حوار كبير الاطباء الشرعيين( احمد السباعى)مع يسرى فودة حاجة تنررررفز

[fatfouta]

أسمعوا اسلوب كبير الاطباء الشرعيين الاخ الدكتور اللى اتشهر من ساعة اسفكسيا الخنق

لو الحوار طويل عليكم مش مهم تكملوا للاخر هو من اول ماهيبتدى يتكلم هتحكموا علية

دى ولا طريقة دكتور ولا طريقة مسئول كبير....لا بجد انا نفسيتى تعبت

وبعدين بيقول انا ضميرى مستريح.....انا سمعته كله الصبح بصراحة حسيت باللى حاسس بيه يسرى فودة يا عينى مش عارف يرد عليه يقوله ايه

شوفوا تلفيقه حتى فى جثث الشهداء....حسبى الله ونعم الوكيل

http://www.youtube.com/watch?v=sr_Q2op-heI&feature=player_embedded

[fatfouta]

انا بجد مش متخيلة ان واحد يدخل المشرحة يختار جثة ويقول دى جثة ابنى عشان فاكر انه هياخد 50 الف جنيه

احمد السباعى بيتهم راجل انه عمل كده وابنه موجود و هربان

احنا الصراحة يا دكتور اسفين مش واثقين فى نتيجة الDNA اللى هتطلعوها يوم الاتنين اللى حضرتك بتتكلم عليها

بيقول اهله جم بالسلاح وهددوا رجالتى وعاوزين ياخدوا الجثة

[fatfouta]

بيقول الشهيد المبتسم فيه واحدة جات اتبرعت وقالت هدفنه عندى

وكمان عندى 19 جثة مجهولين لغايت دلوقتى فيه ناس منى عينهم تاخد واحدة منهم ويدفنوها عندهم

هو بيتكلم عن جثث بنى ادمين ولا بيتكلم عن ايه بالضبط!!!!!!

يا لهووووى

[fatfouta]

تعليق من تويتر

حلوة قوى رجالتى دى...هو السباعى ده دكتور ولا جزار فى السكاكينى!!!

[زهرة الجبل]

شر البلية ما يضحك و الله

قال إيييييه .... لو التحليل أثبت انه إبنكم حلال عليكم الجثه .. و لو لرااابع مره التحليل قال انه مش ابنكم برضه حلال عليكم الجثه

ده أكيد هم دول السبب إن الدوا بتاع الكروموسوم واي خلص

طب مش فاهمه و الله كان مستني النتيجه ليه ؟ ماكان وزنها و لفهالهم في ساعتها و خلاص بدل وجع القلب ده

بجد و الله هم يبكي و هم .. يبكي برضه

لا حول و لا قوة إلا بالله

[م تيمور المراغي]

فيه ناس من كتر تعاملهم مع الجثث بقوا اموات زي الشيئ اللي فوق ده

بس يسري فودة استاذ ,,

[زهرة الجبل]

بيقول الشهيد المبتسم فيه واحدة جات اتبرعت وقالت هدفنه عندى

وكمان عندى 19 جثة مجهولين لغايت دلوقتى فيه ناس منى عينهم تاخد واحدة منهم ويدفنوها عندهم

هو بيتكلم عن جثث بنى ادمين ولا بيتكلم عن ايه بالضبط!!!!!!

يا لهووووى

لا عيب عليكي يا فتفوته بقى بجد

عيب بقى عيب

ده مبتسم يا شيخه

هو أي جثه ؟ ... ده مبتسم .. أله ؟

و بعدين لما أحمد السباعي بذات نفسه يقول مالوش أهل .. يبقى مالوش أهل

ده شغله طبعاً وهو أدرى بيه

أكيد يعني بيعرف يفرق بين النوع ''النورمال'' اللي بيبقالهم أم و أب دول و بين النوع التاني المبتسم ده اللي هو بيبقى بيجي توماتيكي كده لوحده

هقول إيه بس ؟

حسبنا الله و نعم الوكيل

تم تعديل 28 أبريل 2011 بواسطة زهرة الجبل

[Dreamwithme]

مش قادرة أقول غير حسبي الله ونعم الوكيل

وكان الله في عون يسري فودة ....أنا حسيت إن الراجل هيتشل وهو قاعد قدام السباعي

[Dreamwithme]

تعليق الكاتب بلال فضل على كلام كبير الاطباء الشرعيين

أنا لو مكان يسري كنت أجيب لفافة بانجو وأطلب من السباعي إنه يبلعها على الهوا عشان نختبر تقاريره عملي ولو جراله حاجة نعمل له مسيرة رد الجميل

[التونسى]

كان ايه متوقع منه .. غير انه يستمر فى غيه وتدليسه وكذبه .. حتى لو ضميره صحى ..بعد ما الحكومه اللى فاتت وعلى رأسها حبيب العادلى غارت .. مش معقول يعترف على نفسه بأى شئ ممكن يدينه جنائيا .. خصوصا فى موضوع خالد سعيد رحمة الله عليه .. انا بصراحه يدوب شفت دقيقتين او ثلاثه من حديثه وبعدين قلبت القناه .. أضيع وقتى ليه .. فيه شخصيات كده مش متوقع منها اى رجا .. ولا حد من البشر حيقدر ياخد معاهم حق ولا باطل .. وربنا وحده قادر يأخذهم أخذة عزيز مقتدر .. بما عملت ايديهم من مأسى وظلم لشعب مصر

[mhamed]

كان الله فى عون يسرى فوده ضرب كف على كف

دخل فى حوار من اجل ان يحصل على اجابات لنفسه وللشعب فحصل العكس رجع وهو يحمل اسئلة ازيد مما كانت معه

ويسأل من يجيبنى عن هذه الاسئله

[fatfouta]

شباب الفيس بوك يدعون لمحاكمة السباعي لتمسكه بأن خالد سعيد بلع لفافة بانجو

من أجل عزل كبير الاطباء الشرعيين.

أنا إسمي السباعي السباعي، كبير حلاقين الصحة

تم تعديل 28 أبريل 2011 بواسطة fatfouta

[fatfouta]

طب ده كلام؟؟ :closedeyes:

تم تعديل 28 أبريل 2011 بواسطة fatfouta

[جسار]

بصراحة الله يكون فى عون الاطباء المرؤسين تحت رئاسته

هل يعقل ان يكون رئيس الاطباء الشرعيين فى مصر بمثل هذه الهيئة

من المؤكد أنه يتعامل مع من تحت رئاسته بأسلوب جزار المدبح

ده بكتيره يبقى رئيس مخزن ويكون مخزن مهجور كمان

يعنى النظام الفاسد كان يعتمد على مثل هؤلاء فى تدعيم اركان نظامه البائد

ياااااااااااااه ده احنا قدامنا مشوار طويل قوى .....

[fatfouta]

لا تخيلوا مين اللى عينه؟؟؟!!!!!! قولوا انتوا انا واثقة فى زكائكم

ولا اقولكم هقول وده على لسانه فى الفيديون

مين بقى؟؟

مباحث امن الدولة mf_p: mf(

[fatfouta]

إديله يا نور وحضر انت بقى الترنك الابيض يا سباعى

نور: سأرد بالمستندات علي "تخاريف" السباعي وسأتقدم ببلاغ للنائب العام ضده

أكد الدكتور أيمن نور، مؤسس حزب الغد، أنه سيرد بالمستندات على الدكتور السباعى أحمد السباعى كبير الأطباء الشرعيين، كما سيتقدم أيضا ببلاغ للنائب العام ضده، وأنه سيعلن ذلك خلال ظهوره مساء اليوم الخميس فى برنامح "آخر كلام" على قناة "أون تي في" الفضائية.

وقال نور عبر صفحتيه على "فيسبوك"، و"تويتر": "سأرد بالمستندات علي تخاريف السباعي على "أون تي في" الساعة 11 مع يسري فودة، وأيضا سأتقدم ببلاغ للنائب العام ضده".

جاء ذلك إثر ظهور الدكتور السباعى مساء أمس الأربعاء ضيفا على البرنامج ذاته، عقب حلقة أمس الأول من البرنامج، التى ظهر فيها فريد حشيش المحقق فى مصلحة الطب الطب الشرعى، وكان من المفترض أن تكون الحلقة بحضور الدكتور السباعى، لكنه فى آخر لحظة اعتذر عن الحضور مرجعا الأمر لأسباب عائلية، تلك الحقلة التى طالب فيها المحقق بوجود لجنة تقصى حقائق لكشف التلاعب الذى يحدث داخل مصلحة الطب الشرعى، كاشفا بالمستندات عن كم التجاوزات داخل المصلحة فى وجود الدكتور السباعى كبير الأطباء الشرعيين، الذى قال عنه بأنه اكتفى بالكشف الظاهرى على شهداء التحرير، وأصدر تقريره بأن أسباب الوفاة نتيجة الاختناق بالغاز فقط، بالإضافة إلى بعض الأخطاء فى تقاريرسابقة صادرة عن مصلحة الطب الشرعى.

فيما جاءت حلقة أمس من البرنامج ذاته بحضور الدكتور السباعى كرد فعل على حلقة أول أمس للرد على اتهامات المحقق الموجهة للدكتور السباعى، ولكنها جاءت الحلقة مشروطة منه بألا يتلقى أي مداخلات تليفونية من المشاهدين أثناء إذاعة الحلقة، رافضا أيضا مواجهة الدكتور أيمن نور هاتفيا، بعد إصرار الدكتور أيمن نور بعمل مداخلات هاتفية لعدة مرات أثناء الحلقة، مما اضطر مقدم البرنامج إلى توجيه دعوة للدكتور أيمن نور لحضوره للبرنامج فى حلقة لاحقة، إعمالا لحق الرد.

http://gate.ahram.org.eg/News/64788.aspx

[Simba]

رد فعل الشباب علي تويتر

- كمواطن عايز أفهم إزاى بتاريخه دا يبعتوه لمبارك وكطالب طب عايز أفهم ليه اصلا يبعتوا بتاع طب شرعى وكإنسان عايز افهم إيه البرود ده - كبييييير الأطباء الشرعيين في مصر يبقى ماجستير !! ليه يعني !؟ اللي أخدوا دكتوراة في الطب الشرعي انقرضوا !؟

- بعد ما اتصدمت في مدير المخابرات المصرية، جه كبير الأطباء الشرعيين يخلص عليا.. منك لله يا نبيل يا فاروق

- خايف اقول اللي في قلبي يحشروا لفافه بين سناني

- هو سباعى قاعد ليه حتقتلونا تانى ولا ايه

- ولكم فى القصاص حياة .. السباعى لابد أن أن يموت بلفافة

- التعذيب فى اقسام الشرطة سيظل موجود , المصيبة فى وجود شخصية كالسباعى على رأس المصلحة ..تقاريرة كلها فى صالح الجلادين مش الضحايا

- السباعي طبيب شرعي خارق لقوانين الطبيعه...لا سحر ولا شعذوه...يحط ايده علي الجثه تنور ويعرف الجثه ماتت ازاي من غير ما يكشف ولا يتطلع علي محاضر

- السباعى :- انا مفجر الثورة لولا تقريرى عن لفافة البانجو الثورة ما كانتشى حصلت ..انتوا المفروض تشكرونى

- الشرطة تريد .. السباعي رئيس جمهورية

- الخلاف على التقرير والتشريح لا يفسد للسباعي قضية

- اخرتها لفة بانجو فى بق الثوار

- يعنى إيه أول كبير أطباء معاه ماجستير؟!؟! أمال صغار الأطباء معاهم إيه ثانوية عامة قديمة؟ - سؤال الحلقة: ايه اكتر جملة استفزتك في حوار السباعي مع يسري فودة؟

- السباعى كان مبسوط وفخور وهو بيقول ان احتمال اختياره تم بناء على تقارير من المخابرات وامن الدولة مش فاهم ان ده شيء يدينه أكتر

- أنا السباعي اللى يوجعني ما أعالجهوش .. اقطعه

- ياااااعم سباعي إنت ماتنفعش طبيب شرعي إنت كبيرك طبيب عرفي

- السباعى: دى مش غلطتنا دى غلطة كل واحد قافش فى لفافة البانجو ومصمم يبلعها

- قريبا بكل غرز مصر .. بانجو السباعى بكتات مغلفة بجميع الأحجام و سهلة البلع

- الكذب حصرى فى مصلحة الطب الشرعى

- السباعى ..إسفكسيا و أحيانا ..إسفُكس

- السباعى للجثة : ياللا اللفافة رايحة فييين ؟ يالا ..جوه ..يالا افتح بقه ..همممممم ..امبوووو

- إكرام السباعى ..تشريحه

- جثث مصر تنادى ..لا للسباعى

وجدير بالذكر أن حلقة الأمس كانت قد أتت بناء على حلقة أذيعت أول أمس استضاف فيها فودة أحد المواطنين الذى تسلم جثة شخص آخر غير ابنه الذى اكتشف مؤخرا أنه مازال حيا يرزق، كما تضمنت الحلقة حوارا مع أحد محققى مصلحة الطب الشرعى فريد حشيش الذى وجه اتهامات بالإهمال والفساد للسباعى وطالب بتشكيل لجنة تقصي حقائق للتحقيق فى سلامة وقانونية الإجراءات المالية والإدارية والفنية بمصلحة الطب الشرعى لما وجهه من إدعاءات تتهم السباعى بالفساد والإهمال والانحياز للنظام السابق ومؤسساته الرسمية مثل الداخلية وجهاز أمن الدولة.

[aimen]

ترى هل يلحق السباعى بأحمد شفيق ؟؟؟

وتحل عليه لعنة يسرى فودة .؟؟؟

[Om Zayd]

أهه أنا أكثر حاجة خنقتني .. حكاية الماجستير اللي فرحان بيه

بس يسري فودة معرفش يتصرف كويس ..يمكن خلفيته العلمية مش قوي

المفروض انه اكثر احترافا .. مش المفروض يفقد أعصابه

.. المفروض كان يبقى معرف السباعي القضايا اللي هيتكلموا فيها

عشان ميتلككش انه ميعرفش التقرير ده او القضية دي

لأنه فعلا مش مطالب انه يكون عارف تفاصيل كل قضية

بالنسبة لطريقة كلام السباعي .. للأسف دي طريقة دكاترة كثييييييييييير في مصر

حتى برة مصر .. دكاترة كثير بيتكلموا كده.. حتى قدام المرضى

حاجات كان بيقولها السباعي ممكن تكون صح .. زي ان دي صورة خالد سعيد ربنا يرحمه بعد التشريح

كمان قعد يجادل معاه في حالة المخلوع.. و ده مش تخصصه.. دكاترة متخصصين هما اللي كتبوا التقرير

حتى المداخلة اللي عملها مع أستاذ القلب.. كانت غير موفقة.. هو نفسه قاله انا مشفتش الحالة

عاملة زي التشخيص في برامج التلفزيون.. لما واحد يتصل بالدكتور و يوصفله حالة جاره مثلا

باختصار .. حلقة غير موفقة كانت تحتاج تحضير اكثر و افضل بكثيييييييييير

[Alshiekh]

الحلقة كانت إثارية

بما أن الموضوع تخصصي ، فلم يكن يسري فودة وحده هو من يمكنه أن يدير الحوار.

للأسف يسري فودة كان يحاول استجوابه واستدراجه لأخطاء كما حدث فى موضوع أيمن نور.

السباعي رئيس مصلحة ، وكما في أي مصلحة ، في 99.99% من حالات التشريح هو يوقع فقط بناءا على توقيع طبيب التشريح المسئول عن المنطقة ، عدا الحالات التي تستدعي وجوده شخصيا.

عندما يحتاج الإمر إلي تشريح بشكل تخصصي فهو يستعين بأطباء من خارج المصلحة ( اساتذة أحيانا ) لإبداء رأيهم.

الطب الشرعي هو عمل جماعي لايبنى فيه القرار على رأي طبيب واحد ، بل على مجموعة العمل.

وفى النهاية فلا يمكن أن أي قرار بناءا على صور فقط أو على وصف في التليفون.

للأسف مافعله يسري فودة قد يصلح فى حوارات سياسية او عامة وليس فى موضوعات تخصصية.

لكن المشكلة هى أن سواء يسري فودة أو باقي المذيعين الذين يديرون حوارات يفضلون أن يكونوا مستجوبون لضيوفهم في موضوعات متخصصة لايعلمون عنها الكثير أو ربما قرأوا عنها قليلا قبل الإعداد للحلقة.

للأسف كل مذيعي البرامج الحوارية يفعلون ذلك. ، أما مؤيدين للضيف على طول الخط ولا يسألون الضيف عما يتسائل عنه الجمهور ، وإما يكونون ضد الضيف منذ البداية حتى النهاية بدون إستيعاب لما يوضحه الضيف فنجد ان السؤال يتم اعادته وتكراره ، على الرغم من تكرار الضيف بأنه قد أجاب على السؤال