألاقيلك المنتدى ما رضيش يضيف صورة الفتة و قالك غير مسموح بتحميل هذه اللى مش عارفة إيه ...كلمة عربى مالهاش معنى...

لدرجة فكرت افتح موضوع و احط التنبيه اللى طلعلى لعل خبراء المحاورات يفسروا...

و بعدين قلت ..على إيه الطيب أحسن و بلاش التكاليف...

يلا آدى الحكاية إيدك بأة على طبق فتة بالحمة و الخل و التوم...

وشوية كحك و بيتيفور عشان دول ما لقيتش حد يجيبهماى

بس عارفة يا لمضض اكتر حاجة واحشانى و ما تضحكيش عليا!!!

الجبنة البيضة بتاعة ملاوى و انتى منياوية قديمة واكيد عندك فكرة انا باتكلم عن إيه...

ابقى احكيلك ذكرياتى فى قسم المطبخ بأه....

ما تبعتيلى صفيحة جبنة فى الدى إتش إل

[ريمون]

كل سنه و مصر بخير و الاعضاء و كل احبائهم بكل خير و الف شكر على المعايده اللطيفه

بالمناسبه فين ازو ازو و الصور الفطارى الجامده :P ؟

http://www.egyptiantalks.org/invb/index.php?showtopic=117393&st=0

[ozoozo]

كل سنه و مصر بخير و الاعضاء و كل احبائهم بكل خير و الف شكر على المعايده اللطيفه

بالمناسبه فين ازو ازو و الصور الفطارى الجامده :P ؟

http://www.egyptiant...pic=117393&st=0

انا اهوه

بس للاسف انتم فطرتم وبصراحه مش عارف اعذبكم ازاي

بالمناسبه فين الراجل المختل اللي بيلف علي الكنايس ويقتل المسيحيين في العيد او بيستناهم علي الباب بقنبله او رشاش

ايه مش لاقي اللي يدفعله السنه دي؟

كل سنه واحنا ايد واحده