كل سنة و انت طيبة يا لمضمض ... بمناسبة عيد العمال طبعا

[لماضة مصرية جدا]

السلام عليكم و رحمة الله و بركاته

مافيش اعزائي المستمعين

مافيش ميكرفون

انا زعلانة النهاردة من الاعلام

و عشان كده هنسحب المرتبة و هنقعد علي الارض

و قبل اي حاجة

مساااااااااكم قلوب بتحبكم منين ما تكونوا...و تفرحكم زي ما فرحتوني في التوبيك هنا

و نكمل.....حودايت...القلب...لما بيحكي

[لماضة مصرية جدا]

فراشة المساء الجميلة : الضاكتورة لماضة

بوسع جناحاتك حلقى فى الهواء ...

دغدغى اوراق الورد وتلونى بألوان الربيع ...

خذى

من الاخضر كل الخير

ومن الازرق وسع السماء ...

ومن الابيض صفاء اللؤلؤ ...

واسكبى على عالمك خليط من الالوان

وتخلصى من كل الالوان الرمادية ...

وافتحى نوافذ حجرتك لنسائم الربيع لتطل عليكى بعامك جديد

حبيبتى ...

ارفع يدى للسماء يوم عيدك راجية الله ان يحفظك

ولم اجد اطيب من كلام الله لأديكى اياه

عساكى بخير .....

حاضر يا شيكو......هفرد جناحاتي و اطير

حاضر يا شيكو...هشيل من حياتي مش بس الالوان الرمادي.....كمان الافكار الي بتتمرجح من اقصي اليمين...لاقصي الشمال

حاضر يا شيكو...هفتح شبابيك قلبي...و اقف فيها و افتح زراير القميص....الهوا عمره ما كان بيموت....لكن قلته...ممكن تصيب بالاختناق

كل سنة و انتي...شيكو

كل سنة و انتي "بلتة".....الوان و افكار...ماشية لوحدها في الملكوت

كل سنة....و انتي قريبة حتي لو بعدتي

كل سنة و انتي.......انتي

علي الهامش

عساكي...بخير....(يا لهوي.....انتي حدفتي خليجي ليه يا بنتي....طب قوليلي بقي...علومج....عساكي طيبة.....النهاردة لسه قايلة كلمة اماراتي.....العيال هلكوا من الضوحك....قالولي كاني قولت نوكتة...!!!!)

مساكي....فرحة بوجودك.....بكل مفردات السعادة اللي بيستدعيها حضورك

[لماضة مصرية جدا]

ماذا اقول بعد كل ما قيل عليك يا جميل

كل سنه و انتى دايما متالقه

Some people might be fond of stars, yet I love the blue sky that gives the shinning stars all that space to play, to live and shine

If i were the star, you would be definitely the sky that made me shine

If I were a star, I would borrow your light shinong within your soul to overwhem this universe with endless love

If I were a star, I would send thousand clouds on your path at life to give you happiness wherever you are.

If i were a star, I would be looking for a sky that is just like you

If I were the star, I'd twinkle here and there telling you that you are so special to me

If I were a star

مساكي......نجوم......تلمع من ضي عينيك....و من صفا قلبك.....(وحشتيني...اوي)

[لماضة مصرية جدا]

دي من جوه :closedeyes:

وعشان خاطر أي شمشون مستقبلي

كل سنة وانتي طيبة

طب هتصدقي و تؤمني بالله...طب و النيعمة ديت (قاعدة بآكل بندق و سناني وجعتني)

انا لسه كنت بحلم ان الواحد ليه ميفكرشي مثلا يعيش في عربية متنقلة....و يتحرك بيها كدهوت من مكان للتاني...بس هي فيه مشكلة آد النملة

هيعمل بيبي فين :closedeyes:

و بمناسبة هيئة الصرف الصحي اللي احنا بنتكلم عليها دلوقتي

هو ايه الصندوق بتاع شمشون دوت....ده سيفون يا ديمو و لا ايه؟؟؟؟

علي هامشي المواسير و كدهوت

اختي جابت قط....و انا جايبة هامستر....و ماما بتصوت... :blink: الحمد لله ان كل حداية فينا في قارة...تفتكري يا ديمو حد كان طفي علينا النور و احنا صغيرين مثلا و احنا في الحمام و بناء عليه طلعت مشاعرنا روهيفة كدهوت تجاه الحيوانات الزاحفة

مش عااااااارفة

بس اللي عارفاه....و متأكدة منه....ان القط لايونكن ابدا يعيش مع الهامستر.....كده انا قلبي منكن يتحطم

كل سنة و انتي....ديمو....صديقتي....الوحيدة اللي لما قولت هامستر هزت راسها و قالتلي عارفاه...(جميلك ف رقبتي يا ديمو....طول العمر)

[لماضة مصرية جدا]

شكرا لحضرتك

[لماضة مصرية جدا]

كل سنة و إنتي طيبة يا لماضة

ربنا يعطيكي أكتر من اللي تتمنيه و يعطيكي أحسن من أحلامك

بمناسبة الهامر

هديتك شنطة العدة

و حتة هامر صغيرة على ما قسم تكملي بيها المجموعة و تنفع في مشاوير البيت

طب انا هينفع اصلا اتكلم...بعد هذا الاغراق البينكاوي...في كل ما اتخيله و احلم بيه

يسلملي ذوق حضرتك....عجبتني اوي التورتة و الشنطة المعدات....بحب اوي الكابلز الصغيرة مش عشان اصلا بحط صباعي في اي فتحة خرم الاقيها و اسال ايه ده...بس عشان بحس ان اختراعات الكابلز دي مفتكسة اوي

و طبعا الهامر البمبي...مع حضرتك حق...دي لازم تبقي لمشاوير البيت

يا لهوي....(وشي و انا بتخيلني داخلة بيها مثلا سوق خضار و لا سوق السمك....عارف افلام الكارتون لما العربية فجاة يطلع ليها رجلين و بعدين تفضل تمشي كده عشان متدوسشي حد....اهو انا تقريبا عايزة عربية كارتونية"

يسلملي ذوق حضرتك مرة مليون

و كل سنةو حضرتك طيب......و كل سنة و انت دايما قريب

[لماضة مصرية جدا]

لمـــاضة مصــــرية جــــداً

في مثل هذا اليوم الأغـــر الجميــــل

لا املك الا ان اقول

ما تيـــجي نشـــــــوف ؟؟؟

http://www.youtube.com/watch?v=0R2c75uSn3E

وكل عام وانتي لماضة مصرية جدا ... بنفس الروح الجميلة .. ونفس الأمل ..

ايون يا عم....انت اعمل الفيلم و لم النقطة :P

فاكر يا حسين لما كنا قاعدين في البلاتوة....و انا هاتك يا رغي رغي رغي عشان اقولك انا بفكر في ايه

قوووووووم ايه انت تنط كدهوت من الفرخة...(ايون هي فرخة....مش فرحة)...و تقولي برافو عليكي يا لموض

اهو جه اليوم يا عوضين

اني اقولك

ما تيجو نشوف

لا طبعا استحالة اني انافسك يا فندم

بس اللي اقدر اقولهونلك...بجد يا ساري صداقتنا مش بس يوتيوب...دي لقطات كتيرة فوق بعضيها...فيها الصداقة.و فيها الاخوة و فيها العصبيةو فيها اللهجة المصريةاللي بترزعني بيها كل شوية و فيها كتب بتتحمل و رايحة جاية...و فيها افكار طايرة...و فيها مشاريع حايرة...بس هي في الاخر بتعمل فيلم اسمه...."لماضة الساري"

ميرسي يا ساري

ميرسي انك صديقي

ميرسي انك احيانا بتبقي استاذي....(احيانا يعني مش كتير احسن تنجعص و تقع من ع الشلتة اللي انت قاعد عليها)

و ميرسي انك افتكرتني امبارح في هذا اليوم الاغر...(يعني ملزق بغرا و كدهوت يعني و لا ايه...مقبولة منك يا عم)

كل سنة و انت سارينة فرح...و سارينة اخراج في المكان كله

[لماضة مصرية جدا]

مش شيفاكي لماضة... شيفاكي فراشة المنتدى واحلى البنات .. ان شاء الله تكون محبة في الله

كل عام وانتي اسعد الناس ..

وعقبال ما تفرحينا بالدكتوراه

اللهم آمين

ربنا يسعد قلب حضرتك بحبايبك دايما

ربنا يجعل ليكي دايرة محبة تفضل تكبرو تكبر و تكوني دايما في قلبها

بالنوسبة للدكتوراة و كدهوت

طب انا هقوم اذاكر بقي

دعواتك

[لماضة مصرية جدا]

إيه تاريخ الميلاد المميز ده؟

يعني إنت عيد العمال .. و دامو تحرير سيناء

كل عام و أنت أكثر قربًا إلى الله

و أدوم على طاعته

يا ..

فراشة الإحساس

اللهم آمين

و ربنا يعدلي قلبك يا رب

و ميرسي كتير علي الفراشة......بحبها......موووووووووووت

يسلملي قلبك و عينيكي يا رب

[لماضة مصرية جدا]

كل عام وأنت بخير الأخت الفاضلة لماضة

و حضرتك بكل الخير و الصحة و السلامة

شكرا لذوق حضرتك

[لماضة مصرية جدا]

لماضة هانم

نوارة المنتدى

كل عام وانتى بالف خير

http://www.youtube.com/watch?v=BGAXxiwxFZk

استاذي

ربنا يسعد قلب حضرتك يا رب

و الحقيقة انا انبسطت اوفر دوز يعني لما عرفت ان حضرتك برضه نفس اليوم....تحس دايما المشاهير كده...ميلادهم لازم الناس كلها تفتكره...(اااااااااااااااااااااااه يا عيني...وقعت و انا لسه هنجعص ع الشلتة :closedeyes: )

تسلم يا استاذي

و نسالك صالح الدعوات

[لماضة مصرية جدا]

أعذب تهنئة لأعذب احساس

كل عام وانتي أسعد الناس

يسلملي ذوق حضرتك و قلبك يا رب

و دايما تكوني مش بس امل "حياتي" تكوني طاقة امل و نور لكل اللي حواليكي و كل اللي بيعرفك

مساكي.......امل....لكل حياتي

[AccOunTanT]

كل سنة وانتى طيبة يا لماضة وعقبال 100 سنة

[لماضة مصرية جدا]

كل سنه وانتي طيبه يا لماضه يا اخوتشي

ورنا يحقق لك كل امانيكي

و انتي طيبة يا اخر روشنة

و متحرمشي من وجودك و دفا حضرك ابدا ابدا ابدا

مساكي...روش طحن

[لماضة مصرية جدا]

السلام عليكم ورحمة الله....

كل سنة وانت طيبة يالماضة..

ربنا يسعدك ويحقق لك كل احلامك

و عليكم السلام و رحمة الله و بركاته

تورتة و بالونات....يسلملي قلبك يا رب

طب آكل البالونات و اطير التورتة و لا انفخ التورتة و اقطع البالونات....(وش و انا مش مركزة خالص و خصوصا لما بشوف كل الحاجات اللي بحبها...ياربي...ربنا يسعد قلب حضرتك اوي اوي اوي)

مساكي بالونات...ملونة....مليانة هيليوم...محبة اوي

[raouf]

كل عام وانتى بصحة وسلامة يا لماضة وعقبال 10000 سنة

[لماضة مصرية جدا]

لماضة طول عمرك زوق ورقيقة وصاحبة واجب

ومن ناحية الطوب

فحطي معاهم طوبة دهب وطوبة فضة وبلاتين

وتعالي نعمل مشروع عربية بثبوثة انا وانتي ...وانا اقف عليا باللليل بعد الشغل وانت الصبح

مساؤه....مشارع اخر سبع حاجات

طب اقف انا علي صينية ال "بثبوثة" اعمل ايه...ارطن انجليزي...و لا اقول نوكت و لا اكتب شعر

شوفي انا معنديش اي بروبلم بوتاتا اي حاجة فيها تعامل مع الجمهور....بس الله يكرمك...اوعي تقوليلي اقف في طابور العيش....(عملتها و انا صغيرة مرة واحدة وقفت و الزعرورة باظت و انا بتوتر لما الزعرورة تبوظ)

مساكي.....مشروع...فوق...مشروع....و يبقي دايما في الخير

مساكي سنابل طاعة يا رب

[لماضة مصرية جدا]

الجميله الشقيه اللمضه

لماضه

كل

سنه و انتي طيبه يا قمر و عقبال 100 سنه كلها صحه و سعاده

http://www.youtube.com/watch?v=7iP9cewoD7s&feature=related

أم

كريم

أممممممم

انتي عند حضرتك بلورة سحريةو لا ايه

اصل فعلا لسه جايلي تورتة شبه التورتة اللي فوق ديت!!!

بس طبعا دور واحد

ربنا يجعل كل ايامك ادوار ناطحة سحاب من السعادة يا رب

كل سنة و حضرتك زهرة العمر مش بس الجبل

ميرسي علي معايدة حضرتك كتير

سؤال منكن

هو كريم مرتبط :closedeyes:

مساكي كل الرضا و السعادة اللي تليق بيكي

[لماضة مصرية جدا]

كل سنه و انت طيبه يا قمر و عقبال مليون سنه و باذن الله السنه الجايه تكونى محققه كل احلامك

http://www.youtube.com/watch?v=8b6TOb72vX4

و انتي كل الحلا يا مغتربة

كان عندي حلم

صحيح

اقابل بني آدم راقي

احساسه بالناس عالي

و يقدر يدي...يدي من غير حساب

من غير مصلحة

من غير تفكير و عرفته

لما عرفتك انتي يا مغتربة

انتي حلم...مقدرشي اتمني اكتر منه

ربنا يخليكي ليا

وميحرمنيش منك ابدا

كل سنة و انتي الاخت...و الام....اللي برمي نفسي معاها و انا مطمنة....جدا جدا جدا

[لماضة مصرية جدا]

اختىنا العزيزة ريهام كل عام وانتى بخير وبالتوفيق دائما ويارب دايما منورة المحاورات ........

(معلش متاخرة شوية )..

ان حضرتك تفتكرني في اي وقت..ده يسعدني فوق ما تتخيل

ميرسي لمعايدة حضرتك

و كل سنة و حضرتك بكل الرضا...و يخليلك كل اللي بتحبهم و يسعدك بيهم