لماذا نقبل الدنية في سيادتنا الوطنية بعد الثورة ؟

[احمد هادي]

اذا كنت تعاني من الضغط او السكر ..فلا تشاهد هذا الفيديو http://www.youtube.com/watch?v=6EBRK2-qw8U&feature=related

قليحب الكويتيون مبارك كما ارادو لكن هل تقبل مصر هذا التدخل الوقح في شئونها الداخلية ؟ وما معني تواكب هذا البرنامج مع زيارة شرف للكويت? ولماذا تسكت حكومة مصر عن اهانة شعبها قليل الاصل الذي لا يحترم رئيسه علي شريط الرسائل؟

تم تعديل 28 أبريل 2011 بواسطة احمد هادي

[tarek hassan]

يا جماعة الدولة اللي عاجبها حسني مبارك فمبروك عليها تاخده رئيس لها هو أو ابنه وليس من حقها أن تطالب بفرضه علينا طالما إحنا مش اخترناه مش اخترناه بدليل هذه الجموع الغفيرة التي أسقطته

ويا جماعة اللي عايز يقول حاجه يقولها وخليهم يتسلوا

[التونسى]

اولا المذيع اخطأ.. بنسب كتابة اغنية (( اخترناه)) .. لسيد حجاب .. واللى كتبها هو الراحل ((عبد السلام أمين)) ولحنها عمار الشريعى

ثانيا لو تحدثت بموضوعيه .. أقدر أعذر الكويتيين لحبهم لمبارك .. لانه للاسف فى نظر الكويت .. ينسب اليه الفضل الكبير فى تحرير الكويت ((رغم ان جيش مصر اللى هو من ابناء مصر هو اللى حارب وكان راس الحربه )) .. ومبارك برده وبشهادة بوش المتلفزه .. كان من الناس اللى وشوا بصدام .. وحرضوا على التخلص منه .. وصدام معروف انه عدو الكويت الاول... الى جانب ان مبارك كان بايع قضية الرعايا المصريين ..سواء فى الكويت او فى اى بلد خليجى .. وما خفى كان أعظم ...من أسباب سر العلاقه القويه بين مبارك من ناحيه.. وبين الكويت ودول الخليج ((عدا قطر)) ..من ناحية اخرى

[احمد هادي]

الاهم هو تأسيس اسلوب جديد في التعامل مع الجميع بما في ذلك اشقائنا العرب. كيف تقبل حكومة بلد يحترم نفسه وشعبه ان يهاجم قضاءه وشعبة وثورته؟لو هاجم برنامج تليفزيوني مصري واحد سياسة دول الخليج لانقلبت الدنيا ولم تقعد فلماذا نقبل الدنية في سيادتنا الوطنية بعد الثورة التي كان احد اهم اسبابها ضياع كرامة المواطن في الداخل والخارج ؟

تم تعديل 28 أبريل 2011 بواسطة احمد هادي

[الغريب]

دي قناة بيسموها هنا "قناة الفتنة" أصحابها طلال وفجر السعيد وكفى !!

من شهرين تقريبا ذهب إليه الشيخ مالك الصباح ومعه مجموعة من شباب آل صباح وكسروا الإستديوهات بتاعتها بسبب قلة أدبهم

ممكن أجيبلك هنا فيديوهات من الشكل المستفز ده كتيييييييييير ، ويكفي حملتها من قبل على حركة حماس

[Om Zayd]

للفاضل herohero

موضوع يناقش نفس الفيديو

حملة قناة سكوب الكويتية للدفاع عن مبارك

ما أفهمه ان القناة ليست حكومية .. بالتالي لا نستطيع مخاطبة المحومة الكويتية بشأنها

لكن ممكن المصريين -حكومة او أفراد- ترفع عليهم قضية لو خالفوا قواعد الاداء الإعلامي

و لو بتبث عن طريق النايل سات و خالفت شروط و قواعد البث .. نقفل البث بتاعها من عندنا

كمان مش متأكدة هل الرسايل اللي بتظهر عندهم هما مسئولين عنها ام لا

الاهم بقى اننا بتكرار نشر الفيديو بنديها شهرة و اللي مسمعش يسمع

أنا شخصيا عمري مسمعت عنها قبل كده

المهم دلوقت نشتغل

تم تعديل 28 أبريل 2011 بواسطة Om Zayd

[ابو محمود]

انا لا استغرب على شعوب الخليج العربى ان يبكون على حكامهم لانهم عبيد ولم يصلو بعد الى درجة الاحرار والشواهد كثيرة شعوب تقسم ثرواتهم مابين الفتات لهم والباقى لأسيادهم من حكامهم وأمرائهم شعوب جبنت على المثالية للحاكم والرضوخ تحت امرة ولو سرقهم وعندما يريد الحاكم او يحس انهم تعرضو لمشاهد تلفزة من دول حرة كمصر تقوم فيها ثورة تنزع مبارك من الحكم ينثرون عليهم كام مليار كى يسكتوهم ويعيشون فى اسراف وبزخ الا من رحم ربى منهم وهم اما خارج اوطانهم او موتى او مسجونيين فلا تتعجبو على حال شعوب اصبحت جثث تتحرك بلا روح تستهلك ما يصنع لهم اسيادهم من الغرب واسيا يستهلكون فقط

[مسافر زاده الخيال]

انا لا استغرب على شعوب الخليج العربى ان يبكون على حكامهم لانهم عبيد ولم يصلو بعد الى درجة الاحرار والشواهد كثيرة شعوب تقسم ثرواتهم مابين الفتات لهم والباقى لأسيادهم من حكامهم وأمرائهم شعوب جبنت على المثالية للحاكم والرضوخ تحت امرة ولو سرقهم وعندما يريد الحاكم او يحس انهم تعرضو لمشاهد تلفزة من دول حرة كمصر تقوم فيها ثورة تنزع مبارك من الحكم ينثرون عليهم كام مليار كى يسكتوهم ويعيشون فى اسراف وبزخ الا من رحم ربى منهم وهم اما خارج اوطانهم او موتى او مسجونيين فلا تتعجبو على حال شعوب اصبحت جثث تتحرك بلا روح تستهلك ما يصنع لهم اسيادهم من الغرب واسيا يستهلكون فقط

من حقك و غيرك من المصريين الاعتزاز بثورتكم و الدفاع ضد (اي)جهة تحاول الانتقاص منها,,,,من حقكم الاعتراض تماما على البرنامج الكويتي (الذي يمثل مالكي القناة و مذيعيها)............

لكن ليس من حقك الرد باكاذيب و اوهام و اتهامات ضد شعوب الخليج.!!!!.....فلم تكن شعوب الخليج من العبيد مطلقا بل من المتحدرين ممن حرر الدنيا باسرها...رغم بداوتهم الغالبة فلم يعرفوا السجود والانحناء لا لكسرى ولا قيصر ولم يألهوا الفرعون او يبنوا له المعابد.....اما تقسيم الثروات (بالمعنى الاشتراكي او الشيوعي)....فالحمدلله (لا نحتاجها) و نحن في وضع (يحسدنا عليه حتى الاوربيون والاميركان)....ثم اين هي تلكم الشعوب على ارض البسيطة التي (يتشارك فيها الحكام و المحكومين بفروق تقترب من الصفر؟؟؟؟) هل ثروة المواطن الاسكندنافي تقارب ثروة ملوكهم!!!!!!

اتمنى على من يناقش او يدلي باراه عن الخليج ان يكون بالقدر والمستوى المؤهل لان يذكر الامور كما هي و بحقائقها....لا التزييف والافتراء

[se_ Elsyed]

انا لا استغرب على شعوب الخليج العربى ان يبكون على حكامهم لانهم عبيد ولم يصلو بعد الى درجة الاحرار والشواهد كثيرة شعوب تقسم ثرواتهم مابين الفتات لهم والباقى لأسيادهم من حكامهم وأمرائهم شعوب جبنت على المثالية للحاكم والرضوخ تحت امرة ولو سرقهم وعندما يريد الحاكم او يحس انهم تعرضو لمشاهد تلفزة من دول حرة كمصر تقوم فيها ثورة تنزع مبارك من الحكم ينثرون عليهم كام مليار كى يسكتوهم ويعيشون فى اسراف وبزخ الا من رحم ربى منهم وهم اما خارج اوطانهم او موتى او مسجونيين فلا تتعجبو على حال شعوب اصبحت جثث تتحرك بلا روح تستهلك ما يصنع لهم اسيادهم من الغرب واسيا يستهلكون فقط

إنت ليه إسلوبك جاف كده يا أخ محمود في كل مداخلاتك ؟؟؟؟

ما تعبر عن رأيك بحرية من غير ما تجرح حد

عارف ليه ؟

لإن ببساطة ما حدش هايسمع الكلام ده عن بلده إلا ويرد عليك الصاع صاعين ..

لإن كل واحد عنده كيبورد زيك .. وبيعرف يتكلم برضوا زيك

[اليمامة]

مقال ظريف للكاتب الكويتي الساخر فؤاد الهاشم حول مبارك والكويتيين ..

«الكوايته».. لما.. «يخبّطوا في.. الحلل»!!

تخيلت نفسي واحدا من شباب «ثورة 25 يناير» في مصر قرر ان يرد على العديد من الكويتيين الذين «يتعاطفون بشدة» مع الرئيس السابق «حسني مبارك» - وبلهجته المصرية المحببة – قائلا:

٭٭٭

.. أعزائي «الكوايته» الحلوين:

.. انا عايز اقول لكم انكم.. مش فاهمين حاجة خالص عننا، وعن اللي جرالنا! انتو بتيجوا مصر – كم يوم كده – وتنزلوا في «هيلتون» واللا.. «شيراتون» واللا.. «سميراميس» ومعاكم.. «ميري» و«راني» و«صوفيا» و«كومار» و.. السواق «البدون» بتاعكم، وتتفسحوا وتاكلوا عند «كبابجي» الشيراتون حمام مشوي وكباب وكفتة وواحد زي الاستاز «فؤاد الهاشم» يسكن في «الفورسيزون»، وبعدين يروح يتفرج على «دينا» - وهي بترقص بجسمها الجميل اللي عامل زي الملبن – وتاني يوم يروح «العزبة» في محافظة الشرقية عند واحد صاحبه، ويفطر «عسل اسود وفطير»، ويتغدى «وز وبط»، وتاني – او تالت يوم – يسافر بلده، زيكم كده لما تهيصوا وتتفسحوا وتروحوا «كرداسة» علشان تشتروا.. «دراريع» - او «بلاليع» - .. واللي ما اعرفش بتسموها كده.. ليه؟! تعرفوا ايه عن الناس الغلابا اللي عايشين في.. «الامام الشافعي» مع الاموات؟ عن الناس الغلابا اللي عايشين في.. «الحسين» و«السيدة زينب» و«الورّاق» و«المدبح» و«نزلة السمان» و«روض الفرج» و.. «حارة قواوير» و.. غيرها، وغيرها.. وغيرها؟! تعرفوا ايه – يا كوايته – عن «العشوائيات» والجوع والفقر والمرض ودخل يومي ما يزيدش عن «ستميت فلس» - بالفلوس بتاعتكم – وانتوا بتدوا .. «ميري» واللا.. «ماريا» واللا.. «كومار».. دينار واللا دينارين، لما يعوزوا يروحوا الكنيسة اللي جنب الشيراتون بتاعكم كل «يوم.. حد»؟!

.. أعزائي «الكوايته».. الحلوين:

.. احنا بنطفح «الكوته» علشان لقمة العيش، ونظام الريس السابق خلانا.. «نخبّط في الحلل»!.. عارفين يعني ايه.. «نخبّط في.. الحلل»؟! يعني ماشيين ومش عارفين احنا فوق الارض واللا.. تحتها؟ عظامنا عليها لحمة وشحمة، واللا.. مدفونة وشبع منها دود.. الارض؟! ما شفتوش اهالينا اللي راحوا يحجوا لبيت الله ويشتكوا لربنا وحبيبه النبي المصطفى على اللي بيحصل لهم في بلدهم مصر، ولما ركبوا العبّارات ووصلوا لنص البحر الأحمر، غرقت بيهم، واكلهم.. سمك القرش! ليه؟ علشان.. صاحب العبّارة «ممدوح اسماعيل» طلع صاحب «زكريا عزمي» - رئيس ديوان رئيس الجمهورية، واللي بيحبه الريس اكثر من شعبه، سمحوا للقاتل اللي قتل الف روح جايه بعدما زارت بيت ربنا وقبر حبيبه النبي عليه الصلاة والسلام، انه يهرب ويروح يعيش – مع ملايينه الغرقانه بدم الشهداء – في لندن بعدما اتحكم عليه بـ.. ثلاث سنين سجن مافيش غيرهم! الف روح ماتت، والقاتل يأخذ ثلاث سنين سجن.. وياريته اتسجن كمان! ده لو كان دابح الف «قطة وقرد» كان حيتحكم عليه باكثر من.. كده!! ا ولادنا بيغرقوا في البحر المتوسط – كمان – وهم رايحين على مراكب تعبانه علشان ياكلوا لقمة عيش في «ايطاليا» واللا «اليونان»! فين ايام زمان، لما كانوا.. «الطلاينة واليونانيين والفرنساوية والانجليز».. بيجوا بلدنا علشان يشتغلوا عندنا وياكلوا لقمة عيش؟ شفتوا الضباط وحكمهم عمل فينا.. ايه؟ وآخرهم «الضابط الجوي حسني.. مبارك» اللي خلانا ناكل «المشّ بدوده» هو وولاده ومراته وصحاب ولاده، وشلة الحرامية اللي نحتوا جسم مصر ووبرها، ووصلوا لعظامها.. وقعدوا يلحسوا ويمصمصوا فيه.. كمان؟!

.. أعزائي «الكوايته» الحلوين:

.. ولما نطفش من بلدنا – من الخوف والجوع والمستقبل اللي مالوش ملامح – ونبيع الجاموسة ونبوس ايد العمدة علشان نسافر الكويت ناكل لقمة بالحلال، تطلع لنا الست «عزيزة المفرج» وتقولنا.. «طلعوا من.. ديرتنا»!! وبعدين بتقولو لنا.. «حرام عليكم، اللي بتعملوه في حسني مبارك وولاده ومراته»؟! هو صحيح حرر بلدكم من «العرائيين»، لكنه استعبد – واستعمر – بلدنا بالحرامية والهليبة والبلطجية وخاربين الذمة لتلاتين سنة لما.. «اتهرينا»!! عايزين.. مبارك وبتحبوه؟! خدوه عندكم – اشبعوا بيه – بس هو بقى مش عايزكم ومش عايز «السعودية» ولا «الامارات»، هو عايز «شرم الشيخ» ومش حيخرج منها الا على سجن.. «طرة»! سيبوه بقى، هو عايز كده، وقبل كده.. ربنا عايز كده كمان!

.. أعزائي «الكوايته».. الحلوين:

.. عندنا «مسل» بيقول: «يا داخل بين البصلة وقشرتها…..»! فارجوكم سيبونا في حالنا، وما تقولوش علينا «ما عندناش وفا ولا اخلاص»، لان «ايدكم» اللي غطسانه لتلاتين سنة في «الميه الساقعة» بتاعة فنادق الخمس نجوم، مش زي ايدينا اللي اتحرقت واتشوت من.. «ميه الحزب الوطني اللي.. بتغلي»!!

.. أعزائي «الكوايته».. الحلوين:

.. احنا شلنا «مبارك» وحكومته وشرطته والوزرا بتوعه ودخلناهم السجن كمان، وانتو مش قادرين تشيلوا اللي اسمه «الفريق البدر بتاع الازالة» اللي كسر دواوينكم وشال زرعكم ولا قدرتوا «تشكموا» النايب اللي يخش من الانفاق ده في «رفح»، والثاني «الهايف» اللي مش عاجبه حاجة، وحتى «ابوبشت» اللي لابسه ده على طول ولما يتكلم ما تفهمش بيقول.. ايه؟ صح.. واللا.. ايه؟!

٭٭٭

.. آخر.. كلمة:

.. اتصال هاتفي يوم امس الاول استغرق حوالي 25 دقيقة بيني وبين النائب العراقي – والكاتب والزميل العزيز - «حسن العلوي» حول ما اشيع عن تلقيه مكالمة هاتفية من المشنوق «صدام حسين» وبانه - «حي يرزق»! «ابوعمر» - وهو بالمناسبة شيعي المذهب من جماعة «اياد علاوي» - ضحك وقال انها اتصالات هاتفية قديمة متعددة وحقيقية جرت بينه وبين «صدام حسين» وتمت معالجتها بطريقة هندسية وفنية وحرفية مضافا عليها صوت شخص يعرف تماما طريقة ونبرات صوت الديكتاتور المقبور! هذه هي كل.. الحكاية!

[اليمامة]

انا لا استغرب على شعوب الخليج العربى ان يبكون على حكامهم لانهم عبيد ولم يصلو بعد الى درجة الاحرار والشواهد كثيرة شعوب تقسم ثرواتهم مابين الفتات لهم والباقى لأسيادهم من حكامهم وأمرائهم شعوب جبنت على المثالية للحاكم والرضوخ تحت امرة ولو سرقهم وعندما يريد الحاكم او يحس انهم تعرضو لمشاهد تلفزة من دول حرة كمصر تقوم فيها ثورة تنزع مبارك من الحكم ينثرون عليهم كام مليار كى يسكتوهم ويعيشون فى اسراف وبزخ الا من رحم ربى منهم وهم اما خارج اوطانهم او موتى او مسجونيين فلا تتعجبو على حال شعوب اصبحت جثث تتحرك بلا روح تستهلك ما يصنع لهم اسيادهم من الغرب واسيا يستهلكون فقط

لن أرد على الغلط بغلط

لكني أريد القول أن من الحمق الشديد اسقاط الحالة المصرية أو التونسية أو غيرها على دول الخليج

فعندما تحصل ثورة في مصر لا يعني أن على بقية الدول أن تثور وإلا تصبح متخلفة او عاشقة للعبودية ؟!! ـ

هذه سذاجة وقصور عن الرؤية الموضوعية التي يقتضيها المنطق

أما حكامنا فلا نرضى لهم بديلاً وأياً كانت سلبياتهم فايجابياتهم تتفوق ، وهم صمام الأمان لأوطاننا