ليه منع المنقبات من دخول الامتحانات ؟

[ام سلمي]

النقاب موضوع فيه خلاف من زمان ،ما بين انه فرض او سنة او فضيلة ، وزي ما احنا ما نحبش ان السلفيين يفرضوه علينا طالما الموضوع فيه خلاف ،يبقي ليه المحكمة تفرض عليهم ما يلبسوهوش ؟ مش معقول احنا حنعمل زي فرنسا

يعني ايه دار الافتاء تقول ان النقاب عادة مكروهة ، والمحكمة تستجيب وتمنع المنقبات من حقهم في اللبس اللي هما عايزينه ؟ انا مش دارسة في الفتاوي لكن معلوماتي البسيطة ان

زوجات الرسول صلي الله عليه وسلم كان فرض عليهم النقاب ، والاقتداء بيهم فضيلة يبقي ازاي النقاب عادة مكروهة

بعض علماء من اللي افتوا بكشف الوجه والكفين فضلوا ان المرأة تلبس النقاب لو انها جميلة او تخشي الفتنة

يبقي ازاي النقاب مش من الدين وعادة مكروهة كمان

وبعدين ليه حد يمنعهم من سنة او فضيلة ؟ يعني ممكن المحكمة تمنع قيام الليل مثلا ؟

طب فين الحرية الشخصية والمساواة في الحقوق

انا عارفة ان النقاب بيصعب حاجات كتير زي الامتحانات مثلا ، بس كان في اكثر من طريقة لحل المشكلة غير انهم يمنعوهم من اللبس اللي هما عايزينه

يعني مثلا تبقي في لكل لجنة امرأة تتأكد من شخصية الطالبات المنتقبات قبل ما تسمح لهم يقعدوا في اماكنهم

او يعملوا لهم امتحانات في لجان لوحدهم

طبعا لو الموضوع ده حيبقي ليه تكلفة اضافية كان ممكن يحسبوا نسبة التكلفة كام لكل منتقبة وكل واحدة بقي عايزة تروح الامتحان بنقاب تدفع المبلغ ده مسبقا واعتقد مش حيبقي مبلغ كبير لكل واحدة وده كان حيبقي اهون كتير بالنسبة لهم ،

محكمة مصرية عليا تؤيد منع النقاب أثناء الامتحانات

.

السبت, 23 أبريل 2011 20:00

أون إسلام- وكالات

قضت المحكمة الإدارية العليا برفض الطعون المقامة من عدد من الطالبات المنتقبات، التى أقامتها ضد الأحكام الصادرة من محكمة القضاء الإدارى، برفض إلغاء قرار إلزامهن بكشف وجوههن أثناء تأدية الامتحانات فى الجامعات المصرية، ومنعت المحكمة دخولهن الامتحانات بالنقاب.

وقالت المحكمة إن ارتداء المرأة النقاب جزء من حريتها الشخصية التى كفلها لها الدستور والقانون، الا أن المحكمة احتكمت فى حكمها إلى رأى دار الإفتاء التي أيدت حظر النقاب واعتبرته"عادة مكروهة"، زاعمةً أن رفض الطالبات الإمتثال لقرار المنع "يعد خروجا على ولي الأمر".

وفي شهر يناير الماضي، قررت المحكمة الإدارية العليا في مصر استطلاع رأى دار الإفتاء لإبداء الرأي الشرعي حول مدى شرعية حظر النقاب داخل قاعات الامتحانات وأثناء فترة أدائه.

وأصدرت المحكمة وقتها هذا القرار تمهيدًا للحكم فى الطعون المقامة ضد أحكام محكمة القضاء الإدارى برفض طلبات وقف تنفيذ قرار عدد من الجامعات المصرية بإلزام الطالبات المنتقبات بكشف وجوههن أثناء تأدية الامتحان.

وأكدت المحكمة أنه وإن كان ارتداء النقاب بالنسبة للمرأة المسلمة هو أحد مظاهر الحرية الشخصية المنصوص عليها بالدستور، إلا أنها رأت أن من عناصر تكوين عقيدتها لإمكان الفصل فى الطعون المشار إليها الوقوف على الحكم الشرعى من جهة الاختصاص داخل الدولة وهى دار الإفتاء المصرية.

يذكر أن الدائرة السادسة بمحكمة القضاء الإداري أصدرت عدة أحكام العام الماضي بعدم السماح للمنتقبات بأداء الامتحانات وهن يرتدين النقاب داخل عدد من الجامعات المصرية، فأقام الطالبات عدة طعون أمام المحكمة الإدارية العليا.

[jasmin hamed]

موضوع مستفز جدا جدا

و بعدين يعنى ايه يدفعو هما الناس لما بتنزل مظاهرات بيدفعو مقابل الامن المركزى

حقهم تتعملوهم مفتشات عشان تتاكد من الهويه غير كده ماحدش له عندهم حاجه

على فكره انا من الناس الى مش مقتنعين بوجوب النقاب لكن لو واقفه على لجنه

و صاحبتى يسرا ( كانت منقبه ) مادخلتش عشان النقاب اقسم بالله ما انا داخله

التعليم حق ذى الميه و الهواء و مش من حق حد يتحرم منه

[ام سلمي]

موضوع مستفز جدا جدا

و بعدين يعنى ايه يدفعو هما الناس لما بتنزل مظاهرات بيدفعو مقابل الامن المركزى

حقهم تتعملوهم مفتشات عشان تتاكد من الهويه غير كده ماحدش له عندهم حاجه

على فكره انا من الناس الى مش مقتنعين بوجوب النقاب لكن لو واقفه على لجنه

و صاحبتى يسرا ( كانت منقبه ) مادخلتش عشان النقاب اقسم بالله ما انا داخله

التعليم حق ذى الميه و الهواء و مش من حق حد يتحرم منه

والله موضوع مستفز فعلا ومستغربة انه يحصل بعد الثورة ، وكأننا بقينا عايشين في فرنسا ، و اعتقد وجود مفتشات مش حيكلف حاجة كبيرة علي الجامعة،وعلشان كدة قلت طب حيتلككوا ويقولوا تكاليف يحسبوها وتتحملها المنتقبات انما يمنعوهم من الامتحانات دي حاجة غريبة جدا

تم تعديل 26 أبريل 2011 بواسطة ام سلمي