هل هناك امل في عودة قناة روتانا طرب

[أمل حياتي]

اشعر بالاسى والحزن منذ اختفت تلك القناة منذ حوالي اكثر من عام

وتم دمجها بشكل جزئي في الفترة المسائية فقط مع قناة روتانا زمان

لانها ببساطه كانت قناة تبث اجمل واقوى الاغنيات على مدار الساعه لكبار نجوم الطرب

القديم .... والحديث ان كان هناك طرب حديث

تم الغائها على الرغم من وجود قنواتهم الاخرى التي تتشابه في نفس المضمون

لكن ..... هذه القناة كانت مختلفه جدا تنقل الحفلات القديمه لكبار المطربين

وكنت استمتع بسماعها وانا اعمل في مكتبي في الفترة المسائية

اصيغ اقوى المذكرات وامارس مهام عملي دون ان تفقدني التركيز

واستمتع بسماعها وانا اشرب القهوه في الإسكندريه وانا اجهز افطاري

قناة خسرناها فعلا ,,,,, تجعلك تعيش في عالم آخر من الرومانسيه وعالم من الهدوء

على الرغم من وجود المئات من قنوات الطرب ولكنها...... كانت بجد قناة متميزه

فهل تعود قناة الطرب الأصيل ؟؟؟؟؟

[Damo]

تكرار

تم تعديل 30 أبريل 2011 بواسطة Damo

[Damo]

السلام عليكم

أنا الصراحة مشعرفه إذا كان في امل أو لأ و انا شخصيا مكنتش من المتابعين لها.

لكن عندي اقتراح. ممكن حضرتك تنزلي كل أغاني الطرب اللي في الدنيا وتبقى playlist شغاله علطول. أنا عارفه إنها مش هتبقى بحلاوة الراديو أو التلفزيون لما الأغنية تبقى مفاجأة. بس يا رب تنفع تصبيرة لحد ماتفتح قناة للطرب

[أمل حياتي]

عزيزتي دامو كل الاغنيات عندي بمكتبه كامله بهارديسك

وكمان مرتبين على جهازي الايبود وكمان عندي سبيكر في مصر للايبود

بس على رايك انتي جبتيها مش بحلاوة الاغنيه اما تبقى مفاجاه وخصوصا الحفلات العربيه كلها ابداع

مدحت صالح وغيره

حاقعد اتحسر عالقناة دي الصراحه ليها ذكريات جميله كانوا قفلوا الفيديوكليبات اللي ملهمش لازمه

[Damo]

أنا لقيت الاذاعة دي تنفع ؟

http://www.qassimy.c...ab_fm_live.html

بتشتغل لوحدها أول ما الصفحة تفتح

تم تعديل 30 أبريل 2011 بواسطة Damo

[أمل حياتي]

حاجربها واشوفها

بس فعلا المحطه كانت خساره ايقافها

شكرا حبيبتي دامو

[se_ Elsyed]

لا حول ولا قوة إلا بالله

شعرت بمدى الأسى والأسف والمغص . لإختفار روتانا طرب

لذا أُدعو إلى مظاهرة مليونية في ميدان التحرير وأعتصام مفتوح لعودة روتانا طرب ...

قلبي عندكي يا أختي أم علي .. المُصاب جلل .. والحدث عظيم .. والرزق على الله .. وأتفضلي شوفي شُغلك

[tarek hassan]

لماذا تختفي روتانا طرب وتبقى روتانا زمان ؟

وهل ابتعلت وروتانا زمان روتانا طرب ؟

ولماذا يتم اختزالها في الفترة المسائية فقط ولساعات قليلة ؟

إن الأمر يشبه ابتلاع صدام لدولة الكويت ( طبعا دا مزاح )

[se_ Elsyed]

بس يا طارق أحسن أم علي تزعل .. ودي زعلها غالي عندنا

والله بنهرج معاكي يا فندم .... وبإذن الله الحاجه اللي ضايعة ترجع لك وكدهوت

[tarek hassan]

بس يا طارق أحسن أم علي تزعل .. ودي زعلها غالي عندنا

والله بنهرج معاكي يا فندم .... وبإذن الله الحاجه اللي ضايعة ترجع لك وكدهوت

فعلا والله يا سي السيد أنا بهزر ومش قاصد أزعل أي حد

وكمان أنا كنت من هواة أغاني الطرب القديمة وكنت أحفظ كلمات الكثير والكثير منها وتعرفت على الكثير من الشعراء من خلال أغاني لأم كلثوم أمثال أحمد شوقي ورامي ومحمود حسن إسماعيل وغيرهم

ولكنها مرحلة وانتهت والحمد لله نسيت حكاية الأغاني من فترة كبيرة

[التونسى]

تصدقى انتى بنت حلال والله .. ريحتينى من البحث ووجع القلب .. انا برده بحب القناة دى جدا .. لانى بحب اى شئ قديم .. ولما رجعت مصر ودورت عليها لاقيتها اختفت .. وكنت ناوى ادور على ترددها وكده .. اتاريها اتلغت خالص يا خساره .. للاسف مفيش قناه بتقدم نفس الخدمه اللى كانت بتقدمها نفس القناه . مع انى سمعت ان التلفزيون المصرى كان ناوى يبث قناة اسمها تقريبا ((تراث)) لكن مش عارف ايه اخر اخبارها

[أمل حياتي]

انا لن ازعل ابو السيد واخي طارق

وكلامك حلو و خفيف

اخي الفاضل التونسي القناة فعلا كلها ابداع ابداع لا حد له

ولا توجد قناة شبيهه ......

مفيش غير نراسل الوليد