هــــما دول ولادك يا مــــــــصر الحقيقيين مسلمين ومسيحيين

[fatfouta]

حسبى الله ونعم الوكيل فى اللى بيشعل نار الفتنة بيننا

الفيديو اسمه.....((هجوم سلفي شرس على احدى الكنائس بمصر أين الاعلام))

ادخلوا وشوفوا الهجوم الحقيقى فى يوم عيد الاخوة المسيحيين

http://www.youtube.com/watch?v=JAVN8LLQ7MM&feature=share

احلى تعليق مكتوب

نفسي السلفي يعد كلم مع المسيحي

ونفسي المسيحي ميخافش من السلفي

الكلام هو الحل

اتكلموا مع بعض ومتخافوش من بعض يا مصريين

تم تعديل 25 أبريل 2011 بواسطة fatfouta

[عنبو]

تستاهلى الف نقطه خضرا علشان الفيديون الجميل ده

بس بطلى حسد فى بتوع جده مش علشان عندنا بحر يعنى

نفسى مره اشوف بتوع الرياض بيحبوا اخواتهم اليى فى جده كده ونعمل فيديو ونقول هما دول ولاد الرياض وجده

[زهرة الجبل]

هذا هو الوجه الحقيقي لمصر بعد أن نفضت عن نفسها غبار الفتن

هذا هو الوجه الحقيقي لمصر بعد أن تخلصت من نظام كان أحرس ما يكون على إبقاء نار الفتنه مشتعله بين أهلها

هذا هو المصري الحقيقي الذي نشأ و تربى يعرف جيداً أن الدين لله و الوطن للجميع

المصري الذي عاش حياته منذ الصغر مسلماً أو مسيحياً يرى جاره في البيت و رفيقه

بالمدرسه و زميله بالجامعه و صديقه بالعمل ما هو إلا مصري مثله لا يغير من أمره

كونه مسلماً أو مسيحياً

الآن إلتحم قطبي الشعب المصري مرة أخرى و كأن أي شقاق عابر مر بينهما ما كان إلا سحابة صيف عابره

عمار يامصر

[jasmin hamed]

هيه ديه مصر الى انا عارفاها

هما دول المصرين الى انا اعرفهم

كلما ازدادو تدينا كلما ازدادو ترابط

ربنا يهدى الحال

و يبعد عن مصر كل الفتن

[rewsha]

ياريت كل واحد يقدر ينشر الفيديو ده في اي موقع او على الفيس ينشره

علشان نضمن ان عدد كبير من الناس هايشوه ويحكي عنه للي ما شافهوش

[jasmin hamed]

http://www.youtube.com/watch?v=a-UtjUbEWVY

حب جارك قبل ما تحب الوجود

ايه نصارى و مسلمين قال ايه و يهود

دى العبارة نسل واحد مـ الجدود

[ابوهنا]

الله عليكى يا ست الكل

الف نقطه لحضرتك

انا مش عارف المنتدى من غيرك وغير اخبارك كان هيبقى ازاى

شكرا

[م تيمور المراغي]

تسلم ايديك يا فتفت ,,

الشعب المصري بطبعه ميال للخير بالفطرة

فاي محاولات لنقل الطبائع الدموية اليه من ثقافات اخرى سيكون مصيرها الفشل

[عبد الله غريب]

http://www.youtube.com/watch?v=PUhHj8it2Pk&feature=player_embedded

فاكرة صبحي حنا و احمد لما كانوا ف حفرة واحدة

صبحي خاطب و يحكي .. و يقول لأحمد أحلى وردة

كت حبيبتي .. كت خطبتي .. كت عيونها مني شاردة

ليه ياصبحي كنتوا إمتى؟

كنا آه زي النهاردا ..

ألف كلمة ع الحبيبة و الحبيب ..

إنفجار بينهم ف لحظة ..

كت مُباشرة شئ رهيب ..

دم صبحي و دم أحمد حضن واحد ..

الهلال حضن الصليب ..

لاجل يكتب ف الجوامع و الكنايس .. انتصار

[الغريب]

أخويا كان بيكلمني أمبارح وبيقولي أنه راح يشتري ملابس من يومين ، وكان الزحام شديد في وسط البلد بسبب أن الأقباط يقوموا بشراء ملابس العيد

وعلى فكرة أخويا ملتحي وكان معاه صديقه ملتحي أيضا

قالي وأنا بقيس حذاء لقيت شابين قبطيين بيقولولنا : أيه ده أنتو هتعيدوا معانا ولا أيه :) ؟

قالي فضحكنا مع بعض وقعدنا نهزر مع بعض شوية وبعدين سلمنا عليهم ومشينا..

مش هقول غير حسبي الله ونعم الوكيل فيك يا مبارك ، وفي بقايا الإعلام من بعدك هما اللي ديما بيكدروا علينا كل حاجة حلوة ، ودلوقتي عاوزين يكدروا علينا الثورة ويحسسونا أنها سبب خراب

[Mr MAGED]

فيديو رائع يا فتفوتة

بجد الف تحية ليكي عليه

[fatfouta]

واللى حصل امبارح كمان حاجة تانى تفرح فى لقاء الدكتور عصام شرف بالجالية فى الرياض...أحد رجال الاعمال المسيحيين اهداله نسخة من المصحف الشريف هدية وده شئ يعبر عن تلاحم المصريين اينما كانوا

ربنا يحمى ولادك يا مصر

رجل أعمال قبطي يهدى شرف نسخة من المصحف الشريف

الرياض - أ ش أفى لفتة تعبر عن تلاحم المصريين بالخارج - مسلمين ومسيحيين - قدم رجل الأعمال المصرى ميشيل فرج هدية تذكارية لرئيس الوزراء الدكتور عصام شرف عبارة عن نسخة من المصحف الشريف .كان ذلك خلال لقاء الدكتور شرف مساء الاثنين مع أعضاء الجالية المصرية بالسعودية بدار سكن السفير المصرى بالرياض السفير محمود عوف، مشيرا إلى أن ما يقلقه حقيقة هو الفترة الحرجة الحالية يتمثل فى الذين شعروا أن مصالحهم بدأت فى الانتهاء .وأكد الدكتور شرف قائلاً:" أن هذا الوقت نحتاج فيه جميعا الى تضافر كافة الجهود للخروج من الأزمة الراهنة لافتا الى أن الفترة المطلوبة للخروج من الأزمة لا تتجاوز 6 أشهر أو سنة على أكثر تقدير" .

اخبار مصر

[se_ Elsyed]

أنا لا أستعجب من هذه التصرفات لإن دي الفطرة السليمة لأي إنسان سوي

الإنسان السوي يتمسك بتعاليم دينه . ويتعصب له أيضاً .. لكن في نفس الوقت يعامل الأخرون على إنهم بني أدمين زيه .. ومعاملته الحسنة بتكون تعبير عن سماحة دينة ... فلا يوجد عاقل يقول أن معاملتي للغير بهذه الطريقة فيها تفريط في ثوابت ديني ...

وخدوا عندكم الاطفال ..

في الحضانة أو المدرسة ... لما بنلعب مع بعض أو بناكل مع بعض - وساعات بنسرق ساندوتشات بعض :closedeyes: - هل كنا بنعمل تصنيف وإن الطفل ده مسيحي وده مسلم أو أو أو ؟

ولا كنا بنتعامل بالفطرة السليمة ؟

[fatfouta]

الفيديو ده طلع لكنيسة مارجرجس

انا امبارح كنت بسأل الكنيسة دى فين....بس لاقيتهم النهاردة فى الجزيرة بينشروا الفيديو وبيقولوا على اسم الكنيسة