كل سنة و انت طيبة يا لمضمض ... بمناسبة عيد العمال طبعا

[م تيمور المراغي]

إيه تاريخ الميلاد المميز ده؟

يعني إنت عيد العمال .. و دامو تحرير سيناء

وتيمور شم النسيم :happy:

[aimen]

لماضة هانم

نوارة المنتدى

كل عام وانتى بالف خير

http://www.youtube.com/watch?v=BGAXxiwxFZk

[أمل حياتي]

أعذب تهنئة لأعذب احساس

كل عام وانتي أسعد الناس

[rewsha]

كل سنه وانتي طيبه يا لماضه يا اخوتشي

ورنا يحقق لك كل امانيكي

[Om Zayd]

لماااااااااضة .. انتي فيييين يا لماضة

:protest:

الناس هتكسر البوفيه

جاعوا يا أمي

يومين سايباهم على لحم بطنهم و الجاتوهات و المشبكات بتزغلل عينيهم

الرحمة يا بنتي

-مرة امي مرة بنتي .. الجوع بقى-

اللي يلاقيها يدلها عالحفلة

ينوبكم ثواااااااب

:closedeyes:

[لماضة مصرية جدا]

السلام عليكم و رحمة الله و بركاته

ايه اجمل من انك تفتح عينيك الصبح و تلاقي فيضان من المشاعر الحلوة اوي كده

ايه اجمل من ان يكون عندك ناس و اصحاب قدروا بحروف و صور و الاهم احساس لا يشبه حدا...انهم يخطفوا ضحكة من علي وشك كده

ايه اجمل من انك تحس انك مش بس بتكتب هنا في العالم الافتراضي دوت....لا انت عايش فيه و ناس عايشين جواك

مافيش اجمل...و لا احلي...و لا ارقي...من المساحة الدافية اللي حضراتكم عملتوها هنا

النهاردة الصبح جاني كارت معايدة بيحكيلي عن مدينة اسمها...."مدينة الحب" في فرنسا

استغربت

هو ممكن يكون للحب.....مدن؟؟؟

و غمضت عيني و حلمت...اني اعيش في مدينة خيالية زي دي

و لما فتحت عيني....لقيت ان فيه مدن كتير للحب....مش بس في فرنسا

دي ممكن تكون حوالينا....اقرب مما نتخيل

و ده اللي انتوا عملتوه هنا

انا مش شايفاه توبيك...هياخد ركن في "باب الاجتماعيات" في مساحة في العالم الفضائي الانترنتاوي)

انا شايفة ان

كل حرف

و كل مداخلة

و كل مرور حتي.....بنيتوا طوبة في مدينة ..."الحب" عندي و اللي هي بتكفيني اوي و بتفيض

مش عارفة اقولكم ايه....(مش بعادتي اني اتكسف كدهوت يعني)

صباحكم....مدن حب....مش بس تحلموا بيها...لا تبنوها...و تعيشوها و تفتحوا عينيكم علي جنة في الارض لغاية ما ربنا يوعدنا بجنة السماء

صباحكم....

طوبة....افتقاد...

و طوبة كسوف...

و طوبة....فرحة اوي من اللي عملتوهلي فوق دوت....

و طوبة بتقولكم....ربنا يحلي ايامكم و يسعد قلوبكم

بعتذر اني فاتني البناء الانساني الرائع دوت

بس كنت مخطوفة....في فرحة...تانية....في مدينة حب.."عائلية"

لي عودة....باذن الله

نقطة و من اول الحب

[Folana]

السلام عليكم ورحمة الله....

كل سنة وانت طيبة يالماضة..

ربنا يسعدك ويحقق لك كل احلامك

[spain]

لماضة طول عمرك زوق ورقيقة وصاحبة واجب

ومن ناحية الطوب

فحطي معاهم طوبة دهب وطوبة فضة وبلاتين

وتعالي نعمل مشروع عربية بثبوثة انا وانتي ...وانا اقف عليا باللليل بعد الشغل وانت الصبح

[لماضة مصرية جدا]

خدي بسرعة

قبل ما حد يشوفني

:unsure:

و التورتاية دي خبيها بسرعة

اسمعي انتي و لا شفتيني فاهمة

فوتك بعافية

حأحاول أشوفك تاني يا بنتي

:ph34r:

لا إله إلا الله

السلام عليكم و رحمة الله و بركاته

يسلملي قلبك اللي بيسبق انه يسعد قلوب تانية

يسلملي احساسك باللي حواليك

كل سنة و انتي "عبير" شذاه يملي الكون محبة و سعادة و صفا

صباحك....بجمال ده

كان نفسي السنة دي حد يهاديني ورد و كدهوت يعني....بس اتكبست...(وشي و انا بهوي علي نفسي)

علي هامش الندي بتاع البوكيه

هو انتي ليه حسستيني ان عليك تار مثلا.....جاية متلمثة.....و هنخبي التورتة....و في الاخر ودعتيني...(يا ربي...وشي و انا برفع الحاجب اليمين قام ضارب في منابت الشعر)

ميرسي كتير

ع التشويق

و الاثارة

و المتعة

مع مصرية متغربة مش منكن...راح تغمض عينيك

كان معكم

لماضة ريموت كنترول

[لماضة مصرية جدا]

لاااااااااااااااااااااا

تخبوا ايه؟

دي اول مرة أنا اللي اقول للماضة

"هوا فين البوفيه؟؟

السلام عليكم و رحمة الله و بركاته

طب اتصدقي حضرتك انا مبعرفشي آكل في اي بوفيه

بس بحب اطمن انه موجود يعني و كدهوت

ديتاما تسبقيني علي الجنة يا رب

و ميرسي اوي لحضرتك و قبل ما انسي

لا مش هقولها.....(وشي و انا بضحك اوي)

صباحك سكر

[لماضة مصرية جدا]

خدي دي كمان

اسدال و سجادة صلاة

فوتك بعافية يا حبة عيني

:sad:

امممممممممم

طب انا كده بقي عندي اسدال صلاة جديد...(ربنا يسدل عليكي ستره دنيا و آخرة يا رب)

و عندي كمان مية زمزم

اللي نفسي فيه بجد...بجد اوي اوي اوي

مش مصلية

لا نفسي اصلي في الحرم

مشتاااااااااااااااااااااااااااااااقة فوق الوصف

و بما ان حضرتك...."مكاوية"...مش اخت مكاوي يعني...ممكن تدعيلي اوي اوي في الحرم لغاية ما ربنا يأذن لنا عن قريب

صباحك....دعاء و يقين بالاجابة...و اشتياق للحرم فوق الحد

[لماضة مصرية جدا]

أحبكِ في الله

شايفاكي زيي

:closedeyes:

كده

الهدية بقى

احبكي الذي احببتني لاجله...متتخيليش لما بسمع الجملة دي جسمي بيقشعر ازاي

ربنا يجمعنا دايما علي محبته و طاعته

عارفة بقي عجبني اوي تكنيك ان الواحد يحوط الهدية بتاعته ببنبنوني و حركات و كدهوت...و افضل امزمز فيهم واحدة واحدة و بعيدن الاقي قلب كريستال

اللي بعشقه جدا

انتي عارفة ان الكريستال ممكن يمص منك اي طاقة سلبية بمجرد النظر ليه

مداخلة حضرتك و قلبك"الكريستالي" هتملاني طاقة نور لليوم بحاله

صباحك كريستال ينور حياة حضرتك طول العمر يا رب

[لماضة مصرية جدا]

يعنى انا بقى اللى حاجى بايدى فاضية للموضتى حبيبتى

واااااااااااااااو....(وشي و انا بصفر زي اي شاب واقف ع ناصية بيتهم و بيعاكس :lol: )

الكوليكشن تووووحفة...بحب البلاك آند وايت جدا بس بحب احط عليه يا فوشيا يا احمر...في الاكسسورات عشان يكون علم مصر....قصدي عشان يكون جرررريء اكتر

يسلملي ذوق حضرتك...كتير حبيته

سؤال علي هامش شط اسكندرية

مين المعازيم اللي فوق دولم؟؟؟؟؟

هو ساندوتش بسطرمة و حتة جاتوة...(وش هاني رمزي في جواز بقرار جمهوري :lol: )

[لماضة مصرية جدا]

عمر مديد في طاعة الرحمن

اللهم آمين

جزي الله حضرتك كل خير

[لماضة مصرية جدا]

ريرى حبيبتى كل سنة وانتى طيبة ويارب دايما بتسعدينا

هرجعلك تانى بتورتاية حلوة بس خدى الهدية دى على مارجع

كاسات تبقى تصبى لنا فيه الشربات لما نشوفك احلى عروسة يااارب

و انتي كل الحلا يا فتافيت السكر

بالنوسبة للطقم يجنن و تسلملي عينيكي قبل قلبك اللي اختارت

علي هامش زغاريط الفرح و كدهوت

ليه دايما بحس انه هيكب الشربات عليا....و عشان كده انا بفكر الغي الفقرة دي من التابلوة و ننزل مكانها فقرة حاوي....من بتوع جلا جلا قرررررررررب و اتفرج :lol:

ايه رايك بقي...تفتكري هيفضل يحبني...و لا ايه؟؟؟؟

[لماضة مصرية جدا]

كل سنة وإنتي طيبة يا لماضة

وعقبال 50 سنة. خلصيهم بعدين نقولك عقبال كمان 50 سنة. البلد في تقشف

أنا راجعه تاني محدش يطفي الشمع

يا صباحو الخماسيني

عجبني موووووت الموزة اللي بترقص دي....مش عارفة ليه يا ديمو دايما بحس انك مستخبية جواهم...و اذ فجأتن راح تطلعي و تقوليلي بخ

ميرسي كتير علي التورتة....انا بفكر ان احنا نتصور جنبيها صورتين للاجيال و بعدين نرجعها و ناخد فلوس...يا بنتي احنا في مرحلة بناااء الوطن

و سمعني النسيد الوطني

صباحك...ديمو.....صداقة خاصة جدا مبتعترفشي باي حدود

علي هامش الصباح و كدهوت

كل اما اشوف توقيعك احس اني هتقلب من ع الكورسي اللي انا قاعدة عليه....حسستيني اني بقول كلام مفيد...اه و الله تفتكري اني اقدر اغير في حياة ناس حواليا من غير ما احس

يا رب حياتك كلها تكون تليق بقلبك

ميرسي يا ديمو مرة تانية

اطلعي بقي من الموزة....شايفينك ع فكرة :P

[لماضة مصرية جدا]

دايما في طاعة

دايما في حب

دايما في هنا

أحبك في الله

احبكي الذي احببتني لاجله

يسعدلي قلبك يا رب

و يا رب تكون دعواتك اللي ب "تزيد" و تفيض بالخير ليا و ليكي و لزايد كمان

صباحك..."زيادة" في الخير ليكي و لكل اللي تحبيهم

[لماضة مصرية جدا]

كل سنة وحياتك مفعمه بكل ألوان الفرح والسعادة يارب

/

خدت تاكسي من المطاريد عشانك / حاسبيه بقى

:-)

وحاسبي ع الكوب كيك بالمرة

صباحك.....جنة يا مدى

اتصدقي انا في الاول قولت البنت مدى جايبالي تلافزيون ملون 14 قدم...(وش فلاح كفر الهنادوة :lol:)..و بعدين لقيت تاكسي و بونديرة و العداد شغال...و الحسابة بتحسب...(وش عادل امام في فيلم مش فاكراه...و ده احسن لاني مش بحبه اصلا)

اتاريكي...اتاريكي...اتاريكي

جاية طايرة علي قوس قزح....و شايلة في قلبك دعوات و كب كيكات و فرحة تليق بيكي انتي

صداقتنا مع انها كانت.."غريبة" جدا...لكني بعتبرها من احلي اللحظات "القدرية" اللي قابلتها علي "مدى" تواجدي في العالم الافتراضي

ميحرمنيش منك...و لا من قلبك....و لا من حضورك الاستثنائي

صباحك .....جنة

صباحك...قرب

صباحك.....تواجد محبب جدا للقلب

هاخد التاكسي...مش عشان اروح المكان اللي بتحبيه....عشان ادور عليكي عشان اقولك...دايما ليكي.."مقعد في القلب"

[زهرة الجبل]

الجميله الشقيه اللمضه

لماضه

كل

سنه و انتي طيبه يا قمر و عقبال 100 سنه كلها صحه و سعاده

http://www.youtube.com/watch?v=7iP9cewoD7s&feature=related

أم

كريم

[لماضة مصرية جدا]

لماضة هانم

كل سنة وانتي طيبة .. وعقبال 100 سنة

كلهم طاعة ومحبة وسعادة وفرح ان شاء الله

و حضرتك بكل الصحة و السعادة و الرضا يا رب

مبسوطة كتير بمعايدة حضرتك...و تواجدك..و يا رب كل ايامك و ايام اسرتك تكون..."استثمار" في الطاعة و خطوة تقربنا للجنة

لينا عودة و اسفة علي التأخير