ده الفرق بين حنية البنت ... وخنشرة الولد

[se_ Elsyed]

دي حقيقة

البنت حبيبة أمها وباباها

البنت هي الحنية والحب والرقة والأنوثة ( عرضت لكم هنا الفيديو بتاع الولا يوسف إبن أختي وهو بيحارب الكفار ... عكسه تماماً أخته سلمى - أكبر منه بثلاث سنوات - وهي بقى كُتلة جمال ورقة متحركة مش زي الخنشور التاني ده ..

أما العيال الصبيان بشكل عام فشكلهم بيركبوا شباشب قديمة في قلوبهم وتلاقي العيل متبلد الحس .. والجزمة بتحس أكتر منه

من 3 أسابيع أحد أقاربي إتعرض لحادث جامد وربنا ستر .. وإحنا في المستشفى بنته الصغيرة - 10 سنوات - كانت هاتموت عليه من التأثر والبكاء .. وأخوها أصغر منها بسنة ولا كإنه هنا وعمال يضرب في بسكوت وشيبسي لحد ما سكر وإتهدول ولم يزررف أي دمعة ولو من النوع التماسيحي حتى

عيشوا بقى مع الفيديون الجميل ده ..

http://www.youtube.com/watch?v=vqEf9TvGicI&feature=related