jasmin hamed بتاريخ: 3 مايو 2011 تقديم بلاغ مشاركة بتاريخ: 3 مايو 2011 الموضوع ده ابن شرعى لموضوع مدام مصريه متغربه هل تضع أهداف لحياتك؟ دعوة لتحقيق أحلامك و بناء على طلب اختنا الصغيره حسب الله المعروفه فى المحاورات بلماضه الاهداف و الاحلام كلمه لها وقع مختلف على اذن البنت المصريه احلام لها اطار و اهداف محدده مقولبه من قبل المجتمع المشكله ان الاطار ده من كتر ما هو قديم و راسخ و مترسخ اصبحت بعض النساء اكثر حرصا عليه من المجتمع و ده يمكن يفسر قلت اعداد الرواد من النساء فى مجالات مختلفه (تعليم (بكالوريوس و نحمد ربنا عشان الدكتوراه ممكن تقلل فرص الجواز الراجل مايحبش الست المتعلمه تعليم اعلى منه ( - وظيفه حكوميه عشان تعرفى تزوغى براحتك او عشان شغلهم فى المضمون ) - جواز ( ياريت قبل سن ال٢٥ اى تاخير يبقى من خبتك ) - اولاد بعد سنه من الجواز - و طفل تانى بعد ٣ سنين MILESTONE اى اختلاف فى الاهداف او ديه يبقى فشل تتحمل وزره البنت هل و احنا بنربى بنتنا انهارده لسه بنزرع فى عقولهم نفس المسار و الاهداف يتبع اقتباس I shall be telling this with a sigh Somewhere ages and ages hence: Two roads diverged in a wood, and I— I took the one less traveled by, And that has made all the difference رابط هذا التعليق شارك المزيد من خيارات المشاركة
Om Zayd بتاريخ: 3 مايو 2011 تقديم بلاغ مشاركة بتاريخ: 3 مايو 2011 متابعة معاكي يا جاسمين موضوع مهم بالذات اللي ختمتي بيه الستات اكثر فئة بتتجنى على بنات جنسها دايما كنت اسال نفسي ليه بيكرروا نفس الحاجات اللي كانت بتضايقهم من اهلهم مع اولادهم؟ هل هي الرغبة في التماهي مع المجتمع المحيط ألا تكون مختلفا حتى تحظى بالقبول ام هو شيء ترسخ في العقل الجمعي؟ اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 3 مايو 2011 تقديم بلاغ مشاركة بتاريخ: 3 مايو 2011 السلام عليكم و رحمة الله و بركاته متابعة معاكي يا جاسمين بس منكن اسأل سؤال هو انتي ليه حاطاه في موضوعات جادة....او موضوعات حادة بمعني اصح؟؟ هل ممكن نفكر فيه و نناقشه في موضوعات شخصية ده اقتراح شخصي...لاني فعلا عندي حالة تشبع غير عادية من باب موضوعات جادة و الاهم لاني حاسة انه مش راح بس يمس كل بنت في مصر "بشكل شخصي" احلامها و طموحاتها و قوالبها اللي اتحطت فيها او اللي ارتضت بيها...لا كمان هيكون قماشة ثرية ان احنا نسمع اراء شخصية تانية من الطرف التاني ده اقتراح...لو تحبي و مستنية الجزء التاني...من مداخلتك و اعقب بعديها باذن الله كان معكم لماضة بنت عادية جدا من مصر اقتباس رابط هذا التعليق شارك المزيد من خيارات المشاركة
jasmin hamed بتاريخ: 3 مايو 2011 كاتب الموضوع تقديم بلاغ مشاركة بتاريخ: 3 مايو 2011 السلام عليكم و رحمة الله و بركاته متابعة معاكي يا جاسمين بس منكن اسأل سؤال هو انتي ليه حاطاه في موضوعات جادة....او موضوعات حادة بمعني اصح؟؟ هل ممكن نفكر فيه و نناقشه في موضوعات شخصية ده اقتراح شخصي...لاني فعلا عندي حالة تشبع غير عادية من باب موضوعات جادة و الاهم لاني حاسة انه مش راح بس يمس كل بنت في مصر "بشكل شخصي" احلامها و طموحاتها و قوالبها اللي اتحطت فيها او اللي ارتضت بيها...لا كمان هيكون قماشة ثرية ان احنا نسمع اراء شخصية تانية من الطرف التاني ده اقتراح...لو تحبي و مستنية الجزء التاني...من مداخلتك و اعقب بعديها باذن الله كان معكم لماضة بنت عادية جدا من مصر تم رفع الطلب الى الاداره طلبات سياتك اوامر اقتباس I shall be telling this with a sigh Somewhere ages and ages hence: Two roads diverged in a wood, and I— I took the one less traveled by, And that has made all the difference رابط هذا التعليق شارك المزيد من خيارات المشاركة
jasmin hamed بتاريخ: 3 مايو 2011 كاتب الموضوع تقديم بلاغ مشاركة بتاريخ: 3 مايو 2011 متابعة معاكي يا جاسمين موضوع مهم بالذات اللي ختمتي بيه الستات اكثر فئة بتتجنى على بنات جنسها دايما كنت اسال نفسي ليه بيكرروا نفس الحاجات اللي كانت بتضايقهم من اهلهم مع اولادهم؟ هل هي الرغبة في التماهي مع المجتمع المحيط ألا تكون مختلفا حتى تحظى بالقبول ام هو شيء ترسخ في العقل الجمعي؟ الاتنين معا اول حاجه بتتربى عليها البنت هيه الاعتماديه على المجتمع الاحساس بان فهمها قاصر و قدراتها محدوده و بالتدريج البنت بتقتنع بده فعلا فى حاجه فى علم النفس اسمها Pygmalion Effect عارفه القصه الشهيره بتاعت الراجل الى حب تمثال فدبت فيه الحياه الغالبيه العظمى مننا نظرتهم الى نفسهم هيه مرايه لنظره متراكمه من المجتمع و بالتالى البنت المقتنعه بقصورها تربى بنت تقنعها انها قاصر `` ووعشان كده معظمنا يكرر افعال و اخطاء الاباء اقتباس I shall be telling this with a sigh Somewhere ages and ages hence: Two roads diverged in a wood, and I— I took the one less traveled by, And that has made all the difference رابط هذا التعليق شارك المزيد من خيارات المشاركة
jasmin hamed بتاريخ: 4 مايو 2011 كاتب الموضوع تقديم بلاغ مشاركة بتاريخ: 4 مايو 2011 طب العيب فين فى القالب و لا الموقولب انا مش عايزه اعد ابكى الظروف ...... عايزه حل هل صحيح ان النساء كلهم احلامهم واحده و اهدافهم واحده ليه لو البنت حلمت بالثراء يبقى عن طريق زوج غنى مثلا لو حلمت بالقياده عايزه تبقى زوجة ملك او وزير ليه مابتحلمش البنت المصريه انها هيه نفسها تبقى صاحبة شركه و تحقق لنفسها الوسع المادى اذا كان ده حلمها ليه ماتحاولش تنمى من قدراتها عشان تبقى قائد القصه الى استفزتنى لكتاب الموضوع ده هقولها بس بعد فاصل اقتباس I shall be telling this with a sigh Somewhere ages and ages hence: Two roads diverged in a wood, and I— I took the one less traveled by, And that has made all the difference رابط هذا التعليق شارك المزيد من خيارات المشاركة
ابوهنا بتاريخ: 4 مايو 2011 تقديم بلاغ مشاركة بتاريخ: 4 مايو 2011 (معدل) الى السيدات والانسات الفضليات تحياتى هدفنا جميعا ذكور واناث هو رضا الله سبحانه وتعالى والفوز بجنته والنجاة من النار والانثى ربنا اعطاها طريق تدخل بيه الجنه وهى مستريحه طاعة الله اولا فى السر والعلن طريق زوجها واولادها ثانيا مش مطلوب منها اكتر من كده تفضلوا تحياتى تم تعديل 4 مايو 2011 بواسطة ابوهنا اقتباس وَإِذَا سَمِعُوا اللَّغْوَ أَعْرَضُوا عَنْهُ وَقَالُوا لَنَا أَعْمَالُنَا وَلَكُمْ أَعْمَالُكُمْ سَلامٌ عَلَيْكُمْ لا نَبْتَغِي الْجَاهِلِينَ رابط هذا التعليق شارك المزيد من خيارات المشاركة
jasmin hamed بتاريخ: 4 مايو 2011 كاتب الموضوع تقديم بلاغ مشاركة بتاريخ: 4 مايو 2011 الى السيدات والانسات الافاضل تحياتى هدفنا جميعا ذكور وانث هو رضا الله سبحانه وتعالى والفوز بجنته والنجاة من النار والانثى ربنا اعطاها طريق تدخل بيه الجنه وهى مستريحه طاعة الله اولا فى السر والعلن طريق زوجها واولادها ثانيا مش مطلوب منها اكتر من كده تفضلوا تحياتى كلام جميل ماقدرش اقول حاجه عنه و اكيد ذى ما حضرتك ذكرت الزواج و الزوج وسيله طريق لدخول الجنه و مش هدف فى حد ذاته ليه ماينفعش يكون الهدف عشان مع ارتفاع نسبة العنوسه فى مصر خصوصا هنغذى فى عقول بناتنا ان الى ماتجوزتش منبوذه فى الدنيا و فى الاخره ناقصه ( نص دين فى الى مخلفتش و الى متجوزتش من اصلو و الى مش عايزه تتجوز و كلهم بيطيعوا الله و عايزين يدخلو الجنه و الى عايزه مع ارضاء زوجها و تربية اولادها تبقى عالمه فى الذره و ده مش هيدخلها النار يمكن تخترع لنا طريقه بديله للطاقه و تبقى حسنات جاريه بعد الموت و الجنه درجات يا ابو هنا اقتباس I shall be telling this with a sigh Somewhere ages and ages hence: Two roads diverged in a wood, and I— I took the one less traveled by, And that has made all the difference رابط هذا التعليق شارك المزيد من خيارات المشاركة
لماضة مصرية جدا بتاريخ: 4 مايو 2011 تقديم بلاغ مشاركة بتاريخ: 4 مايو 2011 الى السيدات والانسات الفضليات تحياتى هدفنا جميعا ذكور واناث هو رضا الله سبحانه وتعالى والفوز بجنته والنجاة من النار والانثى ربنا اعطاها طريق تدخل بيه الجنه وهى مستريحه طاعة الله اولا فى السر والعلن طريق زوجها واولادها ثانيا مش مطلوب منها اكتر من كده تفضلوا تحياتى السلام عليكم و رحمة الله و بركاته متواجدة كتير بتزواجد حضرتك معانا استاذي ابو هنا عارف ليه عشان "هنا" جميل انك تفكر هتربيها ازاي و من دلوقتي و زي ما حضرتك شاركتنا باول تفصيلة في حياة هنا "التتينة"....اكيد كلنا راح نتعلم و نفكر و نكبر مه "هنا" في تفاصيل تانية جاية في حياتها اللي يا رب تكون كلها مليانة هنا عجبني اوي في مداخلة حضرتك انط ذكرتنا ان الهدف بتاعنا هو الجنة...تارجت و نشاننا لازم يكون عليه و الطريق ليه تفتكر ممكن يكون الزوج....و يعدين الولاد؟؟؟ الطريق ليه ممكن يكون كل خطوة تقربك من الجنة....تفاصيل كتير اوي و عبادات معروفة و اخري منسية ممكن تودينا الجنة باذن الله عندي قناعة و دعاء ان زوجي يكون جنتي في الدنيا و طريقي ليها في الاخرة بس لغاية ما يجي الزوج طريقي للجنة شكله ازاي؟؟؟ و انا برضه لسه ساكنة بجسدي فقط الدنيا و قلبي متعلق بالجنة اللي هناك لغاية ما تيجي الذرية و نحسبها صالحة....برضه الطريق ازاي و متهيالي هو ده اللي بتسال عليه جاسمين الطريق..اللي عايزين نوصل بيه....مش لازم يكون بوسايل مواصلات معروفة مش لازم يكون بقوالب طلعنا لقينا اللي قبلنا عملها فاخدناها مسلمات و هنحط الباترون و نمشي عليها مش لازم يكون تسلسل محفوظ و مترتب و كان الكون بحاله بيمشي علي سيناريو واحد و ده مش معناه اطلاقا....اني مكنشي "انثي" بالعكس متصالحة جدا مع كينونتي كبنت..و حاباني جدا لكن حابة فيا البني ىدم اكتر حابة فيا الروح اللي تقدر تبدع و تبتكر اكتر حابة فيا تشمير الكومام و المعافرة في الدنيا من غير ما حد يبصلي و يقولي " برافو عليكي عملتيها مع انك بنت" و نسيوا اني بني آدم و ماهيشا اقلية اني ابقي بنت و ماهياش افضلية اني ابقي عكسها اللي بيمنعني اني ارسم طريقي..."للجنة" اني مترتبشي للاسف اني آخد اي قرار لوحدي كان دايما فيه مفردات خوف محوطاني من كل اتجاه متخشيش علمي عشان خايفين عليكي احسن متعديش في الفيزياء متخشيضشض علمي رياضة...خايفين عليكي لايكون صعب متخشيش فنون جميلة عشان خايفين عليكي اصل احنا شفنا الدراسة هناك شكلها ازاي متكمليش دراسات عليا...خايفين عليكي لا الولاد لما تيجي تتقدم تخاف منك لما يتقدملك عريس...متبقيش تبتدي الحوار...خايفين عليكي الولد يفتكر انك جريئة لما تروحي مكان جديد....خليكي علامة استفهام...خايفين عليكي الناس يستوطوا حيطتك و بعد كل مفردات الخوف دي مستنيين اطلع ايه و خصوصا لما اكون عملت عكس كل اللي اتقالي و هديت حيطة الخوف و سافرت لوحدي في بلد غريب عشان الاقي طريقي بايدي...(مش شرط اي حد يعمل كده...بس ده كان اكتر قرار خلاني احط رجلي علي طريقي اللي بختاره بكامل ارادتي) ببساطة طلعت......متمردة....في عرف مجتمعي و طلعت حياتي مش عادية بالنسبة لاهلي....(هو انتي ليه مصعباها علينا كده) و طلعت...بنت صعبة المنال من الطرف الاخر....(يبقي اسهل حاجة انه يوصفها بالعند و الالاطة و لسته طويلة من الصفات التي لا تنتمي لي اصلا) و طلعت....بنت مسترجلة....و مش بعرف الناس بتجيبها منين...لا شكلي و لا سلوكي و لا دماغي بتخليني اكون كده ليه بقول ده لانه برضه ببساطة كنت بشوف ان حياتي كانت ممكن تكون اسهل بكتير اوي اوي اوي لو بس كنت اتعلمت حاجة لما اجي اخد قرار افرز معطياته كويس و افكر فيه كويس من غير ما يفرق معايا ناحيتي البيولجية يعني انا بنت و لا ولد و اني اتربي اني اتحمل نتيجة قراراتي مهما كانت كنت محتاجة مفردات شجاعة....تشيل كل مفردات الخوف اللي اتربيت عليها عشان لما اواجه العالم و انا لوحدي....اكون اعرف اتصرف....مش مجرد اني عشت في ورقة سوليفان اول ما طلعت براها اتلوثت لكن انا اتعلمتها علي كبر و لله الحمد و حطيت رجلي علي اول الطريق و محدش راح يقدر يشدني معاه لورا تاني....الا اذا انا قررت ده....(و ما اظنيش راح اعمله باذن الله) رغيت كتير بس ده كلام بنت من مصر ريهام اقتباس رابط هذا التعليق شارك المزيد من خيارات المشاركة
لماضة مصرية جدا بتاريخ: 4 مايو 2011 تقديم بلاغ مشاركة بتاريخ: 4 مايو 2011 :protest: :protest: طبعا حد رافع صوباعه هيخرق عيني و هيقوله بتعترضي علي ايه انا بعترض ان التوبيك في موضوعات خفيفة لاني داخلة انه موضوعات شخصية و قاعدة احكي من الصبح عن الصالون و المندرة و ثقافة الخوف و ارض الخوف و الهويس وبعدين اخبط بعيني فوق الاقيه في موضوعات خفيفة طب اني اعترض كان معكم لماضة عسكري مرور ساااااااابق علي كوبري عباس صباحكم.....فروتة و اناناس....(وش عدوية و هو صغير) اقتباس رابط هذا التعليق شارك المزيد من خيارات المشاركة
jasmin hamed بتاريخ: 4 مايو 2011 كاتب الموضوع تقديم بلاغ مشاركة بتاريخ: 4 مايو 2011 :protest: :protest: طبعا حد رافع صوباعه هيخرق عيني و هيقوله بتعترضي علي ايه انا بعترض ان التوبيك في موضوعات خفيفة لاني داخلة انه موضوعات شخصية و قاعدة احكي من الصبح عن الصالون و المندرة و ثقافة الخوف و ارض الخوف و الهويس وبعدين اخبط بعيني فوق الاقيه في موضوعات خفيفة طب اني اعترض كان معكم لماضة عسكري مرور ساااااااابق علي كوبري عباس صباحكم.....فروتة و اناناس....(وش عدوية و هو صغير) و انا ايضا احتج اقتباس I shall be telling this with a sigh Somewhere ages and ages hence: Two roads diverged in a wood, and I— I took the one less traveled by, And that has made all the difference رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.