خبر عاجل : سويسرا تُجمد مبلغ 410 مليون فرنك سويسري بإسم المخلوع

[se_ Elsyed]

شوفتوا الكذاب ؟

أنا اطالب بمحاكمة سريعة للمجرم ده اللي اعترف إنه لا يملك لا هو ولا عياله أي مليم خارج مصر

[se_ Elsyed]

قالت وزارة الخارجية السويسرية اليوم، الاثنين، إن سويسرا عثرت على 410 ملايين فرنك سويسرى ورصد ارتباطه بالرئيس المصرى السابق حسنى مبارك، وكذلك مبلغ 60 مليون فرنك سويسرى مرتبط بالرئيس التونسى السابق زين العابدين بن على.

وقال المتحدث باسم الوزارة لارس نوتشل، إنه أمكن تتبع المعاملات الخاصة بمبلغ قدره نحو 360 مليون فرنك سويسرى (415.8 مليون دولار) يحتمل أن تكون أرصدة غير مشروعة مرتبطة بالزعيم الليبى معمر القذافى والمحيطين به مودعة فى بنوكها.

وأضاف نوتشل لوكالة رويترز، فى حالة ليبيا كان المبلغ 360 مليون فرنك سويسرى.. هذه المبالغ مجمدة فى سويسرا بعد أن أصدرت الحكومة السويسرية أوامر بمنع التصرف فيما يتصل بالأرصدة التى يحتمل أن تكون غير مشروعة فى سويسرا.

[hakeem]

يعملوا كام ال 410 مليون دول يا سى السيد ؟..مبلغ يعنى جامد من ال70 ولا ال 700 مليار دولار..ولا يطلعوا فكة او مصروف عيل من العيال..

[جسار]

للأسف .... توجد قاعدة قانونية فى القانون المصرى وكل القوانين بخصوص أثبات مصدر

الاموال لاى متهم فى قضايا الفساد ، وهى أنه على جهات التحقيق تقع مسئولية أثبات ان تلك

الاموال والممتلكات جاءت عن طريق غير شرعى بالاثباتات والبراهين والوثائق اللا زمة

ولاتقع المسئولية على المتهم فى اثبات أن تلك الاموال والممتلكات جاءت من طريق شرعى ..

ويتشبث المحامون البريطانيون الذين وكلهم مبارك وعائلته للدفاع عنهم امام المحاكم المصرية

بضرورة تطبيق تلك القاعدة القانونية على الرئيس و عائلته والمطالبة بالبراءة والافراج عنه وعن

عائلته من اول درجة وحتى دون الانتظار لوصول القضية محكمة النقض .

مسالة اثبات ان تلك الاموال اتت عن طريق عمليات فساد سلطة ليست بالسهولة التى نتخيلها لانه من

الجائز نسبة تلك الاموال والممتلكات الى انها جاءت كهدايا من ملوك و امراء الخليج

وربنا يستر ....

[shawshank]

للأسف .... توجد قاعدة قانونية فى القانون المصرى وكل القوانين بخصوص أثبات مصدر

الاموال لاى متهم فى قضايا الفساد ، وهى أنه على جهات التحقيق تقع مسئولية أثبات ان تلك

الاموال والممتلكات جاءت عن طريق غير شرعى بالاثباتات والبراهين والوثائق اللا زمة

ولاتقع المسئولية على المتهم فى اثبات أن تلك الاموال والممتلكات جاءت من طريق شرعى ..

تمام. ده صحيح. مش بس في الدستور المصري، ده ضمن إعلان حقوق الإنسان. وهو ضمن ما يسميه القانونيون: الشرعية الجنائية. وأحد مبدأيها أن المتهم بريء حتى تثبت إدانته بحكم قضائي نهائي. وده معناه إن الأصل في المتهم البراءة، وتقع على عاتق سلطة الاتهام (اللي هي النيابة العامة) مسئولية إثبات إدانته.

وبكده حكمت محكمة النقض بالبراءة في قضية الكسب غير المشروع على محافظ الجيزة الأسبق. واعتمدت المحكمة على عدم دستورية قانون جهاز الكسب غير المشروع. لأنه أصلاً قائم على افتراض أن المتهم غير بريء وعليه هو إثبات عكس ذلك. يعني الجهاز بيسأل المتهمين: انتوا جبتوا الفلوس دي منين؟ ده سؤال مش دستوري، لأن الإجابة ببساطة: وانت مالك؟ جبتها من مصادر مشروعة، ومش هاقولك ايه هي. اثبت انت بقى إنها من مصادر غير مشروعة. ولحد ما تثبت كده، فأنا بريء، كأي إنسان الأصل فيه البراءة لحين ثبوت العكس. ماتطالبنيش أنا بإثبات شيء أصيل فيا كأي إنسان، وهو إني بريء.

يبقى المحامين هنا عندهم حق. الأصل في هذه الأموال مهما بلغت قيمتها أنها من مصادر مشروعة، لأن الأصل في الإنسان البراءة. وعلى سلطة الاتهام إثبات العكس. فأنا شايف إن نيابة الأموال العامة عليها عبء إثبات تحصل مبارك وبقية المتهمين على هذه الأموال بطرق غير مشروعة. وعليهم استغلال الوقت الحالي في اثبات ذلك بكافة الطرق. لأنه لو لم يثبت ذلك، فالبراءة في جيبهم.

:closedeyes:

تم تعديل 2 مايو 2011 بواسطة shawshank

[Simba]

أقرت الحكومة السويسرية أن الرئيس المصرى المخلوع حسنى مبارك يمتلك 410 ملايين فرنك سويسرى (حوالى 2.5 مليار جنيه مصرى) فى بنوكها وأنه تم تجميدها

[Salwa]

بصراحة يعنى ...

آن اوان التريقة ..

ماهى شر البلية ما يضحك ولكنه ضحك كالبكاء ...

نشوف الأخبار بالعربى وبعدين بالأجنبى ...وبعدين ؟؟ ...علقوا بقى واستغربوا على تعليقات الأجانب اللى بيقولوا ....كان سايب شعبه فيه نسبة كبيرة من الناس عايشين باتنين دولار ف اليوم ..

غلابة قوى الأجانب دول .....مشافوش الست الغلبانة اللى كانت (( مش عايشة )) بخمسين جنيه ف الشهر ...!! وبتقول الحمدلله..

و..

لسااااااا

ده ربنا حايفضحهم كمان وكمان...وكماااان.

http://shorouknews.com/contentdata.aspx?id=445586

والخبر كمان بلغة تانية ...ولو عايزين نكتب بالهيروغليفى حانكتب علشان (( الفراعنة اللى ف مزرعة طرة يفهموا ))

http://www.elpais.com/articulo/internacional/Suiza/revela/cuentas/multimillonarias/dictadores/arabes/elpepuint/20110503elpepuint_2/Tes

[Alattar]

وإيماناً من جانبي بأنه لا يصح في النهاية إلا الصحيح ودحضاً لما يتم الترويج له من ادعاءات وافتراءات، فلقد قررت الآتي:

١- بناء على ما تقدمت به من إقرار لذمتي المالية النهائي والبيان الذي أصدرته مؤكداً فيه عدم امتلاكي لأي حسابات أو أرصدة خارج جمهورية مصر العربية فإنني أوافق على أن أتقدم بأي مكاتبات أو توقيعات تمكن النائب العام المصري بأن يطلب من وزارة الخارجية المصرية الاتصال بكافة وزارات الخارجية في كل دول العالم لتؤكد لهم موافقتي أنا وزوجتي على الكشف عن أي أرصدة لنا بالخارج منذ اشتغالي بالعمل العام عسكرياً وسياسياً وحتى تاريخه وذلك حتى يتأكد الشعب المصري من أن رئيسه السابق يمتلك بالداخل فقط أرصدة وحسابات بأحد البنوك المصرية طبقاً لما أفصحت عنه في إقرار الذمة المالية النهائي

هو لما قال الكلمتين دول كان فاكر ان ما حدش هيدور وراه يعني؟؟...ولا كان فاكر ان الشعب المصري وصلت بيه الأمية لدرجة انه مش هيعرف يقرأ أو يتابع مصادر أخبارية أجنبية؟

[Salwa]

ندردش شوية على اللى بتقوله جريدة الباييس....وده كلام مؤكد واتقال ف كل نشرات الأخبار ايضا..

معمر الفذافى له 281 مليون يورو ..(( 280.853000)) يورو .

حسنى مبارك له 320 مليون يورو (( 319.860000)) يورو .

وبن على 47 مليون يورو ..((46.808.800))يورو

والفلوس دى دلوقت مجمدة ف سويسرا...

لنا عودة ان شاء الله بس علشان نفكر سوا .....هل الناس دى فعلا فعلا مخلوقة بتحس ؟؟؟

ربنا يرحمهم من نفسهم ..بس الناس صعب تطلب لهم الرحمة حتى لو ماتوا ..

ياريت ينتحروا انتحار جماعى ...ويهربوا من الخزى والعار اللى لحق ببلادهم بسببهم..

هو فيه كدة ؟؟

ده لاضمير ولا وطنية ولا غلب ..

ربنا ينتقم منهم ..

تلت الشعب مهاجر والتلت التانى مش لاقى حاجة والتلت التالت شوية مستخبيين وراضيين والباقى عاااااااااايش..

بكرة يعيشوا ويتمتعوا بنار الجحيم ..حياة ابدية فى جهنم .

[se_ Elsyed]

ونسيتوا إن الإعتراف سيد الأدلة ...

مش المخلوع إعترف إعتراف رسمي ومُسجل بغنه لا يملك مليمً خرج مصر لا هو ولا أولاده ولا حد من عائلتة ؟

ولا ده كان هزار وكذبة إبريل ؟

[se_ Elsyed]

وما ننساش نقطة خطيرة جداً ..

وهي إقرار الذمة المالية

لو أنا موظف حكومي أو حتى رئيس

وقدمت إقرار بخط يدي بأقولف فيه إن كل اللي حيلتي بره وجوه وفوق وتحت 100 ج ..

وأتضح من خلال كشوف الحسابات إن عندي مليون جنيه

يبقى برضوا من مصادر مشروعة ؟

[محمد عبدالعزيز]

أحد أدلة عدم مشروعية مصادر أموال مبارك وأسرته موجودة فى الصورة اللى فى الموضوع ده:

حزر فزر... مين الأسرة السعيدة دى؟!!!

ياريت النيابة تضمها لأدلة الاتهام :P

[shawshank]

ونسيتوا إن الإعتراف سيد الأدلة ...

مش المخلوع إعترف إعتراف رسمي ومُسجل بغنه لا يملك مليمً خرج مصر لا هو ولا أولاده ولا حد من عائلتة ؟

ولا ده كان هزار وكذبة إبريل ؟

آه كان بيكذب. والكذب مش جريمة. أو كان ناسي :) والهزار وكذبة إبريل برضه مش جريمة. ماتبقوش يا عم تلعبوا معاه ولا تصدقوه تاني :P

وما ننساش نقطة خطيرة جداً ..

وهي إقرار الذمة المالية

لو أنا موظف حكومي أو حتى رئيس

وقدمت إقرار بخط يدي بأقولف فيه إن كل اللي حيلتي بره وجوه وفوق وتحت 100 ج ..

وأتضح من خلال كشوف الحسابات إن عندي مليون جنيه

يبقى برضوا من مصادر مشروعة ؟

أيوه صح دي جريمة. بس جريمة خايبة أوي بالنسبة للبلاوي التانية. علاوة على إنها برضه لا تثبت إن الأموال دي من مصادر غير مشروعة.

لازم فيه أدلة تانية غير كده، النيابة أدرى بيها. ده لو كان عندهم فعلاً نية إدانته. فيه مشكلة كمان. إن مصادر الأموال دي ممكن تكون عمليات كبيرة مشترك فيها رؤساء دول تانيين، عرب وغير عرب. فالمسألة برضه مش سهلة وليها أبعاد سياسية كتير.

[MZohairy]

ونسيتوا إن الإعتراف سيد الأدلة ...

مش المخلوع إعترف إعتراف رسمي ومُسجل بغنه لا يملك مليمً خرج مصر لا هو ولا أولاده ولا حد من عائلتة ؟

ولا ده كان هزار وكذبة إبريل ؟

هي دي النقطه

انكشف و انكشف كذبه بكل وضوح لأي مؤيد من مؤيدينه

مش عيب يكذب بالذمه و هو في السن ده؟؟

لعنات الله عليك يا مبارك حيا و ميتا

[fatfouta]

ونسيتوا إن الإعتراف سيد الأدلة ...

مش المخلوع إعترف إعتراف رسمي ومُسجل بغنه لا يملك مليمً خرج مصر لا هو ولا أولاده ولا حد من عائلتة ؟

ولا ده كان هزار وكذبة إبريل ؟

بطلوا ظلم فى خلق الله

الراجل قال لا امتلك اصولا فى الخارج.....وكان يقصد انى امتلك بنوكا فى الخارج

كفاية كده حرام عليكم واتعلموا الوفاء من الراجل اللى فى الفديو ده

مذيع كويتي سعود الورع يبكي على مبارك ويقول للمصريين لو مات يبقي انتم قتلتوه بالفيديو 24MIX Magazine

http://www.youtube.com/watch?v=Y9CMqX53JUw

[Alshiekh]

شوفتوا الكذاب ؟

أنا اطالب بمحاكمة سريعة للمجرم ده اللي اعترف إنه لا يملك لا هو ولا عياله أي مليم خارج مصر

بطل افتراء على الرجل يا سين سين

آدى أدلة على مشروعية أموال حسني مبارك وأنها كلها من مصادر حلال.

http://www.youtube.com/watch?v=6cl43bctSfM

الله يكون فى عون أخواننا المصريين العاملين فى الكويت

[ozoozo]

ونسيتوا إن الإعتراف سيد الأدلة ...

مش المخلوع إعترف إعتراف رسمي ومُسجل بغنه لا يملك مليمً خرج مصر لا هو ولا أولاده ولا حد من عائلتة ؟

ولا ده كان هزار وكذبة إبريل ؟

احقاقا للحق هو قال انا ماعنديش فلوس

والفلوس اللي عند ولادي كسبوها دون استغلال للمنصب-يعني يمكن فلوس العيال-

شوهد جمال اكتر من مره وهو سارح بفلنات وشرابات في ميدان العتبه اكتر من مره ولما البلديه كانت بتيجي تاخد الفرشه منه والظابط يضربه علي قفاه ماكانش بيرضي يقول انه ابن المخلوع احسن يأذي مشاعر الظابط

[Folana]

http://www.youtube.com/watch?v=Y9CMqX53JUw

مين ده؟؟!!!

تامر بتاع غمرة برضه ؟؟

والأخ اللى بيوزع العطايا على حسنى...عايزة أقوله انى اعرف 200 يتيم ..وأعرف 15 بنت عايزة تتجوز...وأعرف 50 أسرة مش لاقية تأكل ولا لاقية حيطان تتدارى وراها...ممكن يوزع شوية ملايين عليهم وربنا يجازيه الجنة ان شاء ...ولا العطايا كانت للمخلوع بس ...

والله افتكرت قصيدة نجم وهو بيقول :

أخويا الامير بزرميط الايرانى

بعت لى السنه دى

عزمنى ودعانى وأنا قبلت طبعا

ورحنا العزومه وكانت وليمه

ما تحصلش تانى دا أيه المحمر

وأيه المكمر وايه المشمر

وايه الصوانى

وانا دماغى تعبت ولفت صراحه

من الفخفخه والهنا الاصفهانى

هناك يعنى مثلا اذا شربت طافيه

تمز بكوارع وبسطرمه ضانى

ما شفتش هناك

ناس بتحقد عليهم

ولا ناس بتشتم فلان الفلانى

لأنه اشترى عزبتين من شطارته

وحكمة ادارته وطلع مبانى

وبعد الوليمه استلمنا الهدايا

مفضض ومدهب وقز وقيشانى

وطبعا أخويا الأمير قال لى حاجه

ح اقولهالكو طبعا اذا الوقت ناسب

ح يطلع لى عيل بدون اى حاجه

ويعمل لى فلحس ويقعد يحاسب

دا حقد اشتراكى أنا ما أقبلوش

ولو هو ابنى أنا ما اعتقوش

كلام عن سماسره كلام عن دعاره

حاجات مش صحيحه جمل مستعاره

وعايزين يخلوا البلد اردغانه

وعايزنى اسيب البلد من زمان

وأنا مش ح اسلم واسيب الأمان

ولا بالبوليس والنيابه كمان

يانهاااار مالوش ملامح...هى بقت كده؟؟؟؟

[ام سلمي]

مبارك عنده الدليل انه ما كدبش في موضوع الارصدة الخارجية انتوا نسيتوا الفيديو ده :)

http://www.youtube.com/watch?v=JW72G2rnbAg

[الغريب]

الحمدلله أن محدش صدقه لما قال :

"لم أكن أنتوي الترشح لفترة رئاسية قادمة"

الله يكون فى عون أخواننا المصريين العاملين فى الكويت

قناة "سكوب" قناة ملهاش لازمة وعاوزة تعمل فرقعة على الفاضي علشان الناس تحس بيها بالظبط زي قناة "الفراعين" كدة

أنما فؤاد الهاشم من أشهر الكتاب الكويتيين رد عليهم بمقال روعة

علامة تعجب!!

«الكوايته».. لما.. «يخبّطوا في.. الحلل»!!

فؤاد الهاشم

.. تخيلت نفسي واحدا من شباب «ثورة 25 يناير» في مصر قرر ان يرد على العديد من الكويتيين الذين «يتعاطفون بشدة» مع الرئيس السابق «حسني مبارك» - وبلهجته المصرية المحببة – قائلا:

٭٭٭

.. أعزائي «الكوايته» الحلوين:

.. انا عايز اقول لكم انكم.. مش فاهمين حاجة خالص عننا، وعن اللي جرالنا! انتو بتيجوا مصر – كم يوم كده – وتنزلوا في «هيلتون» واللا.. «شيراتون» واللا.. «سميراميس» ومعاكم.. «ميري» و«راني» و«صوفيا» و«كومار» و.. السواق «البدون» بتاعكم، وتتفسحوا وتاكلوا عند «كبابجي» الشيراتون حمام مشوي وكباب وكفتة وواحد زي الاستاز «فؤاد الهاشم» يسكن في «الفورسيزون»، وبعدين يروح يتفرج على «دينا» - وهي بترقص بجسمها الجميل اللي عامل زي الملبن – وتاني يوم يروح «العزبة» في محافظة الشرقية عند واحد صاحبه، ويفطر «عسل اسود وفطير»، ويتغدى «وز وبط»، وتاني – او تالت يوم – يسافر بلده، زيكم كده لما تهيصوا وتتفسحوا وتروحوا «كرداسة» علشان تشتروا.. «دراريع» - او «بلاليع» - .. واللي ما اعرفش بتسموها كده.. ليه؟! تعرفوا ايه عن الناس الغلابا اللي عايشين في.. «الامام الشافعي» مع الاموات؟ عن الناس الغلابا اللي عايشين في.. «الحسين» و«السيدة زينب» و«الورّاق» و«المدبح» و«نزلة السمان» و«روض الفرج» و.. «حارة قواوير» و.. غيرها، وغيرها.. وغيرها؟! تعرفوا ايه – يا كوايته – عن «العشوائيات» والجوع والفقر والمرض ودخل يومي ما يزيدش عن «ستميت فلس» - بالفلوس بتاعتكم – وانتوا بتدوا .. «ميري» واللا.. «ماريا» واللا.. «كومار».. دينار واللا دينارين، لما يعوزوا يروحوا الكنيسة اللي جنب الشيراتون بتاعكم كل «يوم.. حد»؟!

.. أعزائي «الكوايته».. الحلوين:

.. احنا بنطفح «الكوته» علشان لقمة العيش، ونظام الريس السابق خلانا.. «نخبّط في الحلل»!.. عارفين يعني ايه.. «نخبّط في.. الحلل»؟! يعني ماشيين ومش عارفين احنا فوق الارض واللا.. تحتها؟ عظامنا عليها لحمة وشحمة، واللا.. مدفونة وشبع منها دود.. الارض؟! ما شفتوش اهالينا اللي راحوا يحجوا لبيت الله ويشتكوا لربنا وحبيبه النبي المصطفى على اللي بيحصل لهم في بلدهم مصر، ولما ركبوا العبّارات ووصلوا لنص البحر الأحمر، غرقت بيهم، واكلهم.. سمك القرش! ليه؟ علشان.. صاحب العبّارة «ممدوح اسماعيل» طلع صاحب «زكريا عزمي» - رئيس ديوان رئيس الجمهورية، واللي بيحبه الريس اكثر من شعبه، سمحوا للقاتل اللي قتل الف روح جايه بعدما زارت بيت ربنا وقبر حبيبه النبي عليه الصلاة والسلام، انه يهرب ويروح يعيش – مع ملايينه الغرقانه بدم الشهداء – في لندن بعدما اتحكم عليه بـ.. ثلاث سنين سجن مافيش غيرهم! الف روح ماتت، والقاتل يأخذ ثلاث سنين سجن.. وياريته اتسجن كمان! ده لو كان دابح الف «قطة وقرد» كان حيتحكم عليه باكثر من.. كده!! ا ولادنا بيغرقوا في البحر المتوسط – كمان – وهم رايحين على مراكب تعبانه علشان ياكلوا لقمة عيش في «ايطاليا» واللا «اليونان»! فين ايام زمان، لما كانوا.. «الطلاينة واليونانيين والفرنساوية والانجليز».. بيجوا بلدنا علشان يشتغلوا عندنا وياكلوا لقمة عيش؟ شفتوا الضباط وحكمهم عمل فينا.. ايه؟ وآخرهم «الضابط الجوي حسني.. مبارك» اللي خلانا ناكل «المشّ بدوده» هو وولاده ومراته وصحاب ولاده، وشلة الحرامية اللي نحتوا جسم مصر ووبرها، ووصلوا لعظامها.. وقعدوا يلحسوا ويمصمصوا فيه.. كمان؟!

.. أعزائي «الكوايته» الحلوين:

.. ولما نطفش من بلدنا – من الخوف والجوع والمستقبل اللي مالوش ملامح – ونبيع الجاموسة ونبوس ايد العمدة علشان نسافر الكويت ناكل لقمة بالحلال، تطلع لنا الست «عزيزة المفرج» وتقولنا.. «طلعوا من.. ديرتنا»!! وبعدين بتقولو لنا.. «حرام عليكم، اللي بتعملوه في حسني مبارك وولاده ومراته»؟! هو صحيح حرر بلدكم من «العرائيين»، لكنه استعبد – واستعمر – بلدنا بالحرامية والهليبة والبلطجية وخاربين الذمة لتلاتين سنة لما.. «اتهرينا»!! عايزين.. مبارك وبتحبوه؟! خدوه عندكم – اشبعوا بيه – بس هو بقى مش عايزكم ومش عايز «السعودية» ولا «الامارات»، هو عايز «شرم الشيخ» ومش حيخرج منها الا على سجن.. «طرة»! سيبوه بقى، هو عايز كده، وقبل كده.. ربنا عايز كده كمان!

.. أعزائي «الكوايته».. الحلوين:

.. عندنا «مسل» بيقول: «يا داخل بين البصلة وقشرتها…..»! فارجوكم سيبونا في حالنا، وما تقولوش علينا «ما عندناش وفا ولا اخلاص»، لان «ايدكم» اللي غطسانه لتلاتين سنة في «الميه الساقعة» بتاعة فنادق الخمس نجوم، مش زي ايدينا اللي اتحرقت واتشوت من.. «ميه الحزب الوطني اللي.. بتغلي»!!