الآراضي بمدينة 6 اكتوبر وخاصة التوسعات الشمالية

[ramy basha]

ياجماعة اللي عنده معلومات عن منطقة التوسعات الشمالية في 6 اكتوبر ياريت يكتبها لان انا كل ما اسأل عن المنطقة دي اسمع ان مستقبلها كويس اوي ومحاطة بمشروعات سياحية وموعد التسليم فيها في شهر6 القادم يعني بعد شهر تقريبا وبفكر اشتري فيها وكنت عايز ارائكم لأني ماعنديش خلفية عن 6 اكتوبر ومانزلتهاش ولا مرة بس من قرأتي في الاعلانات العقارية ملاحظ ان سوقها دايما منتعش وبصراحة انا تقريبا واخد القرار بالشراء فيها وعندي مقترحات جامدة جدا للمنطقة بس كنت حابب اعرف أرائكم فيهاوعلي فكرة معظم المساحات فيها 450 متر وتبني 45% وبتزيد النسبةالي 50% من الدور الاول ورخصتها بدروم وارضي و3 متكرر وروف والردود فيها 3 امامي و6 خلفي و 2.5 جانبي واصغر عرض لشارع فيها تقريبا 15 متر وتم الانتهاء من المرافق فيما عدي الكهرباء وهي علي وشك الانتهاء حاليا والتسليم في شهر 6 ومتوسط الاوفر فيها بالنسبة لمساحة الـ 450 متر من 290 الف إلي 330 الف حسب نسبة التميز وسعر المتر 760 جنيه يسدد علي اقساط تبدا بعد انتهاء مهلة المباني وهي ثلاث سنوات والاقساط تسدد علي 7 سنوات يعني القطع بأوفر 300 تقريبا وعليها في حدود ( 450 * 760 جنيه) = 342000 - ( 10 % مدفوعة مسبقا في عام 2007 م لكل القطع ) = 307800 جنيه علي 7 سنوات ، اللي بفكر فيه حاليا هل هي كده وضعها مجدي والبناء فيها له مستقبل وهل اقساطها مقارنة بمناطق اخري تبقي مرتفعة ولا لاء وعلي فكرة نزلت في القرعة الاخيرة المتر ب 1500 جنيه ياريت ياجماعة مشاركتكم الرأي ليا علشان انا متار جدا ، وبصراحة مش عارف هل التفكير في المدن الجديدة افضل ولا اشتري في مدينة قديمة زي المحلة او المنصورة في حين اني مش هاقدر اشتري ي المدن القديمة الا في حدود 120 او 150 متر بالكتير في منطقة مطرفة شوية لان الاسعار حاليا ناااار في المدن دي .

..... مرفق صور المنطقة .