اعتقال 15 شاب مصري في قطر

[Simba]

اليوم امام السفارة القطرية وقفة احتجاجية علي اعتقال 15 شاب مصري من بينهم 2 من شبكة رصد

رأيي الخاص انه يجب تدخل السفارة المصرية في قطر لمتابعة حقيقة موقفهم وما هي التهم المنسوبة اليهم ودعم المعتقلين بشدة حتي عودتهم بسلام

وايضا يجب في المستقبل ان لا تأخذنا العنترية فأنا مصري اذا لا مساس بمعني ان نحترم سيادة الدول وان لا نتدخل في شئونهم السياسية بالمتابعة والرصد فمواطني هذا الدول اولي بانفسهم في المشاركة بالحياة السياسية

معروف ان شبكة رصد شبكة هواة اذا فمن المستحيل ان تحصل علي تصريح للعمل الصحفي هناك

تم تعديل 27 أبريل 2011 بواسطة سمبا

[spain]

عملت سيرش لقيت الخبر من شيكة رصد فقط

مش جايز خبر غير صحيج

وبعدين ايه سبب الاعتقال؟

[لماضة مصرية جدا]

السلام عليكم و رحمة الله و بركاته

قبل ما نخش في تفاصيل الخبر اللي لسه مش مبين ال 15 شاب دول اعتقلوا ليه اصلا؟؟؟

احب افكركم ان قطر كانت الدولة الخليجية الوحيدة اللي سمحت للجالية المصرية بالوقفة السلمية امام السفارة المصرية أثناء ثورة 25 يناير

ما عدا ذلك الدول الخليجية اتمسكنت و اتشحتفت و اتعلقت بالقانون بتاعها و قالت سيادة الدولة و شئون داخيلة و كلام كتير مفهمناش منه اي حاجة وقتها...بس احترمناها

مش هقدر اعلق علي الخبر غير لما يكون فيه تفاصيل كاملة

ليه الشباب اعتقلوا اصلا

و بعدين نبقي نتابع موقف السفارة المصرية

صباحكم....متابعة في صمت

[ام سلمي]

اللي ذكرته رصد امبارح ، وطبعا رصد كتير ما بيطلعش كلامها صح ، لكن اللي ذكرته ان الاعتقال كان بسبب دعمهم لثورة سوريا ،

[samehmagdy]

انا مش عارف تفاصيل الموضوع بالظبط لحد دلوقتى

بس الظاهر ان فى حاجه مش طبيعيه بتحصل فى دول الخليج عموما ضد المصريين من بعد الثوره

زى ما تكون شده ودن ولا كارت ضغط بيلعبو بيه على اساس ان تحويلات المغتربين تمثل جزء كبير من الدخل القومى

لسه من كام يوم موضوع وقف التاشيرات والاقامات للمصريين بالامارت

وقبلها تاشيرات العمره للسعوديه

ودلوقتى قطر

هى بتاخدلها كام يوم ويطلع مسئول بعد كده يقولك كل حاجه تمام ومفيش مشاكل بس مفيش دخان من غير نار