سؤال للامهات ......عن تلعثم الاطفال

[pocy]

تلعثم الاطفال

منذ فتره لاحظت ان عمر دائما ما يكرر الكلمه كذا مره يعنى يقولى

ماما ....أنا انا انا عايز لبن ده مثال

او مثلا يقلي ماما أأأأأأأأأأألعب كوره

وبجد خايفه يكون ده التلعثم ودى تكون بدايته الموضوع لاحظته انه زاد من اسبوع تقريبا

فهل ده بدايه تلعثم ولا ايه مع العلم ان عمر الان عنده بسم الله ماشاء الله سنتين وتمن شهور ولازال هناك حروف ناقصه فى كلامه مثل السمكه بيقول عليها كبكه ومركب بيقول عليها كركب ومش راضي يغيرها وبيقول على الخمسه افه ومش عارفه هل كده يعتبر كلامه مش كويس لسنه لانه مش مظبوط ولا ايه؟؟؟؟

اتمنى الافاده

[عادل أبو عمر]

الفاضلة مدام بوسي

ربنا يبارك لحضرتك في عمر و في أبو عمر

هو ليه السؤال للأمهات مش للأباء كمان ؟؟

أنا مضطر أجاوب لإني عندي تجربة فعلية خلاصتها إن التلعثم مش مشكلة كبيرة في هذا السن ولكن الموضوع عموما بيتأثر بالحالة النفسية للطفل بشكل عام ويجب الانتباه لخطورة تعنيفه على التلعثم نفسه .

ياريت حضرتك تراجعي تصرفات عمر و إزاي بتتعاملوا مع أخطائه الطفولية .

[Om Zayd]

السلام عليكم و رحمة الله و بركاته

مش هقدر اضيف كثير ل أ. عادل

تكرار الكلام عادي في السن ده

اهم حاجة متحسسيهوش ان فيه مشكلة

ممكن تغني معاه

و تحكيله قصة وتخليه يحاول يحكيها بعد كده براحته

الهدوء

و ربنا يبارك في اولادنا و يعينا

[amgadibrahim]

الأخت الفاضلة بوسي

لا داعي للقلق فعمر ما زال في سن صغيرة و إن شاء الله بمرور الوقت ستلاحظي إن الموضوع ده بيقل

أما بالنسبة لنطق بعض الحروف أو الكلمات بطريقة خاطئة فأعتقد أن هذا يحدث مع كل الأطفال ولأعمار اكبر من عمر

المهم في هذا الموضوع إن بعض الآباء و الأمهات بيعيدوا نطق هذه الكلمات بالطريقة الخاطئة التي ينطق بها الطفل كنوع من أنواع الدلع ليه

والصح ان في كل مرة نصحح الكلمة امامه أو نستخدمها أكتر من مرة أمام الطفل بالنطق الصحيح

إن شاء الله في أقرب فترة هتلاقيه لبلب ومش ملاحقة على كلامه

[مسافر]

الاخت الفاضلة

اولا خذي المسألة ييساطة ولا تشعريه بذلك

ثانيا الدعاء لله والصبر

ثالثا سن عمر صغير وان شاء الله بمرور الوقت يتحسن

رابعا حفظ القرآن سيحسن كلامه فلا تستعجلي

وذلك عن تجربة لفأولادي فسروا كلامهم على 5 سنوات

والحمد لله الان كلامهم مضبوط

[jasmin hamed]

الاخت الفاضلة

اولا خذي المسألة ييساطة ولا تشعريه بذلك

ثانيا الدعاء لله والصبر

ثالثا سن عمر صغير وان شاء الله بمرور الوقت يتحسن

رابعا حفظ القرآن سيحسن كلامه فلا تستعجلي

وذلك عن تجربة لفأولادي فسروا كلامهم على 5 سنوات

والحمد لله الان كلامهم مضبوط

سؤال انا ابنى اصلا اتاخر فى الكلام و عنده تلات سنين و كلامه مش كله مفهوم

انا رحت الدكتور و قال طبيعى بس السؤال امتى يقدريبتدى يحفظ القران

[عادل أبو عمر]

الاخت الفاضلة

اولا خذي المسألة ييساطة ولا تشعريه بذلك

ثانيا الدعاء لله والصبر

ثالثا سن عمر صغير وان شاء الله بمرور الوقت يتحسن

رابعا حفظ القرآن سيحسن كلامه فلا تستعجلي

وذلك عن تجربة لفأولادي فسروا كلامهم على 5 سنوات

والحمد لله الان كلامهم مضبوط

سؤال انا ابنى اصلا اتاخر فى الكلام و عنده تلات سنين و كلامه مش كله مفهوم

انا رحت الدكتور و قال طبيعى بس السؤال امتى يقدريبتدى يحفظ القران

نفس الكلام ابني عمر و لغاية ما بقى اربع سنوات

ولخطورة السن ده مع دخوله المدرسة لأول مرة و مع المشكلة دي خليته هو اللي يختار أحلى مدرسة عاجباه و كان مبسوط جدا و أنا كمان عشان المدرسة فعلا طلعت محترمة جدا جدا لدرجة إنهم بعد شهرين بعتوا لي و افتكرت في مشكلة فقالوا لي ابنك عنده مشكلة في نطق الحروف و قعدت مع الأخصائي و قالي عنده مشكلة في حرفين و مطلوب تدريبه عليهم بشكل إضافي ساعتها أنا ضحكت و أكدت عليه حضرتك بتقول حرفين بس قال آه المهم الحمد لله بعد أسبوعين نطقهم

ابني قعد أول سنة في المدرسة محفظش حتى الفاتحة و بعدين بدأ حفظ القرآن و هو عنده خمس سنين

دلوقتي الحمد لله عنده تسعة وبسم الله ماشاء الله حافظ ثمانية أجزاء و ترتيبه في الثلاثة الأوائل على مدرسته طبعا السبب الأساسي بعد فضل الله هي مامته و صبرها في كل ده عليه ربنا يجازيها كل خير

ربنا يبارك لنا جميعا في أولادنا و يعيننا على تربيتهم كما يحب و يرضى

[Om Zayd]

سؤال انا ابنى اصلا اتاخر فى الكلام و عنده تلات سنين و كلامه مش كله مفهوم

انا رحت الدكتور و قال طبيعى بس السؤال امتى يقدريبتدى يحفظ القران

لو بيسمع أكثر من لغة .. عادي انه يتأخر

كمان لو مش بيتعامل مع أطفال تانيين كثير

امتى يبدأ الحفظ .. مش عارفة .. بس المهم الاول يتعود يسمعه و يا ريت قراءة واضحة .. زي المنشاوي و عبد الباسط و البنا

[Howayda Ismail]

لو التعلثم د جديد بعد مااتكلم عادى يبقى تشوفى ايه اللى قلقه

والقلق بيجى لو الام حامل وعرف ان جايله منافس جديد ياخد مكانه والحالة دى بتظهر فى الطفل الاول اكتر

او دخل حضانة جديدة ولسة مااندمجش مع الاطفال كويس

او اهتمامك بيه قل عن الاول لاى سبب رجعتى الشغل مثلا او اصحاب جدد

حطى ايدك على الحاجة اللى اتغيرت فى اسلوبك معاه حتلاقى المشكلة اتحلت

ممكن جدا يكون طرف اخر مضايقه ابوه او اطفال اصحابكم او جيرانكم راقبيه بس من غير مايلاحظ

وممكن تستدرجيه فى الكلام عن علاقته بالناس اللى تعرفوهم بيحبهم ولا لأ عاوز يروح عندهم تانى ولا لأ

مشكلة نطق بعض الحروف لازم تلحقيه بدرى تصلحى كلامه ولاتنقديه امام الاخرين عشان السن ده بيفهم كويس اوى

وعارف الكلام عليه وده ممكن يزود مشكلته

لو قلاقنة اوى استشيرى طبيب اطفال نفسى واستعينى بطبيب تخاطب لمعاونته فى مخارج الحروف بشكل صحيح

لكن عموم هو لسة صغير متستعجليش عليه ممكن يكون بيقلد كرتون او حاجة بشوفها فى التلفزيون

[Howayda Ismail]

سؤال انا ابنى اصلا اتاخر فى الكلام و عنده تلات سنين و كلامه مش كله مفهوم

انا رحت الدكتور و قال طبيعى بس السؤال امتى يقدريبتدى يحفظ القران

ده بيتوقف على قدرة كل طفل ومش مقياس السن يكون واحد

لان ماشاء الله لاقوة الابالله الطفل سنه 3 سنوات ويحفظ القران كله

http://www.youtube.com/watch?v=jQNJYiW18dw&NR=1

لكن الافضل حفظ القران لابد يكون فى سن صغيرة جدا لان الحفظ يقى ايسر كتير

[عبير يونس]

شوفي يا قمر

طبعا الكل أجمعوا على حاجتين غاية في الأهمية

لا تقلقي

لأن القلق حيضرك

و حا يزود معاناتك

و لأن قلقك ده بيتحس من عمر و حا يوصل له أكيد

و يوتره

لا تشعريه ان هناك مشكلة

و ده متوقف على انك تتجنبي القلق فعليا و ليس ظاهريا

يعني ما ينفعش تتظاهري ان مفيش مشكلة

و انتي من جوة قلقانة و خايفة و عمالة تهولي الموضوع لنفسك

اللي أحب أضيفه و عن خبرات و تجارب

اوعي تسمعي كلام حد حواليكي

في ناس هوايتها التهويل و العمل على اثارة القلق في نفوس من حولها

سواء فعلوا ذلك بقصد أو بدون قصد

تجنبي تماما النقاش مع أحد حول أطفالك

كل طفل حالة لوحده

و مش حيشبه حتى أخوه التوأم

و قبل كل شيء استعيني بالله

و ضعي كل يقينك فيه سبحانه أنه سيجعل لك الخير كله و سيبعد عنك الشر كله

كثير من الناس بتلجأ لربنا آخر حاجة

و بعد ما تعدم كل الأسباب

مع إننا لو لجأنا له من الأول

حا نوفر كتير جدا من الوقت و الجهد