سارة ضربت كريمة..يادي المصيبة

[Alattar]

بلا ثورة بلا سياسة بلا وجع قلب يا جدع

عيشني النهاردة...و موتني آخر الشهر

من امبارح و أنا بفتح موقع يوتيوب..و بعض المواقع الإخبارية..و كنت أقابل الخبر ده

"سارة ضربت كريمة"

يوووه..برضه..مؤيدين للمخلوع..و معارضين له..منك لله يا مبارك..مش هنخلص منك و من أرفك

!!لحد النهاردة ما شفت صورة..في موقع من المواقع..قلت أشوف ايه اللي بيحصل

و أفاجأ يا سادة..ان سارة و كريمة دول اتنين في برنامج دعارة أكاديمي..و المعروف اعلاميا بإسم..ستار أكاديمي

و البنتين اختلفوا مع بعضشيهم..قامت سارة ضربت كريمة..قامت كريمة ردت الضربة لسارة..قام عوضين ولا معرفش اسمه حسين..حاول يصلح الوضع..فسارة زقته و كلمته بطريقة زبالة

و بعد ما خلصت الخبر..فقت لروحي فجأة..لقيتني تخنت فجأة..تعبت من المفاجأة..

افتكرت بأه اننا عملنا ثورة..و فيه رئيس مشي..و فيه ثورات شغالة في أماكن تانية.و ناس بتموت

العجيب..ان البرنامج الهباب ده فيه ممثلين تقريبا علي حد علمي من كل الدول العربية..أو ما أعرفش بيجيبوهم ازاي..المهم..أن تقريبا بيجمع بين أغلب الدول العربية..يعني علي الأقل فيه تلاتة اربعة من المشتركين عندهم ثورات في بلدهم..خلصت..أو ما خلصتش..و ناس ماتت و ناس اتصابت

و دول لسه عايشين في وادي تاني..و منفضين للدنيا تومامن

أنا لو الأمر في مصر بإيدي..بجد..أمنع أي مصري انه يشترك في المسخرة دي..مش هقول عشان الحلال و الحرام..لأن ده أمر مش محتاج نقاش..لكن علي الأقل عشان الناس تفوق شوية..و تبطل الوهم اللي هما عايشين فيه..و معيشين ناس كتير جدا معاهم في الوهم ده..و مخليينهم ناسيين الدنيا باللي فيها..

تم تعديل 26 أبريل 2011 بواسطة Alattar

[engmido]

حسبى الله ونعم الوكيل

فى الاشكال دى

والله لما باشوف العيال دى بحس انى عايز اقلعهم ملط واجيب خرزانة سودانى هندى اصلى ومتنشفة فى الشمس وارنهم بيها علقة موت ما تسيبش حتة سليمة فى جسمهم

عشان بصراحة كده العملية مش ناقصة قلة ادب وسفالة

ده من ناحية

ناحية تانية العالم اللى بتنظم هذه النوعيات من المسابقات السافلة

عارفين بنقول عليهم ايه فى مصر؟؟؟؟؟؟؟؟؟؟؟؟

[لماضة مصرية جدا]

السلام عليكم و رحمة الله و بركاته

انا داخلة التوبيك عشان الاقي اي خناقة بقي من الخناقات اللي هي فيها شد شعر علي كام مقص طاير علي كام تثبيت اكتاف....و اللي ممكن يوجع البنت اوي....ان ضفر واحد يتكسر....(ايون لانه هيخليها تقص الباقيين :closedeyes: )

ما علينان

لقيتكم بتتكلموا عن البرنامج دوت....و سخنتوا اوي في الكلمات اللي هي بتعمل عليها ام بي سي (mute(

طب يا جماعة الخير بتتفرجوا عليه ليه....مش هو الريموت كنترول عوبارة عن صندوق مليان زراير

خلاص مش تتفرجوا عليه

بس ده جزء من اسفاف متعمد...طب انا احيانا بقلبفي القنوات الاقي قناة الست المذيعة طول النهار و الليل واقفة و منشكحة اخر انشكاح و بتقول ها ايه هو اللي احمر و ليه زر من فوق و اول حرف منه طربوش

اتصلا عشان تربح جايزة كام الف دولار

يعني مش برنامج واحد ده.......قناة بحالها

و اقوم و اجي....و تاخدني الدنيا....و اسفر بلد تانية خالص....و الست زي ما هي

الحل من وجهة نظري المتواضعة هو.....من فضلك غير المحطة

و سيب كريمة تشوف في سارة

و سيب سارة تجيب كريمة تثبيت اكتاف

و بلاها حرقة دم

مساااااكم رايق اخر سبع حاجات

[لماضة مصرية جدا]

أنا لو الأمر في مصر بإيدي..بجد..أمنع أي مصري انه يشترك في المسخرة دي..مش هقول عشان الحلال و الحرام..لأن ده أمر مش محتاج نقاش..لكن علي الأقل عشان الناس تفوق شوية..و تبطل الوهم اللي هما عايشين فيه..و معيشين ناس كتير جدا معاهم في الوهم ده..و مخليينهم ناسيين الدنيا باللي فيها..

تسمحلي استاذي اختلف مع حضرتك

المنع مش راح يجيب نتيجة لان ببساطة علي كل الانتقادات اللي متوجهة للبرنامج لكن مازال و معذرة في اللفظ "ناجح"....و المحطات دي تجارية و عارفة انه بيجيب ليها ربح

و في نفس الوقت المستهدف منه مش بس شباب مصر....ده كل الشريحة العمرية دي في العالم العربي عشان الشاب و البنت يطلعوا متوحدين مع نموذج ستار اكاديمي

و الحقيقة هو تعريب لبرنامج امريكي اسمه...American Idol

لان الشاب في الفترة العمرية دي بيدور علي نموذج يحطه قصاد عينيه....و بالتالي ليه بنستغرب لما بتسال اي شاب قدوتك مين يقولك لعيب كورة و لا مطرم....(ايون هو مطرم مش مطرب)

البرنامج مجرد طوة في سلسلة بيتم تنفيذها الصراحة باحتراف عالي جدا جدا جدا عشان تفضل اهم شريحة في عمر اي وطن مصر و غيرها مغيبة تماما و محطوطة في قالب يقدروا يتحكموا فيه و مكيونشي فيه منه اي قلق

و دي وجهة نظري

ايه ده.....هو التوبيك في موضوعات خفيفة....مش تبقوا تقولوا يا جماحة...(وش عم ايوب و هو بيغير اتجاه الجزمة :)