عيد ميلاد الجميلة Damo

[باهى الطائر الحزين]

[Simba]

كل سنة وانتي طيبة يا دامو

عملنا لك عيد ميلاد عسكري بمناسبة الثورة :closedeyes:

http://www.youtube.com/watch?v=g251T4MBFDg&feature=related

[Damo]

يا رب دايما في فرح و هنا و راحة بال

و نبارك عن قريب

توأمي دامو

-حتى لون الخط-

الجو عندك أخباره ايه .. الربيع و الشجر و الحساسية؟

دايما طمنيني عليكِ

من زيدو كمان بوسة كبييييييييييرة

ام زيد وحضرتك طيبة

يا رب يسمع من حضرتك ويزيد من الفرح وراحة البال . بس الفرح اللي هو السعادة مش التاني

بوضح بس لحسن الملايكة يفهموا غلط :lol:

الجو هنا فقدت الثقه فيه تماما كل مايقولوا خلاص الصيف جه تيجي عاصفة ثلج

أنا معنديش مانع من الربيع والشجر خالص ....بالعكس ده أنا للي بجيب للربيع و الشجر حساسية :lol:

مرسي كتير على كل حاجة وللابد سنظل رفقاء الخط الموف

تم تعديل 25 أبريل 2011 بواسطة Damo

[Damo]

على فكرة .. الاي بود اللي جابتهولك لماضة راحت علييييييييييه من زمااااان

:closedeyes:

ممكن ده

او ده

او ده

أحوش بس

:happy:

لا يا فندم....اتفضلي احدث افتكاسات ابل

لا و عاملينها كمان دبلة حريمي و دبلة رجالي

ع العموم....يا دامو....اهو يبقي منه اي بود و منه دبلة....و دي تبقي بشرة خير....(وش اي واحدة من الستات اللي بتبقي في افراح الصيف و فجاتن تقولك ها مافيش حاجة حلوة....و تردي عليها....ايون فيه بسبوسة :)

يا رب يجعل سنتك الجاية كل فيمتو ثانية فيها فرحة تخليكي تطيري من ع الارض طير

أنا مش بحب ازعل ولا أكسف حد

عشان كده بمنتهى الدبلوماسية بقبل كلو :closedeyes:

سبحان الله قبل مااخوش المحاورات علطول كونت ببص على الاسعار عشان بشاور عقلي :lol:

كنت بشوف لو جبت الجديد ده هوفر قد إيه مساحة و كليبسات شعر :lol:

عارفين لو جه عريس بشبكه ابل هغير رأيي في الجواز خالص :lol:

ونجيب دبل ابل و في كتب الكتاب المأذون يمضينا بعدين يعملنا synchronize

[Damo]

أنا جيت

سماعاتك في ودنك

شاندوشتاتك في البوفيه

مطوتك في جيبك......هاتيلي بقي الفوليوم علي اخره

http://www.youtube.c...h?v=T4yfSAr-yCg

I believe I can Fly

I believe I can Touch the sky

Think about it every night and day

Spread my wings and fly away

Damo.....I believe in you, just spread your wings and FLY

يااااااه لسه فاكره ده أنا نسيت

مرسي كتير يا لماضة

مش هقدر اوصفلك قد إيه كلامك اثر فيا

عملي ريستارت

الواحد عجز وركبه مبقتش تستحمل :old:

ايامها كان عندي دوافع وماتت لاسباب غير معروفه ( وش يسرية - أحلى الاوقات )

بس فكرتيني بيها .......أنا جاااايييي

الهامر بتاعت لماضة احلى

ولا هديتي دي ؟ :happy:

طبعا....طبعا....طبعا

الهامر

حضرتك بتقارن ايه بايه بس

عارف زي ما تكون بتقولي يا تري مين احلي....ابراهيم نصر و هو بيعمل زكية زكريا و لا احمد عز في فيلم 365 سعادة

مافيش وجه للمقارنة....الهامر طبعا

فرملة....و من اول التفحيط :)

و الدريكسيون عن دامو....سوقي بقي

طيب نشوف رايها :happy:

بصراحة كل واحده ليها مود

لما يبقى بالي راايق بعد امتحان أو اسلم شغل أحس اني تعبت فيه ببقى عايزة اكافئ نفسي

كده هتفسح في عربية اركتكت

أما بقى فترة ماقبل الامتحان أو أي حاجة تانية ببقى متغاظة ومتنرفزة وشوية وهرمي البرفيسر بالطلاب من كوبري

ساعتها بقى هجري على الهامر اطلع كلو بيها هنفذ نصيحة لماضة و اجرب التفحيط

إيه رأيكو في عربية ام زيد ؟؟

لا يا دامو

لو عربيات تبقى دي

نفسي في لفة

دي الوحيدة اللي تاخودنا كلنا

بس عشان العادات والتقاليد الرجال يقعدو ورا لو سمحتم -_-

اتفضلي طبعا يا ام زيد مليون لفه

بس حضرتك هتسوقي عشان أنا ممكن ادوخ

تم تعديل 25 أبريل 2011 بواسطة Damo

[Damo]

كل سنة وانتي طيبة يا دامو

عملنا لك عيد ميلاد عسكري بمناسبة الثورة :closedeyes:

http://www.youtube.c...feature=related

يا خبر مكنش له لزوم التعب ده كلو يا أستاذ سمبا

كفاية بس مرورك

بعدين عرض عسكري وهيصة ..كده هنلفت نظر الثورة المضادة ...ولا مش مهم طره مخلتش حد نفسه في حاجة :closedeyes:

عيد ميلاد مواكب للاحداث

متشكره

[عبير يونس]

شيلي يا دامو السلم قطع نفسي

كله يوسع للتورتة

دي دامو و هي مبسوطة بالتورتة

و طبعا لازم المشروب الرسمي

كأس من الشيكولاتة المثلجة

و سبونج بوب كمان

[pocy]

دامو يا قمر كل سنه وانتى طيبه

وبجد حاسه ان النهارده عيد وطلع عيد ميلاد احلى اخت لى

ربنا يكرمك يارب باللى تتمنيه ان شاء الله عاجلا غير أجل

يالا بسرعه قولى امين

والتورته على عمر ولازم يكون فيها فواكه علشان يكولها هو ويسيب الباقي لرعاياه ههههههههههههههههه

بحبك يا قمر خدى منى دى

[التونسى]

الاخت الكريمه دامو ((أحد أعضاء نادى مواليد شهر ابريل))

كل عام وانتى بخير .. هابى بيرث داى تو يووووو

يارب سنه جديده عليكى تكون كلها خير وسعاده ونجاح ليكى ولاسرتك

مع خالص تهنئتى

التونسى

تم تعديل 25 أبريل 2011 بواسطة التونسى

[الباشمهندس ياسر]

كل سنة و انتي طيبة

و بكل صحة و سعادة

[Mr MAGED]

كل سنة وانتي طيبة يا دامو

ويا رب يجعل السنة الجاية سنة خير وسعادة عليكي يا رب

وتحققي فيها كل اللي تتمنيه

[Damo]

شيلي يا دامو السلم قطع نفسي

كله يوسع للتورتة

دي دامو و هي مبسوطة بالتورتة

و طبعا لازم المشروب الرسمي

كأس من الشيكولاتة المثلجة

و سبونج بوب كمان

يااااه شبهي خااالص

و 'كأس الشيكولاتة المثلجة'

طبعا فيه اتنين شاليمو واحد ليا وواحد لحضرتك مش كده ؟

اشكرك

[Damo]

دامو يا قمر كل سنه وانتى طيبه

وبجد حاسه ان النهارده عيد وطلع عيد ميلاد احلى اخت لى

ربنا يكرمك يارب باللى تتمنيه ان شاء الله عاجلا غير أجل

يالا بسرعه قولى امين

والتورته على عمر ولازم يكون فيها فواكه علشان يكولها هو ويسيب الباقي لرعاياه ههههههههههههههههه

بحبك يا قمر خدى منى دى

آميييين

بووووسي

فينك من زمان

يا رب التورته تكون عجبت عمر

ربنا يخليهولك يا رب

الاخت الكريمه دامو ((أحد أعضاء نادى مواليد شهر ابريل))

كل عام وانتى بخير .. هابى بيرث داى تو يووووو

يارب سنه جديده عليكى تكون كلها خير وسعاده ونجاح ليكى ولاسرتك

مع خالص تهنئتى

التونسى

الأستاذ تونسي بنفسه يا أهلا يا أهلا

وحضرتك طيب يشرفني كتير اكون في نادي ابريل زي حضرتك تمام

كل سنة و انتي طيبة

و بكل صحة و سعادة

وحضرتك طيب يا باشمهندس

اشكرك

كل سنة وانتي طيبة يا دامو

ويا رب يجعل السنة الجاية سنة خير وسعادة عليكي يا رب

وتحققي فيها كل اللي تتمنيه

مرسي كتير أستاذ انفيستور

[shiko]

...عيد ميلاد سعيد يا دامو ....

كل سنة وانتى فى حب ...

كل سنة وانتى فى طاعة ...

كل سنة وانتى اقرب للسعادة ...

كل سنة وانت فى رفقة ..احبابك .....

كل سنة وانتى .....دامو ....

طبعا مالقتش اقرب من كده هدية للارنوبة الشقية ....دامو ...

[hOuSsAm]

داموووووووووووووو

هابى برث داى

نكست دايز ويل اتشيف يور دريمز

تيك كير :)

[مغتربة]

ايه المناسبات الحلوه دى

عيد ميلاد دامو الاموره النهارده

لا دى محتاجه هديه سبيشيال

يالله اتفضلى يا ستى

[masraweya]

السلام عليكم

كويس اني لحقتكم

دعواتي لكِ بالعافية و السعادة و التوفيق و القرب من الله

و دايما .. أحلى اصحاب

-واحدة صاحبتي مواليد 5 يونيو و التانية 6 اكتوبر و الثالثة 23 يوليو و انتي 25 ابريل

فاضلي 25 يناير

بس تعالي هنا

ايه الكلام الخطير اللي في البروفايل بتاعك ده

Age:

3 years old

Birthday:

April 25, 2008

:closedeyes:

[fatfouta]

كل سنة وانتى طيبة يا دودى يا حبيبتى وعقبال مليون سنه

ودايما شقية كده ومدوخانا وراكى

[لونا]

إيه التاريخ المتميز ده يا دامو

تحرير سيناء

و كمان يصادف شم النسيم

يا رب تحققي كل أمنياتك

و تتهني وسط اخواتك

و تنجحي بتفوق في دراساتك

و تفضلي منورة محاوراتك

[rewsha]

انا جيت انا كمان اقول ....الف مبروووك .

لاْ لاء قصدي كل سنه وانت طيبه