مرتضى منصور اخد افرااااج يا ولاااد

[fatfouta]

الإفراج عن مرتضي منصور في قضية قتل المتظاهرين

قضت محكمة جنايات القاهرة، بقبول التظلم المقدم من مرتضي منصور، علي قرار حبسه 15 يوماً علي ذمة قضية قتل المتظاهرين في الواقعة المعروفة إعلاميا باسم "موقعة الجمل"، وقررت الإفراج عن المتهم وإخلاء سبيله.

صدر القرار برئاسة المستشار منير محمد عبد الفهيم، وعضوية المستشارين محمد شرين فهمي، وشبيب الضمراني.

اطلعت المحكمة اليوم علي C.D مسجل عليه حوار أجراه المتهم في برنامج "مصر النهاردة"، وقال الدفاع عنه إنه يثبت براءة المتهم، ويؤكد عدم تورطه في الإثارة والتحريض علي قتل المتظاهرين، وأنه طلب منهم البقاء في جامع مصطفي محمود.

استقبل أنصار مرتضي منصور الحكم، بالصياح والزغاريد داخل القاعة، ولكن الأمن قام بإخراجهم والسيطرة علي الموقف.

http://gate.ahram.org.eg/News/64598.aspx

[ابوهنا]

برضه كويس

عايزين الناس تتحاكم بشفافيه ونزاهه

[amgadibrahim]

بدون زعل

أنا مبسوط بالقرار ده لإني فعلا حاسس إنه مظلوم

يمكن مرتضى له أخطاء ومشاكل كتيرة بسبب عصبيته

بس بجد أنا كل اللي أعرفه إنه راجل نضيف ومش حرامي أبداااااااا وبعيد عن الفساد والبلاوي اللي كانت بتحصل

مبروك لمرتضى ويا رب بكرة الخميس نلاقي دفعة جديدة من اللي يستحقوا فعلا يشرفوا البورتو

ويا ريت بقى فرع القناطر يشتغل بزبونتين تلاتة كده

[se_ Elsyed]

يعني كده براءة ولا على ذمة التحقيق ؟

أتمنى كان القرار يتضمن إفراجاً مع قطع حته من لسانه عشان يبطل شتيمة وقلة أدب ليل نهار

[se_ Elsyed]

بدون زعل

أنا مبسوط بالقرار ده لإني فعلا حاسس إنه مظلوم

يمكن مرتضى له أخطاء ومشاكل كتيرة بسبب عصبيته

بس بجد أنا كل اللي أعرفه إنه راجل نضيف ومش حرامي أبداااااااا وبعيد عن الفساد والبلاوي اللي كانت بتحصل

مبروك لمرتضى ويا رب بكرة الخميس نلاقي دفعة جديدة من اللي يستحقوا فعلا يشرفوا البورتو

ويا ريت بقى فرع القناطر يشتغل بزبونتين تلاتة كده

لو مش عيب كنت عرضت لك فيديو له وهو في ميدان مصطفى محمود ماسك الميكرفون و بيحرض الناس الصيع اللي معاه عشان يروحوا يحرروا ميدان التحرير من الزبالة اللي هناك - يقصد الثوار -

لو مش عيب كنت سمعتك ألفاظ سوري قذرة بتطعن في شرف وعرض الفتيات المحترمات اللي كانوا من ضمن الثوار وكانوا بيدافعوا عن بلدهم وبيموتوا بدلاً منا جميعاً .. ومع ذلك يا سيدي تم وصفهم بأبشع ما يمكن أن توصف به فتاة أو سيدة في شرفها وعرضها وده على لسانة اللي عاوز قطعه ولسان المحيطين به من أمثالة في عبارات وكلام واضح وضوح الشمس ..

بيقى بعد ده كله براءة ؟؟؟؟ اومال مين اللي يُدان ؟؟؟

[arkan]

ده مفيش عقوبة للصوت العالى ... تعبنا

[aimen]

يعني كده براءة ولا على ذمة التحقيق ؟

أتمنى كان القرار يتضمن إفراجاً مع قطع حته من لسانه عشان يبطل شتيمة وقلة أدب ليل نهار

لا

اعتقد مرتضى ممكن يقبل السجن ولا يقبل قطع اللسان :closedeyes:

وبعدين بصراحة الفرجه عليه حلوة

[se_ Elsyed]

هناك حديث شريف للرسول كريم معناه إن من ضمن الناس الذين لن ينظر الله لهم يوم القيامة ... يعني مش عاوز يشوف وشهم ... صنف يتقية الناس في الدنيا لبذاءة لسانه وفُحش كلامة

وهذا الإنسان منهم ... فلم يسلم منه شخص من الطعن في عرضة وعرض زوجته واولادة وذمتة و و و و و

فهل هذا إنسان نافع للمجتمع ويستحق أن يعيش بيننا كده عادي ؟

[se_ Elsyed]

في ذلك اليوم الأغبر في تاريخ مصر أتذكر إن بعض الزملاء أدرجوا وصلة لهذا الفيديو .. وقامت الادارة بحذفة للفحشاء والقذارة التي يحتويها والتي أتى بها هذا الكائن الغير أدمي والغير محترم بالمرة ....

و كان هناك كائن هُلامي جاهل أخر يُدعى طلعت زكريا قالها بشياكة " يا سيدي اللي قاعدين هناك في التحرير دول ومن مصادر مؤكدة بيمارسوا مع بعض جنس جماعي "

قطع لسانك دنيا وأخرى يا بعيد يا قذر ياللي حذاء أي واحد في التحرير أنضف منكم كلكم يا أوباش ...

فقد قالها هذا المريض مرتضى بمنتهى الفجاجة وعدم الإحترام وسط جمع من النساء والرجال المؤيدين له واللي بالتأكيد هما جميعاً من عينته وما بتفرقش معاهم الحاجات دي

[fatfouta]

تعليق على تويتر

بيقولك الافراج عن مرتضى منصور ده تجربة.. لو نجحت هيعمموها #Egypt #Jan25

[Alattar]

يعني كده براءة ولا على ذمة التحقيق ؟

أتمنى كان القرار يتضمن إفراجاً مع قطع حته من لسانه عشان يبطل شتيمة وقلة أدب ليل نهار

مش كفاية يا ريس

عاوزين كمان مصادرة كرتونة السيديهات اللي معاه..عشان يرحمنا بأه شوية..منه لله اللي علمه برنامج النيرو

[الغريب]

رجعنا للتجعير وقلة الأدب وطول اللسان

أستقبل بقى الفضائيات من النهاردة

[amgadibrahim]

بيقى بعد ده كله براءة ؟؟؟؟ اومال مين اللي يُدان ؟؟؟

الأخ الفاضل سين سين

ماينفعش نفرح كل يوم بالواردين على طرة وال15 اللي بياخدوها ونشيد بالنائب العام وغيره من رجال التحقيقات

ولما واحد ياخد براءة نعترض ونتعجب

أعتقد ان اللي أفرج عنه له أسبابه وبعد تحقيقات احنا لانعرف تفاصيلها

أما بخصوص بذائة لسانه وألفاظه الخارجة فأنا متفق معك تماما وأنا شاهدت الفيديو اللي حضرتك بتكلم عنه بل طال ايضا شخصيات خارج مصر

ماشي ممكن يتحاكم او يسأل عن ده ....بس ده موضوع تاني غير اللي كان محبوس علشانه

أنا لا أدافع عنه شخصيا رغم تمسكي إنه مش حرامي خالص ولكن زي ما بنفرح لما كل مجرم ياخد جزاءه أعتقد من حق الرجل أن يأخذ حقه ولا نريد أن نظلم أحد أو نظلم من أحد

(بالمناسبة كده لو على الألفاظ فأنا سمعت مكالمة الإعلامي الرياضي الشهير مع الصحفية واعتقد ان بها ألفاظ أكثر وقاحة) وتقبل احترامي

[fatfouta]

مرتضى هيعمل مؤتمر صحفى بعد قليل...اتوقع يبقى متفرعن اكتر من ماكان

[rewsha]

تعليق على تويتر

بيقولك الافراج عن مرتضى منصور ده تجربة.. لو نجحت هيعمموها #Egypt #Jan25

آه يا خوفي

ده اللي انا كنت خايفه منه من زمان

مش ان سي دي/ مرتضى يطلع براءه.... لأ..ان فعلا بعد شويه نلاقيهم طالعين واحد وراء التاني

علشان كده انا كنت مش من انصار اننا نفرح ونقيم الافراح والليالي الملاح اول ما نسمع جُملة (فولان ......اخد 15 يوم حبس)

هات لي ودنك بقى يا سي السيد gsp_)

فاكر لما قعدت تتريق عليه في احد المشاركات بتاعتي لما قلت اني خايفه افرح وتقول (هوه ده الشعب المصري,,,يموت في العياط)

تعالى اقول لك انا بقى (بكره نقعد جنب الحيطه ...ونسمع الزيطه)

[Mr MAGED]

الممتع في الموضوع ان اللي طلعه براءة هو CD

الراجل ده له علاقة غريبة جدا مع السيديهات

حياته كلها متبرمجة عليها

شيء عجيب فعلا

[mamdowh]

كده اقدر أقول للزمالك مبروك مقدماً هاتخسروا الدوري

:sofa:

مورتا هاز نو إند

تم تعديل 27 أبريل 2011 بواسطة mamdowh

[Simba]

انصار مبارك

انصار مرتضي منصور

انصار أم بطة

كده رقعة التخلف بتزيد

[fatfouta]

طعنوا فى الحكم وبكرة الجلسة

النيابة تستأنف قرار إخلاء سبيل مرتضى منصور في قضية قتل المتظاهرين

قرر المستشار سامي زين الدين قاضي التحقيقات في "موقعة الجمل"، الاستئناف على قرار إخلاء سبيل مرتضى منصور، وحدد جلسة غداً الخميس للطعن علي قرار الإفراج.

[Simba]

قناة الحياة

النيابة ترفض اخلاء سبيل مرتضي منصور

انا مش فاهم كده هو بره ولا جوه