خبر مستعجل - عودة الأخ القائد س س - حفظه الله -

[se_ Elsyed]

عاد بحمد الله وفضله الأخ القائد س س ( المُفدى ) قائد الثورة البلشفية إلى الأراضي السعودية بعد قضاء إجازته السنوية بالأراضي المصرية وبعد إطمئنانه على احوال الرعيه ... واللي يحبنا مايضربش نار ..

الحمد لله كانت احسن اجازة قضيتها حيث قررت من البداية بأن تكون إجازة سلبية وماعرفتش أي حد في الشغل تليفوناتي وبالتالي كنت عايش في نعيم ... وأجمل ما في الإجازة هو انني قابلت الأخ إبن مصر قائد الجناح العسكري بالقطر المصري والأخ لانسلوت قائد الهوسبتاليين بمنطقة روض الفرج ... وقد قام الأخ س س بمنح إبننا إبن مصر نوط الشرف من الدرجة الأولى ( دي فيها مرتب ثابت يعمل له حوالى 135 جنية شهرياً ) ومنح القائد لانسلوت مبلغ 17 جنية عشان يشتري اللي نفسه فيه براحته...

( نداء إلى إبن مصر ولانس : إوعوا تقولوا لحد أنا شكلي إيه عشان الناس تفضل سارحه في خيالها وفكراني شبه يحي شاهين بتاع بين القصرين ..... إستروا عليه ربنا يسترها على ولاياكم )

[moody00x]

حمدلله على السلامة يا أبو عمر...والله ليك وحشة كبيرة ...

يارب تكون قضيت أجازة حلوة فى ميامى...مرحبآ بعودتك مرة أخرى

[amir]

حمدلله على السلامه

اوعى تكون جيت فى نفس الطياره معايا

[Masrawy Abroad]

معلم إس إس

سمدل على الحلامة

:D :D

يسعدني أقولك إن أجهزتنا نجحت في تسجيل لقائكم صوت وصورة (بث حي مباشر كمان)...وقد فوجئنا بشكلك اللي كان فعلا مفاجأة لأجهزتنا الأمنية ولكن في نفس الوقت جعلنا نشعر بالارتياح والإطمئنان من ناحيتك..... :P mf-:

حتى لا يختلط الأمر على السادة ومنعاً للقيل والقال:

المعلم إس إس زينة الرجال ولكنه مش يحيي شاهين...

تقدرو تقولو أحمد حلمي مثلاً (أو أقصر شوية)

shk():

[فــيــروز]

(أو أقصر شوية)

shk():

كماااااااااان !! :D

وايه كمان .. :D mf-:

س.س. ... حمدلله بسه .. هى بتتقال كده توفيرا للوقت و النفقات :P

[عصام]

يعنى أنا لما كلمتك فى التليفون ..

مكالمة كلفتنى دم قلبى ..

حوالى ..

نص أهيف ...

كان كل قصدى إنك تقول لما ترجع إن "إسو" باشا (زميل فى الإشراف على فكرة :D ) كلمنى .. وكمان حكينا وقولنا كيت وكيت ..

عموما أنا كنت عارف من الأول إن ده هايحصل ..

وعليه ...

أنا عايز تحويل بقيمة المبلغ :P

[disappointed]

عاد بحمد الله وفضله الأخ القائد س س ( المُفدى ) قائد الثورة البلشفية .........

.....من منفاه

:P :D :D mf-:

[hamo90]

يا هلا طال العمر والله غيبتك طالت وأشتقنا ليك وايد( حته سعودي كده ع الماشي )

مرحبا بك ايها القائد المظفر لقد سمعنا نبأ لقاك مع قادة الافرع الرئيسية وسمعنا عن المكافأت ( ناس ليها بخت )

المهم حمد الله ع السلامة نورت بيتك ومطرحك يا سي السيد

hamo

[se_ Elsyed]

شكراً لكل الجماهير على الترحيب وإن شاء الله تكونوا جميعاً بخير ومايكونش في أي مشاكل من حيث بطاقات التموين أو شراء مستلزمات المدارس وكده يعني .

أما الأخ إسو المشرف الأخضر الورور الجديد فبأعتذر له عن عدم ذكر إسمه في مضبطة إجتماع القمة حيث إن المكالمات التليفونية لا تُحتسب من ضمن الأحداث الجسام ... كما إن هناك سبب هام وجوهري ( جوهري جوهري أو أو ) وهو إن الإجتماع كان على مستوى المشرفين الزُرق .. فإن شاء الله السنة الجاية تكون إزرقيت وبقيت حلو كده وأوعدك اننا نضمك لإجتماعات القمة .. ولو بشكل إستثنائي :D

[Lighthouse]

حمد الله على السلامة يا س س

ويارب تكون قضيت اجازة سعيدة non:: mf(

[ragab2]

حمدا لله

على وصول سى السيد بالسلامة الى وطنه الثانى

الجزيرة العربية

وننتظر مشاركاته السخية

بإذن الله