أنباء عن إقالة السفير المصري بالكويت

[زهرة الجبل]

بعد المطالبه بتغيير السفير المصري

و بعد الهتاف الذي حدث في المقابله بين رئيس الوزراء عصام شرف و الجاليه المصريه بالكويت

إليكم النبأ التالي

:

[تامر مصطفى]

الف مبروك علينا

وعقبال عندكم

يا جماعة السفارة عملت المستحيل علشان تمنع لقاء المصريين برئيس الوزراء واصدقائي فضلوا سهرانين في الشارع جنب السفارة لغاية الساعة 2 على اعتبار الكلام اللي طلعته السفارة ان اللقاء خاص وغير مسموح سوى لاشخاص محددين بالحضور ورفضوا يكلموهم وعاملوهم بمنتهى العنجهية

وكان من المعروف ان السفارة المصرية في الكويت لا تخدم اي مصري ولا تقف معه في اي مشكلة

عقبال عندكم

[مصري أصيل]

الف مبروك علينا

وعقبال عندكم

يا جماعة السفارة عملت المستحيل علشان تمنع لقاء المصريين برئيس الوزراء واصدقائي فضلوا سهرانين في الشارع جنب السفارة لغاية الساعة 2 على اعتبار الكلام اللي طلعته السفارة ان اللقاء خاص وغير مسموح سوى لاشخاص محددين بالحضور ورفضوا يكلموهم وعاملوهم بمنتهى العنجهية

وكان من المعروف ان السفارة المصرية في الكويت لا تخدم اي مصري ولا تقف معه في اي مشكلة

عقبال عندكم

أتمني أن يكون الخبر صحيح عشان بس جيرنا الغيرانين و أولهم سين سين يعرف أن الخمس أشخاص عرفوا يغيروا السفير إما نشوف الخمسه مليون هيعملوا ايه بس ربنا

يستر و يكون اتغير فعلاً لأن لو ما كانش اتغير هيبقي منظرنا وحشششششششششششش

[عبير يونس]

يسعدنا جدا أن يكون الخبر صحيحا

فكلنا مغتربون مصريون أينما كنا

و عقبال السفارة المصرية هنا في السعودية

اللي مبيردوش على تيلفونات

و بيهينوا المواطنين المصريين

زوجي كان بيجدد لي بسبوري في القنصلية في جدة

و موظف الشباك اشتبك مع أحد المواطنين و قال بالحرف

لكل الموجودين

انتو ناس ما بتجوش الا بالجزمة !!!!

اللهم عليك بالظالمين في كل مكان

آمين

[الباشمهندس ياسر]

ان صح الخبر

فهو خبر جميل و بمثابة انذار للمهملين من السفراء

[الباشمهندس ياسر]

انتو ناس ما بتجوش الا بالجزمة !!!!

الجزمة دي تبقي امه

اللي معرفتش تربيه و تعلمه الادب

جوز الجزمة يبقي ابوه

اللي معرفش يعلمه ازاي يحترم الانسان اللي ربنا كرمه

أشكال زفرة

[تامر مصطفى]

شوفوا الفيديو ده لأخونا أستاذ اشرف ابو العلا معلم زميل في الكويت

http://www.youtube.com/watch?v=R9xaBOamLGw

[أمل حياتي]

ان شاء الله الخبر يكون صحيح او في طريقه للصحه

انا شفته في مقابله قريبه في برنامج صباح الخير يا كويت

وما ارتحتش ليه ولا حسيت انه على مستوى

[se_ Elsyed]

كثير من أعضاء السلك الدبلوماسي في مصر يشبهون إلى حد كبير قطاع الشرطة

وسايط

محسوبية

فساد

عدم محاسبة

تصرفات كأنها تصرفات صاحب عزبة و أبعدية

[زهرة الجبل]

السفراء المصريين في كثير من الدول العربيه للأسف ما هم إلا بقايا متبقيه من النظام

السابق

كانوا يطبقون شريعته و مازاوا ينتهجون نفس النهج حتى بعد الثوره

لنا تجربه مع السفاره من نوع شر البلية ما يضحك .. كانت عندنا معامله المفروض تتم عن طريق القنصل

أبو كريم راح السفاره و طلب مقابلة القنصل فسأله أحدهم : إنت عاوز تقابل القنصل ؟ قال

له أيوه .. قال له طيب إتفضل .. و راح أبو كريم معاه و لقاه بيقول له اتفضل

كلم القنصل

سأله : هو فين ؟ .. قال له لأ ما إنت هتكلمه من

التكتافون !!!!

آه و الله العظيم عبر التكتافون ... و قال له ماهو ده النظام يا باشا

الراجل كان بيكلم أصحاب المعاملات من وراء حجاب :happy:

و كان صادق طبعاً لما قال له مهو ده النظام .. بس الحمد لله .. سقط النظام .. و أصبح

السفير من ذيول النظام التي وجب بترها

تم تعديل 28 أبريل 2011 بواسطة زهرة الجبل

[mamdowh]

كثير من أعضاء السلك الدبلوماسي في مصر يشبهون إلى حد كبير قطاع الشرطة

وسايط

محسوبية

فساد

عدم محاسبة

تصرفات كأنها تصرفات صاحب عزبة و أبعدية

بصراحة وبدون مجاملة السفراء بيعتبروا نفسهم رايحين يتفسحوا فترة وجودهم فى أى سفارة يعنى بيعتبر نفسه طالع إعارة زى المدرسين يعنى مالوش دعوه بأى مواطن من بلده واللى ربنا يقدره عليه يطلع حته تصريح يقولك فيه ان انت مواطن جاى البلد دى لازم تطيع قوانينها واحنا ما نقدرش نعمل لك حاجه

السفارات يا ساده كل اللى متعينين فيها أقارب ومحسوبيات وناس تمت مكافأتهم على مواقف معينه أو ترضيه لفقد منصب آخر.

الخلاصة سجادة الخارجية لازم تتنفض وتتغسل وتتكوى من تانى وياريت يشيلوا الزباله اللى تحت السجادة كمان

[noname]

يارب

من يوم ما جيت الكويت وانا حاسس انه مش سفير مصر وانما موظف لا يحمل جنسية مصر